Dagur - 28.05.1984, Síða 4
4 - DAGUR - 28. maí 1984
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SlMI:. 24222
ÁSKRIFT KR. 150 Á MÁNUÐI -
LAUSASÖLUVERÐ 22 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
RITSTJÓRNARFULLTRÚI:
GfSLI SIGURGEIRSSON
BLAÐAMENN:
EIRÍKUR ST. EIRÍKSSON OG GYLFI KRISTJÁNSSON
AUGLÝSINGASTJÓRI: FRÍMANN FRlMANNSSON
ÚTBREIÐSLUSTJÓRI:
HAFDÍS FREYJA RÖGNVALDSDÓTTIR, HEIMASfMI: 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Krafla
Málefni Kröfluvirkjunar hafa lítið verið til umræðu
upp á síðkastið. Þó hefur það heyrst að Landsvirkj-
un sé um það bil að yfirtaka rekstur virkjunarinnar
af Rafmagnsveitum ríkisins, í samræmi við þá
stefnu að orkuöflunin sé öll á einni hendi. Þá hefur
það einnig heyrst að í bígerð sé að flytja þá véla-
samstæðu Kröfluvirkjunar sem enn hefur ekki verið
tekin í notkun suður fyrir heiðar, hvað svo sem á nú
að gera við hana þar.
Raunar er óvissan svo mikil í málefnum Kröflu-
virkjunar að starfsmenn vita ekki einu sinni hvað
fyrir liggur að gera á næstu mánuðum. Ástæðan fyr-
ir þessu er líklega sú að hugtakið Krafla hefur verið
eins og nokkurs konar skammaryrði í stjórnmála-
þrasi undanfarinna ára og enginn virðist þora að
taka sér þetta orð í munn.
En hvernig standa málefni Kröfluvirkjunar? Til er
skýrsla um hagkvæmnisathugun sem gerð var á síð-
asta ári. Rafmagnsveitur ríkisins fengu verkfræði-
stofu til að kanna hagkvæmni mismunandi kosta.
Þessi skýrsla hefur ekki fengið mikla kynningu, svo
ekki sé meira sagt.
Þar kemur m.a. fram að viðbótarkostnaður við
framhaldsframkvæmdir vegna aflaukningar Kröflu-
virkjunar í 60 MW er metinn nokkuð ámóta og
kostnaður við orkuöflun með hagkvæmustu vatns-
aflsvirkjunum landsmanna. í skýrslunni segir að
draga megi þá beinu ályktun af áðurgreindri niður-
stöðu, að ekki sé verið að fórna fjármagni þótt farið
sé í viðbótarframkvæmdir við Kröfluvirkjun fremur
en að framleiða orkuna í hagkvæmustu vatnsafls-
virkjunum.
í þessari skýrslu er hagkvæmnissamanburður við
aðra virkjunarkosti. Viðbótarframkvæmdir við
Kröfluvirkjun valda því að orkuverð þar verður 17—
25 aurar á kílówattstund, 22—25 aurar við Blöndu-
virkjun, 23—29 aurar við Fljótsdalsvirkjun, 19—23
aurar vegna stækkunar Búrfellsvirkjunar og 24-27
aurar á kílówattstund í Sultartangavirkjun, svo
eitthvað sé nefnt. Með öðrum orðum kosta fram-
haldsframkvæmdir við Kröfluvirlrjun svipaða upp-
hæð á orkueiningu og vatnsaflsvirkjanir sem fyrir-
hugaðar eru í virkjanakerfi landsmanna á næstu
árum.
Þá kemur einnig fram í skýrslunni að útilokað sé
að Kröfluvirkjun sjálf geti greitt niður skuldir henn-
ar vegna miðað við 20 MW afl, hægt verði að greiða
skuldirnar niður með 30 MW afli eða fullnýtingu
þeirra véla sem þegar hafa verið teknar í notkun, en
fljótlegast verði að greiða niður allar skuldir virkjun-
arinnar með áframhaldandi framkvæmdum og
stækkun upp í 60 MW, eins og virkjunin var fyrir-
huguð í upphafi.
Það er orðið tímabært að menn láti af þeirri
hræðslu sem virðist sífellt skjóta upp kollinum þeg-
ar Krafla er nefnd á nafn. Verst er fyrir þjóðarbúið
að láta virkjunina standa hálfkaraða. Best er að
ljúka henni því þá getur hún sjálf greitt niður skuld-
ir sínar laust eftir næstu aldamót. Annars aldrei.
„Er alltaf í
viðbragðsstöðu"
- segir Sólveig lllugadóttir hjúkrunarfræðingur
í Mývatnssveit sem er á vakt alla daga ársins
„Þið eigið að taka viðtal við
hana Sólveigu hjúkrunarkonu,
hún vinnur geysigott starf
hérna í hreppnum,“ sagði einn
viðmælenda okkar Dags-
manna er við vorum á ferð í
Mývatnssveit á dögunum. Við
létum ekki segja okkur það
tvisvar, mæltum okkur mót við
Sólveigu í „heilsugæslustöð“
hennar og áttum við hana stutt
spjall.
„Nei, hér í sveitinni er enginn
læknir, og ég reyni því að senda
frá mér allt sem ég tel mig ekki
ráða við,“ sagði Sólveig, en við
höfðum einmitt heyrt að hún
fengist við störf sem læknar sinna
að öllu jöfnu þar sem þeir eru til
staðar.
„Ég veit ekki hvort þetta er
rétt,“ sagði Sólveig. „Hins vegar
reyni ég að gera að smærri
sárum, sauma skurði og búa um
brunasár. Það er alltaf talsvert
um brunasár, sérstaklega hjá
ferðafólki enda margir hverjir
mjög frakkir og gæta ekki að sér
við að ná góðum myndum við
hverina og fara út í hvað sem fyr-
ir er.“
- Eru það slæm meiðsli sem
fólk hlýtur er það brennir sig í
hverunum?
„Þau geta verið það. Eins er að
þarna er ekkert vatn til kælingar
og það getur liðið talsvert langur
tími þangað til fólkið kemst til
mín, sérstaklega ef um er að
ræða fólk sem ekki hefur bíl.
Þetta fólk þarf því að komast í
bifreið og síðan til mín.
Þetta geta verið ljót meiðsli og
ég hef fengið sjúkling með
brunasár alveg frá tám og upp
fyrir hné. Þá kemst einnig oft í
þetta leir og það getur verið erfitt
að ná honum úr og það er sárs-
aukafullt. Það hefur komið fyrir
að ég hef fengið til meðferðar
sjúkling sem var kominn í „sjokk“
vegna sársauka.
Ég hef heldur ekki mjög góða
aðstöðu til þess að búa um svona
sár, hér eru mikil þrengsli eins og
þú sérð. Það er líka slæmt að
hafa engan til að aðstoða sig, en
hingað kemur aldrei læknir.“
- Þegar Sólveig útskrifaðist
sem hjúkrunarfræðingur starfaði
hún á slysadeild og þar sá hún
ýmislegt sem hefur komið henni
að góðum notum í starfinu í Mý-
vatnssveit.
- Finnur þú til öryggisleysis
vegna þess að hér ert þú ein að
axla ábyrgð, enginn læknir til
staðar?
„Ekki get ég neitað því og þá
sérstaklega á veturna.“
- Er talsvert um að lólk leiti til
þín, fólk sem er þannig veikt eða
slasað að það ætti raunar ekkert
erindi nema til læknis?
„Það er alltaf leitað til mín
fyrst svo framarlega að ég sé við-
látin, en ég get verið að sinna
öðru úti í sveit. Ég er ekki
skyldug til þess að vera á vakt um
helgar en í rauninni er ég á vakt
allan sólarhringinn allt árið um
kring, alla daga ársins og þarf
alltaf að vera í viðbragðsstöðu.
En ætli það megi ekki segja að ég
sé farin að sjóast í þessu því það
eru 7 ár síðan ég tók við þessu
starfi héma.“ gk-.
„Þetta eru böm sem ég hef skoðað og hafa komið til mín í ungharnaeftirlit
og ónæmisaðgerðir. Ég byrjaði strax á því að mynda fyrsta barnið og hef
haldið því áfram.“ - Sólveig Illugadóttir á læknastofu sinni og myndirnar af
börnunum á veggnum skipta tugum. Mynd: gk-.
Aðalfundur Einingar:
12,5 milljónir kr.
í atvinnuleysisbætur
Aðalfundur Verkalýðsfélags-
ins Einingar var haldinn 22.
maí. Var hann óvenju seint að
þessu sinni, sem stafaði af því
að verið var að vinna að því að
tölvusetja bókhald félagsins,
félagatal og fleira í sambandi
við reksturinn. Það á hins veg-
ar að hafa í för með sér, að
framvegis verði unnt að halda
aðalfund mjög fljótt eftir ára-
mót hver.
Aðalfélagar í Einingu eru nú
3.310, en á aukafélagaskrá eru
876, er þar einkum um að ræða
fólk, sem aðeins hefur verið mjög
skamman tíma eða jafnvel alls
ekki í einhver ár, en þó einhvern
tíma undirritað inntökubeiðni,
einnig nokkrir félagar annarra
verkalýðsfélaga og fólk, sem flutt
hefur af félagssvæðinu án þess að
hafa enn flutt lögheimili sitt.
Fjárhagsafkoma var nokkuð
góð á árinu og töldust bókfærðar
eignir um síðustu áramót rösk-
lega 14 milljónir króna, en þar af
hefur um það bil helmingur verið
bundinn í nýbyggingu verkalýðs-
félaganna við Skipagötu 14 eða 7
milljónir króna.
Best varð afkoman hjá sjúkra-
sjóði og voru samþykktar nokkr-
ar fjárveitingar úr sjóðnum um-
fram það, sem fer eftir föstum
reglum sjóðsins.
Fræðslunefnd félagsins gekkst
á árinu fyrir nokkrum námskeið-
um, aðallega fyrir trúnaðarmenn
á vinnustöðum og þá í samstarfi
við AN og MFA.
Almennt var starfsemi félags-
ins á árinu 1983 með svipuðu
sniði og undanfarin ár, og stór
hluti þess er jafnan í sambandi
við gerð kjarasamninga og eftirlit
með að þeim sé framfylgt, útgáfu
samninga, kauptaxta og fleira
þess háttar. Hins vegar fer vinna
við ýmiss konar félagslega þjón-
ustu sívaxandi, og á síðasta ári
varð, því miður, mjög aukið starf
við útreikning og afgreiðslu at-
vinnuleysisbóta. Hefur það enn
aukist, það sem af er þessu ári,
þó að tölvuvinnsla hafi nokkuð
létt á handavinnu í því sambandi.
Greiddar atvinnuleysisbætur
1983 til Einingarfélaga námu kr.
12.456.937,00. Þá má geta þess,
að bótagreiðslur Lífeyrissjóðsins
Sameiningar á árinu, en sjóðfé-
lagar eru nær eingöngu Einingar-
félagar, námu kr. 12.262.948,00.
Þá námu greiðslur úr sjúkrasjóði
félagsins nokkuð á þriðju milljón
króna.
Fastir starfsmenn á aðalskrif-
stofu Einingar eru nú 5, þar af 2
í hálfu starfi. Auk þess eru starfs-
menn í hlutastörfum hiá félags-
deildunum, sem eru í Ólafsfirði,
Dalvík, Hrísey og Grenivík.
Hjá Lífeyrissjóðnum Sameiningu
eru 2 í fullu starfi og 2 í hálfu.
Aðalstjórn Verkalýðsfélagsins
Einingar er nú þannig skipuð:
Formaður: Jón Helgason Akur-
eyri. Varaformaður: Sævar Frí-
mannson Akureyri. Ritari: Úlf-
hildur Rögnvaldsdóttir Akureyri.
Gjaldkeri: Aðalheiður Þorleifs-
dóttir Akureyri. Meðstjórnend-
ur: Björn Snæbjörnsson Akur-
eyri, Guðrún Skarphéðinsdóttir
Dalvík og Matthildur Sigurjóns-
dóttir Hrísey.