Dagur - 17.12.1984, Blaðsíða 12
RAFGEYMAR
I BfUNN, BÁTINN, VINNUVÉLINÁ
VIÐHALDSFRÍIR
VELJIÐ RÉTT
MERKI
Þá er jólatrjáasalan komin í
fullan gang og hefur úrvalið
sjaldan verið meira. I ár ber
meira á ýmiss konar furuteg-
undum en þær hafa þann kost
fram yfír grenið að barrheldnin
er mun meiri.
Að sögn sölumannanna í
göngugötunni sem blaðamaður
Dags hitti, er ekki mjög mikill
munur á verði greni- og furu-
trjánna. Á minnstu trjánum
munar um 50 til 60 krónum og
aðeins meira í hærri verðflokkun-
um. Hægt er að fá jólatré í ár frá
nokkur hundruð krónum upp í
eitt til tvö þúsund krónur. Stæði-
legt stafafurutré sem verið var að
selja í göngugötunni kostaði t.d.
um 1.400 krónur.
Það er Skógræktarfélag Eyfirð-
inga sem er stærsti söluaðilinn á
Akureyri og auk söluskálans í
göngugötunni er hægt að kaupa
jólatré uppi í gróðrarstöðinni í
Kjarna á sunnudögum. Skóg-
ræktarstöðin á Vöglum selur
einnig jólatré.
Fyrir þá sem kaupa grenitré,
t.d. rauðgreni, er rétt að benda á
að grenið er viðkvæmt í þurru og
heitu stofulofti. Best er að láta
það vera í svala, t.d. úti á
svölum, allt fram til jóla og síðan
er gráupplagt að láta það standa
í vatni langt frá heitum miðstöðv-
arofnum á sjálfum jólunum.
Furutrén eru ekki næstum því
eins viðkvæm og að sögn viðmæl-
enda okkar ættu þau að geta
haldið barrinu fram að páskum ef
rétt er með þau farið. - ESE
Perunum stolið!
Það er því miður orðinn árviss
atburður á Akureyri að Ijósa-
perur þær sem settar eru á
jólatré í bænum fá ekki að vera
í friði.
í fyrra var mikið um að perun-
um væri stolið, og því miður er
það sama upp á teningnum nú.
Aðalgeir
og Viðar
hrepptu
hnossið
Innkaupastofnun ríkisins
hefur ákveðið að taka til-
boði Aðalgeirs og Viðars hf.
í endurnýjun og breytingar
á innréttingum í skrifstofum
bæjarfógetans á Akureyri.
Aðalgeir og Viðar hf. áttu
lægsta tilboðið í verkið 5,9
milljónir króna en kostnaðar-
áætlun var upp á 6,5 milljónir
kr. Næst lægsta tilboðið var
frá Híbýli hf., 5,96 millj. kr.,
Norðurverk og Vör buðu 6,4
millj. króna og hæsta tilboðið
var frá Pan hf., 6,8 millj. kr.
Framkvæmdir eiga að hefj-
ast strax og verkinu á að vera
lokið fyrir mitt næsta ár,- ESE
„Það er sama hvort er á Brekk-
unni eða í Þorpinu, perurnar fá
ekki að vera í friði og er þetta
ljóti ófögnuðurinn,“ sagði lög-
reglumaður sem blaðamaður
Dags ræddi við.
Full ástæða er til þess að hvetja
fólk.til þess að fylgjast vel með í
þessu máli, og hika ekki við að
leggja sitt af mörkum til þess að
hafðar verði hendur í hári þess-
ara peruþjófa, svo takast megi að
uppræta þennan ósið.
Kraftur er nú kominn í jólatrjáasöluna.
Mynd: KGA
Læknabrandari?
- Staða læknismála á Kópaskeri, Raufarhöfn og Þórshöfn em í hnút
- Við eigum ákaflega bágt
með að skilja þennan hringl-
andahátt en þrátt fyrir það
erum við ánægðir með núver-
andi skipan mála. Eftir að hafa
verið læknislausir í 15 ár þykir
okkur þetta mikill munur en
sennilega eru Raufarhafnar-
búar ekki eins ánægðir.
Þetta sagði Kristján Ármanns-
son, oddviti í Presthólahreppi, á
Kópaskeri er blaðamaður Dags
ræddi við hann um skipan læknis-
mála á Kópaskeri og nágranna-
byggðunum. Hefur þessi skipan
vakið mikla athygli vægast sagt
enda furðuleg með eindæmum.
Forsaga þessa máls er sú að
Kópaskerslæknishérað var aug-
lýst laust til umsóknar. Um það
sótti Sigurður Halldórsson, lækn-
ir sem er heimamaður. Eitthvað
dróst það hjá ráðherra að skipa
eða setja Sigurð í embætti, mest-
megnis vegna mótmæla lækna við
sjúkrahúsið á Húsavík en Kópa-
skerslæknisstaðan hefur fram að
þessu heyrt undir þá ágætu bygg-
ingu. Það varð því úr ráði að Sig-
urður sótti um Raufarhafnar-
læknishérað og það fékk hann.
Sigurður býr hins vegar á Kópa-
skeri og sinnir báðum stöðum.
En hvernig er þá læknismálum
háttað á Þórshöfn?
Stefán Jónsson, sveitarstjóri
sagði í samtali við blaðið að sem
stæði hefðu þeir aðeins jólaleyfis-
lækni sem væri í jólaleyfi frá
störfum sínum í Svíþjóð.
- Það virðist ætla að verða erf-
itt fyrir okkur að fá lækni í fasta
stöðu. Þetta var víst nokkuð álit-
legt læknishérað á meðan Rauf-
arhöfn og Þórshöfn voru saman
en eftir skiptinguna hafa læknar
engan áhuga á að koma hingað.
Þeir segja að það skerði tekjurn-
ar um allt að þriðjung að hafa
bara Þórshöfn, sagði Stefán
Jónsson. Það er því vægt til orða
tekið þegar sagt er að læknamál
á na.-horninu séu komin í hnút.
- ESE
Jólatrjáasalan:
Furan sækir á
Hjörleifur
sigraði á
„Hjörleifs-
mótinu“
Fyrsta 15 mínútna „Hjörleifs-
mótið“ í skák var haldið í Þela-
merkurskóla fyrir skömmu.
Sigurvegari á mótinu varð
Hjörleifur Halldórsson, Ung-
mennafélagi Öxndæla með 6xh
vinning af 7 mögulegum. Annar
varð Atli Benediktsson, Ung-
mennafélaginu Vorboðanum
með 6 v. og þriðji varð Rúnar
Búason, Ungmennafélaginu Þor-
steini svörfuði með 4*/2 v. -ESE
Sjálfstæðis-
menn fá
ekki að bjóða!
-jörðseld af pólitískum
ástæðum
Það er líklega einsdæmi á Is-
landi að jörð sé auglýst til sölu
vegna pólitískra ástæðna.
Þetta gerðist þó nýlega þegar
jörðin Undirfell í Vatnsdal var
auglýst til sölu í blöðum.
I auglýsingunni segir meðal
annars að hægt sé að fá jörðina
fyrir lágt nafnverð ef kaupandi
verji um 1-1,5 milljón króna til
skógræktar. í sérákvæðum segir:
„Ekki þýðir fyrir sjálfstæðis-
flokksmenn að gera tilboð eða
framsóknarmenn, sem hafa kosið
þann flokk eftir 1978 tilboði frá
slíkum aðilum er fyrirfram
hafnað.“
Jörðin Undirfell er nú í eyði
utan hvað kirkja er á staðnum.
Auglýst eru hlunnindi af lax- og
silungsveiði en ekki munu lax-
veiðihlunnindin vera mikil þar
sem Undirfell er á mörkum lax-
og silungsveiðisvæðis Vatnsdals-
ár.
Það er Áshreppur sem á for-
kaupsrétt að jörðinni en ekki
höfðu heimamenn sem blaða-
maður Dags ræddi við, myndað
sér neinar skoðanir um hvort sá
réttur yrði nýttur. Mun auglýs-
ingin hafa komið mjög flatt upp
á menn og þeir ekki vitað hvort
taka ætti henni sem gamni eða al-
vöru. - ESE
Búist er við áframhald-
andi hægviðri og snjó-
komu í dag, en á morgun
er reiknað með sunnan-
eða suðaustanátt og þá
léttir heldur til. Hitastig
verður um frostmark að
líkindum heldur yfir því í
dag, en í kvöld og í nótt
kólnar eitthvað.
# Enn um
heims-
meistara
Það vakti töluverða athygli á
dögunum þegar fenginn var
hingað til lands dansmaður
einn mikill sem bar titilinn
„heimsmeistari í diskó-
dansi“. Ekki voru sjón-
varpssjúkir íslendingar sáttir
við þessa skýringu. Þeir sáu
nefnilega úrslitakeppnina, að
vísu ekki beint og umræddur
dansari var þar númer tvö.
Skýringin á öllu saman er
ekki auglýsingaskrum, held-
ur bar dansarinn titilinn „með
réttu“. Það kom nefnilega í
Ijós eftir keppnina að heims-
meistarinn var ríkisfangs-
laus og hafði ekkert leyfi til
að vinna keppnina og þvf var
íslandsbersi úrskurðaður
sigurvegari.
# Ungfrú
Alheimur
Einn þeirra staða sem var
talsvert gagnrýndur fyrir
þennan diskódansara, var
Dynheimar sem tók við
kappanum í góðri trú eins og
aðrir. Brátt tók þó að bera á
því að krakkarnir voru ekki á
eitt sáttir um titilinn en góð
skemmtun var þetta engu að
síður.
Steindór Steindórsson, um-
sjónarmaður Dynheima, tftt-
nefndur Dyni, hafði á orði
skömmu eftir þennan atburð
að næst yrði það sannkallað-
ur heimsmeistari sem ekki
væri hægt að véfengja sem
kæmi fram í Dynheimum. Og
það er ekki heimsmeistari af
verri endanum sem Dyni hef-
ur í kfkinum. Hann vill nefni-
lega bjóða ungfrú Alheimi,
heimsmeistara f fegurð hing-
að norður undir heimskauts-
baug.
# Af himnum
ofan
Ef af verður á ungfrúin þó
ekki að hrista ýturvaxinn
skrokkinn f Dynheimum,
heldur á hún að svffa um
norðlensk loftin blá. Dyni
tók nefniiega eftir því að
áhugamál ungfrúarinnar er
fallhlffastökk og sem einn af
helstu talsmönnum Fallhlífa-
klúbbs Akureyrar, hyggst
hann beita sér fyrir þvf að
Astrid blessunin Herrera svffi
hingað við tækifæri. Dagur
styður Dyna f þeirri viðleitni
enda yrði þetta fréttnæmur
atburður: Alheimsfegurð af
himnum ofan.