Dagur - 13.07.1984, Qupperneq 3

13.JÚIÍ 1984- DAGUR-3
„Sjafnaryndi
— bestu bindi“
Einhvern veginn er það nú svo
með Ómar Ragnarsson, húmor-
ista og sjónvarpsfréttamann, að
það beinlínis skín af honum gam-
ansemin, endurspeglast í öllu
andlitinu á honum. Flestum ber
saman um að þar sé á ferðinni
frábær skemmtikraftur. Jafnvel
þegar hann er að flytja alþjóð al-
varlegar fréttir í sjónvarpi má
greina húmoristann í gegn. Hjá
öðrum liggur húmorinn ekki eins
í andlitinu, ef svo má að orði
komast. Fæstir telja líklega að
óreyndu að Helgi E. Helgason,
starfsfélagi Ómars á fréttastof-
unni, eigi það til að sletta úr
klaufunum að þessu leyti, en það
er nú öðru nær. Hann getur átt
góðar rispur og verður hér til-
greind stutt saga því til staðfest-
ingar.
Þegar Helga var sagt frá því að
Efnaverksmiðjan Sjöfn ætlaði að
fara að framleiða dömubindi og
bleyjur varð hann svolítið
klumsa, eins og sjálfsagt flestir
sem þetta heyrðu eða sáu á
þrykki hér í Degi. En fljótlega
hafði Helgi á hraðbergi nafnið á
bindunum og auglýsingaslagorð
sem hentað gætu við að vinna
vörunni markað. „Sjafnaryndi -
besta bindi,“ sagði Helgi og sann-
aði þar með að sjaldan fellur epl-
ið langt frá eikinni, því hann er
sem kunnugt er sonur Helga
Sæm, alkunns húmorista og
skálds. Helgi bað um það að ef
þeir Sjafnarmenn yrðu látnir vita
af þessari hugmynd og þeir gætu
nýtt sér hana skyldu þeir bara
senda sér greiðsluna í pósti og er
því hér með komið á framfæri.
Blandari mælir eindregið með
því að hugmynd Helga verði not-
uð og bindin kölluð „Sjafnar-
yndi“.
Ekki vitum við gjörla á hvað þessi hópur hlýðir, en það er eitthvað stór-
merkilegt. Þarna má sjé marga góðborgara, en hvað þeir eiga sameiginlegt
hefur hins vegar vafist örlítið fyrir okkur. Ahugamenn um Dallasþættina, vinir
litla mannsins, þverpólitísk grasrótarsamtök eða stofnfundur félags áhuga-
manna um verndun ánamaðka? Við auglýsum eftir réttu svari. Verðlaun verða
veitt fyrir réttar lausnir, kaffibrauð frá Kaupfélaginu á eigin kostnað!
Óþverrasaga
af breakedansi
Það fylgir ekki sögunni hvort
þessi er sannur, en það er ekki
fráleitt að hann sé eitthvað ýktur:
Það stóð yfir break-dans keppni
í skemmtistaðnum Traffic um
daginn. Keppendur fjölmargir.
Hinsvegar lentu menn dáldið í
ógöngum. Sigurvegarinn? Jú sko,
það var spastískur náungi sem
labbaði óvart yfir dansgólfið þeg-
ar hann var á leið á barinn að fá
sér kók.
Rúmvilltur
Til eru ótal sögur af mönnum
sem farið hafa húsavillt eða farið
inn í ókunnug hús og gert þar allt
mögulegt og ómögulegt. Senni-
lega eru færri sem fara rúmavillt.
Hér er þó ein skondin saga af
ungum dreng sem lenti í þessari
hræðilegu aðstöðu. Við skulum
bara kalla hann Jón.
Þannig var mál með vexti að
Jón fór á sveitaball með vini sín-
um suður á land (Jón er Norð-
lendingur). Nú, nú, það er ekki í
frásögur færandi, nema hvað Jón
hittir þarna eina yndisíagra mey
og hverfur á braut með henni.
Spyrst ekki meira af Jóni fyrr en
hann birtist heima hjá vini sínum
kl. 9 morguninn eftir og er þá
heldur illa til reika, svona hálf-
fullur og hálftimbraður, já og
syfjaður. Hann spyr hvar hann
eigi að sofa og er vísað á herbergi
hvar hann leggst til hvílu. Eftir
hálftíma eða svo þarf Jón að
bregða sér á salernið og ætlar að
leggja sig aftur. Ekki vill betur til
en hann fer herbergjavillt og
leggst upp í hjónarúm sem þar
var. í hjónarúminu lá móðir vin-
arins, en eiginmaðurinn var far-
inn til vinnu.
Jón steinsofnar og vaknar upp
með andfælum við mikil faðmlög
og er þar frúin að faðma hann.
Hélt hún að þetta væri ungur
sonur sinn sem vanur er að skríða
upp í til mömmu sinnar. Það
uppgötvaðist hvers kyns var og
var okkar maður fljótur að forða
sér inn í sitt rúm.
* LÉTT GÖNGUTJÖLD
MEÐ YFIRSEGLI
M TVEGGJA MANNA
ÁN YFIRSEGLS
* ÞRIGGJA MANNA
MEÐ OG ÁN YFIRSEGLS
* FJÖGURA MANNA
MEÐ YFIRSEGLI
* FIMM-SEX MANNA
MEÐ OG ÁN YFIRSEGLS
SPORTVÖRUR
HAFNARSTR. 91-95 - AKUREYRI - SlMI (95)21400
NISSAN
Bílasýning
verður á Akureyri 14. og 15. júlí
frá kl. 14—17 báða dagana að
Bifreiðaverkstæði Sigurðar Valdimarssonar.
Sölustjóri frá Ingvari Helgasyni verður á sýningunni.
Einnig verður Wartburg Pick-up á sýningunni
Komið og skoðið og kynnið ykkur kjörin.
Bifreiðaverkstæði Sigurðar Valdimarssonar
Óseyri 5a, Akureyri, sími (96) 22520.