Dagur - 05.09.1984, Blaðsíða 2

14 - DAGUR - 5. september 1984
„Árangurinn
allgóður"
- segir Sigurður Vatnsdal formaður unglingaráðs
„Árangur yngri flokka Þórs
var allgóður í sumar og ég er
ánægður með hann að flestu
leyti,“ sagði Sigurður Vatns-
dal, en hann er formaður ung-
lingaráðs Þórs.
Kvennalið okkar var í 2. sæti í
íslandsmótinu, 2. flokkur hafn-
aði í 3. sæti í íslandsmóti, 3.
flokkur komst í úrslit í íslands-
mótinu og stóð sig mjög vel en
sá flokkur vann sinn riðil með
markatölunni 37:0. í úrslitunum
urðu Þór, Fram og Keflavík jöfn
að stigum og réði markatala því
að við komumst ekki í úrslitaleik-
inn.
Við fórum með 5. flokk í úr-
slitakeppni 7-manna liða. Þá
höfum við eignast Akureyrar-
meistara í 3. og 6. flokki og fleiri
titlar geta unnist til viðbótar.
Mikil aðsókn var að íþrótta- og
leikjanámskeiði okkar og knatt-
spyrnuskóli Þórs var afar vel
sóttur. Á næsta ári breytast liðin
við það að strákarnir færast á
milli flokka svo það er aldrei að
vita hvað þá gerist. Það þarf að
búa vel að yngri flokkum okkar
því í þeim eru framtíðarknatt-
spyrnumenn félagsins,“ sagði
Sigurður Vatnsdal.
Sigríður Pálsdóttir.
„Mikill
áhugi“
- segir Sigríður
Pálsdóttir
„Ég byrjaði að æfa knatt-
spyrnu fyrir tveimur árum
vegna þess að besta vinkona
mín var komin í Þór,“ sagði
Sigríður Pálsdóttir, en hún
leikur með yngra liði Þórs í
knattspyrnu.
„Við höfum mjög mikinn
áhuga á fótbolta og það mæta
svona 16-25 stelpur á æfingar.
Við tókum þátt í íslandsmóti 12-
15 ára, spiluðum fjóra leiki og
unnum einn þeirra. Ég er alveg
ákveðin í að halda áfram að æfa
og vonandi á okkur eftir að fara
fram en þjálfarinn okkar Guð-
mundur Svansson var mjög
ánægður með þetta fyrsta sumar
hjá okkur,“ sagði Sigríður.
Valdimar Pálssun.
„Vantar
leikreynslu"
- segir Valdimar
Pálsson
„Ég byrjaði í Þór þegar ég var
7 ára og var þá undir stjórn
Þrastar Guðjónssonar,“ sagði
Valdimar Pálsson sem er fyrir-
liði 3. flokks Þórs.
Valdimar sagðist hafa leikið
sem tengiliður lengst af og
sagði hann það vera skemmti-
legra en að vera í öftustu vörn-
inni en þar hefur hann einnig
leikið.
„Okkur gekk ágætlega í
sumar, komumst í úrslit í íslands-
mótinu og unnum þar ÍK og
Fram en töpuðum fyrir ÍBK. Svo
lékum við gegn Hetti um 5. sætið
og unnum þá 8:2. Við erum ekk-
ert slakari en Reykjavíkurliðin
en vantar illilega leikreynslu,“
sagði Valdimar.
Birkir Guðnason.
„Ákeðinn
Þórsari“
- segir Birkir
Guðnason
„Það kom aldrei til greina að
fara í KA þó ég eigi heima á
Brekkunni, ég er ákveðinn
Þórsari,“ sagði Birkir Guðna-
son, en hann byrjaði að æfa
með Þór 7 ára og leikur nú í 6.
flokki.
„Pabbi lék með Þór og ÍBA og
ég á tvo bræður sem báðir eru í
Þór. Það hefur gengið ágætlega
hjá okkur í sumar, við komumst
að vísu ekki í úrslit í Eimskipa-
félagsmótinu en við erum Akur-
eyrarmeistarar í 6. flokki a, b og
c. Árni Stefánsson þj álfari. “
- Við spurðum Birki hvort
hann stefndi ekki að því að kom-
ast í landsliðið.
„Jú það væri gaman að leika
með landsliðinu eins og pabbi,"
svaraði hann ákveðinn.
Páll Gíslason.
„Frábær
hópur“
- segir Páll
Gíslason
„Ég er búinn að vera í Þór í 9
ár og sé ekki eftir þeim tíma
sem hefur farið í fótboltann,“
segir Páll Gíslason. Hann er 14
ára - hefur því byrjað 5 ára -
og er fyrirliði 4. flokks Þórs.
Flokkurinn okkar er góður
núna, frábær hópur og góð
stemmning. Við komumst hins
vegar ekki í úrslitin í íslandsmót-
inu, en setjum stefnuna á þau
næsta sumar. Árni Stefánsson
þjálfar okkur og vonandi verður
hann með okkur áfram. Ég er al-
veg ákveðinn í því að setja mark-
ið hátt og stefni að því að komast
í meistaraflokk þegar þar að
kemur,“ sagði Páll.
Steingrímur Pétursson.
„Óheppnir
í sumar“
- segir Steingrímur
Pétursson
„Það vantaði einu sinni
markmann á æfingu hjá okkur.
Ég fór þá í markið, fékk mark-
mannsveikina og stðan hef ég
verið í marki.“
Sá sem þetta segir er Stein-
grímur Pétursson markvörður 5.
flokks Þórs. Hann er 12 ára og
hefur æft með Þór í 4 ár, lék fyrst
sem tengiliður.
„Við vorum nokkuð óheppnir
í íslandsmótinu í sumar, vorum
jafnir KA að stigum en þeir kom-
ust í úrslitin á hagstæðari marka-
tölu. Við komumst hins vegar í
úrslit í Eimskipafélagsmótinu en
gekk illa þar. Þjálfari okkar er
Páll Guðlaugsson og hann er
góður þjálfari," sagði Steingrím-
ur.
Þær æfðu með úrvalsliði KSI
Fjórar stúlkur úr Þór voru í
sumar valdar til þess að leika
með úrvalsliði KSÍ, 19 ára og
yngri, en andstæðingar liðsins
voru stúlkur frá Bandaríkjun-
um. Þessar Þórsstúlkur voru
Diana Gunnarsdóttir, Kolbrún
Jónsdóttir, Þórdís Sigurðar-
dóttir og Eydís Benediktsdótt-
ir.
Diana sagði að 22 stúlkur
hefðu mætt á æfingar hjá KSÍ en
síðan voru valdar 16 stúlkur til
þess að leika. Þær Diana, Kol-
brún og Þórdís voru í þeim hópi.
Kolbrún var síðan í byrjunarlið-
inu en þær Diana og Þórdís komu
inn á í síðari hálfleik.
„Þetta var mikil reynsla fyrir
okkur og heiður að fá að leika
fyrir hönd íslands," sagði Diana.
Éins og fram hefur komið sigraði
Þór í b-riðli 1. deildar kvenna og
lék gegn Akranesi um íslands-
meistaratitilinn og tapaðist sá
leikur 1:4. Þjálfari Þórs er Guð-
mundur Svansson og binda stúlk-
urnar vonir við að hann verði
áfram með liðið.
„Það er í mörg horn að líta“
- segir Sæbjörn Jónsson sem á sæti í vallarnefnd
Frá vígslu grasvallar Þórs 1980. Haraldur Helgason fyrrverandi formaður félagsins t.v. og Sigurður Oddsson núver-
andi eru eitthvað að bralla og ungir Þórsarar fylgjast með af áhuga.
„Aðalverkefni okkar í sumar
hefur verið að undirbúa svæð-
ið fyrir norðan malarvöllinn,
en þar fáum við stóran
grasvöll,“ sagði Sæbjörn
Jónsson, en hann á sæti í vall-
arnefnd Þórs.
„Við höfum hug á því að fara í
það strax næsta vor að tyrfa þetta
svæði, en það fer auðvitað eftir
fjárhagnum hvort það verður
hægt. Völlurinn verður sennilega
90x200 metrar að stærð, og okkur
reiknast til að torf á þetta komi til
með að kosta um 400 þúsund
krónur.
Þegar þessum framkvæmdum
lýkur verðum við orðnir býsna
vel settir, með tvö stór grassvæði
og ágætan malarvöll. Þá förum
við í það að girða þetta af og
vinna að fegrun á svæðinu. Nú,
við erum með tilbúna tennisvelli
að því leyti að við erum búnir að
byggja þá upp, en það er eftir að
leggja malbik ofan á. Það er því í
mörg horn að líta hjá okkur við
uppbyggingu á Þórssvæðinu,“
sagði Sæbjörn Jónsson.
Sæbjörn Jónsson.