Dagur - 11.12.1986, Blaðsíða 1

69. árgangur
Akureyri, fimmtudagur 11. desember 1986
234. tölublað
Venjulegir og
demantsskornir
trúlofunarhringar
Afgreiddir samdægurs
GULLSMIÐIR
SIGTRYGGUR & PÉTUR
AKUREYRI
Bókaverslanir:
Jólabæk-
urnar
óvenju
seint á
ferðinni
Jólabækurnar eru seint á ferð-
inni núna og eru útgefendur
allt annað en ánægðir með
seinagang í prentsmiðjum. Svo
virðist sem Oddi, fullkomnasta
prentsmiðja landsins, hafí
færst of mikið í fang og ekki
náð að skila af sér á réttum
tíma. Því hefur einnig mætt
mikið á öðrum prentsmiðjum.
Dæmi eru um útgefendur sem
hafa auglýst rækilega í sjón-
varpinu bækur sem enn eru
ekki komnar í verslanir.
Meiningin var að fá upplýsing-
ar um söluhæstu bækur í bóka-
búðum en slíkur listi yrði vart
marktækur fyrr en fleiri bókatitl-
ar hafa skilað sér í búðirnar. Hjá
Bókabúð Jónasar er sala barna-
og unglingabóka mest áberandi
enn sem komið er, en Alistair
McLean, Thor Vilhjálmsson og
Steinunn Sigurðardóttir eiga líka
bækur meðal 10 söluhæstu. Alís-
lensk fyndni selst hins vegar mest
á þeim bæ. Sömu sögu er að segja
frá Bókaverslun Þórarins Stef-
ánssonar á Húsavík, þar er Alís-
lensk fyndni efst á blaði. Næstar
koma Aldnir hafa orðið, eftir
Erling Davíðsson, Fuglar
íslands, eftir Hjálmar Bárðarson,
Ástarbréf til Ára, eftir Eðvarð
Ingólfsson og Litlu prakkararnir,
eftir Indriða Úlfsson.
Aðalsteinn Jósefsson í Bókvali
sagði að salan væri varla farin í
gang. Hann sagði bækurnar
óvenju seint á ferðinni og hann
hefði verið að fá, eða ætti eftir að
fá, ýmsar bækur sem verða
örugglega drjúgar í sölu. Fólk
væri að spyrjast fyrir um bækur
sem enn hefðu ekki komið. „En
þetta er að komasí í gang núna.
Það eru komnir í mínar hendur
liðlega 300 titlar af þeim 400 sem
búist er við að komi út fyrir
jólin,“ sagði Aðalsteinn. SS
* . 1'
f ;Ji ö i *
Starfsmenn í Kjarna komnir með jólasveinahúfurnar og sýnishorn af því sem á boðstólum verður. Frá vinstri er
Brynjar Skarphéðinsson með rauðgreni, Edda Hrafnsdóttir með blágreni, Herdís Jónsdóttir með þin og Tryggvi
Marinósson með furu.
Sala á jólatrjám hafin
„Trén eru sérstaklega góð í ár,“ var samdóma
álit þeirra sem stunda sölu jólatrjáa á Akur-
eyri fyrir þessi jól. Fjórir aðilar selja tré á
Akureyri og nágrenni að þessu sinni.
Skógræktin að Kjarna er líklega stærsti
söluaðilinn. en þar verða seld um 1200 tré að
þessu sinni. Það er svipaður fjöldi og verið hefur
undanfarin ár. Salan er hafin í Kjarna, en götusal-
an í göngugötunni á Akureyri hefst á föstudaginn.
Á boðstólum eru rauðgreni, blágreni, þinur og
stafafura, auk greina af ýmsum gerðum.
í blómaversluninni Akri í Kaupangi eru seld
rauðgreni, stafafura og þinur, auk greina.
Blómaskálinn Vín hefur verið með jólatrjáa-
sölu undanfarin ár. Þar eru sömu tegundir á boð-
stólum og hjá Akri og Kjarna. Sömu sögur er að
segja frá Gróðrarstöðinni Vöglum í Vaglaskógi,
þar eru seld tré og greinar.
Mikið af því sem selt er hjá Kjarna, Akri og
Vín eru tré úr Vaglaskógi og úr Suður-Þingeyjar-
sýslu.
Verð á trjánum verður það sama á öllum
stöðunum og er það frá 280 krónuin upp í 1200
krónur. Allir þeir staðir sem taldir hafa verið upp
hafa hafið sölu jólatrjáa. gej-
Sjónvarp Akureyri:
í loftið
íkvöld
- ótrufluð sending
á rás 12
„Það er verið að ganga frá loft-
netum í Vaðlaheiði og sendi-
búnaðinum frá sjónvarpsstöð-
inni á Akureyri. Það á eftir að
prófa tækin og þarf mikið að
fara úrskeiðis ef ekki verður af
útsendingu í kvöld,“ sagði
Bjarni Hafþór Helgason sjón-
varpsstjóri.
Ef allt fer að óskum mun
útsending hefjast klukkan 20.00
með ávarpi sjónvarpsstjóra. Síð-
an verður skemmtiþáttur sem
nefnist „Allt er þá þrennt er“.
Svo verður t'slenskur þáttur sem
heitir Sviðsljós og er hann í umsjá
Jóns Óttars Ragnarssonar. Þá er
vinsælasti sakamálaþáttur í heim-
inum í dag en það er „Miami
Vice,“ eða Undirheimar Miami.
í lokin verður fyrsta kvikmynd
stövarinnar. Er það myndin
„Diner“.
Útsending verður send út
ótruíluð. Fyrir þá sem ætla að
horfa á Sjónvarp Akureyri í
kvöld þarf að skipta yfir á rás 12
á sjónvarpstæki heimilisins og
leita þar að geislanum frá Sjón-
varpi Akureyrar. gej-
Sauðfjárbændur fá
uppgert 15. desember
Lausn hefur nú fengist á
greiðslum afurðalána vegna
sauðfjárafurða og munu bænd-
ur fá sláturinnleggið uppgert
þann 15. desember n.k. eins og
lög kveða á um. Hins vegar
bendir margt til þess að ekki
verði hægt að greiða bændum
fullt verð fyrir mjólkurfram-
leiðslu innan fullvirðisréttar á
sama tíma. Talið er að vinnslu-
stöðvarnar vanti um 198,5
milljónir króna til að standa í
skilum með greiðslur fyrir
nóvembermánuð. Þessir erfíð-
leikar stafa aðallega af því að
ríkið hefur langt í frá staðið í
skilum með sinn hluta.
Samkvæmt lögum þurfa slát-
urleyfishafar að greiða bændum
innlegg innan búmarks að fullu
fyrir 15. desember. Auk þess
þurfa sláturleyfishafar að standa
skil á75% af slátur- og dreifingar-
kostnaði fyrir þann tíma.
Ríkisvaldið ábyrgist fullar
greiðslur fyrir mjólk og sauðfjár-
afurðir innan fullvirðisréttar og
enn vantar mikið upp á að ríkið
hafi greitt það sem því ber. Ef
með er talinn ógreiddur hlutur
ríkisins í niðurgreiðslum vegna
sölu landbúnaðarafurða innan-
lands og ógreiddar útflutnings-
bætur, skuldar ríkissjóður um
Stjórn verkamannabústaða á Akureyri:
38 íbúðir keyptar á næsta ári
óvenju margar umsóknir
Nýlega var kynnt fyrir bæjar-
ráði fjárhags- og framkvæmda-
áætlun stjórnar verkamanna-
bústaða á Akureyri fyrir árið
1987. Þar er lagt til að kaupa
alls 38 íbúðir á árinu, þar af 15
notaðar íbúðir á almennum
markaði, og er þar um
nýbreytni að ræða. I áætlun-
inni er lagt til að framlög
bæjarins til þessa verkefnis
verði 13 milljónir.
Að sögn Hákonar Hákonar-
sonar formanns stjórnar verka-
mannabústaða var það fyrst í árs-
lok 1985 að farið var að skoða
þann möguleika að kaupa notað-
ar íbúðir.
í áætluninni er einnig gert ráð
fyrir að kaupa 12 nýjar íbúðir af
Áðalgéiri og Viðari hf. og 11 af
Fjölni sf. Þessar íbúðir eru nú í
smíðum við Múlasíðu. Ekki
verður gengið frá kaupsamning-
um um íbúðirnar fyrr en bæjar-
stjórn hefur ákveðið fjárveitingu
til verkefnisins.
Heildarkostnaðar við þessar
framkvæmdir er um 100 milljón-
ir. Hann skiptist þannig að Bygg-
ingarsjóður verkamanna lánar
76,5% og bærinn leggur fram
8,5%. Þessi 85% eru lánuð til 43
ára en 15% verða menn að fjár-
magna sjálfir.
Hákon sagði að hér væri um að
ræða óvenju stóran áfanga enda
gæti vel farið svo að einhverju af
þessum framkvæmdum þyrfti að
fresta fram í ársbyrjun 1988.
Hann sagði hins vegar að eins
gæti komið til greina að ráðast í
meiri kaup ef vel tækist til með
þetta, en aldrei áður hefur verið
svo mikil eftirspurn eftir þessum
íbúðum.
„Við höfum leyfi fyrir öllum
þessum íbúðum frá Byggingar-
sjóði verkamanna. Það er mjög
mikilvægt fyrir okkur að notfæra
okkur þessar heimildir bæði til
þess að útvega húsnæði en einnig
til að koma þessu fjármagni í
umferð hér,“ sagði Hákon að
lokum. ET
300 milljónir króna alls. Þennan
greiðsluvanda þarf að leysa með
einhverjum hætti til þess að hægt
verði að greiða mjólkurinnleggið
að fullu. Talað er um að ríkis-
sjóður taki 80 milljóna króna lán
upp í þessar greiðslur en sú lán-
taka leysir vandann augljóslega
ekki nema að litlu leyti.
Viðskiptabankarnir munu
væntanlega ekki geta hlaupið
undir bagga þar sem þeir hafa
nóg á sinni könnu með að inna af
hendi afurðalánin vegna sauð-
fjáruppgjörsins.
Að sögn Geirs Magnússonar
bankastjóra Samvinnubankans
hefur uppgjör vegna mjólkurinn-
ar verið lagt til hliðar að sinni.
„Það vantar enn um 4% upp á
að afurðalánin nái venjulegu
hlutfalli. Bankarnir hafa dregið
úr hækkun afurðalánanna þar
sem þeir eru með mikið af óupp-
gerðum afurðalánum allt aftur til
marsmánaðar, sem er afskaplega
óeðlilegt, þar sem ríkið hefði átt
að vera búið að greiða þessi lán í
vor. Við viljum fá lausn á því
máli áður en við förum að hækka
afurðalánin. Það mál hefur
ekkert verið rætt ennþá og verð-
ur væntanlega ekki gert fyrr en
búið er að leysa þann vanda sem
við blasir varðandi uppgjör á
mjólkurinnlegginu,“ sagði Geir.
BB.