Dagur - 28.11.1984, Page 9

28. nóvember 1984 - DAGUR - 9
Svipmyndir frá
Samvinnudögum
Starfsmannafélög Kaupfélags
Eyfirðinga og Sambandsverk-
smiðjanna á Akureyri héldu
um helgina „Samvinnudaga“ í
húsakynnum Iðnaðardeildar
Sambandsins í samvinnu við
Landssamband samvinnu-
starfsmanna. Við fengum
Guðmund Loga Lárusson
framkvæmdastjóra „Sam-
vinnudaganna“ til þess að
segja okkur frá þessu.
„Þarna voru kynntar vörur frá
flestöllum fyrirtækjum sam-
vinnumanna í bænum. Frá Iðn-
aðardeildinni var þetta frá fata-
iðnaði, ullariðnaði og skinna-
iðnaði. Frá kaupfélaginu var
var til staðar sýningarbás frá
Kaffibrennslunni, Brauðgerð,
Flóru og Mjólkursamlagi. Einnig
var til staðar sýningabás frá
Samvinnutryggingum. Húsnæðis-
samvinnufélagið Búseti kynnti
sína starfsemi. Þá var boðið upp
á skemmtiatriði á klukkustundar
fresti, starfsfólk á verksmiðjun-
um annaðist tískusýningar á
vörum framleiddum af Iðnaðar-
deildinni, leikþættir voru á
dagskrá, myndbandasýningar
voru í gangi og kór söng.
Það komu á þessa „Samvinnu-
daga“ eitthvað yfir 2.200 manns
svo við erum ánægðir. Svo mikil
var aðsóknin t.d. á sunnudaginn
að fólk varð frá að hverfa, það
var alveg yfirfullt.“
- Verður þetta ekki árlegur
viðburður fyrst svona vel tókst
til?
„Það má segja að hér hafi verið
um tilraun að ræða og hugmynd-
in er að koma svona uppákomum
á víðar um landið. Starfsmenn
eru að taka það upp hjá sér í
samvinnu við sín fyrirtæki að
kynna íslenskar vörur, bæði til að
tryggja sitt eigið atvinnuöryggi og
auka atvinnu.
Ef við lítum á einfalt dæmi,
kaupir Meðal-Jóninn hér á
landi hálfan skó, það er að segja
1/4 úr pari af íslenskri fram-
leiðslu. Ef við náum að auka
þetta upp í eitt par á ári á íslend-
ing, þá þýðir það 120-150 ný at-
vinnutækifæri. Ef við tökum bux-
urnar sem dæmi þá er svipað upp
á teningnum. Kaupi íslendingur-
inn einar buxur á ári sem hér eru
framleiddar þá þýðir það um 100
ný störf. Það þarf ansi lítið til og
atvinnuleysi er eins og einhver
sagði, tilbúin móðuharðindi,“
sagði Guðmundur Logi Lárus-
son.
Á tískusýningunni mátti sjá marga góða flíkina. Það voru starfsmenn
Sambandsverksmiðjanna sem sýndu.
<--------------------------------------------------------
Er þetta kaffi? Eitthvað er það nú öðruvísi en venjulega.
Tvær ungar dömur virða fyrir sér ómalað kaffi.

Þarna voru margar fallegar peysur og fleiri flíkur og vöktu mikla athygli.

Eitthvað fyrir sælkerana, marmelaði og fleira slíkt frá Flóru
Myndir: KGA