Dagur - 21.12.1987, Blaðsíða 7
Tinnabækurnar
endurútgefnar
Fjölvaútgáfan hefur nú byrjað
endurútgáfu á Tinna-bókunum,
sem fyrst komu út á íslensku fyrir
10-15 árum, en hafa verið upp-
seldar og ófáanlegar um langt
árabil. Nýlega komu úl tvær
Tinna-bækur í þessari nýju
útgáfu, sem forðum í þýðingu
Lofts Guðmundssonar.
Önnur heitir Tinni í Tíbet, en
hin Sjö kraftmiklar kristalskúlur
og er sú síðari eins konar fyrri
hluti Fanganna í Sólhofinu og
gerist meðal Inka í Andesfjöll-
um. Báðar fjalla þær um ferðalög
Tinna og Kolbeins kafteins vinar
hans á dularfullar slóðir.
Ævintýri Tinna eru el'tir belg-
íska teiknihöfundinn Hergé og
naut hann mikillar hylli fyrir
þessar bækur sínar. Má geta þess.
að jafnvel hafa verið gefin út frí-
merki með myndum af Tinna og
honum reistar myndastyttur á
veglegum opinberum stöðum.
I sjálfum Tinna-bókaflokknum
eru 22 ævintýri, sem komu öll út
á íslensku á árunum 1970-1980.
Fleiri urðu þau ekki, því að þá
andaðist Hergé og varð mörgum
Tinna-vinum harmdauði. Hann
skildi þó eftir drög og frumdrætti
að fleiri sögum, og er unnið að
útgáfu þeirra, en farið varlega í
sakirnar, því að í heimalandinu
Belgíu er litið á teiknisögur
Hergés, sem sígildar bókmenntir
og hálfgerðan helgidóm.
í rangri veröld
- smásögur eftir
Hrafnhildi Valgarðsdóttur
/ rangrí veröld nefnist bók eftir
Hrafnhildi Valgarðsdóttur sem
Frjálst framtak hf. hefur gefið út.
I bókinni eru ellefu smásögur eft-
ir Hrafnhildi en Hrafnhildur er
kunnur barna- og unglingabóka-
,höfundur og hlaut nýlega fyrstu
verðlaun í samkeppni um slíkar
bækur. / rangrí veröld er hins
vegar fyrsta bók hennar sem ætl-
uð er fullorðnum.
Nöfn smásagnanna í bókinni
eru: Hús ekkjunnar; í rangri
veröld; Þankar í kvistherbergi;
Vika úr lífi Jóels; Paradís; Ást og
náttúra; Dóttir Satans; Blóð,
sviti og tár; Leyndardómur Júlíu
og Himnabrúður. Síðastnefnda
sagan er sú eina sem áður hefur
birst á prenti en hún var í bók
úrvalssmásagna sem Listahátíð í
Reykjavík gaf út eftir smásagna-
keppni 1986.
Jólaplata
frá Geimsteini
Hljómplötuútgáfan Geimsteinn í
Keflavík hefur sent frá sér viða-
mestu jólaplötu sína til þessa, 25
laga pakka sem jafnframt kemur
út á geisladiski. Hér er um að
ræða úrval þeirra jólalaga sem
Y8er Mðdrnðasb ÁS -- RU0AO - 3
21. desember 1987 - DAGUR - 7
Hljómar og Geimsteinn hafa gef-
ið út í gegn um árin. Platan ber
heitið Gleðileg jól eftir fyrstu
jólaplötu Hljóma sem kom út á
síðasta áratug og seldist þá upp
hvað eftir annað.
Meðal flytjenda á þessari plötu
eru tíu eftirtaldir: Björgvin Hall-
dórsson, Einar Júlíusson, Engil-
bert Jensen, Gunnar Þórðarson,
Hljómar, María Baldursdóttir,
Rúnar Júlíusson, Sigrún Hjálm-
týsdóttir (Diddú), Þórir Baldurs-
son og Þuríður Sigurðardóttir.
Þetta er tveggja platna albúm
sem einnig kemur út á kassettum
og geisladiski og prentaðir textar
fylgja með. Lögin hafa verið
hljóðrituð víða og undir stjórn
ýmissa upptökumanna, en með
tilliti til nýrra tækni hafa öll lögin
verið endurblönduð og unnin
með stafrænni (digital) tækni og
hljóma því betur en nokkru sinni
fyrr.
Fjölvaútgáfan:
Sögur af
Margréti
Fjölvaútgáfan hefur nýlega gefið
út tvær Margrétar-bækur í barna-
bókaflokki, sem hún kallar
Keðjubækurnar. Þessar tvær
nýju bækur kallast Margrét í
dýragarðinum og Margrét í
hljómskálagarðinum.
Margrétar-bækurnar eru samd-
ar af Gilbert Delahaye, en teikn-
aðar af Marcel Marlier. Það eru
einkum teikningar hins síðar-
nefnda, sem gera bækurnar eftir-
tektarverðar, afar vandaðar og
fagurlega málaðar til að ná sem
mestum unaði og yndisþokka.
Áður hafa komið út fjórar
Margrétar-bækur, Margrét fer í
skóla, Margrét lærir að matbúa,
Ballettbók Margrétar og Margrét
liggur lasin og eru þær flestar
uppseldar.
Þessar tvær nýjustu Margrétar-
bækur segja frá heimsókn sögu-
hetjunnar í dýragarð og hins veg-
ar leikvöll og skrúðgarð með
margvíslegum leiktækjum. Hvor
bók er 24 bls. Þorsteinn Thorar-
ensen þýddi, en gefið er út í sam-
starfi við Casterman-útgáfuna í
Tournai í Belgíu.
Yoga-heimspeki
Vasaútgáfan hefur gefið út bók-
ina „ Yoga-heimspeki“ eftir
Ramacharaka í þýðingu Stein-
unnar Briem. Hér er um að ræða
endurútgáfu á verki sem guð-
spekingar telja eitt undirstöðurit
austrænnar dulspeki. Kom það
fyrst út á íslensku fyrir 26 árum
en er löngu uppselt og ófáanlegt
Ramacharaka var indverskur
spekingur, sem uppi var á 19.
öld, en lærisveinn hans Baba
Barata ferðaðist til Vesturlanda,
skráði þá fyrirlestra hans á ensku
með hjálp rithöfundarins Atkin-
sons. Vasaútgáfan mun á næsta
ári gefa út framhaldsverk, þar
sem nýir sjónhringir opnast.
í bókinni „ Yoga-heimspeki“ er
fjallað í víðri sýn um ýmis helstu
undirstöðuatriði dulspekinnar,
svo sem þrískiptingu mannsins í
líkamlega, hugræna og andlega
eðlisþætti. Þar eru útskýrð ýmis
dularfull fyrirbæri eins og
fjarhrif, dulskyggni, mannlegt
segulafl, dulrænar lækningar og
ekki síst hið svokallaða lífsafl
(prana).
Hinir ólíku þættir dulspekinn-
ar og tilveruhugmyndir hinnar
austrænu speki eru hér útskýrðir
í 14 fyrirlestrum, sem kallast
Fræðastundir.
Upp á æru
og trú
Mál og menning hefur gefið út
nýja unglingabók eftir Andrés
Indriðason. Hún nefnist Upp á
æru og trú og fjallar um atburði
sem eiga sér hliðstæður í íslensk-
um veruleika.
Sagan gerist á einum sólar-
hring í skammdeginu. Það er
brotist inn í sjoppu og afgreiðslu-
maðurinn átján ára strákur sem
hefur ekki áður kynnst skugga-
hliðum tilverunnar dregst gegn
vilja sínum inn í vafasama
atburðarás. Atvikum er lýst til
skiptis frá sjónarhóli hans og átj-
án ára stúlku sem hefur lent á
króknum hjá vímuefnasala. Þau
koma sitt úr hvorri áttinni, hún
hefur hætt í níunda bekk óráðin
gáta í lífinu, hann er í fjölbraut
og þykist hafa allt sitt á hreinu.
Þessa nótt liggja leiðir þeirra
saman og hann uppgötvar að það
er ótalmargt sem hann hefur ekki
tekið með í reikninginn.
■ÍXvíXv:;
■fefcjpjSjjj
HAFNARSTRÆTI 96 SIMI 96 27744 AKUREYRI
Nýjar vörur
- vandaðar vörur
Kaupmannafélag
Akureyrar