Dagur - 15.08.1984, Blaðsíða 7
6-DAGUR -15. ágúst 1984
15. ágúst 1984 - DAGUR - 7
Mikil vinna
í allt sumar
Dagur heimsækir frystihúsið Þormóð ramma á Siglufirði
Þegar minnst er á
Siglufjörð er síld það
fyrsta sem kemur upp
í hugann, en það er
unnið fleira en síld á
Siglufirði. Þar eru
frystihús, tvö meira að
segja, og er annað
þeirra Þormóður
rammi. Á ferð sinni
um Siglufjörð fyrir
skemmstu, heimsóttu
Dagsmenn Þormóð
ramma. Yfirverkstjóri
er Jón Páll Salvarsson,
upprunninn úr
Reykjavík. Við feng-
um Jón til að leiða
okkur í allan sannleik-
ann um Þormóð
ramma.
- Þetta er nýleg bygging sýnist
mér, hvenær fluttuð þið í þetta
húsnæði?
„Það er um V/i ár síðan við
fluttum t þetta hús. Við vorum
áður í gömlu húsi sem búið er að
breyta í þurrkhús.“
- Hvað þurrkið þið þar?
„Það eru nú aðailega ýmiss
konar fiskhausar. Við hirðum
hausana og þurrkum í klefum.
Þeir fara á Nígeríumarkað, þar
eru þeir víst borðaðir með bestu
lyst.“
- Hvað hafið þið margt fólk í
vinnu?
„Þessa dagana eru hér 50-60
wmmm
Jón Páll Salvarsson, yfirverkstjóri.
manns í vinnu, en 80 þegar er
fullskipað. Þetta er mikið til
skólafólk yfir sumarið. Við erum
með 2 togara og það er búið að
vera mikið að gera í sumar. Við
getum bætt við 30 konum án þess
að færi að þrengja að.“
- Ykkur vantar sem sagt fólk
í vinnu?
„Já, og það virðist vera sama
sagan hjá frystihúsum um allt
land. Við höfum engar verbúðir
og getum því ekki tekið við að-
komufólki nema það geti útvegað
sér húsnæði. Það má segja að það
sé slegist um hvern mann sem
losnar hér í bænum. Þú mátt geta
þess að það geti allir fengið vinnu
hérna sem geta útvegað sér hús-
næði.“
- Þið eruð búnir að tölvu-
væða, sé ég.
„Tölvan kom um leið og húsið
var opnað. Hún er tengd við
hverja vigt í húsinu og því er
hægt að fylgjast vel með hvað
framleiðslan er mikil. Þetta er
ákaflega þægilegt."
- Nú hefur verið deilt á bón-
uskerfið að undanförnu, er engin
óánægja með það hjá ykkur?
„Ekki hef ég orðið var við það.
Það væri enginn í húsinu ef ekki
væri bónus. Hann tvöfaldar laun-
in hjá sumum. Ég held að starfs-
fólkið sé frekar ánægt hjá okkur.
Við erum með hátalarakerfi í
húsinu og það er hægt að hlusta
á útvarp og kassettur, það er
mesti munur,. Yngra fólkið vill
spila af kassettum en eldra fólkið
vill hlusta á útvarp. Þetta verður
ennþá meira mál þegar Rás 2
kemur."
- Hvað er unnið lengi á
daginn?
„Við byrjum kl. 7 á morgnana
og hættum yfirleitt kl. 6 á daginn
og svo er unnið flesta laugardaga.
Fólki finnst þetta betra. Ef það er
unnið 8 tíma er fólkið búið kl. 4
og hefur þá smáhluta af deginum
fyrir sig.“
- Takið þið ungt fólk í vinnu?
„Við tökum helst ekki krakka
yngri en 15 ára. Við fengum samt
einn hóp úr unglingavinnunni til
að vinna við hausaverkunina,
þau eru 13 og 14 ára.“
Undirrituð tók eftir því að það
voru stelpur að fást við vélarnar
og þar sem það er vaninn að sjá
karlmenn í þess konar störfum
var Jón spurður út í þetta.
„Við erum eingöngu með
stelpur á vélunum. Það fer bara
eftir húsunum hvort það eru
stelpur eða strákar á þeim, þetta
er bara vani. Síðan ég kom hing-
að hafa eingöngu verið stelpur á
vélunum.“
- Hvernig hefur þér líkað á
Siglufirði?
„Bara mjög vel. Ég er búinn að
vera hérna í 9 mánuði, réði mig í
1 ár og er að hugsa um að vera
eitthvað lengur, en það er ekkert
ákveðið ennþá. Ég held samt að
ég gæti ekki himsað mér að setj-
ast hérna að. Ég er að byggja í
Reykjavík og kom hingað til að
safna fyrir því. Það fara allar
peningarnir í steinsteypuna."
HJS
„Fleiri ormar
í þorskinum
en áður var“
— segir Kristín Aðalbjörnsdóttir,
sem unnið hefur við fiskvinnslu í 30 ár
Kristín hafði hraðar hendur við snyrtinguna, greip hvern orminn á fætur
öðrum og kom þeim fyrir kattarnef.
Fiskurinn kominn í neytendapakkningar. Þá er að setja hann á plötur eins og
verið er að gera hérna. Fiskurinn er síðan frystur og fer loks til neytenda vítt
um heiminn.
Þarna er verið að pakka 5 eða 10 punda fiski.
Það var alveg að koma
kaffi og fíestir farnir fram
er bjallan hringdi. Ein
kona stóð samt áfram við
borðið sitt og snyrti, þurfti
víst að klára úr kassanum
sem hún varmeð. Það var
ekki um annað að ræða en
að stela nokkrum mínút-
um frá Kristínu Aðal-
björnsdóttur, fyrst allar
hinar voru farnar fram.
Hún tók vel í spjall og
myndatöku. Handtökin
voru hröð og greinilegt að
þarna var enginn viðvan-
ingur á ferð. Fiskinum er
slengt á borðið, beina-
garðurinn skorinn úr,
hann má ekki vera of
þykkur þá verður nýtingin
slæm. Haukfrán augu leita
að bannsettum orminum í
fiskinum, og hann snar-
lega gómaður ef til hans
sést. Kantarnir eru snyrtir,
aðeins af stirtlunni og þar
með er fiskurinn klár til
pökkunar.
- Ertu búin að vinna lengi við
fiskvinnslu?
„Ætli ég sé ekki búin að vinna
í 30 ár í íshúsi. Ég er búin að
vinna hjá Þormóði ramma síðan
hann var stofnaður og þar á und-
an var ég fyrir sunnan í fiskverk-
un. Það var á Kirkjusandi.“
- Ertu ekki með háan bónus,,
svona vön?
„Það fer allt eftir ástandi
þorsksins. Ef hann er stór og
góður er hægt að fá ágætan
bónus.“
- Ertu með þannig fisk núna?
„Nei, þessi fiskur er leiðin-
legur. Hann er laus og mikill
ormur í honum, en hann er ekki
skemmdur."
- Er mikill ormur í þorskin-
um?
„Já, mér finnst vera mikill
ormur í þorski nú til dags. Mér
finnst hann hafa aukist, það er
líka talað um það. Þegar ég var
fyrir sunnan var ekki svona mikill
ormur.“
- Líkar þér fiskvinnan vel?
„Já, já, mér líkar hún ágæt-
lega, ég hef ekki yfir neinu að
kvarta."
Við töfðum hana þá ekki
lengur, allir farnir fram í kaffi og
fiskvinnslufólki veitir víst ekki af
smáhvíld og ljótt að stela af því
kaffitímanum. - HJS
Það þarf að
borga fisk-
vinnuna betur
2.000 kr. Það á að borga þetta
miklu betur, þetta er það sem
heldur þjóðfélaginu uppi.“
- Þú vildir þá líklega ekki
missa bónusinn?
„Nei, það er sko ábyggilegt.
Bónusinn er ekkert slæmur. Fólk
vinnur mjög jafnt þó hann sé,
það er ekkert að flýta sér.“
- Er fiskvinnan ekkert ein-
hæf?
„Mér finnst alls ekki leiðinlegt
að vinna í fiski, það er margt
miklu leiðinlegra. Ég hef unnið í
búð og á hóteli og mér finnst
þetta betra. Áður en ég fór að
vinna hér fannst mér ég vera svo
bundin í vinnunni. Það er alltaf
hægt að fá að skreppa frá í fisk-
vinnunni. Ég er því mjög ánægð
með þessa vinnu, ég held að t.d.
skúringar á sjúkrahúsi séu miklu
leiðinlegri."
- Vinnurðu allan daginn?
„Já, ég vinn allan daginn og er
með heimili. Börnin eru orðin
stálpuð, ég er ekki með nein
smábörn, þetta er því ekkert
erfitt," sagði þessi hressa kona að
lokum. - HJS
Fullir bakkar af físki sem bíða eftir meðhöndlun.
Fiskur og aftur fískur.
Ábúðarfullir yfírmenn og verkstjórar ganga um salinn og fylgjast með að allt
sé í stakasta lagi. Þessi með möppuna undir hendinni er ekki að fara á 01-
ympíuleikana.
- segir Björg Jóhannsdóttir, sem vinnur við pökkun
Eftir spjall við verkstjór-
ann brugðum við okkur
inn í sal og virtum fyrir
okkur fólk við vinnu sína.
Þarna voru konur á öllum
aldri, ef svo má segja, við
að snyrta og pakka físk.
Þarna var líka karlpening-
ur, ætli þeirfæri ekki kon-
unum fiskinn í bökkum og
brýni fyrir þær Imífana,
það er vinsælla að þeir bíti
vel. Það var svona rétt að
maður þorði að trufla kon-
urnar við vinnuna, þær
leggja sig allar fram til að
ná sem mestum bónus.
Þarna var ein góðleg við
pökkun og við svifum á
hana. Kvaðst hún heita
Björg Jóhannsdóttir.
- Ertu búin að vinna hérna
lengi?
„Ég er búin að vinna hjá Þor-
móði ramma síðan 1969, fyrst í
gamla húsinu og fylgdi svo með
þegar flutt var í þetta húsnæði.“
- Ertu ánægð með kaupið?
„Ja, það er nú erfitt að segja
um það. Tímakaupið er allt of
lágt, en bónusinn gerir kaupið
sæmilegt. Tímakaupið í dagvinnu
er ekki nema 2.600 á viku og
bónusinn getur verið svona um
Björg Jóhannsdóttir gaf sér smátíma til að líta upp frá pökkuninni og þá var
tækifærið gripið og smellt af henni mynd.
Texti og myndir: HJS og mþþ