Dagur - 03.08.1984, Blaðsíða 15

3. ágúst 1984 - DAGUR - 15
Harry Oldfield
kemur aftur
Harry Oldfield.
Líffræðingurinn Harry Old-
field sem er mörgum Akureyr-
ingum að góðu kunnur mun
kynna chrystaltherapy í Borg-
arbíói laugardaginn 11. ágúst
kl. 14.00.
Bókað verður í einkatíma í
síma 21780 kl. 20.00 - 22.00
meðan rými er.
Það er Sálarrannsóknarfélag-
ið á Akureyri sem stendur að
komu Oldfield hingað og er
þetta annað árið í röð sem
hann kemur hingað á þess
vegum. Oldfield sagði í viðtali
við Dag á s.l. ári að hann hefði
verið orðinn leiður á því „að
segja fólki bara hve veikt það
væri“ eins og hann orðaði það.
Þá sagði hann ennfremur:
„Það er vel þekkt fyrirbrigði
að fólk í frumstæðum menn-
ingarsamfélögum hefur notað
krystalla og steina í lækninga-
skyni og oft hafa þessir steinar
og krystallar aðeins verið lagðir
að líkamanum og viðkomandi
hlotið lækningu. Ég safnaði
því að mér margs konar kryst-
öllum og þegar rafkrafturinn
bætist við þá gefa þeir frá sér
margfaldan kraft...“
Þess má geta að í fyrra er
Oldfield dvaldi á íslandi tók
hann fjölda fólks í meðferð,
allt að 15 manns á dag og á
Akureyri var geysilegur áhugi
hjá fólki að komast að hjá
honum.
íþróttir:
Golf að Jaðri
Eini íþróttaviðburðurinn á hönd fer er Jaðarsmótið í golfi Akureyrar. Knattspyrnumenn
Norðurlandi um helgina sem í sem fram fer hjá Golfklúbbi í öllum deildum eiga frí um
helgina og ekkert golfmót er á
dagskrá á Norðurlandi nema
Jaðarsmótið.
Mótið hefst kl. 9.00 á laug-
ardagsmorgun og verða þá
leiknar 18 holur. Kl. 8.00 á
sunnudagsmorgun verður haf-
ist handa á ný og leiknar síðari
18 holur mótsins. Leikið er í
einum flokki, mótið er opið
öllum kylfingum landsins og
leikið er með forgjöf og án for-
gjafar.
Það er Utvegsbanki Islands
á Akureyri sem hefur veg og
vanda af verðlaunum mótsins
sem eru hin glæsilegustu.
Veðurguðirnir virðast í góðu
skapi, Jaðarsvöllurinn skartar
sínu fegursta svo það má eiga
von á góðu móti um helgina.
Sumargleðin - Ómar og Bessi.
Margt að gerast
í Sjallanum
Hörður
sýmr í
Laxdals-
húsi
Hörður Jörundsson málara-
meistari á Akureyri er að opna
sína fyrstu máíverkasýningu
en hann hefur lengi verið í
hópi frístundamálara bæjar-
ins.
Sýning hans hefst í Laxdals-
húsi um helgina og sýnir hann
þar um 30 vatnslitamyndir. Þá
hefst einnig í Laxdalshúsi
keramiksýning Margrétar
Jónsdóttur, en hún er nýút-
skrifuð úr keramiknámi. Nýr
borðljóðshöfundur er nú í
Laxdalshúsi, er það Akureyr-
ingurinn Jón Erlendsson.
Allir eru velkomnir í Laxdalshús.
Það verður ýmislegt um að
vera í Sjallanum um helgina,
eins og venjan er um verslun-
armannahelgi. 1 kvöld er
Sumargleðin þar með þriðju
skemmtun sína á sumrinu,
húsfyllir var á tveimur fyrri
skemmtunum þeirra „gleði-
manna" og stemmningin geysi-
leg. Þess má geta að fegurðar-
drottning íslands 1984, Berg-
lind Johansen verður heiðurs-
gestur Sjallans í kvöld.
Annar frægur kappi sem
aldrei bregst, Sigurður
Johnny, verður svo heiðurs-
gestur í Sjallanum annað
kvöld. Hann mun að sjálf-
sögðu taka lagið þessi ókrýndi
konungur rokksins á íslandi,
hress að vanda.
Á sunnudagskvöldið er svo
HLH-flokkurinn á sviði
Sjallans, þeir Halli, Laddi og
Björgvin Halldórsson. Þeir
eru nú að fylgja eftir plötu
sinni „í rokkbuxum og striga-
skóm“ sem er mest selda plat-
an hér á landi í dag og þeir
svíkja ekki fremur en fyrri
daginn ef að líkum lætur þre-
menningarnir.
Siggi Johnny léttur að
vanda.
NORRÆNA
SUNDKEPPNIN
1984
Kaupið
sundmerkin
Smáauglýsingaþjónusta Dags
Það skal tekið fram vegna hinna
fjölmörgu sem notfæra sér
smáauglýsingar Dags að ef
endurtaka á auglýsinguna strax
í næsta blaði eða næstu viku
bætast aðeins 40 kr. við verð fyr-
ir eina birtingu. Verð smáauglýs-
ingar er nú 220 kr., miðað við
staðgreiðslu eða ef greiðslan
er send í pósti, en 280 kr. ef ekki
er staðgreitt. Ef þessi nýja þjón-
usta er notuð þá kostar auglýs-
ingin nú 260 kr. birt tvisvar.
Tilboö þetta miöast eingöngu við staögreiöslu.