Dagur - 07.12.1987, Blaðsíða 4
4 - DAGUR - 7. desember 1987
viðtal dagsins
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR. 560 Á MÁNUÐI
LAUSASÖLUVERÐ 55 KR.
GRUNNVERÐ DÁLKSENTIMETRA 400 KR.
RITSTJÓRAR:
ÁSKELL PÓRISSON (ÁBM.)
BRAGI V. BERGMANN
BLAÐAMENN:
ANDRÉS PÉTURSSON
(Reykjavík vs. 91-17450, pósthólf 5452, 105 Reykjavík),
ÁSLAUG MAGNÚSDÓTTIR, EGGERT TRYGGVASON, EGILL BRAGASON,
INGIBJÖRG MAGNÚSDÓTTIR (Húsavlk vs. 41585),
JÓHANN ÓLAFUR HALLDÓRSSON, KRISTJÁN KRISTJÁNSSON (íþróttir),
PÁLL B. VALGEIRSSON (Blönduósi vs. 95-4070), STEFÁN SÆMUNDSSON,
TÓMAS LÁRUS VILBERGSSON, VILBORG GUNNARSDÓTTIR,
ÞÓRHALLUF. ‘ SMUNDSSON (Sauöárkróki vs. 95-5960),
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
K'
Landsbyggðarfólk
standi saman!
Samtök um jafnrétti á milli landshluta eru hægt og
bítandi að rétta úr kútnum eftir það áfall sem þau
urðu fyrir í síðustu alþingiskosningum. Framboð
fyrrverandi forystumanna samtakanna dró mjög
máttinn úr S.J.L. og var raunar ekki við öðru að
búast. Segja má að það sé einna merkilegast að
Þjóðarflokknum skuli ekki hafa tekist að murka líf-
ið úr S.J.L. - svo harkalega var að samtökunum
vegið.
Það má lesa á milli línanna í blaðinu Útverði sem
samtökin gefa út, að ýmsir telji sig eiga rétt á eign-
um í búi þeirra og umgangast þau rétt eins og liðið
lík, þrátt fyrir að S.J.L. séu bráðlifandi. í sjálfu sér
þarf ekki mikið ímyndunarafl til að finna þá sem
telja sig eiga arf í annars ágætt og vaxandi bú.
Það skiptir landsbyggðina miklu máli að samtök-
in haldi áfram að vera þverpólitískt afl. Innan
þeirra á fólk í strjálbýli, hvar svo sem í flokki það
stendur, að geta hist og markað stefnu um mál
sem skipta landsbyggðina miklu. Þórarinn Lárus-
son, stjórnarmaður í samtökunum, segir m.a. í
grein sem hann skrifar að „mikilvægt sé að hefja
viðræður sem fyrst við fólk innan stjórnmálaflokk-
anna sem vill beita sér sérstaklega að byggðamál-
um innan síns flokks, um stofnun sérstakra „sam-
ráðsdeilda“ innan hvers stjórnmálaflokks." Þessi
hugmynd Þórarins er um margt athyglisverð. Ljóst
er að landsbyggðin á afar mörg sameiginleg
hagsmunamál og að best er að vinna að þeim inn-
an núverandi flokkakerfis. Með því móti er mun lík-
legra að landsbyggðin geti náð ýmsum réttlætis-
málum fram. Reynslan sýnir að smáflokkar eða
flokksbrot ná sjaldnast öðru fram en að auka á
glundroðann í flokkakerfinu. Flokkur sem ein-
göngu hefur málefni hluta landsmanna á sinni
könnu er dæmdur til eyðimerkurgöngu. Þegar öllu
er á botninn hvolft þá er það hagur þjóðarinnar
allrar að fólk vinni saman. Annað er markleysa.
Forystumenn Samtaka um jafnrétti milli lands-
hluta segja í blaði sínu Útverði, að nú verði að
fjölga til muna í samtökunum. Dagur tekur undir
þetta og hvetur fólk í öllum stjórnmálaflokkum
sem áhuga hefur á raunhæfri byggðastefnu að
ganga til liðs við samtökin. Þar gefst því tækifæri
til að ganga sameinað til verks. Eflaust mun fólk
greina á um ýmislegt af því sem fram fer innan
samtakanna. En eftir umræður á vettvangi þeirra
er líklegt að landsbyggðarfólk með ólíkar stjórn-
málaskoðanir geti sameinast um lausn sem nær
fram að ganga. Slík vinnubrögð eru af hinu góða.
ÁÞ.
30 ára afmæli
Oddeyrarskólans
í dag eru liðin 30 ár frá því
Oddeyrarskóli á Akureyri tók
til starfa. Upphaf skólans má
rekja til þess að húsnæði
Barnaskóla Akureyrar rúmaði
illa þann fjölda nemenda sem
bættist við eftir því sem íbúum
fjölgaði á Akureyri á árunum
eftir stríð. Bygging Oddeyrar-
skóla hófst árið 1955 og 7. des-
ember tveimur árum síðar var
byggingu fyrsta áfanga að
mestu lokið og skólastarf hófst
í skólahúsinu. Aðeins tveir
menn hafa gegnt skóiastjóra-
starfi við Oddeyrarskóla þessi
30 ár, Eiríkur Sigurðsson og
Indriði Ulfsson.
Indriði Úlfsson, skólastjóri,
svaraði nokkrum spurningum
blaðamanns um skólastarfið og
aðra þætti skólamála í tilefni af
afmæli skólans.
- Hvenær hófst starfsferill
þinn við Oddeyrarskóla?
„Veturinn 1965-1966 starfaði
ég sem skólastjóri í forföllum
Eiríks Sigurðssonar, en hann
dvaldist þá erlendis í orlofi.
Eiríkur starfaði næsta vetur við
skólann en ég tók alfarið við
embætti skólastjóra hér frá
haustinu 1967.“
- Hvernig var nemendahópur
skólans samsettur á þeim tíma?
„Þá voru hér eingöngu börn frá
7-12 ára aldri, í 1. til 6. bekk. Það
breyttist ekki fyrr en laust eftir
1970 að skólinn varð jafnhliða
unglingaskóli og kennsla 7.
bekkjar hófst.
Tildrög þess voru að ákaflega
þröngt var orðið um nemendur í
öðrum skólum í bænum. Gagn-
fræðaskólinn var t.d. fullsetinn,
því þá voru framhaldsdeildir við
hann. Glerárskólinn var ekki
fullbyggður og enginn Síðuskóli
til. Því skapaðist ákveðið vanda-
mál með tilliti til unglinga á aldr-
inum 13-16 ára og það varð úr að
Oddeyrarskólinn tók við hluta
þessara árganga."
- Þjónaði skólinn þá stærra
svæði en hann gerir nú?
„Svæðið var aðeins stærra en
þó svipað og er enn í dag. Þó
hafði kennsla unglingadeilda við
skólann það í för með sér að mun
þrengra varð um allt skólastarf
því ekki er heppilegt að tvísetja í
þær stofur sem ætlaðar eru eldri
Indriði Úlfsson.
árgöngunum. Einnig bættist það
við að hluti 9. bekkjar Glerár-
skóla sótti nám sitt hingað í tvö
ár. Á þeim tíma vorum við með
meirihluta 16 ára unglinga Gler-
árhverfis hérna, þó ekki alla því
sumir sóttu 9. bekkjar námið í
Gagnfræðaskólann. “
- Þurfti ekki að fjölga kennur-
um mikið þegar unglingadeild-
irnar voru settar á laggirnar hér?
„Jú, að sjálfsögðu þurfti að
fjölga kennurum mikið, einkum
stundakennurum. Um árabil
voru þeir 32-35, en nú starfa hér
um 20 kennarar. Fjölgun
kennara varð í áföngum, því fyrst
byrjuðum við með 7. bekk, síðan
fóru unglingarnir í þeirri deild í
8. bekk o.s.frv. þannig að þetta
gerðist stig af stigi.
Þegar sú skólanefnd, sem nú
situr, tók til starfa, varð sú breyt-
ing á að ákveðið var að tveir
skólar, Glerárskólinn og Gagn-
fræðaskóli Akureyrar, tækju að
sér alla kennslu 7., 8. og 9. bekkja
í bænum. Þó þótti ekki heppilegt
að láta þá unglinga, sem höfðu
verið í 8. bekk Oddeyrarskóla,
skipta um skóla fyrir einn vetur
og luku þau því sínu 9. bekkjar
námi hérna.“
- Hvernig var námsárangur
unglingadeilda skólans?
„Þær hafa komið vel út og flest
árin hafa u.þ.b. 73-76% þeirra,
sem luku samræmdum prófum 9.
bekkjar, náð framhaldseinkunn.
Sl. vor náðu 83% nemenda til-
skildu lágmarki og er sú útkoma
með því besta, sem þekkist.
Skólar með tvær hliðstæður,
barna- og unglingadeildir, koma
vel út því kennarar hafa góða
yfirsýn yfir nemendur og geta
fylgt þeim vel eftir í námi.“
- Hvernig finnst þér þróun
skólamála hafa verið hér í
umdæminu undanfarna áratugi?
„Þróunin hefur verið nokkur,
þótt deila megi um hvað af henni
sé gott. Nokkrar breytingar hafa
t.d. orðið á kennsluefni og í sum-
um tilvikum jafnvel á kennslu-
þáttum. Húsnæði hefur að sjálf-
sögðu vaxið og ég hygg að það
hafi í heildina batnað. Þó er
nokkuð langt frá því að skólarnir
á Akureyri hafi það viðmiðunar-
húsnæði sem ætlast er til.“
- Rýmkaðist ekki mikið um
nemendur og kennara eftir að
kennslu unglingadeilda var hætt
við Oddeyrarskóla?
- Upphaflega var skólinn
byggður fyrir u.þ.b. 300 nemend-
ur í 1.-6. bekk. í skólanum eru
núna um 230 nemendur og því er
þokkalega rúmt um okkur og góð
aðstaða til kennslu þeirra
nemenda sem sækja skólann. Við
getum ekki kvartað undan
þrengslum en hér áður hefði
vissulega verið ástæða til þess.
Það eina, sem okkur skortir
verulega, er íþróttahús við
skólann. Við höfum orðið að
sæta því að láta nemendur sækja
íþróttakennslu í íþróttaskemm-
una, en hún er nokkuð langt frá
skólanum. Þetta er hættulegt því
bæði er yfir umferðargötur að
fara og svo myndast stórir snjó-
skaflar við Skemmuna. Okkur
finnst varasamt að senda litla
krakka þessa leið í stórhríðum en
við getum því miður lítið við
þessu gert. Þá ber að nefna það
atriði að stundaskrá getur síður
orðið samfelld, því helst þurfa að
vera lausir tímar báðum megin
við íþróttakennsluna.
Upphaflega átti að byggja
íþróttahús við skólann en um
1960 samþykkti Eiríkur Sigurðs-
son að fresta byggingu þess þar til
nýtt íþróttahús risi á öðrum stað í
bænum. Þetta dróst og ekkert
hefur gerst í okkar málum síðan,
og er ég mjög ósáttur við þessa
þróun mála. Nýtt íþróttahús er
nauðsynjamál, ekki síst frá sjón-
armiði öryggis barnanna.“
- Finnst þér börnin nú á tím-
um vera ólík þeim börnum sem
voru í skólanum hér áður fyrr?
„Mér finnst börn síst fyrir-
ferðarmeiri nú en áður. Að vísu
eru alltaf til undantekningar frá
góðri hegðun og þær verða alltaf
til. Börnin eru frjálsleg og
skemmtileg, ekki síður en áður.
Kröfur tímans breytast að vísu og
nokkuð er um að börnin geri
kröfu um vissa afþreyingu í
skólanum. Þetta verður að vega
og meta á skynsamlegan hátt en
okkur skortir aðallega tóm-
stundaaðstöðu í sambandi við
íþróttahús. Ef slíkt væri fyrir
hendi myndi það vera bæði börn-
um og foreldrum í hverfinu mjög
til hagsbóta því þörfin er brýn.
Kröfur til skóla eru nokkuð
aðrar en áður, þegar skólarnir
áttu fyrst og fremst að sjá um
menntunarhlið uppeldis. í seinni
tíð er uppeldisþátturinn miklu
sterkari og auknar kröfur eru
gerðar um fræðslu á sviði reyk-
inga, áfengismála, sjúkdóma,
jafnréttis o.fl. þjóðfélagslegra
þátta. Ætlast er til að þessum
málum sé sinnt en þó eru ekki
ætlaðir til þess tímar á stunda-
skrá, samkvæmt viðmiðunar-
stundaskrá skólanna." EHB
Nemendur Oddeyrarskóla fögnuðu afmæli skóla síns í gær. Myndin var tek-
in við það tækifæri. Mynd: tlv.