Dagur - 02.12.1987, Blaðsíða 11
2. desember 1987 - DAGUR - 11
Minning:
yGunnar Þór Jóhannsson
skipstjóri
Fæddur 2. desember 1926 - Dáinn 7. nóvember 1987
Elsku pabbi.
Þessi hinsta kveðja frá okkur
hefði átt að vera afmæliskveðja
til þín. En skjótt skipast veður í
lofti:
Nú eru augun þín aftur lögð
á eilífðarbraut ertu genginn.
Orðin síðustu við þig sögð
sanna, hugprúða drenginn.
Já, þú hefur oft fengið að reyna
það á löngum starfsferli þínum
sem sjómaður og skipstjóri, hve
veður geta skipast skjótt í lofti.
En hugstyrkur þinn og ró
streymdu frá þér, þótt fá orð
væru sögð og þú stýrðir skipi
þínu ætíð farsællega í höfn.
Heima voru eiginkona og börn,
sem elskuðu þig og virtu og biðu
komu þinnar eftirvæntingarfull
hvert sinn. Það var hátíð í bæ, er
þú komst heim. Húsið fylltist af
nærveru þinni, sem var okkur öll-
um svo mikils virði.
Ótal minningar koma í hugann
á kveðjustundu. Nú þegar jólin
fara senn í hönd, leitar hugurinn
aftur til bernskujólanna. Við átt-
um því láni að fagna að fá að hafa
þig heima öll jól, þrátt fyrir starf-
ið sem þú gegndir. Fjölskyldan
sameinaðist öll við undirbúning,
hver fékk sinn starfa. En mesta
virðingarstaðan var þó að fá að
vera „aðstoðarjólaskreytinga-
stjóri“ með pabba. Virðingar-
staða sem gekk til okkar koll af
kolli, eftir því sem við uxum upp.
Það er erfitt að ganga nú inn í jól-
in án þín, elsku pabbi.
Þegar við kveðjum þig nú,
þökkum við allar dýrmætu stund-
irnar sem við áttum með þér.
Þökkum þér styrka og farsæla
handleiðslu alla tíð. Barnabörnin
þín þrjú þakka afa fyrir allt.
Guð blessi góðan dreng.
Valla, Jói, Hulda, Gunni, Edda.
Þegar nafn mitt var kallað upp á
fjölmennum fundi í Reykjavík,
að morgni 7. nóvember 1987 og
sagt að áríðandi símtal biði mín,
vissi ég að eitthvað hafði komið
fyrir. Hvað það var fékk ég að
vita þegar Ásta sagði mér í
símanum að þú værir dáinn. Slík-
um fréttum á maður alltaf erfitt
með að trúa. Ég held að ég hafi
tæpast gert mér grein fyrir þessu,
meðan ég leitaði þær systur uppi
til þess að flytja þeim áfram þá
frétt að þú værir dáinn. Pabbi
þeirra, sem þeim þótti svo vænt
um.
Síðan lá leið okkar allra norð-
ur á Dalvík og það komu margar
myndir í hugann, margar góðar
minningar um þig. Margar tengj-
ast þér og náttúrunni. Þó að þú
ættir að baki 45 ára starf sem
sjómaður, þá varstu náttúrubarn
í þér, næstum bóndi. Svipur þinn
og látbragð leyndu aldrei hvað
þér leið vel úti í náttúrunni.
Ég man alltaf þegar ég var að
veiða í Reykjadalsá og þú varst
að koma úr einni af þínum feng-
sælu veiðiferðum á Baldri og við
höfðum mælt okkur mót við ána.
Þar var ég búinn að vera eina tvo
tíma þegar þú komst um morgun-
inn. Þrátt fyrir þreytu eftir sjó-
ferðina, þá hljópst þú með mér
um árbakkann, stór glaðlyndur
maður í veiðihug. En í hléinu unt
miðjan daginn, lögðumst við í
hátt júlígrasið á árbakkanum. Þó
norðanstrekkingur væri, var logn
í grasinu. Við horfðum í himin-
inn og grasrótina og töluðum
saman og árniðurinn og vindur-
inn samstilltu hörpur sínar. Allt í
einu uppgötvaði ég að þú varst
sofnaður á árbakkanum. Þarna
svafstu eins og barn. Ég man að
það hvíldi yfir þér ró og þér leið
vel. Já okkur leið oft vel saman.
Þú gafst mér líka góðar gjafir
og þá bestu, er þú sumarið 1979
leiddir elstu dóttur þína upp að
altarinu til mín með hátíðlegum
svip, þegar þið genguð inn gólfið
í Dalvíkurkirkju. Oft síðan var
ég stoltur af því að vera tengda-
sonur þinn. Bæði af verkum þín-
um á sjónum og því sem menn
sögðu um þig. Á sumrin þegar ég
var á togurunum frá Húsavík og
þú að trolla á Ólafi Magnússyni,
fylgdumst við hvor með annars
skipum. Það gladdi mig alltaf
þegar skipstjórar mínir, sem
höfðu verið að tala við þig í stöð-
inni, báru mér kveðju þína. Já
oft var borið lof á þig í mín eyru.
Þegar ég var með þér á Ólafi
Magnússyni, sagði mér maður
sem var búinn að vera lengi með
þér til sjós, að það væri svo gott
að vera með þér, þú værir svo
ljúfur í skapi og traustur. Hann
talaði sérstaklega um það hvað
framkoma þín veitti mikið
öryggi. Hann sagði mér jafnframt
að þið hefðuð einu sinni verið í
aftakaveðri og hættu. Hann hefði
verið uppi í brú hjá þér og verið
hræddur. En þegar hann hafði
fundið hve þú varst öruggur og
óttaiaus, þrátt fyrir hættuna, þá
hefði það fyllt hann öryggi. Já
hann sagði þig einstakan skip-
stjóra. Þessi lýsing er svo sönn af
þér, traustum og staðföstum,
glaðlyndum, stórum manni.
Manni sem hvikaði ekki frá sinni
skoðun, þótt hún væri ekki sam-
hljóða skoðunum annarra.
Manni sem á sjálfsagðan hátt
naut virðingar þeirra sem þekktu
og umgengust. Þannig varst þú.
Tengdafaðir minn, Gunnar
Þór Jóhannsson, var fæddur 2.
desember 1926 á Kleif í Þorvalds-
dal við Eyjafjörð. Hann var son-
ur hjónanna Ástríðar Margrétar
Sæmundsdóttur og Jóhanns Sig-
valdasonar. Þau bjuggu síðar á
Ytri-Reistará í Arnarneshreppi.
Ólst Gunnar þar upp ásamt níu
systkinum. Snemma beygðist
krókurinn og 15 ára fór Gunnar
að stunda sjómennsku, fyrst frá
Hauganesi og var það upphaf far-
sæls sjómanns- og skipstjóra-
ferils. Hann lauk skipstjórnar-
prófi frá Stýrimannaskólanum í
Reykjavík árið 1951. Árið 1954
tók hann við skipstjórn á Baldri
EA 770, sem gerður var út á síld-
veiðar og flutninga. Síðan var
hann lengi skipstjóri á Sæfaxa
NK 102 frá Neskaupstað. Undir
miðjan sjöunda áratuginn var
hann um tíma með Helgu Guð-
mundsdóttur BA frá Patreks-
firði. Árið 1965 tók hann við
Akraborgu EA 50 og fljótlega
eftir það við Ólafi Magnússyni
EA 250 og var með hann sam-
fleytt í 15 ár á síld, loðnu og tog-
veiðum. Árið 1982 tekur Gunnar
aftur við skipi með nafninu
Baldur. En nú er það skuttogari,
sem hann sótti til Englands og
ber nafnið Baldur EA 108.
í frítúr af sjónum lentu Gunn-
ar og Ásta í alvarlegu bílslysi
þann 25. maí 1986. Hann hlaut
mænuskaða sem leiddi til lömun-
ar. Síðan þá gekk hann í gegnum
erfiða sjúkralegu, sem sá einn
þekkir, er reynir. En Gunnari
tókst með dugnaði, viljastyrk og
stöðugum æfingum að ná meiri
framförum en hinir bjartsýnustu
höfðu þorað að vona.
Eftir rúmlega árslanga sjúkra-
dvöl og endurhæfingar í Reykja-
vík, komstu aftur norður. Ég tók
á móti þér á flugvellinum á Akur-
eyri. Það var í sumar leið og við
keyrðum rólega út Eyjafjörðinn.
Þú varst glaður yfir því að vera
að koma heim á Bárugötuna. En
á Bárugötu 7 á Dalvík höfðu
tengdaforeldrar mínir, þau
Gunnar og Ásta Sveinbjarnar-
dóttir búið heimili sitt. Þar ólust
systkinin Valgerður, Jóhann,
Hulda Sveinbjörg, Gunnar og
Edda upp við gott atlæti. Sonur
Huldu, Gunnar Þór Aðalsteins-
son, hefur löngum átt þar skjól
hjá afa og ömmu. Þar hófstu nú
handa við að láta breyta heimil-
inu í samræmi við breyttar
aðstæður. Oft ræddum við hluti í
því sambandi. Meðal annars um
sólpall, sem þú varst að hugsa um
að láta gera suður úr stofunni. Ég
frétti það kvöldið áður en þitt
hinsta kall kom, að þú hefðir ver-
ið að kaupa hurð, sem átti að
vera fyrir dyrunum út á fyrirhug-
aðan sólpall. Enginn veit hvenær
kallið kemur. Það urðu þannig
aðrar dyr, sem opnuðust þér fyrr
í sólina.
Um leið og ég votta öðrum
aðstandendum þínum samúð,
ber ég þér þakkir fyrir allt, sam-
verustundir og kynni. Barna-
börnin þín, Emilía Ásta og
Örlygur Hnefill bera afa sínum
þakklætiskveðjur.
Far þú í friði.
Orlygur Hnefill Jónsson.
Jólagjaífr
Jólagjafir!
Peysur, joggingpeysur,
frottesioppar, vYerslunin
náttkjólar, treflar, jgf r
vettlingar, hálsfestar, MaM 1 Ifi ort
eyrnalokkar, SrM mALM C Ug
hárskraut og ' m
margt fleira. M \vLS
Sunnuhlíð 12, sími 22484.
Ódýri markaðurinn
Strandgötu 23
Ný sending af handklæðum, dúkum,
kertastjökum, hvítum bollapörum.
Jóladúkaefni frá 165 kr. pr/m.
Sængurveraefni 165 kr. pr/m.
Opið kl. 1-6 virka tlaga
og laugardaga kl. 10-12
Ódýri markaðurinn
Strandgötu 23.
VfSA
AKUREYRARB/ÍR
Félagsmálastofnun Akureyrar auglýsir
eftir forstöðumanni
við dagvistina Sunnuhlíð frá 1. febrúar
1988.
Dagvistin er ein deild meö 20-25 börnum, fyrirhugað
er aö taka hana í notkun í mars 1988.
Skriflegar umsóknir skuli berast til dagvistardeiidar,
Eiösvallagötu 18, fyrir 31. desember 1987.
Ennfremur auglýsum við eftir forstöðu-
mönnum við dagvistirnar Flúði og Síðu-
sel frá 1. janúar 1988.
Umsóknarfrestur er til 10. desember 1987.
Allar nánari upplýsingar veittar í síma 96-24600 alla
virka daga frá kl. 10-12.
Dagvistarfulltrúi.
Fjöltækni auglýsir
Fyrirtæki sem hyggja á tölvuvæðingu hafið sam-
band við okkur. Við bjóðum tölvur á hagkvæmasta
verði á íslandi í dag.
Einnig útfærum við hugbúnað við hæfi hvers og eins ef óskað
er. Væntanlegt er forrit fyrir smærri fyrirtæki, sem sér um lager,
viðskiptamenn, starfsmenn, kostnaðarliði, vinnulaun, stað-
greiðslu, uppsafnaða reikninga, mánaðarreikninga, útskriftfyr-
ir á víxla, skuldabréf og yfirlit svo eitthvað sé nefnt. Þessi pakki
verður seldur við vægu verði með okkar tölvum og sérhæfður
að þörfum hvers og eins kaupanda.
Frá Digitalvörum hf. bjóðum við hinar vinsælu og ódýru ACER
PC/AT/og 32ja bita tölvur frá Multitech. T.d. 640Kb vélar með
tveim diskadrifum 360k, rauntímaklukku, runutengi, sam-
hliðatengi og Herculesupplausn á 12" skjá (14x9 matrixa) frá
kr. 46000.00 með söluskatti. Einnig hina frábæru Brother
prentara í öllum stærðum og verðflokkum á mjög hagstæðu
verði.
Frá ístel hf. bjóðum við ykkur símastöðvar fyrir stór og smá
fyrirtæki, símsvara, talstöðvar, friðþjófa, bátastöðvar, telex-
búnað fyrir tölvur, farsíma (NEC), telefaxtæki og margt fleira.
Gerið verðsamanburð. Nú þegar eru um 300 aðilar á landinu
komnir með símstöðvar frá ístel.
Frá Fjölval hf. bjóðum við Mita Ijósritunarvélar í öllum stærð-
arflokkum.
Önnumst einnig viðgerðir á allskonar rafeinda-
búnaði, tæknifræðilega ráðgjöf og hönnun.
Reynið viðskiptin.
Fjöltækni
Gránufélagsgötu 4, III. hæð
Pósth. 790, Akureyri. Sími 96-27375.
Njóttu ferðarinnar!
Aktu eins og þú vilt að aðrir aki
Góða ferð! ||X
FEROAR