Dagur - 27.10.1988, Blaðsíða 4

4 - DAGUR - 27. október 1988
ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31,
PÓSTHÓLF 58, AKUREYRI, SÍMI: 24222
ÁSKRIFT KR. 800 Á MÁNUÐI
LAUSASÖLUVERÐ 70 KR.
GRUNNVERÐ DÁLKSENTIMETRA 530 KR.
RITSTJÓRI:
BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
BLAÐAMENN:
ANDRÉS PÉTURSSON (íþróttir),
ÁSLAUG MAGNÚSDÓTTIR, BJÖRN JÓHANN BJÓRNSSON
(Sauöárkróki vs. 95-5960), EGILL H. BRAGASON,
FRlMANN HILMARSSON (Blönduósi vs. 95-4070),
INGIBJÖRG MAGNÚSDÓTTIR (Húsavík vs. 41585),
JÓHANN ÓLAFUR HALLDÓRSSON
(Reykjavík vs. 91-17450, pósthólf 5452, 105 Reykjavík),
MARGRÉT ÞÓRA ÞÓRSDÓTTIR,
STEFÁN SÆMUNDSSON, VILBORG GUNNARSDÓTTIR,
LJÓSMYNDARAR: GUÐMUNDUR HRAFN BRYNJARSSON,
TÓMAS LÁRUS VILBERGSSON,
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Tilvistarvandi
SjáJfstæðisflokksins
Sjálfstæðisflokkurinn má muna sinn fífil fegri.
Hann hefur tapað fylgi jafnt og þétt á síðustu
árum og klofningur og margvíslegur ágrein-
ingur innan flokksins hefur leitt til þess að
áhrif hans í stjórnmálaheiminum hafa snar-
minnkað. Oftar en einu sinni hafa skoðana-
kannanir sýnt að þessi fyrrum langstærsti
stjórnmálaflokkur landsins á það á hættu að
verða annar eða þriðji stærsti stjórnmála-
flokkur landsins eftir næstu kosningar. Þess-
ar þrengingar flokksins hafa eðlilega valdið
forystumönnum hans hugarangri og orðið
tilefni mikilla vangaveltna, opinberra og óopin-
berra.
Það er deginum Ijósara að tvö andstæð öfl
takast á um völdin í Sjálfstæðisflokknum og
baráttan um það hvor stefnan verði ofan á er
hörð. Matthías Bjarnason, þingmaður Sjálf-
stæðisflokksins á Vestfjörðum og fyrrum ráð-
herra, gerir þrengingar flokksins að umtals-
efni í viðtali við DV um síðustu helgi. Þar seg-
ir Matthías m.a.:
„Frá því ég kom fyrst í þingflokkinn hefur
alltaf verið reynt að vinna eins og hægt er að
samvinnu og samstarfi milli þéttbýlis og
landsbyggðar. Það voru óskráð lög að taka til-
lit til sjónarmiða beggja. Þetta er gert að
mestu leyti enn, en það hafa verið uppi í
flokknum menn með ákaflega öfgakenndar
skoðanir. Það fer ekkert á milli mála að frjáls-
hyggjuliðið í flokknum vill ganga á hlut lands-
byggðarinnar. Ég held að Sjálfstæðisflokkur-
inn sé núna að ganga í gegnum miklar þreng-
ingar.“ Og Matthías segir ennfremur:
„Sjálfstæðisflokkurinn réttir ekki við nema
hann verði trúr sinni stefnu. Fólkið hefur
hlustað of mikið á kröfugerð nokkurra
manna, sem ekki hefur verið farið eftir. Ef þeir
láta nú af þessu öfgatali sínu og flokkurinn
heldur uppi sinni gömlu, manneskjulegu
stefnu, þá efast ég ekki um að flokkurinn nær
sér á strik. Forysta flokksins verður að hafa
forystu um að viðhalda þessari stefnu og
vekja þann eld sem áður var. Helsta ráðið til
að flokkurinn nái aftur sinni fyrri stöðu er að
hverfa frá frjálshyggjutalinu og þagga niður í
frjálshyggjumönnunum. “
Þessi orð Matthíasar Bjarnasonar eru nán-
ast samhljóða þeim ummælum, sem Albert
Guðmundsson lét falla um sinn gamla flokk,
eftir að hafa stofnað Borgaraflokkinn. Þau
undirstrika það enn og aftur að Sjálfstæðis-
flokkurinn á við alvarlegan tilvistarvanda að
stríða. í sjálfu sér er ekki ástæða til að harma
það. BB.
viðtal dagsins
„Fólk upplifir það núna
að kirkjan er fyrir aila“
- segir Carlos Ferrer æskulýðsfulltrúi Akureyrarkirkju
Carlos Ferrer gegnir starfi
æskulýðsfulltrúa Akureyrar-
kirkju og hóf hann störf þann
1. september. Þar sem staða
æskulýðsfulltrúa er nýtt starf
við Akureyrarkirkju lék okkur
forvitni á að vita í hverju það
væri fólgið og var Carlos fús til
skýra það út fyrir okkur.
„Starfið er aðallega fólgið í því
að halda við og skipuleggja bama-
starf og starf með unglingum á
vegum Akureyrarkirkju. Eg hef
umsjón með sunnudagaskólanum
og æskulýðsfélaginu ásamt prest-
unum og þar fyrir utan er mér fal-
ið að reyna að útfæra þjónustu
kirkjunnar til barna og unglinga á
aldrinum þriggja til fjögurra ára
og upp í tvítugt. Ég hef nokkuð
frjálsar hendur með þá útfærslu.“
- Hvað er framundan í þeim
efnum?
„Það er á döfinni að reyna að
þjóna sérstaklega aldurshópnum
10-12 ára, en mjög fáir á þeim
aldri sækja sunnudagaskólann,
hann dregur frekar til sín yngri
börnin. Þá ætla ég að reyna að ná
til unglinganna. Eftir fjórtán ára
aldur virðast þeir hætta afskipt-
um af kirkjunni, a.m.k. form-
lega. Þarna vantar kannski sex
árganga inn í kirkjuna og mitt er
að reyna að ná til þeirra."
- Hvernig?
„Ég verð auðvitað að leggja
höfuðið í bleyti, en það má ná til
þeirra með fundum eða þá að
freista þess að gera athafnir kirkj-
unnar það aðlaðandi að þessi
aldurshópur hafi áhuga á þeim.
Fyrir utan þessi beinu afskipti
er á döfinni að nýta mitt starf sem
stuðning við kristinfræðikennara
í grunnskólanum. Ég er guð-
fræðimenntaður og okkur í kirkj-
unni fannst að með tímanum
mætti nýta mína menntun til þess
að vera kennurunum innan hand-
ar varðandi kristinfræðikennslu,
gefa þeim hugmynd um miðlun
námsefnis til barnanna. Vera til
taks fyrir þá sem óska eftir minni
þjónustu.“
Aukin þjónusta
kirkjunnar
- Kirkjan er sem sagt að auka
þjónustu sína með þessari nýju
stöðu.
„Já, markmiðið með starfi
mínu er að sinna fólki sem hefur
kannski ekki getað fengið nógu
mikla þjónustu út úr kirkjunni. í
kirkjunni eru messur, ferming-
arfræðsla og fyrirbænaguðsþjón-
ustur, fyrir utan allar venjulegar
athafnir, en það er mjög lítið sem
prestar geta gert fyrir utan for-
gangsverkefnin í svona stórum
söfnuði.
Ég skipulegg sunnudagaskól-
ann í samvinnu við prestana, en
áður var hann eingöngu í hönd-
um prestanna sjálfra. Sama má
segja um æskulýðsfélagið, þar
hefur reyndar verið sérstakur
umsjónarmaður áður, en allt
annað í þessu starfi er nýtt.“
- Er þetta fullt starf Carlos?
„Þetta er 60% starf eins og er.
Á móti kenni ég dönsku í Gagn-
fræðaskóla Akureyrar í þremur
deildum. Starf æskulýðsfulltrúa
er enn í mótun og okkur fannst
rétt að byrja ekki of geyst.
Reynsla okkar fyrstu vikurnar
hefur líka sýnt að það þarf nokk-
urn tíma til að koma öllu í gang.
Við þurfum tíma til að koma
æskulýðsfélaginu af stað, fá fólk
til starfa og skipuleggja starfsem-
ina. Þetta er smám saman að
komast í ákveðnar skorður. Ég
sé fram á það að við getum fengið
það fólk sem við höfum afskipti
af, bæði börnin í sunnudaga-
skólanum og eldri börnin, til að
koma inn í aðrar athafnir og
þjónustu kirkjunnar. Til dæmis
má beina æskulýðsfélaginu inn á
þá braut að heimsækja fólk á
Carlos Ferrer gegnir starfí æsku-
lýðsfulltrúa Akureyrarkirkju, en
það er ný staða við kirkjuna.
Mynd: TL.V
sjúkrahúsi, elliheimili eða öðrum
stofnunum, og vera með því,
reglulega eða ekki reglulega.
Þannig er hægt að sinna hluta af
þeim heimsóknum sem prestarnir
þurfa annars að sinna lfka og
einnig að auka þjónustu kirkj-
unnar.“
- Eruð þið kannski líka að
reyna að ná til þeirra sem ekki
eru virkir í starfi kirkjunnar?
„Já. Við erum að reyna að ná
sambandi við fólk sem við vitum
um að hefur sterkar taugar til
kirkjunnar og framhaldið verður
það að ná til fólks sem við vitum
ekki um að hefur sterkar taugar
til kirkjunnar, en vill gjarnan
taka þátt í starfi hennar á ein-
hvern hátt. Ég sé fram á að hægt
sé að nýta mitt starf til að ná til
þeirra sem láta ekki eins mikið á
sér bera, eða við þekkjum ekki
eins vel.“
Trúaráhuginn
gengur í bylgjum
- Er ekki auðveldara að ná til
barnanna en fullorðna fólksins?
„Það er mjög gott að ná til
barnanna, en það eru margir for-
eldrar líka sem hafa ekki einung-
is áhuga á því að börnin séu í
kirkjunni heldur hafa líka sjálfir
áhuga á starfinu. Þeir taka skírn
barna sinna mjög alvarlega og
okkur langar að mæta því fólki
sérstaklega."
- Það er stundum sagt að
íslendingar séu lítt trúaðir fyrr en
á reynir. Finnst þér áhugi fólks á
trúmálum lítill?
„Nei, ég held að áhuginn sé
ekki lítill. Ætli hann gangi ekki í
bylgjum í lífi manna. Menn hafa
mikinn áhuga þegar þeir eru
mjög ungir en á unglingsárunum
og fram yfir tvítugt beinist
athyglin að svo mörgum öðrum
hlutum, menn verða uppteknir af
svo mörgu að trúin skiptir þá
minna máli. Hún blundar
kannski með þeim eða þeir verða
henni jafnvel andsnúnir. Áhug-
inn á hinum alvarlegri spurning-
um lífsins virðist síðan glæðast
aftur, sérstaklega kannski eftir að
menn eru komnir með fjöl-
skyldu. Trúarþörfin er kannski
missterk, en ég held að allir hafi
skoðun og áhuga og einnig ein-
hverja reynslu af trú, sem þeir
halda upp á. Það er kannski það
sem ég hef mestan áhuga á í
mínu starfi, að tala til þessa
áhuga sem blundar í langflestu
fólki, að sá áhugi sem það finnur
er ekki á neinn hátt ómerkilegri
en trúaráhugi þeirra sem láta
bera á sér. Ef við lítum á þetta
frá sjónarhóli Guðs, þá held ég
að Guö haldi jafnmikið upp á
mann hvort sem maður sýnir
mikinn áhuga á trúnni eða ekki.
Það eru miklu frekar gæðin sem
skipta máli og einlægnin.“
Fleiri foreldrar koma
í sunnudagaskólann
- Mér skilst að áhugi foreldra á
sunnudagaskólanum hafi aukist.
„Já, við merkjum það í okkar
sunnudagaskóla og það er reynsla
fleiri starfsmanna kirkjunnar, að
það koma sífellt fleiri og fleiri
foreldrar með börnum sínum í
sunnudagaskóla. Fólk virðist
vera í ríkari mæli að átta sig á
uppeldis- og trúaruppeldishlut-
verki sunnudagskóla. Það sendir
ekki bara börn sín í sunnudag-
skólann, heldur kemur með
þeim. Við höfum auðvitað engar
opinberar tölur um þetta, en
manni virðist að þarna séu á ferð-
inni breytingar á tíðarandanum.
Fólk upplifir það núna að kirkjan
er fyrir alla og ég held að það sé
góðs viti. Kirkjan er ekki bara
fyrir ákveðnar athafnir, ekki bara
fyrir yngstu börnin og eldra
fólkið. Við höfum saknað fólks á
aldrinum 25-50 ára, en það virð-
ist vera að breytast.
Það væri mjög gaman að sjá
fullorðið fólk í kirkjunni, ekki
bara sem þiggjendur heldur líka
gefendur. Það væri líka mjög
gaman að geta gert kirkjuna að
einhvers konar miðstöð sem fólk
getur leitað til í auknum mæli og
fundið eitthvað sem því hentar,
hvort sem það er lítið eða mikið,
án þess að það sé bundið af við-
vistarskyldu eða öðrum böndum.
Fólk ætti að geta komið og farið
þegar því hentar til að fá það sem
það þarf til að geta lifað heil-
brigðu lífi á hverjum tíma. Með
heilbrigðu lífi á ég líka við að það
geti sinnt sínum trúarlegu
þörfum. Þetta er kannski eitt af
langtímamarkmiðunum með
mínu starfi, að búa til þarna lít-
inn hornstein að þessari
miðstöð,“ sagði Carlos Ferrer að
lokum. SS