Dagur - 24.10.1991, Blaðsíða 14

14 - DAGUR - Fimmtudagur 24. október 1991
Fögnum vetri og
kveðjum sumar með
dansleik
í Lóni við Hrísalund, laugardaginn 26. októ-
ber frá kl. 22.00-03.00.
Allir hjartanlega velkomnir.
Harmonikuunnendur.
AKUREYRARB/ER
Viðtalstímar
bæjarfulltrúa
Mánudaginn 28. október 1991, kl. 20-22 veröa
bæjarfulltrúarnir Sigrún Sveinbjarnardóttir og
Þórarinn E. Sveinsson til viðtals á skrifstofu
bæjarstjóra að Geislagötu 9, 2. hæð.
Bæjarfulltrúarnir munu svara símaviðtölum
eftir því sem aðstæður leyfa.
Sím inn er 21000.
Bæjarstjóri.
Framsóknarfélag
Húsavíkur
Aðalfundur
verður haldinn að Hótel Húsavík sunnudaginn
27. okt. kl. 20.30.
Dagskrá:
1. Inntaka nýrra félaga.
2. Venjuleg aðalfundarstörf.
3. Kosning fulltrúa á kjördæmisþing.
4. Önnur mál.
Guðmundur Bjarnason þingmaður mætir á fundinn.
Fjöimennum og ræðum bæjarmálin og stjórn-
málaástandið.
Stjórnin.
Tónlist
Um 200 manns stilltu saman strengi sína í íþróttahúsinu á Dalvík sl. sunnudag
Kóramót á Dalvík
Kirkjukórasamband Eyjafjarðar-
prófastsdæmis efndi til Söngmóts
á Dalvík helgina 19. og 20. októ-
ber. Þetta mót var hið tíunda í
röðinni, en fyrsta mótið var hald-
ið 18. nóvember árð 1951.
Sjö kirkjukórar tóku þátt í
mótinu og voru þátttakendur alls
á milli eitt hundrað og fimmtíu
og tvö hundruð. Mótið hófst með
samæfingu kóranna fyrir hádegi á
laugardag og var æft þann dag
með ýmsum hætti fram undir
kvöld, en þá var haldin kvöld-
vaka í Stærra-Árskógi. Á sunnu-
dag var enn æft, en kl. 15.00 hóf-
ust sameiginlegir tónleikar í
íþróttahúsinu á Dalvík.
Tónleikarnir hófust á því að
hver kór söng eitt til tvö lög.
Fyrsti kórinn var kirkjukór
Ólafsfjarðar undir stjórn Jakobs
Kolosowskis. Kórinn söng tvö
lög. Hann söng afar þekkilega
undir öruggri og ákveðinni stjórn
söngstjóra síns. Næst kom fram
Kirkjukór Dalvíkur. Söngstjóri
hans, Hlín Torfadóttir, stjórnaði
af ákveðni og festu. Kórinn söng
tvö lög. Athyglisverður var flutn-
ingur hans á laginu Vagnar á
skólalóð eftir Pál P. Pálsson, en
það gerir umtalsverðar kröfur til
næmni og nákvæmni. Kórinn
skilaði þessu verki vel.
Þriðji kórinn var sameinaður
kór Kirkjukórs Stærri-Árskógs-
kirkju og Kórs Hríseyjarkirkju
undir stjórn Guðmundar Þor-
steinssonar. Kórinn söng tvö lög.
Flutningur hans leið nokkuð fyrir
heldur slaka raddbeitingu sérlega
í kvennaröddum. Þá var komið
að Kirkjukór Glerárkirkju.
Stjórn söngstjóra hans, Jóhanns
Baldvinssonar, var greinargóð og
ákveðin. Kórinn flutti eitt verk,
kaflann Biðjið, hrópið úr Friður
á jörðu eftir Björgvin Guðmunds-
son. Flutningur kórsins var all-
góður, en leið nokkuð fyrir nokk-
uð klemmdan tón í hæstu legu.
Fimmti kórinn var Kór Akur-
eyrarkirkju undir stjórn Björns
Steinars Sólbergssonar. Kórinn
flutti eitt verk, í forgörðum
Drottins eftir Jón Hlöðver
Áskelsson. Flutningur þess var
öruggúr og hnökralaus. Sjötti
kórinn var Kirkjukór Kaupangs
og Munkaþverár. Söngstjóri hans
er Þórdís Karlsdóttir. Kórinn
flutti tvö lög. Sjöundi og síðasti
kórinn var Kirkjukór Grundar-
kirkju undir stjórn Sigríðar
Schiöth. Kórinn flutti tvö lög.
Báðir síðustu kórarnir liðu nokk-
uð fyrir það, að raddbeiting var
ekki sú sem skyldi.
Næst sameinuðust allir kórarn-
ir og sungu sjö lög. Skemmtilegt
var, hve vel hafði tekist að ná
góðri samfellu í söng alls þessa
fjölda söngmanna á ekki lengri
tíma en til umráða var. Víða
voru góð tilþrif, svo sem í flutn-
ingi sálmsins Veikur maður
hræðstu eigi undir stjórn Sigríðar
Schiöth og lagsins Öspin undir
stjórn Jóhanns Baldvinssonar. Þá
náðist verulegur innileiki í túlk-
un lagsins Þei, þei og ró, ró, sem
kvennaraddir sameiginlega kórs-
ins fluttu undir stjórn Hlínar
Torfadóttur. Einnig tókst vel
flutningur Ave verum corpus
undir stjórn Jakobs Kolosowskis,
en þar var þó heldur hratt farið
og hefði mátt vera nokkru þýð-
ara.
Söngmótinu lauk á því að sam-
einaði kórinn söng þjóðsönginn
Ó, Guð vors lands undir stjórn
Jóhanns Baldvinssonar og skilaði
þessu vandasama lagi vel.
í tengslum við söngmótið var
haldinn aðalfundur Kirkjukóra-
sambands Eyjafjarðarprófasts-
dæmis. Stjórn var kosin og var
Jóhann Baldvinsson, organisti
Glerárkirkju á Akureyri, endur-
kjörinn formaður. Fyrir hönd
kirkjukórasambandsins lýsti
hann kjöri þriggja heiðursfélaga í
sambandinu: Sigríðar Schiöth,
sem var eini söngstjórinn á þessu
tíunda móti, sem hefur verið í
því hlutverki allt frá upphafi og
ekki vantað nema á eitt mót,
Áskels Jónssonar og Jakobs
Tryggvasonar, sem hafa báðir
verið söngstjórar á öllum mótum
kirkjukórasambandsins nema
þessu síðasta. Jóhann Baldvins-
son afhenti hinum nýkjörnu heið-
ursfélögum skrautrituð skjöl og
tóku Sigríður Schiöth og Áskell
Jónsson við sínum skjölum, en
Jakob Tryggvason gat ekki verið
viðstaddur.
Alls eru kórar í Kirkjukóra-
sambandi Eyjafjarðarprófasts-
dæmis tólf. Gerð er grein fyrir
þeim öllum í vandaðri efnisskrá,
sem gefin var út í tengslum við
mótið. Þar er einnig rakin saga
söngmóta sambandsins. Þetta
litla rit er fróðlegt og mikill feng-
ur þeim, sem áhuga hafa á tón-
listarmálum almennt á Norður-
landi. Það er líka vitnisburður
góðs undirbúnings og fram-
kvæmdar þessa viðamikla
söngmóts, sem sannarlega var
öllum aðstandendum til sóma.
Haukur Ágústsson.
Stjórn Arkitektafélags Islands:
MótfaJlin hugmyndum um að leggja
niður eða selja opinberar teiknistofur
Vegna skrifa í fjölmiðlum nýlega
um hugsanlega sölu tæknideildar
Húsnæðisstofnunar ríkisins - og
áður um embætti og teiknistofu
Húsameistara ríkisins - vill stjórn
Arkitektafélags íslands að eftir-
farandi komi fram:
„Stjórn A.í. er þeirrar skoðun-
ar að ofangreindar stofnanir beri
ekki að leggja niður né selja.
Hins vegar telur stjórn félagsins
það löngu tímabært að endur-
skipuleggja þessar stofnanir í
ljósi nýrra tíma og breyttra
aðstæðna og leggja þar til
grundvallar aðra þætti í starfsemi
þeirra en beina hönnunarvinnu.
Með því er átt við þætti er lúta að
markvissri stefnumótun og
gæðaeftirliti, áætlana- og for-
sagnagerð, fræðslu, ráðgjafar- og
rannsóknarstarfsemi. Ljóst er að
mörg óunnin verk liggja á þessu
sviði byggingarmála sem eðlilegt
verður að teljast að unnið sé að á
vegum opinberra aðila. Má raun-
ar segja, að þessir þættir myndi
veikasta hlekkinn í byggingar-
ferlinu eins og það lítur út á ís-
landi í dag, og því um mikilvægt
hlutverk að ræða.
Hvað hönnunnarþáttinn varð-
ar sér stjórn A.í. engin rök fyrir
því að opinberir aðilar annist
hann. Hinar opinberu teiknistof-
ur urðu til í allt öðru þjóðfélagi
þegar frumkvæði ríkisvaldsins á
ýmsum sviðum þjónustu og
atvinnumála var sjálfsagt og eðli-
legt. Þetta hefur breyst eins og
annað og langt síðan geta sjálf-
stæðra teiknistofa varð slík að
nægði til að sinna öllum þeim
hönnunarverkum sem íslenskur
bygginarmarkaður þarfnast. Að
þessu leyti er því hlutverki hinna
opinberu teiknistofa lokið.
Hvað tæknideild Húsnæðis-
stofnunnar varðar sérstaklega þá
er verkefni hennar á sviði stefnu-
mótunar og ráðgjafar afar brýnt
því segja má að umræða um
húsnæðismál sé nær einskorðuð
við fjármögnun íbúðarhúsnæðis á
meðan eðli og inntaki þess sem
byggja skal er í engu sinnt.
Stjórn Arkitektafélags íslands
beinir því til viðkomandi stjórn-
valda, að þau gaumgæfi málefni
hinna opinberu teiknistofa í
þessu ljósi. Má í þeim efnum vísa
til þeirra breytinga, er á undan-
förnum árum hafa verið gerðar á
uppbyggingu og starfsemi Skipu-
lags ríkisins og sem er mjög í
þeim anda sem hér er talað
fyrir.“