Dagur - 18.06.1984, Blaðsíða 3
18.júní 1984-DAGUR-3
Iðnaðarbankinn á Akureyri eykur og bætir þjónustuna:
Verslun Iðnaðardeildar
„Já, það er rétt, ég man
tímana tvenna íbankamál-
um hér í bæ, en mestar
hafa breytingarnar orðið
á síðustu árum með tölvu-
byltingunni, “ sagði Sig-
urður Ringsted, banka-
stjóri Iðnaðarbankans á
Akureyri, í samtali við
Dag á föstudaginn. Þann
dag var mikil hátíð hjá
bankanum, því nýr af-
greiðslusalur var tekinn í
notkun í aðalútibúinu við
Glerárgötu og ný af-
greiðsla var opnuð við
Hrísalund.
Útibú Iðnaðarbankans á Akureyri
tók til starfa 20. nóvember 1965,
þannig að það vantar aðeins rúmt ár
upp á 20 ára afmælið. í upphafi voru
aðeins þrír starfsmenn við útibúið,
Jóhann Egilsson og Guðrún Sigurð-
ardóttir auk Sigurðar, en nú eru 19
starfsmenn hjá bankanum, að sumar-
afleysingafólki meðtöldu. Sigurður
hefur verið útibússtjóri frá upphafi,
en áður var hann yfirgjaldkeri hjá
útibúi Landsbankans á Akureyri. Par
hafði hann starfað frá 1. október
1946, þannig að Sigurður á ekki langt
í 40 ára bankaafmælið.
„Ég ætlaði nú aldrei að vera svona
lengi við bankastörf, því ég réði mig
aðeins til vetrarstarfs, en síðan ætlaði
ég á síld sumarið eftir og í framhalds-
nám að því loknu. En þetta fór nú
svona, ætli peningaþörfin hafi ekki
orðið til þet.s að ég hélt áfram í bank-
anum, en lagði áform um framhalds-
nám á hilluna."
Nýi afgreiðslusalurinn í Iðnaðar-
bankanum er hinn vistlegasti. Megin-
breytingin í afgreiðsluháttum er sú,
að gjaldkerarnir eru í beinu sam-
bandi við reiknistofu bankanna í
Kópavogi. Þannig eru öll viðskipti
færð jafnharðan og það er mun hand-
hægara að fá upplýsingar um allar
hreyfingar á reikningum viðskipta-
vina. Iðnaðarbankinn á Akureyri er
fyrsti bankinn utan Reykjavíkur,
sem tekur upp slíka þjónustu. Sig-
urður var spurður hvort öll banka-
viðskipti verði ekki ópersónulegri
Afgreiðslan í Iðnaðarbankanum er hin vistlegasta.
Brekkuafgreiðsla Iðnaðarbankans hefur verið opnuð.
„Þá var allt
fljótandi í
peningum
- Rætt við Sigurð Ringsted, útibússtjóra
með tölvuvæðingunni.
„Ef til vill hefur tölvuvæðingin ver-
ið farin að hafa þau áhrif, en með
þessum breytingum förum við inn á
nýjar brautir, sem gera bankavið-
skiptin jafnvel enn persónulegri en
áður var. Afgreiðslusalurinn er mjög
opinn og ef eitthvað er óljóst geta
viðskiptavinirnir tyllt sér niður hjá
afgreiðslumönnum í sparisjóðnum
eða víxladeildinni og fengið upplýs-
ingar og ráðgjöf. Þar að auki höfum
við hér afdrep, þar sem viðskiptavin-
ir okkar geta verið í ró og næði með
sín mál. Þar geta þeir líka komist í
síma og reiknivél. Ég held því að
þessi nýja afgreiðsla okkar sé. mun
manneskjulegri en almennt gerist um
bankaafgreiðslur.
Tölvubyltingin hefur létt okkur
bankamönnum störfin, þannig að
það er varla hægt að lýsa því. Hér
áður fyrri þurftum við að vinna fram
á nætur í marga daga um hver mán-
aðamót, svo ekki sé nú talað um ára-
mótin. Þá var ekki spurt um að fá
greiðslu fyrir þessa vinnu, en til að
bæta það upp fengu bankamenn 13.
mánuðinn á sínum tíma. En núna sér
tölvan um allar færslur og vaxtaút-
reikninga jafnharðan, þannig að
eftirvinna í bönkum er nær óþörf.“
- Hvað með útlán?
„Ég er nú orðinn svo gamall í hett-
unni, að ég man peningaflæði eftir-
stríðsáranna. Þá þurfti oft að fara
fram á það við lántakendur, hvort
þeir væru nú ekki til með að taka
aðeins meira. Þá var allt fljótandi í
peningum. Nú getum við ekki sinnt
nema helmingnum af þeim lána-
beiðnum sem til okkar koma. En á
eftirstríðsárunum voru líka takmörk
á innlánsvöxtum. Þá voru ekki
greiddir vextir af hærri upphæð en 25
þúsund kr. á bók, en það sem fór
fram yfir það var vaxtalaust. Þetta
varð til þess að sá sem átti 200 þús-
und kr. átti 8 handhafabækur með 25
þ.kr. á hverri. Þannig eru nú þessar
handhafabækur tilkomnar og eitt-
hvað mun vera til af þeim enn.“
- Hvernig eru beiðnir um lán
metnar?
„Það fer eftir viðskiptum hvers og
eins við bankann, ekki þó innistæð-
unni í það og það skiptið, heldur
veltunni og umfangi viðskiptanna og
þá er það dæmi skoðað aftur í
tímann. Auðvitað er alltaf eitthvað
um undantekningar frá þessari reglu,
en þær eru ekki margar. Þó veitum
við alltaf eitthvað af „mannúðarlán-
um“ svonefndum, til að hjálpa fólki
yfir tímabundna erfiðleika sem stafa
af óviðráðanlegum orsökum. En það
eru ekki háar fjárhæðir sem við
höfum til þeirra hluta.“
- Sérðu fram á betri tíð og aukið
fé til útlána?
„Því miður finnst mér að Akureyri
hafi dregist aftur úr í sókninni til
bættra lífskjara, ef við miðum við
aðra staði á landinu. Ég held að við
höfum ekki nýtt þau tækifæri sem við
höfum til aukinna umsvifa. Ég er
ekki endilega að mæla með álveri, en
ég held að við komumst ekki hjá því
að fara út í stóriðju fyrr eða síðar.
Við lifum ekki endalaust á holubú-
skap.“
- Áttu einhverja bankasögu eftir
nær 40 ára starf?
Sigurður Ringsted, útibússtjóri.
„Já, þær eru margar til, það er allt-
af eitthvað að koma upp á. Hér áður
fyrr var skilvísi fólks betri en nú er.
Hér áður fyrr þótti það meiriháttar
hneisa að lenda í vanskilum. í því
sambandi er mér minnisstæður einn
ölkær bæjarbúi, sem oft fékk brenni-
vínsvíxla, en hann stóð alltaf í
skilum. f eitt skiptið var mikil ös hjá
gjaldkeranum og þeim ölkæra leidd-
ist biðin. Þá kallaði hann í gjaldker-
ann: Heyrðu vinur, þú verður að
leyfa mér að greiða víxilinn minn
áður en ég dey. Þetta er lýsandi dæmi
um skilvísina hér fyrr á árum, en ég
er þó ekki með þessu að segja að
unga fólkið sé vanskilafólk. Það gerir
það enginn að gamni sínu að lenda í
vanskilum, en stundum verður ekki
hjá því komist, þegar tekjurnar
hrökkva ekki fyrir skuldbindingum,"
sagði Sigurður Ringsted í lok sam-
talsins. - GS
KOSALA
Seljum næstu daga
allar gerðir og stærðir
af skóm, bæði á böm
og fullorðna,
á mjög góðu
verði.