Dagur - 27.07.1984, Blaðsíða 13
27. iúlí 1984- DAGUR - 13
Með
kamivalblik
íaugum
„Hópurinn sem œtlar að taka þátt í þessu með virkum hætti er sífellt að stœkka. Menn
flykkjast undir merki Dúdú-fuglsins og ormsins Nikulásar staðráðnir í að gera þetta að
eftirminnilegri helgi. Fólk er sífellt að átta sig betur og betur á því að það er ætlast til þess
að allir séu skemmtikraftar á þessari hátíð, þó ekki íþeirri merkingu að allir eigi að troða
upp, heldur að allir taki þátt íþví að skemmta sér og öðrum. Þetta er spurning um hug-
arfar - spurning um það að fólk ætlist ekki tilþess að „einhverjir aðrir“ sjái um að vera
skemmtilegir. Það verður engin fastmótuð dagskrá, en hins vegar er eins víst að effólk
er ekki á svœðinu svo til allan tímann má það búast við því að missa afeinhverju stór-
kostlegu, “ sagði Hermann Sveinbjörnsson, blaðafulltrúi Dúdú-fuglsins í viðtali við Dag.
Þráinn Karlsson yfirsmiður Dúdú-fugisins sýnir okkur gripinn - að vísu
vantar þarna á hann fætur og vængi. Þegar verkinu er lokið verður þetta
5 metra hátt apparat.
Karnivalblik
„Fólk má búast við því að verða
vakið um klukkan 10 á laugar-
dagsmorguninn. Pá kemur það
til með að heyra einhvern há-
vaða og mikilvægt er að fólk
hræðist ekki, heldur spretti upp
með karnivalblik í augum, komi
sér niður í bæ og síðan á það að
geta fengið allt sem hugurinn
girnist á karnivalsvæðinu, eða
svo gott sem. Má þar nefna
karnivalölið landsfræga, sem er
bruggað sérstaklega fyrir þessa
hátíð og verður þar af leiðandi
á sérstökum karnivalflöskum.
Þarna verða heilsteiktir lambs-
skrokkar, steiktir og grillaðir
sveppir, sérbakað karnival-
brauð, karnivalostar og sér-
lagaðar karnivalpylsur. Það er
reyndar alveg ótrúlegt hvað
fyrirtæki í bænum hafa tekið
þessum hugmyndum vel og hafa
virkilega sýnt með því gott for-
dæmi.
Við gerum svo sem ekkert
frekar ráð fyrir að allír rjúki
upp til handa og fóta og klæði
sig í skringileg föt og skrautleg,
en þó eru margir hópar þegar
búnir að tilkynna þátttöku með
þeim hætti. Verða þeir með
músik, dans og fleira skemmti-
legt, sjálfum sér til skemmtunar
og þeim öðrum sem viðstaddir
verða. Þeir sem hins vegar fara
í bæinn feimnir og svolítið
óframfærnir þurfa hins vegar
ekki að örvænta þegar á svæðið
verður komið, þó að þeir líti allt
of venjulega út og þar með
„öðruvísi“. Þarna verður einn
mjög mikilvægur liður á dag-
skránni. Við verðum nefnilega
með þjónustu á staðnum þar
sem fólki verður gefinn kostur
á að breyta algjörlega um svip.
Þar verður hægt að fá skraut-
málningu á húð og hár við vægu
verði. Menn eiga að geta gengið
ósköp venjulegir inn í stýrishús
af togara sem komið verður upp
á svæðinu og gjörsamlega
óþekkjanlegir út aftur. Ekki er
þetta nú varanleg breyting því
ekkert er auðveldara en að þvo
af sér litina að karnivali loknu.
Sviðapottar úr eldhúsinu
Eins og allir vita byggist suðræn
tónlist, sem þarna verður höfð
í hávegum, mest á takti og
trumbuslætti. Við verðum nátt-
úrlega ekki með hljóðfæraleigu,
en bendum fólki á að ekkert er
auðveldara en að tæma eina
baunadós og nota hana sem
trommu, hengja framan á sig
sviðapottana úr eldhúsinu og
berja þá með ausum eða sleif-
um og sakar þá ekki að vefja
bareflin með einhverjum tusk-
um. Alls konar flautur og blást-
urshljóðfæri eru vel þegin. Fólk
þarf bara að „fíla“ taktinn, það
er allt og sumt. Öskudagsbún-
ingarnir geta fallið vel að því
andrúmslofti sem þarna verður
reynt að skapa og nóg ætti að
vera til af þeim. Og hvað með
grímubúningana frá því í
„gamla daga“ þegar grímuböll
voru í algleymingi?
Boðið verður upp á alls kyns
þjónustu og skemmtan og því
fleiri sem hafa upp á eitthvað
slíkt að bjóða því fjölbreyttari
verður hátíðin. Eiga ekki ein-
hverjir krikketkylfur sem þeir
geta efnt til einhverrar keppni
með? Eða flugdreka sem þeir
geta látið svífa yfir svæðinu?
Einhver framtakssamur þyrfti
að selja blöðrur á svæðinu. Ak-
ureyringar og gestir þeirra þessa
helgi þurfa bara að gefa ímynd-
unaraflinu lausan tauminn, losa
sig við hömlurnar og sleppa ei-
lítið fram af sér beislinu. Það er
ekki vanþörf á í öllu þessu
krepputali og álvershjali. „Við
þurfum að lyfta umræðunum á
örlítið hærra plan,“ eins og Nó-
belsskáldið sagði. Finna nýjan
flöt á skemmtanalífinu, þar sem
ekki er nauðsynlegt að vera
undir áhrifum annars en gleði
og kátínu og þess sem er að ger-
ast hverju sinni.
Skátar ætla að skemmta sér
og öðrum með eins konar tívolí-
uppákomu, Félag fatlaðra verð-
ur með loftriffla og skotbakka
sem menn geta fengið að prófa,
vonandi verða einhverjir til þess
að bjóða upp á púttkeppni í
golfi, vítaspyrnukeppni og
raunar er ómögulegt að fara
nánar út í þá sálma. Við sem
höfum staðið í að undirbúa
þetta vonumst til að sem flest
komi okkur sjálfum á óvart.
Fljótandi diskó?
Næsta víst er að Drangur verði
við Höephnersbryggju og þar
verður hægt að kaupa veitingar
og jafnvel verður þar sett upp
diskótek. Nautaat verður á
skautasvellinu við Leirutjörn og
þar verður sko ekki boðið upp
á neina kálfasýningu. Verslun-
um er gefinn kostur á að vera
með torgsölur og að sjálfsögðu
eru veitingastaðir bæjarins
öllum karnivalgestum opnir.
Hátíðin hefst um hádegi á
laugardag á öllu svæðinu frá
nyrðri enda göngugötunnar að
Laxdalshúsi. í kringum mið-
nættið verður varðeldur og húll-
umhæið á laugardag endar með
flugeldasýningu, sem Hjálpar-
sveit skáta sér um. Um kl. 11 á
sunnudagsmorgun geta menn
farið að hugsa sér til hreyfings
aftur. Ekki er vitað með vissu
um neina fræga skemmtikrafta
á svæðinu, en þó hefur heyrst
að einn og einn muni slæðast
þangað, jafnvel kántrýhetjur og
rokkarar, sem einhverjir verða
staddir í bænum. Öllum er að
sjálfsögðu frjálst að skemmta
sér og öðrum, jafnvel þó þeir
séu kunnir skemmtikraftar.
Þetta er fyrst og fremst hugs-
að sem hátíð allrar fjölskyld-
unnar, þar sem allir eru jafn-
ungir í andanum. Að vonum
hefur fólk tekið þessum hug-
myndum misjafnlega, þar sem
það veit ekki gjörla hvað um er
að ræða. En undantekningar-
laust hefur viðhorfið orðið á
einn veg þegar fólk veit um
hvað málið snýst. Fólk er
spennt og til í leikinn. Látum
þetta heppnast og gerum þetta
aftur,“ voru lokaorð blaðafull-
trúa Dúdú-fuglsins, Hermanns
Sveinbjörnssonar. - KGA
Dúndurfjör á karnivali - að sjálfsögðu.
Mvndir: KGA