Dagur - 29.08.1984, Blaðsíða 3

29. ágúst 1984 - DAGUR - 15
Tilgangurinn að styrkja og
93
efla yngri flokka félagsins
- segir Ingveldur Jónsdóttir formaður Foreldrafálags KA
££
„Tilgangur foreldrafélgasins
er sá að styrkja og efla yngri
flokka félagsins,“ sagði Ing-
veldur Jónsdóttir, en hún er
formaður Foreldrafélags KA
sem stofnað var í sumar. „Ef
yngri flokkar KA komast í úr-
slit þá sjáum við um að greiða
ferðirnar fyrir strákana eins og
við gerðum í haust er 6. og 4.
flokkur komust í úrslitin í ís-
landsmótinu.
Á KA-daginn sem er fyrir-
hugaður á sunnudag verður for-
eldrafélagið með kaffisölu á KA-
svæðinu þar sem við ætlum að
reyna að ná inn peningum upp í
þann kostnað sem við höfum
þegar lagt út fyrir. Það er ætlunin
að félagið standi einnig að baki
yngri flokkunum í handboltanum
og við höfum hugsað okkur að
vera með ýmislegt í gangi til fjár-
öflunar af og til allt árið án þess
beint að ganga í hús og betla pen-
inga.
Við munum sjá um sælgætis-
söluna í íþróttahöllinni í vetur og
við gerum okkur vonir um að fá
að sjá um söluna á íþróttavellin-
um næsta sumar þótt það mál sé
ekki frágengið ennþá. Annars
eru fjáröflunarleiðirnar ekki fast-
mótaðar enn, allur tíminn frá
því félagið tók til starfa hefur far-
ið í að standa að baki flokkunum
sem komust í úrslit íslandsmóts-
ins og aðstoða éinnig við ferðina
sem 6. flokkur fór í til Vest-
mannaeyja.“
- Hvernig hefur gengið að fá
foreldra til þess að taka þátt í
starfinu?
„Ég tel að foreldrar séu mjög
opnir fyrir þessu starfi. Strákun-
um hefur gengið vel að undan-
förnu og þá er betra að ná til for-
eldra og virkja þá til samstarfs.
Það voru að vísu ekki margir sem
tóku þátt í stofnun félagsins, en
við höfum síðan hringt í marga
foreldra og spurst fyrir um hvort
við mættum ekki leita til þeirra,
og við höfum hvergi fengið nei-
kvæðar undirtektir.“
- Telur þú nauðsyn á félagi
eins og þessu og þá hvers vegna?
„Ég tel það því mér finnst að
ekki sé staðið nógu vel að baki
yngri flokkunum þótt stjórnirnar
geri auðvitað margt fyrir þá, en
höfuðáherslan er lögð á meistara-
flokkinn."
- Finnst þér það óeðlilegt?
„Ef til vill ekki, en sjáðu til. Ég
á stráka sem eru í handbolta og
fótbolta og kostnaður við
keppnisferðir þeirra hefur komið
úr vasa okkar foreldranna. Ég á
líka mann sem er í meistaraflokki
í handbolta og þegar hann fer í
keppnisferðir er greitt fyrir hann.
Þarna er misræmi sem mér finnst
óeðlilegt.
Ferð 6. flokks til Vestmanna-
eyja kostaði t.d. foreldra strák-
anna 4.400,- krónur. Þar af var
ferða- og fæðiskostnaður 3.900,-
krónur og svo fengu strákarnir
100.- krónur í vasapeninga á
hverjum degi. Þessir peningar
komu beint úr vasa foreldranna,
en ef foreldrafélagið hefði verið
komið í gang þá er hugsanlegt að
við hefðum getað komið til móts
við þá.
Það gerðum við þegar 6. og 4.
flokkur fóru í úrslit íslandsmóts-
ins, þá greiddum við ferðakostn-
að strákana. Ég vona að félagið
eigi eftir að eflast og ná því piark-
miði sínu að geta verið stjórnum
deildanna til aðstoðar við að gera
veg yngri flokka félagsins sem
mestan," sagði Ingveldur Jóns-
dóttir.
- í stjórn félagsins eru ásamt
henni Ingibjörg Gísladóttir, Páll
Bergsson, Valgerður Valgarðs-
dóttir, Jósef Guðbjartsson og í
varastjórn Guðbjörg Þorvalds-
dóttir og Pálmi Sigurðsson.
Ingveldur Jónsdóttir.
Stórglæsileg
einbýlishús

éí : laíjTigr11
■s-

EINBÝUSHÚS Á EINNI HÆÐ

£r: B
rl--- i i—
IK Iv-
d'."
. 1-rU
-C
BQjrrcs’fOCP
úr steyptum einingum á verði við allra hæfi.
Mikið úrval af nýjum teikningum.
Fjögurra tommu einangrun í öllum útveggjum.
Frjálst val um steypt eða timburloft.
Getum einnig útvegað steypta milliveggi.
Sendum teikningar ásamt upplýsingum um húsin ef óskað er.
Húsin eru afhent tilbúin undir málningu.
Höfum til umráða fimm lóðir við Einholt ^

Dennis Jóhannesson, arkitekt
ili
/T nyhus
STRENGJA-
STEYPAN HF
v/SÚLUVEG - PÓSTHQLF 618 - 602 AKUREYRI - SÍMI (96)21255
MOL&SANDUR HF.
v/SÚLUVEG - PÓSTHÓLF 618 - 602 AKUREYRI - SÍMI (96)21255