Dagur - 02.12.1987, Blaðsíða 4

4 - DAGUR - 2. desember 1987
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR. 560 Á MÁNUÐI
LAUSASÖLUVERÐ 55 KR.
GRUNNVERÐ DÁLKSENTIMETRA 400 KR.
RITSTJÓRAR:
ÁSKELL ÞÓRISSON (ÁBM.)
BRAGI V. BERGMANN
BLAÐAMENN:
ANDRÉS PÉTURSSON
(Reykjavík vs. 91-17450, pósthólf 5452, 105 Reykjavík),
ÁSLAUG MAGNÚSDÚTTIR, EGGERT TRYGGVASON, EGILL BRAGASON,
INGIBJÖRG MAGNÚSDÓTTIR (Húsavík vs. 41585),
JÓHANN ÓLAFUR HALLDÓRSSON, KRISTJÁN KRISTJÁNSSON (Iþróttir),
PÁLL B. VALGEIRSSON (Blönduósi vs. 95-4070), STEFÁN SÆMUNDSSON,
TÓMAS LÁRUS VILBERGSSON, VILBORG GUNNARSDÓTTIR,
ÞÓRHALLUR ÁSMUNDSSON (Sauöárkróki vs. 95-5960),
AUGLÝSINGASTJÓRI: FRÍMANN FRÍMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Upphlaup
Al þýðuf lokksi ns
Þingmenn Alþýðuflokksins hafa allt á hornum sér
vegna þeirra frumvarpsdraga sem fyrir liggja um
stjórnun fiskveiða næstu fjögur árin. Það er engu lík-
ara en að kratar vilji ólmir finna ástæðu til að slíta
núverandi stjórnarsamstarfi, þótt því verði ekki trúað
fyrr en í fulla hnefana. Reyndar segja forystumenn
Alþýðuflokksins að sú sé ekki ætlun þeirra. Samtímis
hafa þeir samt uppi stór orð um að drögin að kvóta-
frumvarpinu svonefnda verði ekki samþykkt óbreytt
af þeirra hálfu og fái þeir ekki fram ákveðnar grund-
vallarbreytingar, verði það alls ekki lagt fram sem
st j órnarfrumvarp.
í þeim kafla stjórnarsáttmála ríkisstjórnarinnar, sem
fjallar um sjávarútveg segir orðrétt: „Fiskveiðistefnan
verði tekin til endurskoðunar og stefna mörkuð, sem
taki gildi þegar í upphafi næsta árs. Endurskoðunin
verði falin sérstakri nefnd sem hafi samráð við helstu
hagsmunaaðila í sjávarútvegi og fiskiðnaði, svo sem
fulltrúa útgerðar, fiskvinnslu, sjómanna og fisk-
vinnslufólks og sérfræðinga Hafrannsóknastofnunar."
Síðan eru talin upp þau atriði sem nefndinni er m.a.
ætlað að taka afstöðu til.
Sjávarútvegsráðherra hefur í einu og öllu unnið eftir
þessum ákvæðum stjórnarsáttmálans. Sérstök nefnd
stjórnarþingmanna hefur átt ítarlegar viðræður við
hagsmunaaðila í sjávarútvegi undanfarnar vikur og
unnið að endurskoðun fiskveiðistefnunnar í nánu
samráði við þá. Niðurstaða þeirra viðræðna er sú að
umræddir hagsmunaaðilar sjá ekki ástæðu til að víkja
frá þeirri grundvallarstefnu, sem fylgt hefur verið við
stjórnun fiskveiða s.l. fjögur ár.
Samt sem áður rjúka alþýðuflokksmenn upp til
handa og fóta nú og setja hnefann í borðið. Þeir virð-
ast núna fyrst vera að átta sig á því að mótun fiskveiði-
stefnunnar til næstu fjögurra ára er að mestu lokið.
Þeir tóku þátt í þeim viðræðum sem fram hafa farið
undanfarnar vikur, án þess að leggja fram eina ein-
ustu mótaða breytingatillögu. En á elleftu stundu vilja
þeir breyta stefnunni - í grundvallaratriðum! Enn er
fáum ljóst hvaða breytingar þeir vilja gera, enda vita
þeir það ekki fyllilega sjálfir né eru þingmenn flokks-
ins samstíga í afstöðu sinni til einstakra atriða frum-
varpsins.
Jón Baldvin Hannibalsson formaður Alþýðuflokks-
ins hefur gagnrýnt sjávarútvegsráðherra fyrir að hafa
haft náið samráð við hagsmunaaðila í sjávarútvegi við
mótum frumvarpsins. Það hefur hingað til ekki talist
löstur hjá ráðamönnum þjóðarinnar að hafa samráð
við fólkið í landinu en kratar virðast ekki alls kostar
hrifnir af slíkum vinnubrögðum. Slík afstaða stjórn-
málaflokks hér á landi heyrir til tíðinda.
Upphlaup alþýðuflokksmanna nú er mjög alvarlegs
eðlis. Afstaða þeirra í þessu máli brýtur í bága við
ákvæði stjórnarsáttmálans sem flokkarnir þrír gerðu
með sér í vor. Ef kratar sitja fast við sinn keip getur
það auðveldlega leitt til stjórnarslita. Það væri ábyrgð-
arleysi að slíta stjórnarsamstarfinu nú en ef svo færi
yrði það algerlega á ábyrgð Alþýðuflokksins. BB.
Leikklúbburinn Saga:
Hinn eini sanni Seppi
Augnablikshlé á inilli morðtilrauna.
Myndír: TLV Símon Grafsteinn sýnir Lafði Sælu
Moldá grimmd og miskunnarleysi.
„Skondið verk og
skemmtilegt"
- segir Skúii Gautason leikstjóri
Næstkomandi laugardag frum-
sýnir Leikklúbburinn Saga
leikritið „Hinn eini sanni
Seppi“, eftir breska leikrita-
skáldið Tom Stoppard. Stopp-
ard þessi er raunar fæddur í
Tékkóslóvakíu en hefur skap-
að sér nafn sem einn fremsti
leikritahöfundur Breta. Leik-
klúbburinn Saga ræðst því ekki
á garðinn þar sem hann er
lægstur og ég spurði leikstjór-
ann, Skúla Gautason, hvort
hér væri ekki um erfitt við-
fangsefni að ræða.
„Jú, þetta er erfitt viðfangsefni
og tíminn mjög naumur. Við
setjum verkið upp á 5 vikum,
sem verður að teljast knappur
tími. Hins vegar eru krakkarnir í
Sögu orðnir vanir leikarar, það er
gott og gaman að vinna með
þeim og þau eru brennandi af
áhuga.“
- Segðu mér aðeins frá verk-
inu. Um hvað fjallar „Hinn eini
sanni Seppi"?
„Þetta er einþáttungur, þótt
vissulega séu kaflaskipti í því, en
verkið er sýnt í einni samfellu.
Þetta er skondið verk og
skemmtilegt, en annars get ég lít-
ið sagt frá því. Áhorfendur verða
að koma að mestu leyti óupplýst-
ir á sýninguna því hún á að koma
þeim á óvart. Uppbyggingin er
mjög sérkennileg. Ég get þó sagt
að hér er á ferðinni sakamála-
leikrit af flóknustu gerð. Flestar,
ef ekki allar persónurnar leika
tveim eða fleiri skjöldum. Það er
sterk ádeila í verkinu og í raun-
inni er leikritið umgjörð um hár-
beitta ádeilu.“
- Hvernig er að leikstýra svo
ungum leikurum? Mótar þú
krakkana eins og leir eða gefur
þeim færi á eigin túlkun?
1 „Krakkarnir hafa flestir þá
tækni sem þarf til að bera. Ég hef
farið þá leið að leikstýra sterkt í
byrjun en láta þá síðan fylla upp
í persónusköpunina og þeir hafa
gert það mjög skemmtilega."
- Valdir þú þetta leikrit?
„Nei, leikhópurinn valdi þetta
sjálfur. Krakkarnir komu síðan
að máli við mig og spurðu hvort
ég hefði áhuga á að setja þetta til-
tekna verk upp. Ég hef alltaf ver-
ið sérstaklega veikur fyrir
Afskipt kona er verri en allir árar vítis...
Stoppard. Hann er geysilega
skemmtilegur og skrifar af mikl-
um sannfæringarkrafti eins og
sést glöggt í þessu verki. Krakk-
arnir spurðu mig hvort þetta væri
einhver vitfirringur, en ég held
þvert á móti að hann sé einhvers
konar ofurheili. Ég sá eitt sinn
sjónvapsviðtal við hann og þá var
spyrillinn hvað eftir annað kom-
inn í sjálfheldu því Stoppard
sneri svo skerrimtilega út úr
spurningunum. Þetta er mjög
klár náungi.“
- Hver þýddi þetta verk?
„Hann heitir Guðjón Ólafsson
og mér skilst að hann sé mennta-
skólakennari á ísafirði. Ég er
ánægður með þýðinguna. Það er
mikið af orðaleikjum, eins og
Bretar eru þekktir fyrir, breskum
misskilningi og útúrsnúningum.
Guðjóni tekst mjög vel að koma
þessu til skila.“
„Hinn eini sanni Seppi“ verður
frumsýndur laugardaginn 5. des-
ember. Leikklúbburinn Saga ætl-
ar síðan að keyra á sýningar ann-
an hvern dag fram eftir mánuðin-
um. Leikritið verður því sýnt í
mjög skamman tíma, en leikhóp-
urinn er stórhuga og ætlar að ráð-
ast í annað verk eftir áramótin.
í kringum 15 manns vinna að
„Seppanum“ og þar af eru 9
leikarar, eða 8 leikarar og 1 lík!
Skúli sagðist hafa trú á því að
fólk myndi flykkjast á verkið til
að slaka á jólastressinu.
„Seppinn" á heldur ekki að vera
neinn tímaþjófur. Það tekur ekki
nema rúman klukkutíma í flutn-
ingi og er þar að auki bráð-
skemmtilegur.
Aðspurður sagðist Skúli hafa í
nógu að snúast þessa dagana.
Hann er nýbúinn að gera það
gott sem Einar Áskell, hann tek-
ur þátt í Pilti og stúlku hjá Leik-
félagi Akureyrar, hann leikstýrir
í Freyvangsleikhúsinu, en þar er
samlestur hafinn á leikritinu
„Mýs og menn“ eftir John Stein-
beck. Auk þess er Skúli með
ieiklistarnámskeið í Verkmennta-
skólanum á Akureyri, cn þessa
dagana er það „Hinn eini sanni
Seppi“ sem er í sviðsljósinu og
það verður fróðlegt að sjá hvern-
ig til tekst hjá hinum ungu leikur-
um í Leikklúbbnum Sögu. SS