Dagur - 31.10.1984, Blaðsíða 8

8 - DAGUR - 31. október 1984
Sigurður Jónsson byggingafræðingur skrifar:
Dagurinn 18. október 1984
Samningur STAK við Akureyrarbæ
er eitt stærsta skref aftur á bak sem
félagið hefur orðið fyrir, eftir að op-
inberir starfsmenn fengu verkfalls-
rétt. Pessi samningur hljóðar upp á
afnám þeirra réttinda er áunnist
höfðu, það er uppsagnarákvæði og
sérkjarasamningar.
Ríkisstjórnin setti lög, á okkur
launþega fyrir 16 mánuðum, um af-
nám vísitölubindingar og afnám
uppsagnarréttinda. Hverju svör-
uðum við? Við mótmæltum, og það
kröftuglega. Ríkisstjórnin gaf eftir,
við fengum uppsagnarréttinn og
samningsréttinn okkar aftur. En
hvað er gert nú? Hjá samninganefnd
STAK? Og þorri félagsmanna sam-
þykkir. Pað er gerður samningur við
Akureyrarbæ, þar sem gildistími
samnings er til 31.12.1985, án upp-
sagnarákvæða, og kaupmáttartrygg-
ingar, (nema það sem má hafa eftir
sem munnleg loforð, ef önnur sveit-
arfélög fá kaupmáttartryggingu, þá
fáum við það hana líka).
Hér erum við að semja af okkur,
því sem við kölluðum sem hæst eftir
fyrir 16 mánuðum og sögðum að væri
mannréttindasvipting.
Við gerum samning inn í framtíð-
ina (í 16 mánuði), án þess að hafa
möguleika á að segja honum upp, ef
verðbólgan vex, eða kaupmáttur
launa minnkar langt undir það sem
hann var við undirritun samnings.
Það er lítið hægt að segja við þessu,
nema ósköp gleymir fólk fljótt, eða
vissi fólk ekki hvað það var að sam-
þykkja.
Það er líklega rétt að rifja upp dag-
inn 18. okt. 1984, frá um kl. 10 og
frant til kl. 22.
Stjórn STAK og samninganefnd
boðaði fulltrúaráð og trúnaðarmenn
á vinnustöðum á fund um morgun-
inn, til að kynna samningstilboð frá
samninganefnd Akureyrarbæjar.
Samninganefnd Akureyrarbæjar
sagði að þetta væri eina tilboðið sem
kæmi frá þeim, og nú væri að segja
já eða nei. Samninganefnd STAK og
samninganefnd Akureyrarbæjar
komu saman að kvöldi 17. okt. 1984,
þar sem þetta tilboð var kynnt.
Samninganefnd STAK vildi á þeim
fundi fá að kynna tilboðið fyrir fé-
lögum sínum. Eftir þóf í 3 tíma um
það atriði, var fallist á það.
Samninganefnd STAK kynnti
þetta tilboð fyrir okkur félögum í
STAK. Og hverju svöruðum við?
Þetta var að vísu kynningarfundur,
en við gerðum engu að síður, án
nrótþróa, skriflega yfirlýsingu, sem
hljóðar svo:
Við undirrituð teljum að til þess að
af samingi geti orðið milli STAK og
Akureyrarbæjar, sem gildi til 31.
des. 1985, verði að koma inn í hann
ákvæði um möguleika á uppsögn
og/eða kaupmáttartryggingu á samn-
ingstímabilinu. Einnig að sérkjara-
samningar fari fram að lokinni undir-
ritun aðalkjarasamnings, skv. lögum.
Virðingarfyllst.
Fulltrúar STAK í stjórn, samninga-
nefnd, fulltrúaráði og trúnaðarmenn
á vinnustöðum. Undir þetta rita rúm-
lega 50 manns.
Nú er klukkan að verða 12, og
fundur að byrja aftur með samninga-
nefndum STAK og Akureyrarbæjar.
Samninganefnd STAK fór með
fríðu föruneyti út að bæjarskrifstof-
um. Þegar opnað var fyrir þeim og
þau gengu inn, var þeim óskað alls
góðs í viðræðunum, og þau hvött til
að gera góða samninga. Stuttu síðar
eru þau komin aftur inn á skrifstofur
að Ráðhústorgi 3. Eftir að hafa af-
hent undirritaða blaðið, frá félögum
í STAK, dró samninganefnd Akur-
eyrarbæjar tilboð sitt til baka. Og þar
með var komin upp sú staða, að
þetta færi fyrir sáttasemjara, er við
öll vorum búin að sætta okkur við
með því að skrifa undir þær kröfur
sem við vildum ná fram, til þess að
samningar næðust.
Þegar formaður STAK, að eigin
sögn, var að yfirgefa ráðhúsið, kall-
aði bæjarstjóri hann á sinn fund,
hvað þeim fór á milli veit ég ekki, en
útkoman var að reyna að halda
áfram viðræðum með tilboð Akur-
eyrarbæjar sem grundvöll, (það hefði
ekki átt að vera hægt, nema að
kFa:
Dnnmi
>
2ja ára

I tilefni afmælisins föstudaginn 2. nóvember
bjóðum við upp á enn betri kjör
Hangikjöt með beini og beinlaust 20% afsláttur Rúsínur í lausu 23% afsláttur
Lísukex í pökkum 23% afsláttur Co-op tómatsósa 30% afsláttur
Kynnum: Sanitas maltöl,
sykurminna * Kynningarverd
Optö til kl. 19 föstudag
Komtö og njóttö kostakjara
Kjörbúð KEA
Sunnuhlíð
H
kröfur þær er við undirrituðum væru
inni).
Kl. 16 er aftur fundur hjá STAK
með sama fólki. Þar komu fram fleiri
kröfur en á fyrri fundinum. Fólk vildi
fá bætur á laun sín, yrði samningur-
inn til ársloka 1985, þannig að það
kæmi greiðsla í sept. 1985. Allir voru
fastir á því að sérkjarasamningar
ættu að vinnast samhliða aðalkjara-
samningi skv. lögum.
Það komu nókkrar hugmyndir um
möguleika á færslu á greiðslum úr
prósentum í jafnar greiðslur til að
þeir sem eru í lægri flokkunum
fengju sömu hækkanir og þeir sem
eru ofar, eða að jafna bilið milli
flokka.
Eftir þennan fund er formaður
STAK kallaður til viðræðna við
formann samninganefndar Akureyr-
arbæjar, á skrifstofu síðastnefnda.
Hvað þar fór fram vita þeir einir sem
þar sátu. Eftir þann fund er kallaður
saman fundur með stjórn og samn-
inganefnd STAK. Þar er fundað í um
klukkutíma, (síminn eitthvað notað-
ur) en svo komið fram fyrir hinn al-
menna félaga, og tilkynnt að hefja
eigi aftur samningaviðræður við
samninganefnd Akureyrarbæjar kl.
20.
Eftir um tveggja tíma fund er búið
að skrifa undir samning, þennan
sama og samninganefnd Akureyrar-
bæjar hafði lagt fram í upphafi, nema
að viðbættum bókunum og munn-
legu loforði, sem litlu breytir um lé-
legan samning. Hvað nú með fundar-
sköp, sent búið er að hrópa svo mikið
um, og stöðu okkar hins almenna fé-
laga innan STAK?
Stjómin, samningancfndin, full-
trúaráð og trúnaðarmenn á vinnu-
stöðum, rúmlega 50 félagar, voru
búnir að skrifa undir ákveðna þætti
sem yrðu að vera inni í samningnum,
ef af samningi gæti orðið milli Akur-
eyrarbæjar og STAK. Eru þetta lýð-
ræðisleg vinnubrögð, að lítilsvirða
félagana, og skrifa undir samning
sem ekki uppfyllir það sem krafist
var?
Til hvers voru þeir, sem að þessu
stóðu að setja nafn sitt á báða staði,
þ.e.a.s. á kröfur frá STAK, og síðan
10 tímum seinna á samninginn? Er
þetta ekki frekar, eins og á að geta
gerst í „kommúnistaríkjum“? (Svo
vitnað sé í Dag frá 24.10.1984.)
Það eru flestir mjög undrandi á
þessum aðferðum við að undirrita
aðalkjarasamning, og eins að félagar
skuli hafa samþykkt þessi vinnu-
brögð við samninginn.
Þessar línur eru ritaðar af mjög
óánægðum félaga í STAK með
vinnubrögðin við samninginn.
Samstaðan innan BSRB var mjög
góð. Hún hófst á kynningarfundi um
sáttatillöguna, þar sem gerðar voru
ályktanir um óánægju okkar í BSRB
hvað varðar kaup og kjör okkar, og
var mjög sterk og samstillt eftir að
verkfall hófst. Það var álit allra í
BSRB, að það ætti að standa saman,
og berjast fyrir launaréttlæti fyrir alla
BSRB-meðlimi, því hvergi eru
greidd eins léleg laun og til BSRB-
meðlima.
En svo, einn góðan veðurdag, fer
liðhlaupi af stað. Smitið breiðist út,
og brátt vorum við félagar í STAK
komnir í liðhlaupasveitina. Hinn
mikli vilji og kraftur, um að réttlæta
launamismuninn hjá BSRB-fólki og
frjálsa vinnumarkaðinum, sem allir
vita um, var orðinn að púðurkerlingu
hjá STAK.
Ég sendi mínar baráttukveðjur til
þeirra í BSRB, sem enn hafa styrk og
þor, til að halda uppi gunnfánanum.
Lesandi góður, það eru þeir sem
eftir standa, sem ekki fengu sín fullu
laun fyrir októbermánuð.
P.S. f Degi frá 24.10.1984, segir
einn fundarmanna, „að þetta hafi
verið eins og á sellufundi í Alþýðu-
bandalaginu.“ Þetta er líklega sá
sami og átti viðræður við einn kenn-
ara hér í bæ, eftir ræðu fjármálaráð-
herra á Alþingi. Þegar þeir fóru að
tala um verkfallið, sagði hann: „Þú
er helvítis kommúnisti." „Hvað ég?“
sagði kennarinn, „ég er enginn
kommúnisti, ég er anti-kommi.“
„Mér er helvítis sama,“ sagði hann,
„hvers konar kommi þú ert.“
Sigurður Jónsson.