Dagur - 14.12.1987, Blaðsíða 5
14. desember 1987 - DAGUR - 5
Verkmenntaskólinn á Akureyri:
í Húsmæðraskólanun á Akur-
eyri voru starfrækt matsveina-
námskeið allt frá 1972 þar sem
fólk gat lært fyrstu tvo hluta af
matsveinanámi fyrir matsveina
á fiski- og flutningaskipum.
Hins vegar hefur ekki verið
hægt að klára þetta nám hér á
Akureyri fyrr en nú því ráðgert
er að eftir áramót verði fólki
boðið upp á öldungadeildar-
kennslu þar sem það getur lok-
ið þessu námi. Þá getur fólk
með húsmæðraskólanám einnig
farið inn á þennan lokaáfanga
og lokið matsveinanáminu.
í þessu námi verður allur verk-
legi þátturinn auk fagbóklegs
náms. Kennsla þessi mun fara
fram síðari hluta dags og á kvöld-
in en mikill fjöldi fólks hefur lok-
ið tveimur fyrri áföngunum.
Kennsla þessi kemur til með að
heyra undir öldungadeild Verk-
menntaskólans á Akureyri.
Margrét Kristinsdóttir, forstöðu-
maður hússtjórnarsviðs skólans
sagði í samtali við Dag að með
þessu væri vonast til að hægt
verði að ná til sem flestra þeirra
sem lokið hafa fyrri hlutum þessa
náms og áhuga hafa á að ljúka
náminu.
- En hvaða réttindi öðlast fólk
með þessu prófi?
Sjókikkanemi í prófi á dögunum.
Nemandi í sjókokkanámi.
„Áður hét þetta matsveinapróf
fyrir fiski- og flutningaskip en í
dag heitir þetta sjókokkapróf.
Þetta próf veitir réttindi til að
vera matsveinn á fiski- og flutn-
ingaskipum af ákveðinni stærð og
svo er einnig hægt að nota prófið
til styttingar á námi í Hótel- og
veitingaskólanum. í kokkanámi
gæti þetta próf stytt námið allt að
ári og þjónanámið um 3 mánuði.
Svo er líka hægt að hugsa sér að
fólk sem hefur fyrri tvo hlutana
bæti við sig einu og hálfu ári og
34 vinnuvikum í faginu og þá hef-
ur það öðlast matartæknapróf.
Þannig er áætlað að fólki geti
nýst þau námskeið sem það er
búið að taka ef það hefur áhuga á
að taka upp þráðinn að nýju,“
segir Margrét Kristinsdóttir.
Kennsla þessi er á vegum öld-
ungadeildar Verkmenntaskólans
og mun hún fara fram að mestu í
gamla Húsmæðraskólanum við
Þórunnarstræti. Kenndar verða
13-14 kennslustundir á viku, bæði
verkleg og bókleg kennsla. JÓH
Námskeið verslunarstjóra á Bifröst
Námskeið fyrir verslunarstjóra, 1. hluti, var nýlega haldið í Samvinnuskólanum á Bifröst. A myndinni sjást frá
vinstri: Guðleifur Svanbergsson KEA á Siglufirði, Margrét Sveinbjörnsdóttir KÞ á Húsavík, Kristín Snorradóttir
KS á Hofsósi, Gunnar Steinbergsson KS á Sauðárkróki og Gunnar Haraldsson KS á Sauðárkróki, en bak við stend-
ur umsjónarmaður námskeiðsins, Ólafur Gunnarsson viðskiptafræðingur á Bifröst.
Odýr og bentug bama-
og unghgáúsgöga
Skrifborð með yfirhillu. Hvít eða fura.
B. 150 cm, D. 48 cm, H. 140 cm.
Verð kr. 5.780.
Svefnbekkur með dýnu
og 3 púðum kr. 8.450.
Yfirhilla kr. 5.450.
Kommóður, 8 skúffu kr. 5.380,
6 skúffu kr. 4.550, og 4 skúffu kr. 3.490.
Bókahillur háar
kr. 3.590.
Fást í mörgum litum.
Öll þessi húsgögn fást í
hvítu og furulituðu.
Vandaðir skrifborðsstólar
margar gerðir.
Þetta er aðeins hluti af mvati okkar af
unglingahúsgögnum.
Einnig höfum við margar breiddir af
einstaklingsrú mum.
TRYGGVABRAUT 24 PÓSTHÓLF 266 602 AKUREYRI SfMI (96)21410