Dagur - 18.06.1984, Side 8
8-DAGUR-18. júní 1984
Það rigndi á hina hvítu kolla
nýstúdentanna þegar þeir
komu af útskriftinni í kirkjunni
í gær, 17. júní. En á auga-
bragði stytti upp og þjóðhátíð-
ardagurinn skartaði hinu feg-
ursta veðri.
Á íþróttavellinum var margt
um manninn, enda boðið upp á
fjólbreytileg skemmtiatriði. Við
Oddcyrarskóla var að venju bíla-
sýning. Um kvöldið sáu Hall-
björn kántrístar, Johnny King of
Húsavík og Siggi Helgi um að
allir skemmtu sér vel.
Það voru alls 126 stúdentar
sem útskrifuðust frá MA í gær,
90 stúlkur og 36 piltar. Stærsti
hópur sem útskrifast hefur frá
skólanum. Dúx var Sólrún
Sveinsdóttir sem stundaði nám á
félagsvísindabraut öldungadeild-
ar. Alls stunduðu 710 nemendur
nám í MA í vetur, þar af 100 í
öldungadeild.
En myndirnar segja mest um
það sem var á seyði á 40. afmælis-
degi íslenska lýðveldisins.
■
Pálmi Pétursson sýndi break-dans í Sjallanum, og Tryggvi Gíslason var eng-
inn eftirbátur í dansinuin. Ingimar Eydal vissi hins vegar ekki alveg hvernig
þessi niítíinadans er framkvæmdur en átti þó nokkur lipur spor.
Á miðnætti marseruðu nýstúdentar á torginu og fór skólameistari í fararbroddi. Þá var sannarlega fjör og gaman að
vera til.
A torginu voru þeir Johnny King, Hallbjörn, Siggi Helgi ásamt fleirum, og sáu um að halda uppi stuðinu. Hér er það
Johnny King sjálfur sem tryllir mannskapinn.
Á glæsilegri bílasýningu vakti margt athygli, en þetta aldna hergagn átti hug og hjörtu yngstu gestanna.
Þuríður Árnadóttir flutti ræðu nýstúdents.
Fjallkonan mætti á íþróttavöllinn í hestakerru. Það var Sunna Borg sem í gervi fjallkonunnar flutti tilheyrendum
Ijóð.
Með fána og rellu.
Myndir: KGA.