Dagur - 03.09.1987, Page 8
8 - DAGUR - 3. september 1987
Hvað skyldi fólki helst detta í hug þegar Hrísey er nefnd
á nafn? Líklegt er að einhver muni eftir nautakjötinu vin-
sæla sem einungis fæst á eyjunni. Minnugum kynni að
detta í hug að Hrísey er eina þorpið á íslandi þar sem
göturnar eru hellulagðar, þeir sem áhuga og vit hafa á
landafræði vita kannski að Hrísey er önnur stærsta eyja
við ísland og að þar búa um 300 manns. Ekki er svo ólík-
legt að einhverjum náttúruunnenda dytti í hug að á eyj-
unni er eitt mesta rjúpnavarp á íslandi. En það sem flest-
um dettur eflaust í hug er fiskur, fiskur og aftur fiskur,
það var því engin tilviljun að við heimsóttum fisk-
vinnsluhús KEA fyrst staða þegar við lögðum leið okkar
til Hríseyjar nú fyrir skömmu.
Linda Tryggvadóttir,
Eva Gunnarsdóttir og
Aníta Stefánsdóttir
Þegar okkur bar að garði í frysti-
húsinu var pása og allt starfsfólk-
ið statt í kaffistofunni önnum
kafið við að lesa Dag og drekka
kaffið sitt. Við eitt borðið sátu
vinkonurnar Linda, Eva og
Aníta, allar Hríseyingar og voru
þær tilbúnar til að koma á smá
spjall.
- Hvað gera unglingar í Hrís-
ey?
„Það er nú lítið hægt að gera,
það er helst að spóka sig um á
eyjunni, fara í sund eða hanga í
sjoppunni á kvöldin. Reyndar er
orðið ansi mikið um sjónvarps-
gláp, við náum Akureyrarstöð-
inni og það er afruglari í um það
bil helmingi húsa hér í eyjunni.“
- Er félagslífið þá lítið?
„Já það er frekar lítið, t.d. er
allt of lítið um böl!.“
- En getið þið ekki skapað
félagslíf sjálfar?
„Nei það er svo erfitt að maður
stendur ekki í því með fullri
vinnu.“
- Einhverjar íþróttir hlýtur nú
að vera hægt að æfa?
„Já hér er hægt að æfa frjálsar,
fótbolta og sund.“
Og til marks um getu Hrísey-
inga í sundíþróttinni má nefna að
á nýliðnu UMSE móti í sundi,
sem haldið var á Þelamörk, vann
sundfólk úr eyjunni báða bikar-
ana sem veittir voru til verðlauna
á mótinu.
- Hvernig er með skóla á eyj-
unni?
„Skólinn hér er upp í 8. bekk,
hér er ekkert kennaravandamál
en eini gallinn er sá að íþrótta-
kennslan fer fram í félagsheimil-
inu.“
- Hvert farið þið í skóla að
loknum 8. bekk?
„Til Dalvíkur, Hrísey á hlut í
heimavistinni þar og okkur er
vísað þangað."
- Hvað með ferðamanna-
strauminn í Hrísey?
„Hann er mjög mikill, það er
helst Brekka með kjötið sem
trekkir að, svo eru fallegar
gönguleiðir um eyjuna sem fólk
gengur um.“
- Er mikið um það að aðkomu-
fólk sé hér í vinnu á sumrin?
„Já, ætli hátt í helmingur ung-
linganna hér sé ekki utanaðkom-
andi."
- Ykkur hefur ekki dottið í
hug að fá ykkur vinnu annars
staðar en í Hrísey?
„Nei. Hrísey er góður staður,
hér er mikil vinna og þar af leið-
andi fínt kaup og svo skreppum
við bara inn á Akureyri að eyða.“
Árni Óiafsson og
Kristján Hallgrímsson
Við höfðum varla smellt mynd-
um af stelpunum þegar hvell
bjalla kvað við, pása búin, og all-
ir flykktust niður í vinnslusal, við
fylgdum straumnum og enduðum
einhvers staðar á bakvið, þar sem
Árni og Stjáni stóðu í ströngu.
Þrátt fyrir annríki þeirra náðum
við að spyrja þá nokkurra spurn-
inga.
- Strákar er gaman hérna?
„Nei, hér er hundleiðinlegt,
maður vinnur svo hræðilega mik-
ið eða allt frá 12 og upp í 18 tíma,
en þetta er eini staðurinn þar sem
hægt er að fá vinnu fyrir utan það
að fara á sjóinn.“
- Þið hljótið að græða vel
fyrst svona mikið er unnið?
„Nei, miðað við verðmæta-
sköpunina eru launin léleg.“
- Árni, nú ert þú frá Akur-
eyri, af hverju kemur þú til Hrís-
eyjar að vinna?
„Ég fæ hvergi eins mikla vinnu
í bænum og ég fæ hér, nú svo er
þetta ekki fyrsta sjávarplássið
sem ég er á, því undanfarin sum-
ur hef ég t.d. verið á Patró og
Tálknafirði.“
- Eru verbúðir hér fyrir
aðkomufólk?
„Já við búum hér ókeypis í
verbúð, við vorum 10 hér í fyrstu
en fækkaði í 4, núna er okkur að
fjölga aftur því það er von á
tveim mönnum frá Ghana.“
- Er líf og fjör á verbúðunum?
„Nei sjáið nú til, á kvöldin þeg-
ar maður er búinn að vinna er
maður svo uppgefinn að maður
fer beina leið að sofa og um helg-
ar fer maður til Akureyrar, þá
tæmast verbúðirnar. Það var
helst að Kani og einhver lista-
kona væru hérna eftir, kannski
hafa þau skemmt sér.“
- Kristján, þú ert Hríseyingur,
ætlar þú að vera það áfram?
„Ég er ekki ákveðinn með það,
ég kláraði 9. bekk í vetur og ætla
að taka mér frí frá skóla í ár, svo
sér maður bara til.“
- Hvað segið þið um íerða-
mannastrauminn til Hríseyjar?
„Hann hefur sjálfsagt batnað
eftir að nýja ferjan kom,“ segir
Kristján og hugsar með hálfgerð-
um hryllingi til gömlu „ferjunn-
ar."
- Hvað með Gallowaykjötið?
„Ég hef nú aldrei smakkað
það," segir Kristján. „Og ég fæ
það ekki keypt í kaupfélaginu,“
bætir Árni við.
- Eruð þið virkir í félagslíf-
inu?
„Það er nú ekki mikið félagslíf
til að vera virkur í, en að vísu
verður ball hérna um næstu helgi
(ATH. viðtalið tekið fyrir síðustu
helgi.) og þá verður mikið fjör,
fólk kemur jafnvel frá Dalvík og
af Ströndinni til að skemmta sér
með okkur."
- Þið hljótið þó að vera virkir í
íþróttum?
„Hann Kristján er jú í fótbolta
með Narfa, liðinu hérna í Hrísey
og hann spilar svo til hvaða stöðu
sem er.“
- Að lokum strákar, er ekki
mikið af sætum stelpum í Hrísey?
„Ég hef nú verið í mörgum
sjávarplássum og ef ég miða við
Lilja Sigurðardóttir og Edda Heiðarsdóttir.
þau, þá er úrvalið hér hreint ekki
nóg,“ segir Árni háfleygur og svo
glotta þeir félagar hvor til annars.
Hjörtur Birgisson
Næst lá leið okkar í Borg sem er
saltfisk- og skreiðarverkun. Þar
var okkur vísað á 14 ára hressan
strák, sem svaraði þannig spurn-
irrgunni um hvernig það væri að
búa í Hrísey:
„Það er bara alls ekki svo
slæmt, á veturna er það skólinn,
svo eru stundum böll og árshátíð-
ir fyrir þá sem komnir eru yfir
fermingaraldurinn. Á sumrin er
það vinnan, ég vinn hér frá átta á
morgnana til fimm eða sjö á
daginn, í frístundum hjóla ég og
horfi töluvert mikið á sjónvarp."
- Byrja unglingarnir hér svona
snemma að vinna í fiski?
„Ja, yfirleitt er miðað við ferm-
ingaraldurinn en þegar mikið er
að gera eru krakkar niður í 12 ára
að vinna hér, annars fá þeir vinnu
í bæjarvinnunni við að fegra og
hreinsa eyjuna.“
- Eiga Hríseyingar mikið af
seglbrettum og fjórhjólum?
„Nei, mér líst reyndar ekkert á
seglbrettin, hins vegar voru hér
tvö fjórhjól en nú er búið að selja
annað þeirra."
- Finnst þér vanta eitthvað í
Hrísey?
„Nei mér finnst ég hafa allt,
Árni ÓI
í þessum skúr hittast krakkarnir á kvöldin og ræða málin.