Dagur - 30.07.1984, Blaðsíða 12

ÞJÓNUSTA
FYRIR
r r
S B
HAÞRYSTISLONGUR
OLÍUSLÖNGUR og BARKA
PRESSUM
TENGIN Á
FULLKOMIN TÆKI
VÖNDUÐ VINNA
Tvistur
setti
met
Eitt íshindsmet var sett á
hestamannainótinu sem fram
fór á Melgerðismelum um
helgina.
Metið kom í 300 metra stökki
og var það Tvistur úr Rangár-
vallasýslu sem það setti. Uann
átti reýndar að vera nokkurs kon-
ar „uppfylling" í þessu hlaupi,
veita hinni þekktu hlaupahryssu
Spólu einhverja keppni ef hægt
væri en Spóla sá ekki við Tvistin-
um sem hljóp á nýju glæsilegu
meti 20,5 sek. Eldra metið var
20,7 sek.
Við segjum nánar frá þessu
mikla móti í blaðinu á miðviku-
dag.
Fyrstu
verðlauna
hrútur
metinn á
6.600 kr.
Framleiðsluráð landbúnaðarins
hefur ákveðið bótaverð fyrir fé
sem ferst í umferðinni í ár. Þann-
ig verður að greiða kr. 1.800 fyrir
tvílembing, kr. 2.280 fyrir ein-
lembing, 2.880 fyrir veturgamla
kind og sama verð fyrir ána fram
til júlíloka. Þá snarfellur hún hins
vegar í verði, í kr. 2.280. Verð-
mestir eru fyrstu verðlauna
hrútar, sem eru metnir á 6.600
kr.
Hrútar með 2. verðlaun eru
hins vegar ekki metnir á nema
4.500 kr. og þeir sem ekki hafa
fengið nema 3. verðlaun verða að
sætta sig við að vera metnir á
4.080 kr.

Ha, jájá, þetta er ágætur ís
Lögreglan:
Rólegt þrátt
fyrir karnival
„Þótt karnival hafí verið hald-
ið í bænum um helgina er alls
ekki hægt að segja að meira
hafi verið að gera hjá okkur en
venjulega, sennilega minna ef
eitthvað var,“ sagði Matthías
Einarsson varðstjóri hjá Akur-
eyrarlögreglunni í morgun.
Hann sagði að karnivalið hefði
farið vel fram á allan hátt þótt
fjölmennt hefði verið bæði síð-
degis á laugardag og eins á laug-
ardagskvöldið og frant á nótt þá.
Að venju var lögreglan við
hraðamælingar og voru nokkrir
teknir sem „kitluðu pinnann“ um
of, einn t.d. á 104 km hraða og
annar á 100. f>á voru þrír öku-
menn teknir á Akureyri um helg-
ina grunaðir um ölvun við akstur.
Kópasker:
Næg atvinna
og talsvert
af ferðafólki
Ég held ég megi fullyrða að
ástandið sé nokkuð gott.
Rækjuvinnslan hefur gengið
vel, að vísu hefur veiði verið
dræm núna á allra síðustu
dögum. Við erum með kjöt-
vinnslu á staðnum og þar hefur
einnig gengið vel. Birgðir eru
minni en nokkru sinni áður.
Það hefur verið þokkaleg sala
undanfarið. Annars er kjöt-
vinnslan hjá okkur í þróun, við
höfum mest haldið okkur við
hefðbundna framleiðslu, en
seinna meir þegar við erum
komnir betur af stað með þetta
þá gætum við snúið okkur að
annars konar framieiðslu,“
sagði Pétur Þorgrímsson kaup-
félagsstjóri á Kópaskeri er við
slógum á þráðinn til hans að
spyrja helstu tíðinda þar um
slóðir.
„Það hefur lítið verið byggt í
sumar,“ sagði Pétur. „Það er
unnið í tveim húsum sem byrjað
var á í fyrrasumar. Það er ekkert
um nýbyggingar.“
Aðspurður um brottflutning og
byggðaröskun sagði Pétur að það
væri töluvert af ungu fólki á
Kópaskeri og brottflutningur
þaðan væri ekki tilfinnanlegur,
enda væri yfirleitt næg atvinna á
staðnum. Sagði Pétur að talsvert
af ferðafólki hefði sést á Kópa-
skeri í sumar, meira en undanfar-
in sumur. Taldi hann einmuna
veðurblíðu mestu ráða þar um.
Kaupfélagið rekur verslun í Ás-
byrgi og sagði Pétur að þar hefði
verið mikill ferðamannastraum-
ur, hann hefði að vísu farið seint
af stað, en tekið mikinn kipp nú
í júlí.
„Heyskapur gengur vel hér í
nágrenninu og það er óhætt að
segja að hann er mánuði fyrr nú
en í fyrra. Sumir hafa lokið, en
þó er töluverður hópur eftir.
Vegir eru ágætir, ekkert er þó um
að slitlag sé sett á þá.“ Pétur
sagði að lítið væri um nýfram-
kvæmdir, það biði allt betri tíma.
Nokkur refabú eru starfrækt í
hreppunum kringum Kópasker
og hefur kjötvinnsla á staðnum
séð um framleiðslu refafóðurs.
Fiskúrgangur er fluttur frá Rauf-
arhöfn og er hann aðaluppistaða
refafóðursins. Sagði Pétur að enn
sem komið væri framleiddi kjöt-
vinnslan einungis refafóður fyrir
búin í sveitinni. mþþ
Það verður hæg norðanátt og
væta hjá ykkur í dag sagði Eyj-
ólfur Þorbjörnsson veður-
fræðingur á Veðurstofunni í
morgun. Á morgun gæti hins
vegar orðið þokkalegasta
veður, suðlæg eða suðvestlæg
átt og þá fer veðrið að lagast er
líður á daginn. Það er því já-
kvætt útlit hjá ykkur fyrir
norðan sagði Eyjólfur.
# Röskir
bændur
Þessum stelum við ómeng-
uðum úr Frey: Haukur Páls-
son á Röðli í Torfalækjar-
hreppi í Austur-Húnavatns-
sýslu er kunnur á heimaslóð-
um fyrir tilsvör sín. Auk bú-
skapar stundar hann vinnu
utan heimilis og geta þvi
gegningar hans hitt á ýmsa
tíma sólarhrings. Eitt sinn
hlýddi hann á tal tveggja
sýslunga sinna sem báðir
reka stór bú og ræddu hvern-
ig þeir stæðu að búverkum
sínum. Annar sagði: Ég
dunda mér við verkin þetta
fram undir hádegi. Hinn bætti
við: Ég vil nú helst vera búinn
klukkan 10 á morgnana. Þá
blandaði Haukur sér í sam-
ræðurnar og sagði: Ég er nú
vanur því að Ijúka þessu af
kvöldið áður.
# Allur er
varinn góður
Veglegt hestamannamót með
tilheyrandi knalli var haldið á
Melgerðismelum um helgina.
Þar heyrðist einn grandvar
hestamaður segja upp úr
eins manns hljóði: Brennivín
á maður aldrei að drekka
nema edrú, annars leiðir það
mann út í einhverja ekkisens
vitleysu; kvennafar, slagsmál
eða timburmenn.
# Slök frammi-
staða!
Það hefur víst ekki farið
framhjá neinum að Oiympíu-
leikarnir í Los Angeles eru
hafnir, því fjölmiðlar hafa
keppst við að greina frá því.
Greinilegt er að útvarpið okk-
ar ætlar að spjara sig, það er
með mann á staðnum sem
skýrir iandsmönnum frá
gangi mála í pistlum sínum
oft á dag og gerir hlutunum
góð skil. Úti í kóngsins Kaup-
inhöfn sitja hins vegar þrír
menn á vegum sjónvarpsins
okkar. Þeirra starf er að „kóp-
era“ efni það sem danskir
sjónvarpsglápendur fá að
sjá í beinni útsendingu, skera
það niður og senda það síð-
an hingað heim. Við fengum
að sjá fyrstu sendingu þeirra
f gærkvöld, sjálfa setningar-
athöfnina en hún hafði verið
sýnd í beinni útsendingu
vfða um heim sólarhring
áður. En íslendingar fengu
ekki að sjá nema rétt helming
þessarar miklu hátfðar, því
skyndilega var kominn hátta-
tími hjá forráðamönnum
sjónvarpsins um miðnætti.
Þeir sem hafa áhuga geta svo
sest niður við sjónvarpið kl.
18 f dag og horft á þennan
framhaldsþátt sjónvarpsins.