Dagur - 13.06.1984, Blaðsíða 7
13. júní 1984-DAGUR-7
Heimsókn í Lystigarðinn:
Arnhildur Valgarðsd'óttir.
,Verð löt í
hitanum“
— segir Arnhildur Valgarðsdóttir
sem vinnur við garðyrkjustörf
í Lystigarðinum
„Það er fínt að vera farin að
vinna, ég byrjaði í gær. Það er
ágætt að vinna hérna í Lysti-
garðinum, þetta er þriðja
sumarið mitt. Það er að vísu
dálítið erfitt í svona hita eins
og er núna, ég verð svo skolli
löt.“ sagði Arnhildur Val-
garðsdóttir í stuttu spjalli við
Dag.
- Kemur margt fólk í Lysti-
garðinn?
„Já, sérstakíega útlendingar og
krakkar á svona góðviðrisdögum.
Útlendingarnir eru að vísu lítið
farnir að koma ennþá þó einn og
einn hópur, en í júlí og ágúst
koma margir hópar. Krakkarnir
koma mikið hingað, en það er
allt í lagi, þau taka tillit til þess
sem sagt er við þau.“
- Hvað er svo gert utan þess
að vinna í Lystigarðinum?
„Á veturna er ég í MA, var að
klára 2. bekk núna. Það er æðis-
legt að vera farin að vinna og
vera þar með laus við skólann í
bili, en það er alltaf gaman að
byrja aftur á haustin. í frístund-
unum sinni ég svo áhugamálun-
um, sem eru mörg og margvís-
leg.“ Ekki vildi Arnhildur nefna
hver þau væru nema að um helg-
ar er það H-100. HJS.
„Skemmtilegast að
veiða laxinn“
— Stutt spjall við Orra Björn og Sigurð
„Við förum ekki oft hingað í
Lystigarðinn, helst í svona
góðu veðri,“ sögðu þeir Orri
Björn Stefánsson og Sigurður
Sigurbergsson, sem staddir
voru í Lystigarðinum einn góð-
viðrisdaginn fyrir skömmu. En
hvað skyldu þeir þá gera á
daginn?
„Við erum í skólagörðunum
inni í Gróðrarstöð á morgnana
og vorum einmitt að koma þaðan
núna. Auður og Lovísa eru
flokksstjórarnir okkar. í gær sett-
um við niður radísur og gulrætur,
en kál og sptnat í morgun.“
- Hvað ætla þeir svo að gera
við uppskeruna?
„Við ætlum ekki að selja græn-
metið, við gefum mömmum okk-
ar það og borðum svo að sjálf-
sögðu eitthvað sjálfir.“
- Hvað gera þeir eftir hádegi
þegar skólagörðunum er lokið?
„Það er nú mjög misjafnt, hjól-
um og förum í fótbolta, við erum
báðir í Þór. Einnig förum við oft
að veiða, þá förum við niður á
bryggju eða út á grjótgarð, þar er
hægt að veiða silung." Órri sagð-
ist líka stundum fara út í sveit
með pabba sínum og mömmu að
veiða og þá væri veiddur lax og
það væri mest spennandi af þessu
öllu saman. HJS.
„Förum í Vaglaskóg“
- sögðu Vala og Kristján
Á teppi í Lystigarðinum, sátu
þau systkinin Kristján, Gunnar
og Vala og með þeim var Agn-
es litla, sem Vala er með í vist.
Fyrsta spurningin var hvort
þau kæmu oft í Lystigarðinn?
„Já, þó nokkuð oft, sérstak-
lega í góðu veðri.“ Vala sagðist
ætla að fara oft í sumar því hún
væri með Agnesi í vist og þá væri
svo tilvalið að rölta í Lystigarð-
inn. Hún kvaðst hafa byrjað að
passa Agnesi í gær og sér gengi
bara ágætlega að passa hana.
Hún bjóst við að fá um 20 kr. á
tímann fyrir að passa þá litlu.
- En ætla þau ekki í ferðalag í
sumar?
„Jú, við förum a.m.k. í Vagla-
skóg,“ það var Kristján sem hafði
orðið. „í fyrra fórum við í 3 vikur
í sumarhús í Danmörku og það
var alveg svakalega gaman, sér-
staklega í Tívolí í Kaupmanna-
höfn. Við skoðuðum allt mögu-
legt í Kaupmannahöfn, Legoland
og Safari, þar eru villt dýr laus og
við keyrðum bara um garðinn í
bíl. Við vorum nú svolítið smeyk
þar en aparnir voru mjög
skemmtilegir," sagði Kristján að
lokum. HJS
Vala og Kristján.
Italinn Cosimo er fyrir nokkru mættur með tjaldið sitt á Ráðhústorg, hress
og kátur að vanda.
Greinarkorn frá Geð-
verndarfélagi Akureyrar
A fjölmennri námsstefnu
hjúkrunarfræðinga á Hótel
Loftleiðum 18.-19. maí var
samþykkt að skora á heilbrigð-
isyfirvöld að vinna að bættu
geðverndarstarfi fyrir fjögurra
ára börn í kjölfar þeirra skoð-
ana sem nú fara fram á þessum
börnum. Bent var á nauðsyn
þess að koma á samræmdu
heildarskipulagi fyrir allt land-
ið ef fjögurra ára skoðanir eiga
að skipa ákveðinn sess í fyrir-
byggjandi geðverndarstarfi
heilsugæslustöðva.
Fleiri heilsugæslustöðvar víðs
vegar um landið hafa nú í hyggju
að skipuleggja fjögurra ára
skoðanir. Reynsla þeirra hjúkr-
unarfræðinga sem þegar hafa
unnið við þessar skoðanir bendir
ótvírætt á áhuga foreldra á þess-
ari starfsemi innan heilsugæsl-
unnar. Hjúkrunarfræðingar vilja
leggja áherslu á að við fjögurra
ára aldur er barnið komið á það
þroskastig að mun auðveldara er
að meta hvar það stendur en
áður. Tvö ár eru enn í skóla-
göngu og enn er hægt að vinna
mikið varnaðarstarf og finna leið-
ir til úrbóta ef um erfiðleika er að
ræða.
Bent var á ákveðin atriði sem
heilbrigðisyfirvöld verða að taka
tillit til ef fjögurra ára skoðanir
eiga að ná tilgangi sínum. í fyrsta
lagi; starfsfólk sem vinnur við
þroskamat fjögurra ára barna
þarf ákveðna þjálfun til að geta
sinnt starfinu sem skyldi. í öðru
lagi; þegar frekari greininga á
börnunum er þörf er nauðsyn að
ákveða hverjir eiga að taka slíkt
að sér og hvar slík greining eigi
að fara fram. í þriðja lagi; hvert
á að vísa fjögurra ára börnum til
frekari meðferðar, hverjir eiga
að sinna slíku og hvar á meðferð
að fara fram. í fjórða og síðasta
lagi var bent á nauðsyn þess að
endurmat á fjögurra ára skoðun-
um þyrfti að fara fram með jöfnu
millibili.
Skorað er á heilbrigðisyfirvöld
að taka afstöðu til þessara atriða
sem allra fyrst og gera nauðsyn-
legar ráðstafanir. Erindið er
brýnt því margir foreldrar og
fjögurra ára börn bíða úrlausnar
mála sinna. .
Fynr hond hopsins
Álfheiður Steinþórsdóttir
Gudfinna Eydal.