Dagur - 09.12.1987, Blaðsíða 4
* 4^-DAGUR»-'9.-deseinber 1987
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR. 560 Á MÁNUÐI
LAUSASÖLUVERÐ 55 KR.
GRUNNVERÐ DÁLKSENTIMETRA 400 KR.
RITSTJÓRAR:
ÁSKELL ÞÓRISSON (ÁBM.)
BRAGI V. BERGMANN
BLAÐAMENN:
ANDRÉSPÉTURSSON
(Reykjavík vs. 91-17450, pósthólf 5452, 105 Reykjavík),
ÁSLAUG MAGNÚSDÓTTIR, EGGERT TRYGGVASON, EGILL BRAGASON,
INGIBJÖRG MAGNÚSDÓTTIR (Húsavík vs. 41585),
JÓHANN ÓLAFUR HALLDÓRSSON, KRISTJÁN KRISTJÁNSSON (íþróttir),
PÁLL B. VALGEIRSSON (Blönduósi vs. 95-4070), STEFÁN SÆMUNDSSON,
TÓMAS LÁRUS VILBERGSSON, VILBORG GUNNARSDÓTTIR,
ÞÓRHALLUR ÁSMUNDSSON (Sauðárkróki vs. 95-5960),
AUGLÝSINGASTJÓRI: FRlMANN FRÍMANNSSON
ÚTBREIÐSLUSTJÓRI:
HAFDÍS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Sögulegur sáttmáli
Ronald Reagan Bandaríkjaforseti og Mikhail
Gorbatsjov Sovétleiðtogi undirrituðu í gær
samkomulag um eyðingu meðaldrægra og
skammdrægra kjarnorkuvopna. Samkomulag
leiðtoganna tveggja markar þáttaskil í mann-
kynssögunni, því í fyrsta sinn frá því kjarn-
orkuöldin hófst fyrir fjörutíu árum er gert ráð
fyrir raunverulegri fækkun þessara gereyð-
ingarvopna.
Þótt samkomulagið feli einungis í sér
óverulega fækkun meðaldrægra og skamm-
drægra kjarnorkuvopna, er með undirritun
þess engu að síður stigið mjög mikilvægt
skref í átt til afvopnunar. Vonir standa til að
samkomulagið sé aðeins upphafið að víðtæk-
ari samdrætti í vígbúnaði stórveldanna.
Leiðtogarnir héldu áfram viðræðum eftir að
þeir undirrituðu samkomulagið og er talið að
í framhaldi af þeim muni verulega miða í sam-
komulagsátt um helmingsfækkun langdrægra
kjarnorkuvopna. Talsmenn beggja aðila hafa
sterklega gefið það í skyn.
Stórveldin hafa í fyrsta skipti, síðan afvopn-
unarviðræðurnar hófust fyrir alvöru, skipst á
upplýsingum um fjölda kjarnorkuflauga og
samsetningu kjarnorkuheraflans, og er það
táknrænt fyrir það aukna traust sem virðist
ríkja í samskiptum stórveldanna um þessar
mundir. Svo virðist sem gagnkvæm tortryggni
sé á undanhaldi og er það fagnaðarefni.
Það hefur tekið fulltrúa stórveldanna sjö ár
að móta sáttmálann sem undirritaður var í
gær. Leiðtogafundurinn í Reykjavík var mikil-
vægur áfangi á langri leið og það hefur nú
verið upplýst að á fundinum í Höfða voru lögð
drög að þessum tímamótasamningi. Það virð-
ist því nokkuð ljóst að fjölmiðlar hafa lagt
rangt mat á niðurstöður Reykjavíkurfundar-
ins og einblínt um of á ágreining leiðtoganna
um geimvarnaáætlun Bandaríkjamanna. Sag-
an mun eflaust veita Reykjavíkurfundinum
verðugan sess.
Leiðtogar beggja ríkjanna virðast staðráðn-
ir í láta afvopnunarviðræðurnar bera árangur.
Reagan er að enda sitt síðasta kjörtímabil
sem forseti Bandaríkjanna og vill væntanlega
láta eitthvað verulega markvert eftir sig
hggja. Gorbatsjov virðist stefna að sama
marki þótt af öðrum ástæðum sé. Hann á
væntanlega mörg ár eftir í embætti en er
umhugað um að breyta ímynd Sovétríkjanna í
hinum vestræna heimi og sýna umbótavilja
sinn í verki.
Friðelskir menn um allan heim fagna þeim
áfanga sem staðfestur var í Washington í
gær. BB.
Stefnt að því að gera
viðskiptavini sjálfstæðari
- Valtýr Hreiðarsson segir frá nýstárlegri starfsemi Fells hf.
í viðtali dagsins í dag er maður
sem rekur ásamt Gunnari
Jónssyni, fjölbreytt þjónustu-
fyrirtæki á uppleið. Valtýr
Hreiðarsson heitir hann og
fyrirtækið heitir Fell hf. A veg-
um fyrirtækisins er rekin bók-
halds-, ráðgjafar-, ráðningar-,
ferðaskrifstofu- og hugbúnað-
arþjónusta. Við fengum Valtý
til að segja okkur frá eðli og
daglegum rekstri þjónustunnar.
Hlutafélagið Fell var stofnað
árið 1978 og er því 9 ára gamalt.
í byrjun var eingöngu um bók-
haldsþjónustu að ræða en kvíar
hafa verið færðar út og vinna þar
nú 7 starfsmenn.
- Nú rekið þið nýstárlega bók-
haldsþjónustu, getur þú skýrt
hana fyrir lesendum?
„Já, við rekum þessa þjónustu
ekki á hefðbundinn hátt nema að
hluta. Við framkvæmum fyrir-
tækjabókhald, ársuppgjör eru
gerð og aðstoð er veitt til fyrir-
tækja sem eru sjálf með bókhald.
Það má segja að ef fyrirtæki ná
vissri stærð, ýtum við þeim út af
borðinu hjá okkur og ráðum til
þeirra manneskju til starfa. Síðan
höfum við starfsmann sem kemur
í heimsókn til aðstoðar.
Af þessu mætti draga þá álykt-
un að um sjálfseyðingarstefnu sé
að ræða en svo er alls ekki. Þessi
nýja stefna felur ekki í sér að
komið sé með alla pappíra til
okkar um áramót, heldur er um
sívinnslu að ræða í fyrirtækinu
sjálfu. Viðskiptavinir fyrirtækis-
ins eru nú orðnir um 200 talsins.“
- Eru viðskiptavinir ánægðir
með þetta fyrirkomulag?
„Já mjög, því stefnan hjá okk-
ur er að gera viðskiptavini okkar
sem sjálfstæðasta með því að
senda reglulega starfsmann á
staðinn og verða þeir með þessu
betur að sér um stöðu fyrirtækis-
ins á hverjum tíma. Við leggjum
mikla áherslu á þetta atriði. Auk
þessa veitum við fyrirtækjunum
ráðgjöf og metum sífellt hvort
heppilegra er fyrir þau að láta
okkur um bókhaldið eða að þau
séu með það sjálf.
Ráðgjafarþjónusta okkar teyg-
ir sig víðar. Samfara bókhalds-
þjónustunni, veitum við rekstrar-
ráðgjöf. Sömuleiðis eru ráð gefin
varðandi stofnun fyrirtækja og
hlutafélaga, og eru þau orðin
mörg fyrirtækin á svæðinu sem
við höfum horft á vaxa úr grasi.
„Látum aukin verkefni ekki bitna
skrifstofu sinni.
Ef fyrirtæki skiptir um eigend-
ur eða eru seld, framkvæmum við
virðismat og annað því tengt.
Við leggjum líka mikla áherslu
á að ef verkefnin hjá okkur auk-
ast, látum við það ekki bitna á
þjónustunni heldur ráðum til
okkar fleira fólk. Það hefur
nefnilega verið landlæg skoðun
almennings á endurskoðendum
að þeir geti ekki skilað verkefn-
um á réttum tíma.“
- Borgar sig fyrir ykkur að
reka svona hreinskilna þjónustu?
„Ef kúnninn er ánægður, borg-
ar það sig því þetta er besta aug-
lýsing sem við getum fengið.
Svona er fljótt að spyrjast út og
alltaf kemur nýr viðskiptavinur
inn fyrir annan sem dettur út.
Um næstu áramót munum við
enn bæta þjónustuna með tölvu-
væddri launavinnslu fyrir fyrir-
tæki.“
- Snúum okkur að ráðningar-
þjónustunni, hvernig fer hún
fram?
„Fyrirtækin leita til okkar þeg-
ar þau eru að leita eftir starfsfólki
í ákveðin störf. Þau láta okkur í
té upplýsingar um eftir hvernig
starfsfólki verið er að sækjast,
um launahugmyndir og slíkt.
Við, í flestum tilfellum, auglýs-
um starfið og vinnum úr umsókn-
um. Atvinnurekandinn getur
svo, oft í samráði við okkur, val-
ið úr þeim. Þar sem þjónustan
lýtur mest að skrifstofuvinnu,
teljum við okkur ágætlega í stakk
Gunnar Jónsson hefur m.a. með ferðaskrifstofumál að gera.
Mynd: TLV.
þjónustunni.“ Valtýr Hreiðarsson á
Mynd: TLV.
búna til að geta mælt með
ákveðnum umsækjendum. Við
Gunnar höfum báðir starfað við
kennslu í viðskiptagreinum og
höfum því ágæta þekkingu á fólki
í þessum tilfellum.
Þessi þjónusta hjá okkur er vel
nýtt og mjög vinsæl. Frá upphafi
skipta ráðningar á okkar vegum
hundruðum."
- Þið komið víða við og eruð
meðal annars með ferðaskrif-
stofuumboð?
„Við erum umboðsaðilar Ferða-
skrifstofunnar Sögu í Reykjavík
og veitum alla þjónustu henni
viðkomandi. Þetta er nú nokkurs
konar aukabúgrein hjá okkur en
Gunnar hefur góða reynslu í
ferðamálum, var leiðsögumaður
erlendis og þekkir vel til. Hjá
okkur er hægt að fá allar upplýs-
ingar um ferðir, við t.o.m.
afhendum farseðla í ferðirnar.
Fyrirtæki hafa nýtt sér vel þessa
þjónustu t.d. í sambandi við ráð-
stefnur."
- Enn ein hlið fyrirtækisins er
á sviði hugbúnaðar, segðu okkur
nánar frá því?
„Við erum umboðsaðilar Allt
hugbúnaðar sem er íslensk
hönnun. Það sem er vinsælast er
fjárhags-, viðskipta-, birgða- og
launabókhald. Þetta er hugbún-
aður sem við notum sjálfir og get-
um vel mælt með.
Samhliða söiu hugbúnaðarins
getum við útvegað tölvur við hæfi
en erum óbundnir tegundum.
Það er ágætt, því mismunandi
tegundir tölva eru á misjöfnum
kjörum hverju sinni.
Þessi hugbúnaður er mjög vin-
sæll og eru þegar allmörg fyrir-
tæki með hann í notkun á svæð-
inu.“
- Þar með hlýtur þetta að vera
upp talið?
„Nei, ekki alveg, því við rek-
um líka heildverslun. Hún er að
öllu leyti óskyld annarri starfsemi
að því undanskildu að við höfum
reynt sölukerfi hugbúnaðarins
sem við seljum á henni. Þetta er
okkur góð reynsla, að sjá inni á
borði hjá okkur hvernig þjónust-
an sem við bjóðum öðrum, virkar
í raun.“
Fell hf. er nú til húsa að Kaup-
vangsstræti 4 en um áramót flytur
fyrirtækið í nýtt og stærra hús-
næði við Tryggvabraut.
Valtý Hreiðarssyni þökkum
við fyrir spjallið og óskum hon-
um og samstarfsmönnum hans,
góðs gengis í framtíðinni. VG