Dagur - 28.05.1984, Síða 3
28. maí 1984 - DAGUR - 3
Kröfluvirkjun:
Er fullnýting
vélanna besti
kosturinn?
— Svo segir í hagkvæmisathugun sem lítið
hefur verið haldið á lofti
Ef Kröfluvirkjun yrði kláruð,
þannig að báðar vélasamstæð-
urnar væru teknar í notkun og
framleiðslan yrði 60 MW, væri
hægt að greiða niður skuldir
virkjunarinnar á tiltölulega
mjög skömmum tíma, eða
skömmu eftir aldamótin.
Verði hins vegar ekki farið í
framkvæmdir og afli virkjunar-
innar haldið í 20 MW verður
ekki hægt að greiða hana niður
í nánustu framtíð. Skuldabyrð-
in mun þá aukast.
Petta kom m.a. fram í hag-
kvæmnisathugun sem Verkfræði-
stofan Strengur vann fyrir Rarik.
Skýrsla um málið kom út fyrir um
ári en henni hefur lítið verið
haldið á lofti. Helstu niðurstöður
þessarar hagkvæmnisathugunar
eru þær, að orkukostnaður við að
auka afl virkjunarinnar úr 20
MW £ 60 MW virðist svipaður og
framleiðslukostnaður frá hag-
kvæmustu vatnsaflsvirkjunum
landsmanna og er þá miðað við
kostnað vegna viðbótarfram-
kvæmdanna einna.Ef miðað er
aðeins við óloknar framkvæmdir
við að stækka virkjunina yrði
orkan svipðuð í verði og frá hag-
kvæmustu vatnsaflsvirkjunum,
en töluvert dýrari ef reiknaðar
eru með í dæmið framkvæmdir
frá upphafi.
í skýrslunni segir að þróun
skulda Kröfluvirkjunar í framtíð-
inni sé m.a. háð orkusölusamn-
ingum og framkvæmdahraða. Ef
miðað er við skuldastöðuna eins
og hún var þegar skýrslan var
gerð og þáverandi orkusölusamn-
ing ætti Kröfluvirkjun að geta
greitt sjálf niður skuldir sínar
skömmu eftir aldamót, eða um
2006 og er þá miðað við að afl
yrði aukið í 60 megawött. Einnig
er gengið út frá því að orkuöflun
gangi með svipuðum hætti og
verið hefur upp á síðkastið. Yrði
hins vegar ákveðið að halda
óbreyttu afli næðist ekki að
greiða virkjunina niður.
Skuldir virkjunarinnar myndu
aukast tímabundið vegna fram-
kvæmda við að tengja vél nr. 2,
en strax í byrjun næsta áratugar
myndi skuldabyrðin léttast og sú
þróun yrði mjög hröð.
Ef afl virkjunarinnar yrði auk-
ið í 30 MW, sem er fullnýting
annarrar vélasamstæðunnar, væri
hægt að greiða virkjunina niður
á nokkru lengri tíma heldur en ef
hún yrði stækkuð, eða árið 2012.
Áður en raforkuframleiðslu var
hætt á þessu vori var framleiðslan
komin í 24 MW og reiknað er
með því að hægt verði að koma
aflinu upp í 30 MW eftir að þær
holur sem nýlega hafa verið bor-
aðar verða teknar í notkun.
„Þannig má líta svo á að fram-
haldsframkvæmdir séu nauðsyn-
legar ef Kröfluvirkjun á sjálf að
geta greitt niður sínar eigin
skuldir og ekki þurfi að greiða
þær með skattfé landsmanna,“
segir m.a. í skýrslunni. HS
Fullkominn sprautunar-
klefi hjá Þórshamri
Nú hefur verið tekinn I notkun
mjög fullkominn bflasprautun-
arklefi hjá Þórshamri hf. á Ak-
ureyri, en klefi þessi er íslensk
framleiðsla frá Blikkveri hf. í
Kópavogi.
Mjög fullkominn lofthreinsi-
búnaður er í klefanum sem veld-
ur því að loftskipti verða í honum
að jafnaði þrisvar sinnum á mín-
útu. Því safnast aldrei fyrir máln-
ingarmengað loft og menn geta
jafnvel unnið við sprautun óvarðir
með öllu, þó ekki sé það talið
ráðlegt. Hreint loft í klefanum
veldur því einnig að mun auð-
veldara er að sjá árangur spraut-
unarinnar strax. í lofti og góífi
eru síur sem taka í sig málningar-
mengað loftið jafnóðum. Þessi
klefi er ekki hvað síst mikil breyt-
ing til betri hollustuhátta fyrir
bílamálara, en einnig á árangur-
inn að verða mun betri. Þá má
geta þess að hægt er að hita loftið
í klefanum upp í allt að 60° C og
við það verður lakkhúðin mun
sterkari.
Klefi þessi kostaði án uppsetn-
ingar um 400 þúsund krónur, sem
er talið ívið ódýrara en sambæri-
legir innfluttir sprautunarklefar.
Fermingarbarnamót
Fermingarbarnamót Eyjafjarðar-
prófastsdæmis verður haldið
föstudaginn 1. júní nk. og eru öll
fermingarbörn 1984 velkomin.
Mótið verður sett í Árskógsskóla
kl. 10 f.h. og verður dvalið þar
fram eftir degi við biblíulestur,
íþróttir og leiki. Síðdegis verður
ekið til Dalvíkur og eftir guðs-
þjónustu í Dalvíkurkirkju verður
farin skoðunarferð um Svarfað-
ardal. Eftir viðdvöl á Dalvík og í
Árskógsskóla verður mótinu síð-
an slitið að kvöldi sama dags.
Þátttakendur eru beðnir að
hafa með sér nesti til dagsins,
Nýja testamentið, föt til útiveru
og leikja og sundföt. Þátttöku
þarf að tilkynna til sóknarpresta
eigi síðar en að kvöldi miðviku-
dags 30. maí. Mótsgjald verður
kr. 50,00.
Fermingarbörn í Akureyrar-
prestakalli eru beðin að hafa
samband við sóknarpresta sína á
viðtalstíma þeirra. Fermingar-
börn í Glerárprestakalli tilkynni
þátttöku í síma 25962 þriðjudag-
inn 29. maí milli kl. 11 og 12 og
20 og 21.
Farið verður frá Akureyrar-
kirkju og Glerárskóla að morgni
1. júní kl. 8.30. Fargjald verður
um kr. 200,00.
Ný sending:
Dömublússur, bolir og peysur
Þýsku unglingastakkarnir
komnir aftur á 8-12 ára
Dömu- og herrabuxur
margar gerðir. Verð frá kr. 595,00
Jogginggallar
á 8-12 ára. Verð frá kr. 595,00
Drengjagallabuxur uí kr. 300,00
Handklæði
frá kr. 65,00
Sundbolir kr. 495,00
BÍkÍnÍ kr. 195,00
Sigutiar Gubmumtwuar hf.
HAFNARSTRÆTI96 SÍMI 96*24423 AKUREYRI
Sumarbúðir þjóðkirkjunnar
við Vestmannsvatn auglýsa:
Enn eru nokkur pláss laus.
Flokkaskipting er sem hér segir:
1. flokkur: 7.-16. júní, 9 dagar, 8-11 ára. Verð kr. 3.350.
2. flokkur: 19.-26. júní, 7 dagar, 7-10 ára. Verð kr. 2.700.
3. flokkur: 26. júní-3. júlí, 7 dagar, 7-10 ára. Verð kr. 2.700.
4. flokkur: 5.-13. júlí, 8 dagar, 9-11 ára. Verð kr. 3.050.
5. flokkur: 16.-23. júlí, 7 dagar, 10-13 ára. Verð kr. 2.700.
6. flokkur: 23.-30. júlí, 7 dagar, 10-13 ára. Verð kr. 2.700.
Upplýsingar og innritun í síma (96) 24873. Frá og með 1.
júní er hægt að innrita sig í síma sumarbúðanna, sem er
(96) 43553. Þar eru ennfremur veittar upplýsingar og skráð
í orlofsdvöl aldraðra, sem að venju verður í sumar.
Einnig er boðið upp á unglingaflokk dagana 20.-24.
ágúst.
TðNUST
t-----------------
í Skemmunni á Akureyri
31. maí Einsöngstónleikar:
kl. 20.30 Kristinn Sigmundsson bariton
Jónas Ingimundarson píanó.
3. jÚní Örlagagátan:
kl. 20.30 Söngdrápa eftir Björgvin
Guðmundsson við texta
Stephans G. Stephanssonar.
Flytjendur: Passíukórinn á Akureyri ásamt félögum úr
Karlakómum Geysi, Söngfélaginu Gígjunni o.fl.
Einsöngvarar: Ólöf Kolbrún Harðardóttir, Þuríður Bald-
ursdóttir, Jóhann Már Jóhannsson, Michael J. Clarke,
Kristinn Sigmundsson.
Undirleikur: Nýja strengjasveitin, blásarar úr Tónlistar-
skólanum á Akureyri og fleiri.
Stjórnandi: Roar Kvam.
7. júní Popptónleikar:
kl. 20.30 BARA-Flokkurinn, félagar úr
Þursaflokknum o.fl.
Forsala aðgöngumiða í Bókabúðinni
Huld og Bókabúð Jónasar.