Dagur - 26.05.1986, Side 2
2 - DAGUR - 26. maí 1986
ÚTGEFANDI: ÚTGÁFUFÉLAG DAGS
SKRIFSTOFUFt:
STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR. 420 Á MÁNUÐI
LAUSASÖLUVERÐ 40 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
FRÉTTASTJÓRI:
GYLFI KRISTJÁNSSON
BLAÐAMENN:
ÁSLAUG MAGNÚSDÓTTIR, BRAGI V. BERGMANN,
GESTUR E. JÓNASSON, GESTUR KRISTINSSON (Blönduósi sími 95-4368),
HELGA JÓNA SVEINSDÓTTIR, INGIBJÖRG MAGNÚSDÓTTIR (Húsavik),
KRISTJÁN G. ARNGRÍMSSON, KRISTJÁN KRISTJÁNSSON,
MARGRÉT Þ. ÞÓRSDÓTTIR,
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASÍMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
leiðarl__________________________
Varhugaverð
baráttuaðferð
Atvinnumál er einn mikilvægasti málaflokkur
hvers bæjarfélags og því er ekki nema eðlilegt
að atvinnumálin séu ofarlega í hugum manna í
kosningabaráttunni. Akureyri hefur ekki, frekar
en önnur bæjarfélög, farið varhluta af þeirri
kreppu sem varð í efnahagslífi landsins. Þessi
kreppa kom sérstaklega fram í byggingariðnað-
inum á Akureyri. Þó má fullyrða að Akureyri hafi
staðið betur af sér andstreymið en flest sveitar-
félög utan Reykjavíkur, ekki síst vegna þess að
bæjaryfirvöld hafa ávallt haldið vöku sinni og
stuðlað að nýsköpun í atvinnulífinu og aðstoðað
fyrirtækin í lífsbaráttunni eftir fremsta megni.
Á því leikur enginn vafi að samdráttartíma-
bilið er að baki og atvinnutækifærum fer fjölg-
andi. Fjöldi nýrra og vaxandi fyrirtækja færa okk-
ur heim sanninn um það. Má þar nefna ístess,
Oddeyrina, Samherja, DNG, Gúmmívinnsluna,
Akva, Samver, Iðngarðana og fleiri. Þá mun ný
skipan húsnæðismála auðvelda fólki að koma
sér upp þaki yfir höfuðið og því má búast við að
byggingariðnaðurinn taki fjörkipp að nýju þegar
í sumar. Atvinnuástandið er gott og horfurnar
enn betri.
Þrátt fyrir þessar staðreyndir hafa einstaka
frambjóðendur á Akureyri lagt aðaláhersluna á
að mála skrattann á vegginn og keppst við að
sannfæra almenning um að atvinnuástandið sé
langt frá því að vera gott og að allt sé á niðurleið.
Slíkur málflutningur er ómerkilegur og jafnvel
hættulegur.
Jón Sigurðarson, einn bæjarfulltrúa Fram-
sóknarflokksins á Akureyri og formaður atvinnu-
málanefndar, gerði þessa baráttuaðferð að
umtalsefni í viðtali við Dag fyrir skömmu og
sagði þá m.a.:
„Eitt af því sem menn verða að leggja af á
Akureyri er þessi grátur út af atvinnuástandinu.
í fyrsta lagi er hann óþarfur og óeðlilegur eins og
staðan er í dag og í öðru lagi hefur hann komið
óorði á Akureyri. Þess vegna mega þeir menn
sem standa í þessari pólitísku baráttu fyrir kosn-
ingarnar núna, ekki leggjast út í það að gráta sér
atkvæði út á það að hér sé allt svo ómögulegt og
þeir séu menn til að bjarga því. Það er ómerkileg
pólitík og ekki hægt að rökstyðja hana. Það er
gott framundan og því væri miklu nær að berjast
fyrir breyttu hugarfari og nota jákvæða tóninn. “
Þetta eru vissulega orð í tíma töluð og er von-
andi að þeir taki það til sín sem eiga. Það er tími
til kominn að menn hætti að mála ástandið dökk-
um litum en skipti yfir í bjartari og raunhæfari lit.
Það er bæjarfélaginu og íbúum þess örugglega
fyrir bestu. BB.
_v/ðfa/ dagsins._________________________
Tengja saman dagvistun
bama og aldraðra
- segir Unnur Pétursdóttir iðnverkakona
sem skipar sjötta sæti á lista Framsóknarflokksins
Unnur Pétursdóttir skipar
sjötta sæti á lista Framsóknar-
flokksins við bæjarstjórnar-
kosningarnar á Akureyri sem
fram fara um næstu helgi.
Unnur er 26 ára einstæð
móðir, fædd og uppalin í
Mývatnssveit en hefur búið á
Akureyri síðan ’83, hún vinnur
við sútun hjá Sambandsverk-
smiðjunum.
- Hvað kom til að þú gafst
kost á þér í framboð?
„Það kom mér mjög á óvart að
ég skyldi vera beðin um þetta og
ekki síður hvað ég kom vel út úr
forvalinu fyrir röðun á listann.
Ég ræddi þetta við marga vini og
kunningja og var óspart hvötí til
að taka þetta að mér. Ég hef
náttúrlega reynslu sem fáir af
þeim sem eru í pólitíkinni hafa,
að vera einstæð móðir með tvö
börn, vandamál þeirra sem eru í
slíkri aðstöðu eru ekki auðskilin
fyrir neinn nema þann sem hefur
reynt slíkt.“
- Og hver verða nú helstu
áherslumál þín í bæjarmálun-
um?
Hún hlær við en segir svo, „ætli
það verði ekki mjúku málin svo-
kölluðu. Ég vil að fólk fái ein-
hverja valkosti í sambandi við
hvort það lætur börnin sín vera á
dagvistunarstofnunum eða gætir
þeirra sjálft heima. Pað má t.d.
hugsa sér að sá sem kýs að vera
heima með barni sínu hálfan dag-
inn fengi greitt því sem næmi
kostnaði bæjarins við gæslu
barnsins á stofnun í sama tíma.
Svona fyrirkomulag myndi líka
gera það að verkum að auðveld-
ara yrði fyrir fólk að fá dagvistun
fyrir börn hálfan daginn og einnig
fengjust fleiri hálfsdags störf á
vinnumarkaðnum.“
Það er líka mikið áhugamál hjá
mér að vel sé hugsað fyrir þörfum
aldraðra t.d. í sambandi við dag-
vistun. Það þarf að auka mögu-
leika þessa fólks til margs konar
starfa og tómstunda. Þjónustu-
íbúðir fyrir aldraða og þjónustu-
miðstöð eru svo sannarlega af hinu
góða en það þarf að gera fleira.
Það er til að mynda vel hugsan-
legt að gamla fólkið tæki að sér
einhver störf á barnaheimilum,
yrði með börnunum í leik og
starfi. Þessi tengsl milli kynslóð-
anna hafa mjög dofnað á undan-
förnum árum og slík samvinna
yrði örugglega til góðs fyrir báða
aðila.“
- Þetta voru mjúku málin, en
hvað með önnur áherslumál?
„Það telst kannski mjúkt líka,
en ég vil að eitthvað verði gert
fyrir ákveðinn aldurshóp ungl-
inga eða öllu heldur ungs fólks
sem hvergi virðist vera gert ráð
fyrir. Þarna á ég við fólk á aldrin-
um 16 til 18 ára. Félagsmiðstöðv-
arnar eru mest sóttar af yngri
krökkum og þessir hópar eiga
ekki alltaf samleið. Það þarf því
að finna samastað fyrir þennan
aldurshóp, stað sem þau rækju
sjálf og þeim væri treyst fyrir í
einu og öllu, en svo væri fenginm
einhver aðili til að vera tengiliður
þeirra við bæjaryfirvöld sem ættu
staðinn og tækju þátt í fjármögnun
við reksturinn að svo miklu leyti
sem tekjur af rekstrinum nægðu
ekki til.
Þá vil ég nefna íþróttamálin en
þar hefur margt gott verið gert að
undanförnu, ég er mjög ánægð
með þær framkvæmdir sem gerð-
ar hafa verið í Hlíðarfjalli að
undanförnu og með tilkomu nýju
lyftunnar batnar aðstaðan enn.
En auðvitað er alltaf þörf á betr-
umbótum og að þeim verður von-
andi unnið af ekki minni krafti en
því sem þegar hefur verið gert.
Þá þarf að halda áfram með
framkvæmdir við íþróttahöllina og
reyna að ljúka frágangi hennar
sem fyrst. Stúka við íþróttavöllinni
er líka eitt af því sem fljótlega
þyrfti að ráðast í framkvæmd við,
en það er eins og alltaf að
skynsamlegast er að sníða sér
stakk eftir vexti og reyna að ljúka
þeim verkefnum sem nú eru í
framkvæmd, en ekki vera að
reyna að fást við of margt í einu
og hafa svo allt hálfklárað, jafn-
vel í mörg ár.“
- En hvað með atvinnumálin,
á hvað viit þú leggja áherslu þar ?
„I atvinnumálunum þarf að
leggja aukna áherslu á úrvinnslu
bæði sjávar- og landbúnaðar-.
afurða. Við getum tekið dilka-
kjötið sem dæmi, það hefur verið
unnið á sama máta í áratugi. í
nútíma þjóðfélagi vill fólk fá
vöruna betur unna, meira tilbúna
til framreiðslu. Það er staðreynd
að þegar báðir aðilar á heimili
vinna úti þá hefur fólk ekki sama
tíma til að standa í eldamennsku
og áður. Auk þess sem þetta
myndi eflaust auka sölu á inn-
lendum afurðum, þá myndu líka
skapast ný atvinnutækifæri,
þannig að af þessu ætti að vera
augljós hagnaður."
- Jæja Unnur, einhver loka-
orð til kjósenda ?
„Ég vil hvetja fólk til að koma
og tala við okkur um sín hugðar-
efni því við verðum að fá hug-
myndir frá kjósendum, við sem í
þessu stöndum erum ekkert alvit-
ur, og því er það að eftir því sem
við höfum sjónarmið fleiri til að
styðjast við, því betri fulltrúar
verðum við. Ég vil svo að lokum
endilega hvetja fólk til að sleppa
því ekki að taka afstöðu, þá er ég
viss um að útkoman úr kosning-
unum verður okkur hagstæð."
G.Kr.