Dagur - 17.12.1984, Blaðsíða 9

17. desember 1984 - DAGUR - 9
Flýtið ykkur
hægt í
skammdeginu
Það er sennilega aldrei nógu
oft brýnt fyrir ökumönnum og
gangandi vegfarendum að var-
ast hætturnar í umferðinni.
Nú þegar sá tími ársins fer í
hönd að sólargangur er
skemmstur aukast hætturnar
um allan helming og vegfar-
endur ættu því að flýta sér
hægt.
Það er vonandi að strákarnir í
Barnaskóla Akureyrar sem hér
sjást með Verði Traustasyni, lög-
reglumanni og umsjónarmanni
umferðarfræðslu í skólum, hafi
meðtekið fræðin og séu reiðu-
búnir til að mæta svartasta
skammdeginu í umferðinni. Þeir
eru að sjálfsögðu allir með
endurskinsmerki eins og reyndar
allir gangandi vegfarendur ættu
að vera með. Mynd: ESE
Góð gjöf til
Sjálfsbjargar
- frá Kiwanisklúbbnum Kaldbaki
Þann 12. desember sl. komu full-
trúar Kiwanisklúbbsins Kaldbaks
á fund Sjálfsbjargar í Endurhæf-
ingarstöðinni. Færðu þeir félag-
inu gjafabréf að upphæð kr.
60.000 og skyldi upphæðinni var-
ið til kaupa á tækjasamstæðu frá
fyrirtækinu Grunzig í V.-Þýska-
landi. Forseti klúbbsins Eiríkur
Rósberg ávarpaði viðstadda og
sagði m.a. að hann vonaðist til að
með þessari samstæðu skapaðist
góð þjálfunaraðstaða fyrir fjöl-
fötluð börn hér í bæ.
Tók formaður Sjálfsbjargar á
Akureyri Snæbjörn Þórðarson á
móti þessari myndarlegu gjöf og
þakkaði f.h. félagsins. Fram kom
að kostur þessara tækja er fyrst
og fremst sá, að með þeim má
skapa nýjar og nýjar aðstæður til
þjálfunar barna og þannig varð-
veitt áhuga þeirra og starfsgleði.
Hingað til hafa þessi börn að
mestu leyti þurft að leita þessarar
aðstoðar í Reykjavík. Slíkt er
kostnaðarsamt og erfitt í vöfum
fyrir barnið og fjölskyldu þess, og
verður þar af leiðandi oft um
strjála og styttri meðferðir að
ræða en ella.
Kiwanisklúbburinn hefur verið
ótrúlega ötull að hjálpa til við þá
uppbyggingu sem orðin er á
svokallaðri Sjálfsbjargarlóð. Fyr-
ir þeirra tilstilli og fjölmargra
annarra klúbba, vinnustaða,
starfsmannafélaga, verkalýðsfé-
laga, einstaklinga og fyrirtækja,
hefur Endurhæfingarstöðin dafn-
að og er nú í dag orðin einhver
best útbúna stöð sinnar tegundar
hér á landi. Einnig hefur hún
boðið upp á mjög fjölbreytta
þjónustu. Hún er opin öllum al-
menningi á Akureyri og í ná-
grannabyggðarlögum.
Stjórn Sjálfsbjargar þakkar
öllum þeim, sem hingað til hafa
lagt hönd á plóginn svo og þeim,
sem standa með félaginu í áfram-
haldandi uppbyggingu, þar sem
sundlaug og æfingasalur eru efst
á blaði.
Eiríkur Rósberg formaður Kaldbaks afliendir gjöflna. Mynd: KGA
Framsóknarfélag Akureyrar.
Fjölbreytt starfsemi
í vetur
„Við höfum verið að reyna að
byggja starfsemina upp á
nokkuð frábrugðinn hátt frá
því sem áður var. Nú var t.d.
komið á fót nokkrum starfs-
hópum, sem hafa verið að taka
til starfa að undanförnu. Við
væntum okkur mikils af þess-
um hópum enda er prýðilegt
fólk í forsvari fyrir þeim,“
sagði Áskell Þórisson, nýkjör-
inn formaður Framsóknarfé-
lags Akureyrar í samtali við
Dag. „Stjórn félagsins valdi úr
nokkra málaflokka sem hún
taldi rétt að unnið væri að í
vetur. Ef hið nýja fyrirkomu-
lag gefst vel tel ég engan vafa
leika á að stjórnir næstu ára
munu halda því áfram.“
Þeir starfshópar sem Áskell
nefndi fjalla um eftirfarandi mál-
efni: Eign á landi, veitufyrirtæki,
félagsmál, landbúnað, nýsköpun
atvinnulífs, skólamál og neyt-
endamál. Einnig var fengið fólk
til að annast árshátíð félagsins og
skemmtikvöld eða framsóknar-
vist.
„Eg vildi gjarnan gera nokkuð
nánari grein fyrir verkefni hvers
hóps,“ sagði Áskell, „og við
skulum byrja á eign á landi. Þar
er ætlunin að hópurinn velti fyrir
sér þeim lögum sem til eru um
eign á landi, t.d. hálendi íslands
og fallvötnum svo dæmi séu
tekin. Sá hópur sem fjallar um
veitufyriftæki mun að öllum lík-
indum halda borgarafund um
málefni einhvers veitufyrirtækis
á Akureyri, en að öðru leyti
munu meðlimirnir afla sér eins
mikillar vitneskju um þessi fyrir-
tæki og unnt er. Slík þekking get-
ur komið sér afar vel þegar fram
í sækir. Félagsmálahópurinn mun
líka athuga hvort rétt sé að halda
borgarafund um eitthvað sem
fellur undir þennan málaflokk og
þeir sem fjalla um landbúnað-
armál munu velta þeim fyrir sér
á ýmsa lund. Hið sama má segja
um hóp sem fjalla á um nýsköpun
atvinnulífs. Hér er um að ræða
mjög mikilvægan hóp og ég vona
að hann muni boða til almenns
fundar á Akureyri um atvinnu-
mál. Skólamálahópurinn hefur
ýmsar nýjungar á prjónunum, en
skemmst er að minnast þess að
sú umræða hefur öðlast nýjan
grundvöll eftir að menn tóku að
Áskell Þórisson.
ræða um háskólanám á Akureyri.
Neytendamálahópurinn hefur
ekki tekið til starfa, en ég vona
að það geti gerst strax eftir ára-
mót. Undirbúningur er hins veg-
ar hafinn vegna framsóknarvist-
arinnar og hið sama má segja um
árshátíðina."
- Hvenær á að halda árshátíð-
ina?
„Að þessu sinni verður hún
haldin laugardagskvöldið 2.
fcbrúar. Eins og undanfarin ár
verður hún á Hótel KEA. Ég vil
eiiimitt nota þetta tækifæri til
þess að hvetja sem flesta fram-
sóknarmenn til að koma á árshá-
tíðina. Eins og gefur að skilja get
ég ekki tíundað nákvæmlega
hvað verður þar til skemmtunar,
en ég get þó lofað fólki að það
mun eiga góða stund á Hótel
KEA þann 2. febrúar.
- Mun félagið beita sér fyrir
einhverju fleiru en því sem þú
nefndir hér að framan?
„Stjórnin hefur verið að ræða
þann möguleika að halda í vetur
námskeið í ræðumennsku og
fundarsköpum. Þetta hefur ekki
verið ákveðið endanlega, fyrst
höfum við í hyggju að kanna hve
margir gætu hugsað sér að koma
á svona námskeið. Ætlunin er að
senda öllum félagsmönnum dreifí-
bréf í janúar og biðja fólk um að
hafa samband við einhvern úr
stjórninni ef það hefur áhuga á
að koma. Sömuleiðis munum
við, og það er rétt að það komi
fram hér, bjóða fólki að hafa
samband ef það vill starfa í ein-
hverjum af áðurnefndum hópum
eða ef það vill stofna nýja um
einhver önnur málefni.“
- Hvernig er stjórnin skipuð í
dag?
„Við erum fimm í aðalstjórn
og ég er forntaður félagsins,-en
varaformaður er Stefán Jónsson,
ritari er Árni Friðriksson, gjald-
keri Steinunn Sigurðardóttir og
Björn Snæbjörnsson er með-
stjórnandi. í varastjórn eru þau
Jón Arnþórsson, Áslaug Magn-
úsdóttir og Jón Sigurðarson.
Ég vildi hvetja sem flesta til að
ganga til liðs við félagið. Við vilj-
um að starfið sé sem blómlegast -
að sem flestir séu félagsmenn.
Framsóknarfélag Akureyrar er
jafnt fyrir unga sem aldna og inn-
an þess fer fram umræða um mál
sem koma okkur öllum við. Ég
bendi t.d. á þá hópa sem hafa
verið settir á laggirnar. Þeir sýna
okkur að í Framsóknarfélagi Ák-
ureyrar er fjallað um mörg áhuga-
verð efni og ætti hver að finna
eitthvað við sitt hæfi. En ég vil
ítreka að við erum tilbúin að
koma af stað fleiri hópum um
hina og þessa málaflokka ef fé-
lagsmenn óska þess.“