Dagur - 25.06.1984, Blaðsíða 4

4 - DAGUR - 25. júní 1984
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SlMI:. 24222
ÁSKRIFT KR. 150 Á MÁNUÐI -
LAUSASÖLUVERÐ 22 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
RITSTJÓRNARFULLTRÚI:
GÍSLI SIGURGEIRSSON
BLAÐAMENN:
EIRlKUR ST. EIRlKSSON OG GYLFI KRISTJÁNSSON
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI:
HAFDÍS FREYJA RÖGNVALDSDÓTTIR, HEIMASÍMI: 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Landbúnaðarmál
Landbúnaðarmál voru sérmál aðalfundar
Sambands íslenskra samvinnufélaga sem
haldinn var á Bifröst 13. og 14. júní og að
loknum miklum umræðum var samþykkt
ályktun þar sem fram kemur að stefna í fram-
leiðslumálum landbúnaðarins skuli miðast
fyrst og fremst við að fullnægja þörf innlends
markaðar. Áhersla verði lögð á að koma til
móts við óskir neytenda um vörugæði og
vöruval og að efla samráð og samstarf neyt-
enda og framleiðenda í vinnslu- og sölufyrir-
tækjum samvinnumanna. Þá verði niður-
greiðslur ekki lækkaðar því þær örvi sölu og
létti kaup heimilanna.
„Fundurinn telur að í meginatriðum eigi að
stunda búvöruframleiðsluna á fjölskyldubú-
um af þeirri stærð sem staðið getur undir fjár-
festingu með nútímatækni og -húsakosti og
skilað fjölskyldulaunum sambærilegum við
það sem aðrir atvinnuvegir gefa.
Fundurinn telur að aðlögun búvörufram-
leiðslunnar að innlendri markaðsþörf þurfi að
gerast skipulega og í áföngum. Samhliða
þeirri aðlögun verði stórátak gert í eflingu at-
vinnulífs svo að ekki komi til frekari röskunar
í byggð landsins.
Fundurinn bendir á að viðhald byggðar og
atvinnuþróun í strjálbýli á ekki að vera hlut-
verk bændastéttarinnar einnar. Gera þarf
þjóðarátak til að hindra mikla byggðaröskun
og tryggja að auðlindir landsins verði nýttar
til atvinnusköpunar. “
Samstarf um
fjölmiðlun
Mjög miklar umræður urðu á aðalfundi Sam-
bandsins um þátttöku í ísfilm og skiptar
skoðanir. Á aðalfundum margra kaupfélaga í
vor hafa verið gerðar samþykktir þar sem
mótmælt hefur verið aðild samvinnumanna
að ísfilm og samstarfi um fjölmiðlun við aðal-
málgögn höfuðandstæðinga samvinnustefn-
unnar í landinu. í ályktun fundarins var þetta
samstarf harmað og að það skyldi hafa komið
til án almennrar umræðu í samvinnuhreyfing-
unni.
í ályktun fundarins var talið æskilegra að
leita samstarfs um þetta mál við samtök
launafólks og bænda, sem öðrum fremur
myndi íslenska samvinnuhreyfingu. Jafn-
framt lýsti fundurinn mikilli ánægju sinni með
þá ákvörðun samvinnumanna við Eyjafjörð að
stofna fyrirtæki á sviði fjölmiðlunar í sam-
vinnu við almannasamtök og kaupfélög á
Norðurlandi og með þátttöku Sambandsins.
Er með þessu vísað tú stofnunar kvikmynda-
og myndbandafyrirtækisins Samvers hf., sem
nýlega var stofnað á Akureyri og er nú að
hefja starfsemi. Samvinnumenn hafa um
ýmsar leiðir að velja í þessum efnum og eiga
að nýta þær sem flestar til að tryggja fram-
gang sínum hugsjónum.
Davíð Geir: „Hér er engin deildaskipting eins og á stærri stöðum.“
Mynd: KGA.
,Varðstjóri hjá
sjálfum mér“
- spjallað við Davíð Geir Gunnarsson lögreglu-
stjóra á Raufarhöfn
„Þegar ég var lítill ætlaði ég
alltaf að verða lögregluþjónn -
þetta er sennilega köllun. Ég
byrjaði 1981, var þá eitt sumar
á Fáskrúðsfirði. Síðan var ég
hér í afleysingum fyrst, en ’83
byrjaði ég hér í fullu starfi.“
Davíð Geir Gunnarsson lög-
regluþjónn á Raufarhöfn hefur
í nógu að snúast, enda lög-
gæslusvæði hans stórt.
„Nei, nei, ég er ekki einn með
allt svæðið, ég hef tvo aðstoðar-
menn, annar er á Daðastöðum og
hinn í Skúlagarði. Starfið felst
aðallega í staðarlöggæslu hér á
Raufarhöfn og svo er það daglegt
vegaeftirlit í Hljóðaidettum og
Ásbyrgi," segir Davíð Geir.
Svæðið sem hann og menn
hans hafa umsjón með nær frá
Björgúlfsstaðabrekku austur að
Ormarslónsá. Einnig í Vesturdal
og Ásbyrgi og Hljóðaklettum,
Öxarfirði og á Kópaskeri. „Mér
finnst eiginlega að heldur sjaldan
komi fram hvað við höfum vítt
svið. Þetta er töluvert mál.“
- Eruð þið með radarmæling-
ar?
„Já, alls staðar á þjóðvegi
númer 85. En það eru fyrst og
fremst fyrirbyggjandi ráðstafanir,
að veita aðhald. Við liggjum ekki
í leyni til að geta gripið menn
sem hafa heldur þungan bensín-
fót.“
- Þannig að þið hafið í nógu
að snúast?
„Já. Ég er hérna varðstjóri hjá
sjálfum mér. Því að við sinnum
öllum málum sem upp koma. Á
dansleikjum erum við almenna
deildin, fjarlægjum vandræða-
menn og sinnum almennum
gæslustörfum. Hér er engin
deildaskipting eins og á stærri
stöðum."
- Er gott að vera á Raufar-
höfn?
„Já, hér er fínt að vera. Það er
heldur lítið um öhöpp, í gær var
þó útafakstur og þá mættu allir til
að fylgjast með. En ég er búinn
að sjá það, að maður getur látið
sér líða vel hvar sem er, bara ef
maður vill það.“
Lögreglustöðin er til húsa í
litlu húsi sem er næstum falið inn-
an um aflóga verksmiðjur. „Við
erum nýfluttir hingað inn og ætl-
um að reyna að vera hér einhvern
tíma,“ segir Davíð. „Svo fékk ég
nýuppgerðan lögreglubíl fyrir
þrem vikum, þannig að þessi mál
eru í ágætu standi." - KGA.
SOS“-nistið
Nú til sölu á Akureyri
Hjálparsveit skáta á Akureyri
hefur nú haflð sölu á „SOS-
nistinu“, en það nisti gefur
ýmsar upplýsingar um þann
sem það ber og getur sérstak-
Iega komið að góðu gagni ef
viðkomandi verður fyrir slysi.
SOS-nistið er stálhylki með
áskrúfuðu vatnsheldu loki á
stærð við 50-eyring, en það má
einnig fá gullhúðað. Nistið fæst
sem hálsmen, armband eða sem
hluta af úról. Nistið inniheldur 30
cm langa pappírsræmu með
prentuðum upplýsingum um við-
komandi og skulu upplýsingarnar
færðar inn á strimilinn í samráði
við lækni.
Þar skal vera nafn þess er nist-
ið ber, nafnnúmer, heimilisfang,
símanúmer, fæðingardagur og
þjóðerni. Nöfn og símanúmer
tveggja ættingja eða vina, svo og
nafn og símanúmer heimilis- eða
heilsugæslulæknis, upplýsingar
um trúfélag, blóðflokk og frekari
læknisfræðilegar upplýsingar sé
þess þörf.
Heilsugæslufólk, lögregla og
aðrir aðilar hafa mjög eindregið
mælt með því að allir beri slíkt
nisti. Sölustaðir þess á Akureyri
eru hjá Sigtryggi og Pétri, Skarti,
Stjörnuapóteki, Akureyrarapó-
teki, Ferðaskrifstofu Akureyrar,
Útsýn og hjá Samvinnuferðum.