Dagur - 31.10.1984, Blaðsíða 7
6 - DAGUR - 31. október 1984
31. október 1984 - DAGUR - 7
Búvörusýningin „Bú ’84“ - Búvörusýningin „Bú ’84“ - Búvörusýningin „Bú ’84“ - Búvörusýningin „Bú ’84“ - Búvörusýningin „Bú ’84“ - Búvörusýningin „Bú ’84“
„Einbeittum okkur að kynningu
á lifrarkæfunni og spægipylsu1
sagði Óli Valdimarsson hjá Kjötiðnaðardeild Kaupfélags Eyfirðinga
„Við sýnum hér allar helstu
framleiðsluvörur okkar og svo
erum við með hiuta af sýning-
arborði okkar skreytt á mjög
skemmtilegan hátt,“ sagði Oli
Valdimarsson hjá Kjötiðnað-
arstöð Kaupfélags Eyfirðinga
er við hittum hann að máli á
búvörusýningunni „Bú ’84“
sem haldin var í Reykjavík á
dögunum. Kjötiðnaðarstöðin
var þar með myndarlega kynn-
ingu á framleiðsluvörum sínum
og var nóg að gera hjá starfs-
mönnum fyrirtækisins þann
tíma sem sýningin stóð yfír.
Ég hef ekki talið saman hversu
marga vöruflokka við sýnum, en
við erum hér með allar okkar
niðursuðuvörur og aðrar helstu
vörur. Þessi vettvangur er mjög
heppilegur hvað það snertir að
kynna nýjar vörur á Reykjavík-
urmarkaðinum en af því hefur
verið of lítið gert til þessa.“
- Hefur salan þar af leiðandi
verið lítil í Reykjavík?
WM
Fagurlega gerð skreyting í sýningarbás Kjötiðnaðardeildar KEA.
„Niðursuðuvörur okkar hafa
selst vel í höfuðborginni en salan
á öðrum vörum hefur ekki verið
mikil. Móttökur hérna á sýning-
unni hafa verið mjög góðar, fólk
hefur mikið spurst fyrir um það
hvaða verslanir selji vörur frá
okkur og það finnst mér lofa
góðu. Þær verslanir sem hafa selt
okkar vörur eru fyrst og fremst
IMA verslanir. En það eru versl-
anir í eigu félagsmanna í Inn-
kaupasambandi matvörukaup-
manna, aðallega smærri verslanir
og svo hefur JL- húsið verið með
vörur frá okkur.“
- Á hvað hafið þið lagt höfuð-
áherslu á þessari sýningu?
„Við höfum aðallega einbeitt
okkur að því að kynna lifrarkæf-
una okkar og spægipylsuna. Við
höfum einnig gefið fólki sem
hingað hefur komið kost á því að
smakka fleiri vörutegundir okkar
eins og t.d. magál sem þekkist
ekki ntikið hérna fyrir sunnan.
Það er ekki annað að sjá en að
magállinn hafi líkað vel því fólk
spyr mikið um það hvar hægt sé
að kaupa hann.“
- Þannig að þú ert bjartsýnn á
árangur ykkar af þátttöku í þess-
ari sýningu?
„Það verður að koma í ljós
hver hann verður. Við erum
mjög ánægðir með móttökurnar
því fólkið hefur sýnt mjög já-
kvæð viðbrögð við okkar fram-
lagi á sýningunni. Ég reikna með
að þetta eigi eftir að skila sér, en
það þarf þó að fylgja þessu eftir
til þess að svo verði. Hér er geysi-
lega stór markaður, um það bil
helmingur þjóðarinnar býr á
höfuðborgarsvæðinu svo það
liggur í augum uppi að það er
mikilvægt að ná fótfestu á þess-
um markaði. Við höfum það gott
hráefni að við erum vel sam-
keppnisfærir þótt við þurfum að
keyra allar okkar vörur suður til
Reykjavíkur."
- Ef svo fer að þátttaka ykkar
í þessari sýningu skilar sér í mjög
aukinni sölu, hvernig eruð þið
þá í stakk búnir til þess að mæta
þeirri aukningu í framleiðsl-
unni?
„Okkur vantar tilfinnanlega
sjálfvirkar vélar eins og dósalok-
unarvél og áfyllingarvél til þess
að auka afköstin. Á öðrum svið-
um erum við mjög vel búnir tækj-
um og þurfum ekki að kvarta."
- Heldur þú að sá hugsunar-
háttur sé ríkjandi í Reykjavík að
fólk þar kaupi fremur vörur sem
þar eru framleiddar, öfugt við
það sem er á Akureyri þar sem
fólk kaupir að öllu jöfnu fremur
KEA vörur?
„Ég veit það ekki. Það eru
óhemjumörg fyrirtæki í þessari
framleiðslu í Reykjavík og sam-
keppnin er mjög hörð, en ég held
að fólk í Reykjavík hugsi ekki
svona að öllu jöfnu. Að vísu má
segja með SS pylsurnar að á þær
hefur komist sá stimpill að þær
séu vinsælastar en það sama má
segja um niðursuðuvörurnar frá
okkur. Við sitjum að langmestu
leyti að þeim markaði."
Þann tíma sem sýningin stóð
yfir var stanslaus straumur fólks
í sýningarbás Kjötiðnaðarstöðvar
KÉA og starfsmenn á þönum við
að gefa gestum að smakka á hin-
um ýmsu framleiðsluvörum. Á
meðan undirbúningur sýningar-
innar stóð yfir unnu starfs-
mennirnir nær allan sólarhring-
inn og þá daga sem sýningin stóð
yfir var vinnutíminn frá því eld-
snemma á morgnana og fram-
undir miðnætti. Og svo mikið
var að gera að varla gafst tími til
þess að fara í mat!
Þeir sem unnu í sýningarbás
Kjötiðnaðardeildar KEA voru
auk Óla þau Grettir Frímanns-
son, Óskar Erlendsson, Her-
mann H. Huijbens, Stefán Vil-
hjálmsson, Ólína Sigurjónsdótt-
ir og Margrét Þórðardóttir.
„Stuðlar að
aukinni
vöruþróun“
- segir Agnar Guðnason fram-
kvæmdastjóra sýningarinnar
Það var jafnan mikil örtröð við sýningarbás Kaupfélags Svalbarðseyrar.
Fjórir starfsmanna Kjötiðnaðardeildar KEA á sýningunni.
„Tildrögin að þessari sýningu
voru þau að Markaðsnefnd
landbúnaðarins hafði hug á að
halda kjötkynningu. Úr varð
að leitað var samstarfs við
Mjólkurdagsnefnd sem haldið
hefur „Mjólkurdaga“ árlega.
Niðurstaða varð sú að ákveðið
var að sameinast um myndar-
lega búvörusýningu,“ sagði
Agnar Guðnason, en hann var
framkvæmdastjóri búvörusýn-
ingarinnar „Bú ’84“ sem hald-
in var í Reykjavík á dögunum.
„Síðar var ákveðið að auka
fjölbreytnina, því tekinn var inn
fulltrúi frá Búnaðarfélagi íslands,
Framleiðsluráði landbúnaðarins
og landbúnaðarráðuneytinu.
Fulltrúar þessara aðila sem ég hef
nefnt að framan mynduðu sýn-
ingarstjórn. Þá var boðið til þátt-
töku öllum stærstu afurðasölu-
félögum bænda. Undirtektir voru
mjög jákvæðar og því var hafist
handa um undirbúning."
- Hver er aðalávinningur með
sýningu af þessu tagi?
„Hún hlýtur að stuðla að auk-
inni vöruþróun í landbúnaði og
við fáum ákveðinn velvilja um
leið og við sláunt á þann áróður
sem rekinn hefur verið gegn
landbúnaði. Ætli 99% af því fólki
sem kemur á þessa sýningu sé
ekki mjög ánægt með sýninguna
og telur hana raunhæft svar við
þessum áróðri. Þá tel ég að þettá
treysti böndin milli afurðasölu-
félaganna og það hlýtur að vera
til góðs.“
- Þátttakendur í sýningunni
Úr sýningarbás Iðnaðardeildar Sambandsins.
voru 37 talsins og komu víðs veg-
ar af landinu. Sýningunni var
skipt niður í 6 deildir, en þær
voru: Mjólkurdeild, kjötdeild,
grænadeild, ullar- og skinnadeild
og hlunnindadeild. Auk þess var
á sýningunni sérstök fræðsludeild
þar sem bændasamtökin og
bændaskólarnir ásamt garðyrkju-
skólanum gerðu grein fyrir sinni
starfsemi.
Agnar Guðnason.
„Viötökumar uppöivandi“
- sagði Helgi Magnússon hjá Kaupfélagi Svalbarðseyrar
Myndir og texti: gk-. og GS
Fyrirtækin tvö sem framleiða
„franskar kartöflur“ hér á
landi, Kaupfélag Svalbarðseyr-
ar og kartöfluverksmiðjan í
Þykkvabæ voru með sýningar-
bása hlið við hlið á búvörusýn-
ingunni „Bú ’84“. Það er ekki
farið með rangt mál þótt sagt
sé að meiri ásókn hafl verið að
bás Kaupfélags Svalbarðseyr-
ar, og greinilegt að „Frans-
man“-merkið hefur unnið sér
stóran sess á markaðinum.
„Já, það er gott að vera hérna
við hlið keppinautanna, þetta er
heiðarleg samkeppni," sagði
Helgi Magnússon verksmiðju-
stjóri hjá Kaupfélagi Svalbarðs-
eyrar, en við tókum hann tali á
sýningunni. „Það er óhætt að
segja að okkar framleiðsla hafi
gengið mjög vel til þessa og við-
tökur hérna á sýningunni hafa
verið geysilega uppörvandi. Við
erum hér með okkar „Fransman"
kartöflur og gefum fólki að
smakka, en einnig erum við að
kynna hér nýja framleiðslu, svo-
kallaðar „mínútukartöflur" sem
eru væntanlegar á markaðinn
mjög fljótlega. Þær eru soðnar og
pakkaðar í 600 g pakkningar og
kartöflurnar eru tilbúnar í pott-
inn eða á pönnuna."
- Það var ekki of djúpt í árina
tekið hjá Helga að segja að við-
tökur á sýningunni hafi verið
góðar, stanslaus biðröð var við
sýningarbás fyrirtækisins og þau
Nanna Leifsdóttir, Sigurjón Jó-
hannesson og Sigrún Sævarsdótt-
ir voru á þönum allan daginn.
„Það er búið að vera alveg brjál-
að að gera frá því opnað er og
þangað til lokað er á kvöldin,“
sagði Nanna og gaf sér varla tíma
til að líta upp.
Helgi Magnússon.
Búvörusýningin „Bú ’84“ var haldin íReykjavík dagana 21.-30. septembersl. Þarna
var um að ræða stærstu matvælasýningu sem haldin hefur verið á Islandi og var sýn-
ingunni skipt niður í 6 deildir. Mjög mikil aðsókn var að sýningunni og Ijóst að sýn-
ingin og það sem á boðstólum var vakti mikla athygli gesta. Um 30 þúsund gestir sóttu
sýninguna, og er ekki talið ólíklegt að sýning þessi verði árlegur viðburður í framtíð-
inni. Dagsmenn litu inn á sýninguna og sést afrakstur þeirrar heimsóknar hér á síð-
unni.