Dagur - 08.06.1984, Blaðsíða 9

8. júní 1984 - DAGUR - 9
skorinn laus. Sem og var gert og
hann opnaði varafallhlífina.
Steindór þótti eftir þetta hafa svo
merkilega reynslu að hann var
kjörinn formaður Fallhlífar-
kíúbbsins.
En síðan hef ég aldrei hlegið
að þessum möguleika.“
- Hvað gerirðu ef nemandi
neitar að stökkva þegar upp er
komið, hendirðu honum út?
„Nei. Það er lítið annað að
gera en að lenda með hann aftur.
Þetta er nánast klassísk spurning
þegar verið er að kenna - „þurft-
irðu að henda honum út“ - en
staðreyndin er sú að mönnum er
aldrei hent út. Það er ætlast til
þess að stökkvarinn sé kominn í
ákveðna stöðu áður en hann
stekkur þannig að hann eigi auð-
velt með að komast í fallstöðuna.
Þannig að það sér hver heilvita
maður að það væri fáránlegt að
ráðast á nemandann og henda
honum út. Það væri mjög heppi-
leg leið til að.valda slysi.
í einstaka tilvikum hafa menn
viljað snúa við og þá hefur verið
lent með þá aftur. En það er svo
einkennilegt með fallhlífarstökk-
ið að það virðist vera mannorðs-
morð að hætta við að stökkva.
Maður getur snúið frá alls konar
öðrum hættum án þess að það
fari með mannorðið, en þarna
virðist það ekki mega. En ég vil
taka það skýrt fram að kennurum
er alveg sama þótt þeir snúi við
með nemanda, það er miklu
betra heldur en að hann sé að
stökkva, miður sín af hræðslu."
Hetjur?
- Eru fallhlífarstökkvarar
svakalegar hetjur?
„Það getur vel verið að einn og
einn fari í þetta aðallega til að
sýna hvað hann sé töff. En svo-
leiðis fígúrur endast yfirleiít ekki
lengi. Við höfum svo sem séð
svona fyrirbæri. En flestir eru
ósköp venjulegir.“
- En er það eitthvað eitt öðru
fremur sem gerir menn að efni-
legum fallhlífarstökkvurum?
„Já, reyndar, en það er erfitt
að koma orðum að því. Auðvitað
er gott að menn séu vel á sig
komnir líkamlega, en það er ekk-
ert grundvallaratriði - menn hafa
stokkið blindir og lamaðir, auð-
vitað með aðstoð. Ég geri líka
ráð fyrir að það sé gott að vera
það sem kallað er kjarkaður og
þá meina ég ekki á þann hátt að
ana út í hvaða vitleysu sem er án
þess að hugsa sig um. Heldur að
menn geti haft stjórn á gerðum
sínurn þótt þeir séu undir miklu
álagi. En það er eitthvað sem
gerir að verkum að sumir menn
eru eins og heima hjá sér þarna í
loftinu. Þeir eru ekkert sterkari
en hinir, ekkert kjarkaðri, hafa
aðeins þennan eiginleika sem ég
þekki ekki og veit ekki hver er.“
- Má ég prófa að stökkva eitt
stökk?
„Þú mátt það, þegar við höfum
tíma til að þjálfa þig. En það
tekur lágmark eina helgi þar sem
verið er að frá morgni til kvölds.“
- Er fyrsta stökkið það æsileg-
asta sem fyrir þig hefur komið í
lífinu?
„Það er ég ekki endilega viss
um, það fer eftir því við hvað er
miðað. En trúlega er það með
því æsilegra. En í raun og veru er
ekki hægt að lýsa því, maður leit-
ar að lýsingarorðum sem eru
nógu hrikaleg til að koma þessu
til skila. En þetta er í raun og
veru eitthvað sem hver og einn
verður að upplifa til að geta
skilið.“
- Ein lítil að lokum: Er gaman
að lifa?
„Já, það held ég að ég geti
sagt. Þótt maður hafi kannski á
vissum sviðum sóst einum of eftir
kryddi í tilveruna. En ég hef
lúmskt gaman af því að lifa.“