Dagur - 03.12.1987, Blaðsíða 18

18 - DAGUR - 3. desember 1987
fþróttir
Uppskemhátíð Tindastóls
Uppskeruhátíð Tindastóls var haldin nýlega. Um 100 krakkar mættu á hátíðina þar sem afhent voru 35 verðlaun og
viðurkenningar fyrir góðan árangur og ástundun í knattspyrnu, körfuknattleik, frjálsum íþróttum og sundi. Myndin
sýnir þá verðlaunahafa sem mættir voru til að veita verðlaunum sínum viðtöku. Mynd: -þd
Frjálsar íþróttir:
Sigurður og Cees
þjálfa hjá UMSE
Siguröur P. Sigmundsson einn
snjallasti langhlaupari okkar
Islendinga fyrr og síðar, hefur
tekið að sér þjálfun hjá
UMSE. Sigurður býr nú á
Akureyri og starfar sem fram-
kvæmdastjóri Fiskmarkaðar
Norðurlands. Cees Van de
Ven er aðalþjálfari UMSE og
mun sjá um tækniæfingar og
sprettæfingar en Sigurður mun
verða honum til aðstoðar og
hafa umsjón með þrekæfíng-
um og langhlaupum.
Sigurður á íslandsmetið í bæði
maraþonhlaupi og hálfmara-
þonhlaupi og er auk þess marg-
reyndur landsliðsmaður í frjáls-
um íþróttum og keppti mikið fyr-
ir íslands hönd í 50Ó0 og 10000 m
hlaupi og í 3000 m hindrunar-
hlaupi. íslandsmetið í maraþon-
hlaupi sem er 2:19:46, setti hann
í Berlín árið 1985 og í hálfmara-
þonhlaupinu sem er 1:07:09, í
Haag árið eftir. Sigurður hefur
tekið þátt í 11 maraþonhlaupum
víðs vegar um heim og hann sigr-
aði m.a. í fyrsta Reykjavíkur-
maraþoninu árið 1984. Þá varð
hann breskur háskólameistari í
10000 m hlaupi er hann var við
nám í Skotlandi árið 1982.
Sjónvarp Akureyri
11. desember verður SJÓNVARP
AKUREYRI 1 árs og af tilefninu
hljóta tveir áskrifenda stöðvarinn-
ar glæsilega Mallorcaferð á vegum
Samvinnuferða-Landsýnar.
Dregið í beinni útsendingu 7.
janúar þannig að nýir áskrifendur í
desember verða með í pottinum.
Ókeypis afmælisáskrift í desember
til nýrra áskrifenda.
Kannaðu greiðslukjörin á mynd-
lyklum I Akurvík.
Það er gott að geta valið!
Sjónvarp Akureyri
Þá er Sigurður margfaldur
íslandsmeistari en hann vann
sinn fyrsta íslandsmeistaratitil
árið 1971 og þá í 600 m hlaupi
pilta. Sigurður hefur verið í
fremstu röð síðan þá og það yrði
því mikill styrkur fyrir UMSE ef
hann færi einnig að keppa undir
merki félagsins.
„Ég ætla að starfa sem hluta-
þjálfari hjá félaginu í vetur og sjá
um þrek og langhlaup. Lang-
hlaupin hafa ekki verið hátt skrif-
uð hjá UMSE síðustu ár og verið
reyndar með eindæmum dauf frá
því um og fyrir 1960. En á þeim
tíma átti félagið mjög liðtæka
langhlaupara og öll Éyjafjarðar-
metin eru frá þeim tíma,“ sagði
Sigurður í samtali við Dag. „En
ég hef mikinn áhuga á því að rífa
þessa grein upp á ný og ná Akur-
eyringum og öðrum Eyfirðingum
sem eru 15 ára og eldri, af stað
með mér,“ sagði Sigurður einnig.
- En er ekki nóg að þú gangir
úr FH í UMSE og bætir þessi
Eyjafjarðarmet sjálfur í vor?
„Ja þú segir nokkuð. Þetta hef-
ur að vísu ekki komið til tals en
það er aldrei að vita. Það er
kannski eðlilegt að ég geri það en
ég hef nú ekki hugsað þetta mál
til enda. Það eru fjölmörg félög
innan UMSE og í sumum þeirra
er unnið töluvert starf. Og það
sem ég hef áhuga á að gera svona
til að byrja með, er að ná upp
sterku liði í öllum flokkum og
taka þátt í víðavangshlaupi
íslands sem fram fer í byrjun
apríl. Það ætti að vera hægt að ná
góðum árangri í yngri flokkunum
en það er aftur erfiðara í þeim
eldri. En kannski verð ég búinn
að skipta yfir í UMSE í vor og
keppi þá með liðinu,“ sagði
Sigurður að lokum.
Æfingar undir stjórn þeirra
Sigurðar og Cees eru þegar
hafnar. Á sunnudögum kl. 11 er
hlaupið frá Sundlaug Akureyrar
undir stjórn Sigurðar og á mánu-
dögum kl. 18 er hann með inniæf-
ingu í Skemmunni, þar sem
áhersla er lögð á þrek. Á þriðju-
dögum kl. 19.15 er útiæfing á
Akureyrarvellinum undir stjórn
Cees Van de Ven þar sem aðal
áherslan er lögð á hraðaæfingar.
Á fimmtudögum kl. 18 er einnig
skokkað frá sundlauginni með
Sigurði og á laugardögum kl. 9 er
inniæfing í Höllinni þar sem
áhersla er lögð á tæki og þeim
stjórnar Cees. Þarna gefst því
Akureyringum og öðrum Eyfirð-
ingum gullið tækifæri til þess að
æfa undir stjórn tveggja frábærra
íþróttamanna.