Dagur - 18.05.1984, Blaðsíða 4

4-DAGUR- 18. maí 1984
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR. 150 Á MÁNUÐI -
LAUSASÖLUVERÐ 22 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
RITSTJÓRNARFULLTRÚI: GlSLI SIGURGEIRSSON
BLAÐAMENN:
EIRlKUR ST. EIRlKSSON OG GYLFI KRISTJÁNSSON
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASlMI: 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Ftjálsi markaðurim
Fasteignamarkaður hér á landi
er eitthvert það furðulegasta
fyrirbæri sem um getur. Frjáls-
hyggjumenn hafa gjarnan tekið
hann sem dæmi um það hvern-
ig best fer á því að framboð og
eftirspurn ráði verðlagi. Mark-
aður með notaðar bifreiðar hefur
einnig verið nefndur sem gott
dæmi um ágæti stóraukins
frelsis á öllum sviðum.
Með gífurlegri lækkun verð-
bólgunnar síðustu mánuði
hefði fasteignamarkaðurinn átt
að bregðast við með stórlækk-
aðri útborgun fasteigna. En
. það er nú öðru nær því sam-
kvæmt upplýsingum Fast-
eignamats ríkisins hefur út-
borgunarhlutfall í íbúðum farið
heldur hækkandi frá því sem
það var á síðustu mánuðum
fyrra árs. í síðasta ársfjórðungi
1983 var útborgun 75,8%, sem
er svipað hlutfall og undanfarin
ár. í febrúar á þessu ári var út-
borgun í íbúðum hins vegar
komin upp í 77,8% að meðaltali
og er það með því allra hæsta
sem reiknast hefur. í fréttabréfi
Fasteignamatsins segir að
mjög erfitt sé að útskýra hvaða
ástæður geti legið að baki
hækkunar á útborgunarhlutfalli
í kjölfar snarlækkandi verð-
bólgu. Að öllu eðlilegu hefði
mátt vænta þveröfugrar þróun-
ar.
Til að undirstrika það hve há
útborgunin er núna má nefna
að síðast þegar verðbólga var
svipuð og hún hefur verið
undanfarna mánuði, eða 12—
14% miðað við árið var 50%
söluverðs íbúða greitt með út-
borgun. Ef sama væri upp á
teningnum í dag gætu þeir
kaupendur sem nú hafa ráð á
útborgun í 55 fermetra tveggja
herbergja íbúð keypt 100 fer-
metra fjögurra herbergja íbúð.
Ef útborgunin væri hins vegar
65% gæti þessi sami kaupandi
keypt 70 fermetra þriggja her-
bergja íbúð.
Þó tekur fyrst steininn úr
þegar útborgun í íbúðum hér á
landi er borin saman við það
sem gerist með öðrum þjóðum.
í áðurnefndu fréttabréfi Fast-
eignamats ríkisins eru útborg-
unarkjör hérlendis borin saman
við venjur í nágrannalöndum
okkar og útkoman er nánast
ótrúleg. í febrúar síðastliðnum
var t.d. samanlögð útborgun í
þremur einbýlishúsum í Dan-
mörku lægri heldur en útborg-
un í tveggja herbergja íbúð í
Reykjavík.
Það skýrir ekki þessa óeðli-
legu hækkun á útborgun í fast-
eignum að eftirspurn hafi auk-
ist vegna minna framboðs. Sú
ástæða kann að skýra málið að
einhverjum litlum hluta, en hún
er ekki einhlít, því nú þegar er
hætta á offramboði íbúðarhús-
næðis. Einkum verður þessa
vart í of stórum híbýlum, en
húsnæði á hvert mannsbarn á
íslandi hefur stækkað um þriðj-
ung á síðasta áratug og það
heldur enn áfram að stækka um
rúmlega 1% á ári. Það eitt að
stækka húsnæði á hvert
mannsbarn um það sem þessu
nemur kostar 1,4-1,5 milljarða
króna árlega, lauslega áætlað.
Frjálsi markaðurinn í fast-
eignaviðskiptum hefur brugð-
ist gjörsamlega og er á góðri
leið með að gera öll slík við-
skipti ókleif.
75°/o ástarljóð
- Á valdi minninganna -
75% ástarljóð - er nafn á
Ijóðabók sem vœntanleg et
síðar í sumar frá Þorbirni
Kristinssyni. Flest kvæðin
fjalla um ástir, en þó eru
mörg þeirra í léttum dúr og
í lausavísunum er blandað
efni. Þorbjörn kom á rit-
stjórn Dags með sýnishorn
úr Ijóðabókinni, en hann
leitar nú að áskrifendum
að henni, eins og fram
kemur í auglýsingu á
öðrum stað í blaðinu. í
bókinni eru skýringar með
mörgun vísunum, en þeim
er sleppt hér.
Ertu komin. kæra mín?
Hvuð mig fer að langa.
Sárt ég hefi saknað þín,
en sumarblómin anga.
Er þú horfir hlýtt til mín,
heldur rénar treginn.
Alltaf bregða brosin þín
birtu fram á veginn.
Reyð á borðum.
Voru hroðin borðin breið,
brakaði hátt í gaffli og skeið.
Pá er lokið þinni reyð,
því að hún var engin neyð.
Kveðja.
Meðan finn ég þörf á því
þig að vinna, Nanna,
liðin kynni lifa í
landi minninganna.
Hvað er nú þella?
Haltu þig í holunni,
heppni talist getur,
efþú festist í henni
alveg fram á vetur.
A norðurleið.
Bærinn, heiðin, hafið blátt
hugann norður draga,
þótt við höfum aðeins átt
unaðsríka daga.
Hulda er auðug af hamingju og ást
og hrífandi bliki í augum.
Við hana í einrúmi vildi ég fást,
væri ég sterkur á taugum.
Víst ég hugsa vel til þín,
víktu ekki frá mér,
því að eina óskin mín
er að vera hjá þér.
Fegurð tóma guð þér gaf,
ég gleymdi sóma mínum,
fleytti rjómann óspart af
æskublóma þínum.
Nælursvall.
Pegar aðrir þola skort
þyrstur vínið svelgi.
Svipað gætu ýmsir ort
yfir hverja helgi.
Dísu í fáti fyrst ég leit,
og fór að gráta, það ég veit.
Dísa er kát í dalasveit.
Dísa er mátulega feit.
Ég veit ekki, hvenær úr mfnu minni
mást að fullu þín spor,
þótt við tökumstí hendur í hinsta sinni
á hlaðinu að Laugum í vor.
Nýleg sumam'sa.
Allt er kyrrt og undur hljótt,
engir svanir kvaka.
Svona fagra sumarnótt
sæmir best að vaka.
Búinn lil ferðar.
Áður var ég oft á bar,
ekki spar á meðan.
Aðeins hjari, orðinn skar,
ætti að fara héðan.
Þorbjöm Kristinsson.
Aðalfundur
Verkalýðsfélagsins Einingar
verður haldinn í Alþýðuhúsinu á Akureyri þriðju-
daginn 22. maí 1984 og hefst kl. 20.
Dagskrá:
1. Venjuleg aðalfundarstörf.
2. Kjaramálin.
3. Önnur mál.
Reikningar ársins 1983 liggja frammi á skrifstof-
um félagsins.
Félagar eru hvattir til að sækja fundinn vel og
mæta stundvíslega.
Stjórn Verkalýðsfélagsins Einingar.
Útboð
Rarik - Kröfluvirkjun óskar eftir tilboðum í
uppsteypu og uppsetningu á undirstöðum
undir safnæðar og fleira í Kröfluvirkjun.
Helstu kennitölur eru:
Steypa: 130 m3.
Uppsetning forsteyptra undirstaða: 200 stk.
Fyllingar: 4.000 m3.
Verkinu skal lokið fyrir 1. september 1984. Út-
boðsgögn eru til afhendingar á VST hf. (Verk-
fræðistofu Sigurðar Thoroddsen hf.), Glerárgötu
36, Akureyri, frá og með föstudeginum 18. maí
1984 gegn skilatryggingu kr. 2.000.
Tilboðum skal skila til skrifstofu Kröfluvirkjunar,
Strandgötu 1, Akureyri fyrir kl. 11.00 föstudaginn
25. maí nk. en þá verða þau þar opnuð, að við-
stöddum þeim bjóðendum, sem viðstaddir kunna
að verða.
Hvít hreinlætistæki,
baðherbergiskollar
og blöndunartæki
á hagstæðu verði
Sérverslun
Draupnisgötu 2 - Sími (96)22360
Akureyri
Allt efni til pípulagna jafnan fyrirliggjandi.