Dagur - 08.06.1984, Blaðsíða 16
-BAUTBSN - SMEÐJAN-
Smiðjan opin alla daga
bæði í hádeginu og á kvöldin
Munið að panta borð tímanlega fyrir helgar
„Opið hús“
utanhúss!
„Ef vel viðrar þá ætlum við að
flytja „opna húsið“ út á skólalóð-
ina við Glerárskólann á mánu-
dagskvöldið ef veður leyfir,"
sagði Steindór „Dyni“ Steindórs-
son hjá Æskulýðsráði Akureyrar
í samtali við Dag.
Steindór sagði að ætlunin væri
að bjóða upp á skemmtikrafta,
diskótek, hljómsveitir, fallhlífar-
stökk svo ljóst er að unglingarnir
á „opnu húsi utanhúss“ ættu að
fá ýmislegt við sitt hæfi.
Vaglaskógur:
Opnað fyrir
tjöld og
hjólhýsi
Frá og með deginum í dag er
opið fyrir tjöld og hjólhýsi í
Vaglaskógi og er þetta með
því allra fyrsta sem opnað er.
Hjólhýsaeigendur fá að halda
plássum sínum til 18. júní, en
mikið er um að menn „eigi“ þar
fast aðsetur í skóginum yfir
sumartímann. Þar eru að jafnaði
30-40 hjólhýsi. Þá eru tjaldstæð-
in einnig mjög mikið notuð.
Að sögn ísleifs á Vöglum hefur
skógurinn komið einstaklega vel
undan vetri. í bígerð er að koma
upp baðaðstöðu á hjólhýsasvæð-
inu og tjaldstæði í sumar. HS.
Þórtapaði
Fram sigraði Þór 1:0 í leik lið-
anna í 1. deild í gærkvöld, en
leikið var í Laugardal í
Reykjavík.
Þetta var fjórði ósigur Þórs í röð
og liðið hefur ekki skorað mark í
420 mínútur samfleytt. Það var
Guðmundur Steinsson sem skor-
aði mark Fram í gær í fyrri hálf-
leik.
Fullkomið myndbanda-
fyrirtæki á Akureyri
Stofnað hefur verið á Akureyri
myndbanda- og kvikmynda-
gerðarfyrirtæki sem hlotið hef-
ur nafnið Samver hf. Eigendur
fyrirtækisins eru ýmsir aðilar á
Norðurlandi, fyrirtæki, félög
og einstaklingar. í ráði er að
fyrirtækið geti hafið störf í Iok
júní, en fyrsta tækjasendingin
er komin til Iandsins og meira
væntanlegt mjög fljótlega.
Tækjabúnaðurinn sem fyrir-
tækið hefur fest kaup á er mjög
fullkominn af Sony gerð og stenst
m.a. kröfur sem sjónvarpið gerir
um gæði efnis á myndböndum.
Verður því hægt að annast gerð
auglýsinga fyrir sjónvarp auk
þess sem hugmyndin er að vinna
að hvers konar fræðslumynda-
gerð fyrir fyrirtæki og sveitarfé-
lög, kynningar- og heimilda-
myndum svo eitthvað sé nefnt,
en mjög hefur færst í vöxt að
ýmsir aðilar láti vinna fyrir sig
efni á myndbönd. Til þessa hefur
ekki verið hægt að fá slíka þjón-
ustu á Norðurlandi og hefur þurft
að sækja hana suður með ærnum
tilkostnaði. Með tilkomu þessa
norðlenska myndbandafyrirtækis
ætti þessi þjónusta að geta orðið
Norðlendingum ódýrari en verið
hefur, auk þess sem þeir sem láta
vinna fyrir sig efni á myndbönd
geta fylgst betur með allri úr-
vinnslu efnisins, en fullkominn
myndblöndunar- og klippibúnað-
ur eru meðal þeirra tækja sem
fest hafa verið kaup á. Verður
því hægt að fullvinna efni á mjög
skömmum tíma, ef þörf krefur.
Hermann Sveinbjörnsson og
Þórarinn Ágústsson, sem tekið
hafa fréttir og fleira efni fyrir
sjónvarpið á Akureyri og í ná-
grenni, hafa unnið að undirbún-
ingi þessa máls í á annað ár. Þeir
verða í Kaupmannahöfn í næstu
viku til að leggja lokahönd á
undirbúning ásamt starfs-
mönnum Sony-umboðsins í
Evrópu. Starfsmenn Sony koma
síðan til Akureyrar og annast
uppsetningu tækjanna, en upp-
töku- og tækjaaðstaða er nær
fullfrágengin. gk-.
Starfsfólkið í LaxdaLshúsi er allt í startholunum, enda niikið um að vera fram-
undan. Mvnd: KGA.
Margs að vænta
í Laxdalshúsi
Starfsemin í Laxdalshúsi verð-
ur með eindæmum fjölbreytt í
sumar. Þar verður starfræktur
veitingastaður, þá verður
þarna leikhópurinn Svartfugl,
hestvagnar á vegum hússins
verða í förum um bæinn, hrað-
bátur á Pollinum og fleira
mætti nefna.
Þriggja manna nefnd að sunn-
an heimsótti húsið í vikunni og
gerði á því úttekt með tilliti til
veitingahússreksturs með létt-
vínsleyfi. Nefndin gerði kröfu um
að bætt yrði úr snyrtiaðstöðu, og
þar eð starfsemin fer fram bæði
innanhúss og utan, varð að ráði
að byggja útisnyrtingu, sem verð-
ur í stíl við þetta 200 ára gamla
hús. Því ætti ekkert að vera til
fyrirstöðu að léttvínsleyfi fáist.
Starfsemin fer formlega í full-
an gang á morgun. Þar mun leik-
hópur hússins flytja Þrymskviðu
í leikgerð Guðlaugs Arasonar og
Jóhann Már mun syngja. Fleira
verður á ferðinni, sjá nánar um
það á blaðsíðu 15. -KGA
Skógræktarfélag Eyfirðinga:
Um 30 þús. plöntur
gróðursettar 1983
Á aðalfundi Skógræktarfélags
Eyfirðinga sem haldinn var
nýlega kom fram að á s.l.
sumri hófust framkvæmdir við
héraðsskógræktaráætlun og
voru þá gróðursettar 30 þús-
und plöntur á 1S jörðum.
Samkvæmt áætluninni verða
gróðursettar 75 þúsund plöntur
á þessu sumri og standa vonir til
að ríkissjóður leggi fé til þeirra
framkvæmda.
í skýrslu framkvæmdastjóra
félagsins Hallgríms Indriðasonar
kom fram að um 80 þúsund
plöntur voru afgreiddar úr upp-
eldisstöðinni að Kjarna. Rekstr-
arkostnaður við stöðina nam
860 þúsund krónum og á vegum
félagsins voru gróðursettar tæp-
lega 30 þúsund plöntur.
Formaður Skógræktarfélags
Eyfirðinga er Tómas I. Olrich en
aðrir í stjórn Gunnar Gunnars-
son, Gunnar Jónsson, Brynjar
Skarphéðinsson, Ingólfur Ár-
mannsson, Matthildur Bjarna-
dóttir og Leifur Guðmundsson.
h\i\hVA
„Það er hætt við því að það verði
þoka fyrir norðan frameftir degi
á morgun, en úr því ætti að fara
að birta til,“ sagði Bragi Jónsson
veðurfræðingur í samtali við Dag
í morgun.
Bragi sagði að það yrði hæg-
viðri alveg fram á mánudag, og á
sunnudag og mánudag, og jafn-
vel síðari partinn á morgun yrði
blíðskaparveður á Norðurlandi.
„Ég held að þið þurflð ekki að
kvarta,“ sagði Bragi.
H." A Í