Dagur - 30.12.1987, Blaðsíða 5
30. desémber 1987 - DAGUR - 5
stœðast af atburðum
mjög reynsluríkt ár. Ég var ráð-
inn til nýrra starfa hér hjá Húsa-
víkurbæ og þess mun ég senni-
lega minnast mest hvað mig varð-
ar persónulega. IlVt
Katrín Eymundsdóttir
forseti bæjarstjórnar
Húsavíkur:
„Ég varð
anima á árinu“
Mér er minnisstæðast að ég varð
amma á árinu. Fyrsta barnabarn-
ið fæddist 22. febrúar og það var
óskaplega skemmtileg tilfinning
að vera orðin amma, mér fannst
ég ekkert eldast við það.
Ætli landsmótið beri ekki hæst
hér á Húsavík, sérstaklega hvað
allt gekk vel og veðrið var stór-
kostlegt. Landsmótsdagana flaug
ég ffyrsta skipti með eins hreyfils
flugvél. Flogið var út í Grímsey í
þessu dýrðlega veðri. Þetta er
mér mjög minnisstætt, ég var log-
andi hrædd við að fara upp í
svona litla vél og það var stór-
kostlegt að heimsækja Grímsey-
inga.
Hvað þjóðmálin varðar held ég
að kosningarnar síðastliðið vor,
stjórnarmyndunin, órólegheitin í
pólitíkinni og vandamálin sem
við er að etja rísi hæst á þessu ári.
í heimsmálunum er það vitan-
lega leiðtogafundurinn í Wash-
ington sem er mér minnisstæðast-
ur, hann var náttúrlega einungis
eftirleikur leiðtogafundarins í
Reykjavík. í þessu sambandi má
í gríni geta þess að ég dáist alltaf
að því hvað Reagan er brattur,
Gorbatsjov er ári sjarmerandi
karakter en ég vildi gjarnan hafa
þrek og heilsu Reagans þegar ég
verð komin á hans aldur. IM
Aðalsteinn Helgason:
Sameining
fyrirtækjanna
merkastí
atburðurinn
Mér finnst að merkilegasti
atburður ársins hafi verið sam-
eining Iðnaðardeildar Sambands-
ins og Álafoss í eitt fyrirtæki.
Fyrir utan þetta er árið mér
minnisstætt vegna hrikalegra erf-
iðleika í íslenskum útflutnings-
iðnaði. Að sumu leyti stafa þessir
erfiðleikar af ytri skilyrðum eins
og fastgengisstefnu og verðbólgu.
- Var árið 1987 tímamótaár í
ullariðnaði?
Þetta ár og það næsta eru
algjör vendipunktur fyrir ullar-
iðnað hér á landi. Eftir eitt ár
héðan í frá vitum við endanlega
hvort þessi iðnaður getur lifað af
eða ekki, að mínum dómi,
þ.e.a.s. þá vitum við hvort hann
á sér einhverja framtíð. Þetta
snýst bæði um okkar eigin vinnu
og þau ytri skilyrði sem okkur
eru búin.
Árið hefur yfirhöfuð verið
íslendingum hagstætt, sérstak-
lega með tilliti til sjávarafurða,
en við erum búnir að spila hroða-
lega úr því. Ég er viss um að
næsta ár og það þarnæsta verða
allt öðruvísi. Árið 1988 verður
miklu erfiðara en árið 1987 og
þetta mun koma í ljós fljótlega
eftir áramótin. Þegar ég segi
þetta á ég ekki eingöngu við
ullariðnaðinn heldur almennt um
ástandið í efnhagsmálum lands-
ins því það er búið að þenja efna-
hagskerfið miklu meira en það
þolir. Einhvern tíma verða menn
að snúa sér að því vandamáli og
ég tel að næsta verkefni stjórn-
valda sé að sinna þessu. Það
verður að gerast þegar á fyrsta
ársfjórðungi næsta árs.
Að öðru leyti var ég ánægður
með frammistöðu Akureyringa,
Húsvíkinga og Ólafsfirðinga í
íþróttum á liðnu ári, sérstaklega í
fótbolta. Það var ánægjulegt að
fylgjast með því.
Valgerður Bjarnadóttir:
Konur eru
vanmáttugar
gagnvart kerfínu
Mér þótti minnisstæðust sú
samstaða sem náðist meðal
kvenna varðandi ráðningu kven-
kvensjúkdómalæknis til Akur-
eyrar. Það var ánægjulegt að sjá
samstöðuna en það sorglega við
málið var hversu glöggt það sýndi
vanmátt kvenna í kerfinu. Þrátt
fyrir samstöðu eru konur van-
máttugar gagnvart kerfinu. Þetta
kom mér auðvitað ekki á óvart
en stundum getur maður hrokkið
við af slíkum atburðum þegar
sannleikurinn blasir við.
Árið var annars gott og að
mörgu leyti athyglisvert. Þessa
stundina er mér mjög minnisstæð
bók, sem ég er nýbúin að lesa;
Gunnlaðar saga. Mér finnst að
þetta sé ein merkasta bók sem
rituð hefur verið á íslenska tungu
á síðari árum. Ég er sannfærð um
að sú bók á eftir að gegna mikil-
vægu hlutverki í sambandi við
cndurreisn eða upprisu kvenna
og að konur finni sig aftur.
Varðandi verkefnið „Brjótum
múrana" þá hefur það gengið
ágætlega. Það ánægjulegasta við
það var hversu vel gekk að halda
námskeiðið fyrir konur sem ætla
að stofna fyrirtæki. Námskeiðið
fór jafnvel fram úr mínum
björtustu vonum. Það var gaman
að vinna verkefnið í samvinnu
við konurnar sem tengjast því og
líka unglingana í skólunum. Þó
finnst mér lítið mjakast í kerfinu
sjálfu og á árinu sem er að líða,
en það er annað ár verkefnisins,
hefur komio glögglega fram að
mjög langt er í land með að kerf-
ið og opinberir aðilar séu tilbúnir
að taka við verkefni sem þessu og
vinna að því af heilum hug. En
við mjökumst í rétta átt, það er
öruggt.
Hákon Aðalsteinsson:
Þróunin var í
rétta átt á árinu
Af erlendum vettvangi finnst mér
nýafstaðinn fundur þeirra Reag-
ans og Gorbatsjovs í Bandaríkj-
unum merkilegastur, það var
stórt sport í friðarátt. Friðarmál-
in eru mér hugleikin og ég hef
áhuga á þeim.
Mér dettur ekkert sérstakt í
hug af innlendum málum á árinu.
Þó er eftirtektarvert og gleðilegt
hversu mikil aukning er í útgerð
frá Akureyri, sú þróun er í rétta
átt og hér eru nú tíu togarar.
Fyrirtækið Olís hefur gengið
vel hér norðanlands á árinu 1987.
Við höfum haldið okkar hlut af
markaðnum og vel það, höfum
bætt aðeins við okkur frá fyrra
ári. Keppinautarnir hjá hinum
olíufélögunum eru okkur nokkuð
erfiðir en við erum ekki að hugsa
um að byggja nýjar bensínstöðv-
ar, það er ekki markaður fyrir
meira af slíkum þjónustustöðv-
um.
Ég álít að þegar á allt er litið
þá megum við þó nokkuð vel við
una og ég er bjartsýnn á framtíð-
ina. Alþingi hefur með höndum
mörg merkileg mál og þar finnst
mér staðgreiðslukerfi skatta
einna stærsta málið. En það er
ómögulegt að segja nokkuð til
urn jafnvægið í stjórnmálunum
því andstæður eru sterkar, jafn-
vel innan flokkanna sjálfra.
ársins
Þórey Aðalsteinsdóttir:
Gangan á
Kverkfjöll
minnisstæðust
Persónulega er mér minnisstæð-
ast að ég gekk á Kverkfjöll síð-
asta sumar. Það er ógleymanlegt
að hafa komist í slíka snertingu
við náttúruöflin, sjóðandi heitan
leir, jökulkulda og beljandi
jökulár. Landið sent við eigum er
yndislegt og þarna komst maður
á toppinn án þess að þurfa að til-
biðja neitt nema móður náttúru.
Hvað vinnu mína hjá LA
snertir þá hefur þetta allt saman
gengið slétt og fellt fyrir sig og
mér finnst ekkert ákveðið stíga
upp úr. Nýliðin frumsýning á Pilti
og stúlku er auðvitað minnisstæð
því svo stutt er síðan hún fór
fram. Það er gaman að sjá að
Akureyringar kunna ennþá að
meta gömlu góðu lcikritin okkar.
En ég vil endilega minnast samn-
ingsins milli LA, bæjarstjórnar
Akureyrar, menntamálaráðherra
og fjármálaráðherra um að
greiða upp gamlar skuldir leikfé-
lagsins. Þetta var stórviðburður,
einnig það að þessi styrkur var
bundinn launahækkunum hjá
Þjóðleikhúsinu.
Þegar til þjóðfélagsins er litið
finnst mér ekkert hafa hrifið mig
sérstaklega í þjóðmálum. Ég er
bjartsýn á framtíðina og hvað
leikfélagið varðar þá hlakka ég
mikið til að sjá Fiðlarann á þak-
inu á næsta ári. Það verður glæsi-
legt verk. En þegar á heildina er
litið finnst mér persónuleg
reynsla á árinu sitja fastar í mér
en fréttir af lands- og heimsmál-
um.
Halldór Halldórsson,
yfirlæknir Kristnes-
spítala:
Víð hjónín áttum
siHurbrúðkaups-
afinæli á árinu
Hvað persónuleg málefni snertir
þá verður mér fyrst hugsað til
þess að við hjónin áttum silfur-
brúðkaupsafmæli og fórum í Vín-
arferð af því tilefni í sumar. Ég
fór á mjög áhugavert námskeið í
öldrunarlækningum í september,
en það námskeið var haldið í
Edinborg. Það sátu 36 læknar
frá 16 þjóðlöndum. Sonur minn
tók þátt í Norðurlandaferð Blás-
arasveitar Tónlistarskólans, og
vegna þess að ég er nýbúinn að
sjá myndband frá ferðalaginu þá
sannfærðist ég um að fararstjór-
arnir í ferðinni höfðu rétt fyrir
sér þegar þeir sögðu að krakk-
arnir frá Akureyri hefðu verið til
fyrirtnyndar og góð landkynning.
Kristnesspítali átti 60 ára
afmæli á árinu og okkur bárust
góðar gjafir og margar kveðjur af
því tilefni. Tveir fræðslufundir
voru haldnir í tilefni afmælisins
og féllu þeir í góðan jarðveg. Á
árinu voru einnig hafnar fram-
kvæmdir við viðbyggingu Krist-
nesspítala og gengið frá vinnuað-
stöðu fyrir sjúkraþjálfara. Þá var
einnig hafist handa um vegagerð
að Hrafnagili. Því má segja að
árið hafi verið jákvætt fyrir Krist-
nesspítala í heild.
Öldrunarþjónusta í héraðinu
býr nú að því að bætt skipulag
hefur skilað sér til hennar. Áukin
heimaþjónusta og hvíldarinn-
lagnir draga verulega úr bið
hjúkrunarsjúklinga eftir plássum.
Sel 2 var tekið í notkun á árinu
og fjársöfnun til þess tókst vel.
Frækilegt ferðalag Jóns Kristins-
sonar vakti verðskuldaða aðdáun
margra og það er einnig gleðilegt
að framkvæmdir við þjónustu-
íbúðir aldraöra á Akureyri eru
hafnar.
Akureyri átti 125 ára afmæli á
árinu og háskóli tók þar til starfa.
Þá eru niér alþingiskosningarnar
minnisstæðar og myndun nýrrar
ríkisstjórnar með heilbrigðisráð-
herra úr okkar kjördæmi, en ég
fullyrði að hann hefur þegar orð-
ið heilbrigðisþjónustunni að
rniklu gagni. EHB
FSA:
Fæðingar
í ár álíka
margar og
í fyrra
Það stefnir í að fæðingar á
Akureyri verði álíka ntargar í
ár og þær voru í fyrra að sögn
Friðrikku Árnadóttur yfirljós-
móður á fæðingardeild FSA.
Árið 1986 voru alls 362 fæðing-
ar á fæðingardeild FSA. I gær
voru fæðingar á þessu ári orðnar
363 eða einni fæðingu fleiri og er
ekki búist við að þeim fjölgi
nema e.t.v. um eina eða tvær fyr-
ir áramót.
Hjá þeim á fæðingardeildinni
fæddust nú tvö jólaböm sem að
sjálfsögðu voru klædd í jóla-
sveinabúning og verður spenn-
andi að fylgjast með hvort Ákur-
eyringar muni eignast fyrsta barn
ársins en að sögn Friðrikku meg-
um við jafnvel eiga von á því.
VG