Dagur - 03.02.1990, Blaðsíða 2

2 - DAGUR - Laugardagur 3. febrúar 1990
Hross hafa góða lögfræðinga
Algeng sjón. Hross leika lausum hala við þjóðveginn og álpast fyrir bíla öóru hverju. Ökumenn bera ábyrgöina.
Góðan daginn, mínir tryggu
lesendur og líka hinir sem
ótryggari eru. Þá er kreppan
að skella á og peninga-
mennirnir flýta sér að kaupa
nýja og dýra bíla áður en bar-
lómurinn verður meiri. Þegar
allir eru komnir á vonarvöl er
það nefnilega litið hornauga í
þjóðfélagi voru þegar sumir
einstaklingar endurnýja bíla-
flotann og leðursófasettið,
kaupa sér snjósleða og jafnvel
nýtt hús. Þess vegna er best að
drífa í þessu, en þrátt fyrir allt
er ég nú að hugsa um að láta
gamla freðmýrarhrúgaldið
duga þar til það hrynur.
Það er aðeins eitt sem gæti
spillt ánægjunni fyrir peninga-
mönnunum á nýju glæsikerr-
unum. Hér á ég við blessuð
hrossin, íslenska hestinn með
reistan makka og óralanga ætt-
artölu, kyngóðan og vel
tenntan. Þetta þjóðarstolt á
fjórum fótum hefur skapað sér
nafn og réttarstöðu sem cflaust
tíðkast ekki annars staðar í
heiminum. Þrátt fyrir ást okk-
ar á bílum þá blikna þeir í
samanburði við glófexta fáka á
gullslegnum skeifum.
Hinir hneggjandi ógnvaldar
íslenskra ökumanna hafa góða
lögfræðinga, á því leikur ekki
nokkur vafi. Ef ökumanni
glænýrrar 16 ventla japanskrar
sportkerru verður það á að aka
á hross, skaða það og eyði-
leggja bílinn þá er hann í
vanda staddur, ekki síst ef
hrossið er Gunnólfur 327 und-
an Jórunni III frá Granastöð-
um. Ökumaðurinn þarf að
greiða hrossinu stórkostlegar
skaðabætur og auk þess að
borga sjálfur skemmdirnar á
bíl sínum eða kaupa sér nýjan.
í versta falli fara leikar svo að
hrossið lifir í vellystingum
praktuglega það sem eftir er
ævinnar en aumingja ökumað-
urinn lepur dauðann úr skel,
Saklausir bílstjórar þurfa r.ö
glíma við ýmis Ijón á veginum.
Má þar nefna ófærð, ósvffna
ökuníðinga, slæma vo<;i c>g
rysjött veður. Hrossin ,-ru þó
sýnu verst. Ábyrgðartrygging
bætir tjón á bílum ökumanna
sem eru í rétti þegar óhapp
kemur upp á og kaskótrygging-
in kemur til skjallan ef maður
er í órétti. Lendi bíllinn í
grjóthruni, snjóflóði eða öðr-
um hamförum er líklegt að
viðlagatrygging bæti tjónið. Ef
ökumaður keyrir hins vegar á
hross þá þarf hann að sitja
uppi með tjónið sjálfur.
Heilbrigð skynsemi segir
mér þetta: Ég ek freðmýrar-
hrúgaldinu mínu eftir þjóðvegi
1 síðla kvölds. Úti er myrkur
og ég ek varlcga í samræmi við
aðstæður. Einhvers staðar á
þjóðveginum er rauð meri.
Hún stendurþarna í myrkrinu
án þess að hafa endurskins-
merki. Ég veit ekkert og sé
ekkert fyrr en bíllinn skellur á
Rauðku, hún drepst með háu
hneggi og bifreið mín skemm-
ist mikið, ég slasast jafnvcl. Ég
gat ekki komið í veg fyrir þetta
óhapp, mér finnst ég vera í
fullum rétti. Eigandi Rauðku
hlýtur að vera skaðabótaskyld-
ur. Þetta segir skynsemin en
lögin segja annað. Mcrarcig-
andinn krefur mig um stórfé og
kaupir sér síðan sólarlanda-
ferð.
Háttvirtu lesendur, það er
citthvað bogið við þessi lög.
Auðvitað hefði ég stoppað fyr-
ir Rauðku hefði ég séð hana í
tæka tíð. Almenn tillitssemi
segir okkur að stöðva þegar
hindrun er framundan, jafnvel
þótt hindrunin sé ólögleg.
Ekki förum við að keyra á
mann sem gengur yfir gang-
braut á rauðu Ijósi þótt við
séum í rétti!
Jæja, ef lögin eru fráleit þá
er bara um tvennt að ræða;
breyta þeim eða notfæra sér
þau. Nú er ökumaður kominn
í mál við hross og fróðlegt
verður að sjá hvor aðilinn er
með betri lögfræðing. Á með-
an er ég að hugsa um að hrinda
snjallri fjáröflunarleið í
framkvæmd. Ég ætla að kaupa
nokkra húðjálka og aflóga
merar fyrir lítið, planta hross-
unum á þjóðveginn þar seni
útsýni er slæmt og bíða eftir að
ökumenn keyri þau niður. Síð-
an ætla ég að krefja þá um
himinháar skaðabætur og lifa
sæll og glaður af gróðanum.
Þetta er pottþétt fjáröflunar-
leið meðan hrossin eru í fullum
rétti. Gott mál.

Hallfreður
Örgumleiðason:
7
matarkrókur
Ostabrauð og bökuð egg
„Það er enginn tími til að
malla neitt núna. Við höfum
bara ostabrauð eða eitthvað
snarl. “ Setning sem þessi
hljómar stundum á heimilum
þegar mikið er að gera og
stuttur tími gefst fyrir matar-
gerð. Ostabrauð, súpa, skyr
og ýmislegt fleira kemur sér
vel í slíkum tilfellum en fólki
hœttir til að gleyma hve mikla
möguleika bakað brauð með
osti býður upp á. Hér koma
nýjar uppskriftir svo og
smáréttur úr eggjum.
Ostabrauð með rœkjum
1 dl sýrður rjómi
1 msk. rauður kavíar
1 dl rœkjur
2 msk. dill
2 Samlokubrauðsneiðar
rifinn ostur
Sýrðum rjóma, kavíar, rækjum
og dilli er blandað saman og
þetta sett oían á brauðsneiðarn-
ar. Rifnum osti stráð yfir og
brauðið bakað í ofni í 8-10
mínútur. Þcgar fleiri ostabrauð-
sneiðar eru búnar til er uppskrift-
in einfaldlega margfölduð sem
því nemur. Te hentar ágætlega
með þessum rétti.
Ostabrauð með sardínum
/ dl sýrður rjómi
2 sardínur í tómatsósu
2 msk. saxaður laukur
2 samlokubrauðsneiðar
rifiim ostur
Sýrðum rjóma, söxuðum sard-
ínum og lauk er blandað saman
og þetta sett ofan á brauðsneið-
arnar. Rifnum osti stráð yfir og
brauðið bakað í ofni í u.þ.b. 8-10
mínútur.
Bökuð egg
6 harðsoðin egg
2 dl sýrður rjómi
2 msk. franskt sinnep
2 dl rifinn ostur
Eggin eru skorin í tvennt og
lögð í eldfast mót með kúptu
hliðina upp. Sýrða rjómanum,
sinnepi og 1 dl af rifnum osti er
Ostabrauð með rækjum annars vegar og sardínum og lauk hins vegar.
Bökuð egg eru ekki á hvers manns borði en tilvalið að reyna þau.
síðan blandað saman og blönd-
unni hellt yfir eggin. Þá er
afgangurinn af ostinum settur yfir
og rétturinn bakaður í ofni í
u.þ.b. 15 mínútur. Brauðogsalat
er gjarnan borið fram með bök-
uðum eggjum.
Eins og sjá má af þessum
uppskriftum er ýmislegt hægt að
gera ef maður á sýrðan rjóma í
ísskápnum, svo og algengustu
nauðsynjar á borð við brauð,
egg, ost og lauk. Verði ykkur að
góðu. SS