Dagur - 08.05.1986, Blaðsíða 1

69. árgangur
Akureyri, fímmtudagur 8. maí 1986
85. tölublað
Trúlofunarhringar
afgreiddir
samdæaurs
GULLSMIÐIR
SIGTRYGGUR & PÉTUR
AKUREYRI
„Mjög vönduð
fjölbýlishús..
... verða byggð á lóðunum
í Hjallalundi 2-12,“ segir fram-
kvæmdastjóri S.S. Byggis
„Ég er mjög ánægður með
þessa afgreiðslu málsins og
stefni að því að hefja bygginga-
framkvæmdir í sumar,“ sagði
Sigurður Sigurðsson fram-
kvæmdastjóri S.S. Byggis s.f.
en fyrirtækinu var úthlutað lóð-
unum eftirsóttu að Hjallalundi
2-6 og 8-12 fyrr í vikunni. Þrjú
önnur fyrirtæki sóttu um lóðir
þessar.
Það skilyrði var sett fyrir út-
hlutuninni að byggingaraðili skil-
aði inn 4 hugmyndum að bygg-
ingum á lóðinni og yrðu þessar
tillögur að vera unnar af minnst
tveimur ótengdum hönnuðum.
Bygginga- og skipulagsnefnd
munu síðan velja eina tillögu úr.
Mun þetta skilyrði hafa verið sett
þar sem lóðirnar eru í grónu
íbúðarhverfi og því sem næst full-
byggðu og því mikilvægt að útlit
þeirra bygginga sem þarna munu
rísa stingi ekki í stúf við umhverf-
ið.
„Þessi skilyrði koma til með að
setja mér nokkrar skorður því
byggingafresturinn verður styttri
fyrir bragðið. En við munum
hefja undirbúninginn strax og
fyrsta skrefið er að ræða við
hönnuði. Það er auðvitað talsvert
kostnaðarsamt að þurfa að skila
inn fjórum tillögum og nota síðan
eina en ég reikna með að kostn-
aðurinn komi til með að skiptast
á milli S.S. Byggis og hönnuðgnna.
Þeir hljóta að taka „sénsa“ eins
og aðrir því sá sem á tillöguna
sem notuð verður fær væntanlega
að teikna húsin,“ sagði Sigurður
Hann sagði að á lóðunum yrði
hægt að byggja 2-3 fjölbýlishús
með 50-60 íbúðum.
„Ég get fullyrt að þarna verða
byggð mjög vönduð fjölbýlishús.
Það verða bílageymslur undir
húsunum, ein bílgeymsla fyrir
hverja íbúð. Þá verða lyftur í
húsunum - þær fyrstu í fjölbýlis-
húsum á Akureyri og þar með
eru þau orðin einstök í sinni röð.
Þá geta fatlaðir loksins fengið
húsnæði við sitt hæfi - í fyrsta
sinn á Akureyri."
Sigurður sagði að það, hversu
lóðunum var úthlutað seint,
kæmi til með að setja nokkra
pressu á byggingáframkvæmd-
irnar. Hönnunin tæki um það bil
tvo mánuði en framkvæmdum
yrði hraðað eins og mögulegt
væri.
„Ég stefni að því að húsin
verði fokheld fyrir veturinn svo
innivinnan geti farið fram næsta
vetur. Annars ræðst fram-
kvæmdahraðinn að miklu leyti af
því hvernig gengur að selja íbúð-
irnar. Ef við byggjum tvö fjölbýl-
ishús og seljum allar íbúðirnar er
útlitið gott,“ sagði Sigurður og
með það var hann hlaupinn, enda
í mörg horn að líta. BB.
Þetta eru réttu miðin - enginn vafi.
Mynd: KGA.
Hitaveita Akureyrar:
263 milljóna króna
„sveifla" milli ára
- lýsir þó ekki nema að litlu leyti rekstrarafkomunni
Hagnaður varð af rekstri Hita-
veitu Akureyrar árið 1985 í
fyrsta sinn frá upphafi. Sam-
kvæmt ársreikningi hitaveit-
unnar nam hagnaðurinn 96
milljónum króna. Það eru
mikil umskipti frá árinu áður
en þá nam tapið 167 milljónum
króna. „Sveiflan“ er því 263
milljónir króna á milli ára.
Þessar tölur lýsa þó ekki nema
að litlu leyti rekstrarafkomunni.
Sú reikniaðferð hefur nefnilega
verið notuð að færa gengistap
hitaveitunnar á gjaldalið. Hita-
veitan hefur þurft að taka mörg
erlend lán á undanförnum árum,
flest í Bandaríkjadollurum, og
eftir því sem staða dollarans
styrktist gagnvart íslensku krón-
unni hækkuðu lánin og það kom
fram í auknum taprekstri hita-
veitunnar. Hins vegar kom þessi
reikniaðferð veitunni til góða í
fyrra þar sem staða dollarans
veiktist á síðasta ári og á stóran
þátt í því að bókfærður hagnaður
síðasta árs er 96 milljónir króna.
Að sögn Helga M. Bergs
bæjarstjóra er staðan í raun sú að
rekstur hitaveitunnar er nokkurn
veginn í jafnvægi.
„Þetta er raunar í fyrsta sinn
sem skuldir hitaveitunnar aukast
ekki milli ára. En ég legg áherslu
á að þessi hagnaður er fyrst og
fremst gengishagnaður. Hins
vegar hefur nýtt sölufyrirkomu-
lag og fleiri breytingar á rekstrin-
um gert það að verkum að af-
koma Hitaveitu Akureyrar árið
1985 er betri en nokkru sinni
fyrr,“ sagði bæjarstjóri að lokum.
BB.
Hvammstangi:
15 milljonir i malbik
Nær allt framkvæmdafé
Hvammstangahrepps mun fara
í malbik þetta sumarið þar sem
fyrirhugað er að leggja u.þ.b.
2.200 tonn af malbiki á götur
Verkmenntaskólinn á Akureyri:
Meira um stólana
„Framleiðendur hafa haft
tíma síðan í maí 1984 til að
vinna að þróun húsgagna fyr-
ir skólann, ef vilji hefði verið
fyrir hendi, sagði Magnús
Garðarsson byggingarstjóri
Vcrkmenntaskólans á Akur-
eyri. Eins og komið hefur
fram hefur undirskriftasöfn-
un farið fram á Akureyri til
að hvetja bæjarstjórn að
beita sér fyrir því að húsgögn-
in verði smíðuð hér í bæ.
„Endanleg ákvörðun um
kaupin hefur ekki verið
tekin,“ segir Magnús.
Gpplýsingar um málið og
tilraunir byggingarnefndar til
að fá innlenda framleiðendur
til liðs við sig eru á bls. 2.
og plön í bænum í sumar. Láta
mun nærri að um 25% gatna á
Hvammstanga séu með slitlagi
en að loknum framkvæmdum í
sumar ætti mikill meirihluti
gatna á staðnum að vera kom-
inn með varanlegt slitlag.
Framkvæmdafé hreppsins er
um sjö milljónir í ár, en talið er
að malbikunarframkvæmdirnar
muni kosta um 15 milljónir, mis-
munurinn verður fenginn með
gatnagerðargjöldum sem munu
verða um 10 milljónir og með
láni frá byggðasjóði.
Auk gatna sem lagðar verða
slitlagi verður að öllum líkindum
lagt slitlag á plönin við pósthúsið,
Verslun Sigurðar Pálmasonar og
við rækjuvinnsluna, einhverjar
framkvæmdir eru svo fyrirhugað-
ar á skólalóðinni. - G.Kr.
Stefnuskrá
Framsóknar-
flokksins
- fylgir blaðinu í dag
í blaðinu í dag er fjögurra síðna
fylgirit þar sem stefnuskrá fram-
sóknarmanna við bæjarstjórnar-
kosningarnar á Akureyri 31. maí
nk. er kynnt ásamt frambjóðend-
um Framsóknarflokksins á Akur-
eyri. Þá er þar að finna upplýs-
ingar um kosningaskrifstofuna að
Eiðsvallagötu 6.