Dagur - 27.07.1984, Blaðsíða 7
' 27,-júl í 1984 -f t)AQUR -7
Birgir
Marinósson
starfsmanna-
stjóri
Iðnaðardeildar
Sambandsins:
Birgir Marinósson.
, JVlaður fyrir-
tœkisins og
starfsfólksins“
- Góðan daginn, er þetta
Birgir Marinósson starfs-
mannastjóri hjá Iðnaðar-
deild Sambandsins á Akur-
eyri?
„Já, það er maðurinn,
komdu blessaður."
- Hvert er verksvið starfs-
mannastjórans Birgis Mar-
inóssonar?
„Það er fyrst og fremst að
hafa umsjón með ráðningu
starfsfólks til fyrirtækisins,
að sjá um að allir samningar
séu haldnir og að útlista það
fyrir verkstjórum og öðrum
sem hafa með launamál að
gera hverjir séu samningar
og hvernig beri að túlka þá.“
- Petta hlýtur að vera yfir-
gripsmikið starf á svo fjöl-
mennum vinnustað?
„Jú, það er það, því hér
starfa í dag um 760 manns.
Mér hefur fundist þetta mik-
ið starf og hefur kostað
geysilega mikla umframtíð,
því hér eru unnar kvöld- og
næturvaktir. Síðan sjáum við
hér í launadeildinni um alla
launaútreikninga. “
- En þótt starfið sé yfir-
gripsmikið og tímafrekt hef-
ur þú gefið þér tíma til þess
að sinna félagsmálum af
krafti?
„Þau hafa sjálfkrafa flétt-
ast inn í þetta starf, og að
mínu mati á að fylgja þessu
starfi að hafa einhverja um-
sjón með félagsmálunum og
stýringu á hvernig þau
ganga. Ég hef alltaf litið á
mig bæði sem mann fyrir-
tækisins og starfsfólksins.
Það er töluvert um það að
fólk leiti til mín með alls
kyns vandamál sem ég reyni
að leysa úr og þykir vænt um
ef ég get orðið að liði.“
- Pú hlýtur að eiga þínar
frístundir, við hvað ert þú
þá að dútla?
„Fyrir utan félagsmálin þá
er það golfið sem er í efsta
sæti vinsældalistans. Við
hjónin skreppum í veiðitúra
við og við en það er golfið
sem hefur forgang. Ég fór
fyrst í golf upp úr 1960 með
Hafliða Guðmundssyni en
það er reyndar ekki fyrr en í
sumar sem ég hef spilað
eitthvað að ráði. Ég lít oft til
himins og kalla þakkarorð
upp til Hafliða fyrir að hafa
komið mér á golfvöllinn á
sínum tíma. Golfið er geysi-
lega góð íþrótt fyrir mann
eins og mig sem var alltaf
mikið í íþróttum eða þar til
bakið bilaði.“
- Pú hefur gert töluvert af
því að semja lög, Ijóð og
texta við dægurlög?
„Já, ég hef gert töluvert af
því þótt lagasmíðin hafi ekki
verið mikil. Ég hef gefið út,
tvær ljóðabækur. Textar við
dægurlög eru orðnir þó
nokkuð margir.,,
- Hverjir eru þeir þekkt-
ustu?
„Það sem er þekktast eftir
mig í gegnum tíðina er nú
bæði ljóð og lag en það er
„Glókollur" og „Á heim-
leið“. Það sem hefur gengið
einna mest í seinni tíð er
textinn „Siglt í norður“ með
Örvari Kristjánssyni."
- Ert þú að fást við þetta
í dag?
„Ekki nema um sé beðið,
ekkert öðruvísi en auðvitað
er ég alltaf að setja saman
vísur.“
- Er enginn vandi að
semja dægurlagatexta eftir
pöntunum?
„Nei, það er enginn
vandi.“
- Ef ég ætla að gefa út
plötu og vantar bæði lög og
texta þá get ég leitað til þín
og fengið efni sem á eftir að
„slá í gegn“?
„Já, að minnsta kosti text-
ana, ég get engu lofað með
lögin en textarnir eru ekkert
mál.“
- Þú ert alltaf hress?
„Já, vinur minn, það verð-
ur svo að vera.
- Pá þakka ég fyrir og
vertu blessaður.
„Sömuleiðis, blessaður.“
gk--
Takið eftir!
Garðverkfæri
Vorum að fá rafmagnsorfin aftur.
Sama góöa verðiö.
Opið á laugardögum frá kl. 10-12.
SKIPAÞJÓNUSTAN HF.
UMBOÐS- OG HEILDVERSLUN
TRYGGVABRAUT10 SÍMI (96)24725-21797 P.O. BOX614 AKUREYRI
Aldraðir
Bjóðum ykkur velkomna í sumarbúðir kirkjunnar
við Vestmannsvatn.
Nokkur pláss laus 10.-17. ágúst.
Síminn er 96-43553.
Sumarbúðirnar við Vestmannsvatn.
Húsbyggjendur -
Verktakar
Lokum vegna sumarleyfa vikuna 6.-12. ágúst.
Möl og sandur hf.
Strengjasteypan hf.
DALVÍK I
m Frá bæjarsjóði
Dalvíkur
Samkvæmt heimildi í lögum um tekjustofna sveit-
arfélaga og 1. grein laga nr. 49/1951 verður beðið
um nauðungaruppboð á fasteignum á Dalvíkur-
kaupstað vegna vangoldinna og gjaldfallinna
fasteignagjalda ársins 1984 hafi þau ekki verið
greidd innan 30 daga frá dagsetningu auglýsing-
ar þessarar.
Dalvík 25.07.1984.
Bæjarritarinn Dalvík.
Til sölu
Fokhelt einbýiishús 141,4 fm, ásamt bílskúr 27,8 fm
við Reykjasíðu. Afhendist í september.
Til greina kemur að taka 2-3ja herb. ibúð upp í.