Dagur - 03.12.1987, Blaðsíða 9

3. desember 1987 - DAGUR - 9
mf

Texti: Hildur Elísabet Pálsdóttir
og Solveig Sturlaugsdóttir
Myndir: Kjartan Þorbjörnsson
Guðjón Arnar var með beltin spennt og allt á hreinu
- Hver ert þú?
„Ja, ég heiti Porgerður Krist-
insdóttir, og er frá Akureyri. Ég
er 20 ára og vinn í banka hér í
bænum, frá 9 til 5.“
- Hverjir heldurðu að fari á
rúntinn?
„Ég hugsa að það séu yfirleitt
svona 17-18 ára skólakrakkar
sem koma til að hitta félagana.
Annars fer ég sjálf ekki á rúntinn
nema einu sinni í viku í mesta
lagi. Ef ég fer þá er það aðallega
til að sjá fólk og svoleiðis.“
- Hvað finnst þér um að torg-
inu hafi verið lokað í síðustu
viku?
„Mér finnst þetta mjög vit-
laust. Það er enginn tilgangur í
því. Þeir sem eiga heima hér eru
svo fáir og þó að þeir loki torginu
heldur rúnturinn áfram að vera
Þogga í bankanum!
hér. Skipagatan er opin áfram og
ekkert mál að keyra hana.
Hávaðinn minnkar líka ekkert þó
að torgið sé lokað. Hraðinn eykst
líka örugglega, þegar menn geta
keyrt Skipagötuna beint út.“
- Hvað finnst þér um kvartan-
ir íbúanna hérna í kring?
„Það er náttúrlega hávaði, en
þeir verða bara að sætta sig við
það, þeir völdu sjálfir að eiga
heima hér. Þetta er bara svona,
hefur verið lengi, og verður
áfram, þeir verða bara að sætta
sig við það. Sjálf mundi ég alls
ekki vilja búa hér nálægt, mér
finnst of mikill hávaði hér til
þess. Þetta venst eflaust eitthvað,
en það er meiri hávaði sum kvöld
en önnur, t.d. eftir böll um
helgar, og þá aðallega af fullu
fólki og slagsmálum."
- Hvað finnst þér urn mót-
mælaaðgerðir rúntaranna.
„Mér fannst þetta bara flott,
nema það að fara út í íbúðahverf-
in og vekja aðra. Það er samt
hæpið að þeir hefðu getað vakið
á sér athygli öðruvísi.1'
- Er þá hlustað á það sem
rúntararnir hafa að segja?
„Já, þetta hefur a.m.k. borið
árangur. Mér finnst samt fárán-
legt að ætla að setja upp eitthvert
bílaleiksvæði, t.d. fyrir utan
bæinn. Ég efast um að það verði
nokkur þar. Ballstaðirnir eru
náttúrlega hér og fólk nennir
ekkert að fara að ganga einhverja
meiriháttar vegalengd eftir ball.“
- Hvað finnst þér um aðgerðir
lögreglunnar á mánudagskvöld-
ið?
„Það er náttúrlega allt í lagi ef
menn hafa verið að brjóta lögin,
keyra í öfuga átt eftir einstefnu-
götum og svona. Ég er samt viss
um að löggan er ekkert á móti
krökkunum hér. Þetta er bara
þeirra vinna, og þeir verða að
sinna henni eins og annað fólk.
Ég myndi sjálf ekki vilja vera
lögga. Ég held að það sé ekkert
skemmtilegt, þeim finnst sjálf-
sagt ekkert gaman að þurfa að
vera að rífast í krökkunum
hérna.“
- Er rúnturinn félagslegt fyrir-
bæri?
„Já, það er enginn annar stað-
ur fyrir þessa krakka, 15, 16 og
17 ára. Ég efast samt um að þau
myndu mikið nota sér það þó að
einhver salur yrði keyptur úti í
bæ, þetta hefur alltaf verið hér.“
Við þökkuðum Þorgerði fyrir
spjallið og héldum áfram að hitta
fólk. Sá seinasti sem við töluðum
við er hress stelpa með mjög
ákveðnar skoðanir á hlutunum,
þó svo að hún hafi notað orðið
„bara“ dálítið oft. Sigrún Harpa
Ingadóttir er 15 ára og er í Gagg-
anum.
- Hvað ferðu oft í bæinn og
hvað ertu lengi í einu?
Sigrún Harpa er þrælhress, og
stundar „bæinn“ af krafti.
„Ég er í bænum alla daga vik-
unnar, oftast frá svona 10 til 12.
Ég er samt alltaf lengur unt
helgar, svona ca. frá 10 til 3, 4, 5,
6. . . stundum kem ég líka ekk-
ert heim til mín.“
- Ertu alltaf labbandi?
„Nei, nei, ég er oft að rúnta
með einhverjum sem ég þekki,
kærastanum mínum, a ha ha ha!
Nei, nei.“
- Hvað ertu að gera í bænum?
„Bara . . . sýna mig og sjá
aðra.“
- Hvað finnst þér um að torg-
inu hafi verið lokað í síðustu
viku?
„Mér finnst þetta bara svo fár-
ánlegt, að það er ekki hægt að
lýsa því, þetta er svo heimskt.
Það er náttúrlega margt rétt í því
sem íbúarnir hér hafa verið að
segja, en þetta er bara svo klikk-
að fólk sem hann kvartaði.“
- Hvað heldurðu að gerist ef
torginu verður lokað aftur?
„Það verður bara allt vitlaust
hérna. Og þessi Ragnheiður
þarna á náttúrlega heima þarna í
Skipagötunni, og það verður allt-
af flautað þar fyrir framan.“
- Verður áfram rúntur þegar
torginu verður lokað til frambúð-
ar?
„Ég veit það ekki, jú þetta
venst sjálfsagt eins og annað. Þá
verður rúnturinn sjálfsagt hér eft-
ir Skipagötunni, það verður snú-
ið við á bílastæðinu fyrir neðan
Verkalýðshöllina og svo verður
farið út fyrir Sjalla. Þeir sem eru
gangandi verða sjálfsagt bara hér
á labbinu, fram og til baka eftir
Skipagötunni."
- Hvað fannst þér um mót-
mælaaðgerðirnar?
„Mér fannst þetta bara alveg
meiriháttar. Að vísu tók ég ekki
þátt í þessu sjálf, en ég held að
það sé hlustað á krakkana. T.d.
held ég að það hafi skipt miklu
máli að þau fóru svona mörg út í
bæ. Mér fannst það meiriháttar,
mér fannst það frábært, samstað-
an var svo rosaleg.“
- Veistu hvort það var einhver
sem stóð fyrir þessu meira en
annar?
„Já, það var einn sem sá um að
smala liðinu saman og hann sá
líka um allan undirbúning. Mér
finnst hann hafa staðið sig mjög
vel.“
- Hvað finnst þér um aðgerðir
lögreglunnar?
„Mér finnst þetta alveg fárán-
legt. Það var kannski í lagi að
sekta þá, en mér finnst algjör
óþarfi að klippa af bílum og taka
prófið af fólki.“
- Að lokum Sigrún, er rúntur-
inn félagslegt fyrirbæri?
„Já, hér hittast allir. Ég er líka
ekki frá því að það hafi orðið til
hjónabönd á rúntinum."
spurning vikunnar
Gunnhildur Helgadóttir:
Nei, varla neitt. Eg er örlítið
byrjuð aö kaupa gjafir en fer
fljótlega í fullan gang í undir-
búningnum.
Ingibjörg Árnadóttir:
Nei, ég er ekki neitt byrjuð að
undirbúa jólin enn. Ætli ég byrji
ekki eftir viku eða svo.
Díana Lind Rúnarsdóttir:
Nei, ég er ekkert byrjuð að
undirbúa en ég fer örugglega
að byrja fljótlega að kaupa jóla-
gjafir og þess háttar.
Steingrímur Eggertsson:
Nei, ég þarf ekki að undirbúa
jólin. Ég fæ jólamatinn sendan
frá Félagsmálastofnun þannig
að ég þarf ekkert að hugsa um
þess háttar.
Elísabet Bjarnadóttir:
Já, ég er komin (fullan gang í
jólaundirbúningnum. Nei, ég er
ekki búin að kaupa mikið en ég
er byrjuð að baka og laga til.
Síðan koma gjafirnar á eftir.
Ert þú byrjuð (aður)
að undirbua jolin?