Dagur - 01.02.1992, Síða 8
8 - DAGUR - Laugardagur 1. febrúar 1992
Unglingasíðan
íris Guðmundsdóttir
Daglegt amstur unglingo
Taliö frá vinstri; Gunnar, Atli og Friðrik að mæla sveiflutíðni. Þeim finnst að góður kennari
þurfi að vera þolinmóður og hafa kímnigáfu.
í Verkmenntaskólanum hitti ég þrjá
hressa stráka sem eru á öðru ári í
rafeindavirkjun. Þeir heita Friðrik
Hreinsson 18 ára, Atli Guðmunds-
son 17 ára og Gunnar Hallbjörns-
son 18 ára. Þegar mig bar að garði
voru þeir að mæla sveiflutíðni raf-
magns með þar til gerðum tækjum
og tólum. Kennslan er að mestu
verkleg en þeir þurfa líka að sitja í
bóklegum tímum. Stundataflan
þeirra er þéttskrifuð enda eru þeir í
53 tímum á viku eða flesta daga frá
kl. 8-6. Til að útskrifast þurfa þeir
að fara suður til Reykjavíkur því að
Verkmenntaskólinn á ekki þann
tækjabúnað sem til þarf til að geta
útskrifað rafeindavirkja.
- Er mikið heimanám?
Atli: „Já, í íslensku og hinum fögunum
en ekki í þessu, við gerum mestmegnis til-
raunir í tímum.“
Friðrik: „Það er það skemmtilega við
þetta nám hvað við gerum mikið af tilraun-
um. Á þann hátt notum við það sem við
lærum úr bókunum."
- Þegar þið slóðuð frammi fyrir því að
þurfa að velja ykkur svið hvernig leið ykk-
ur?
Friðrik: „Mér fannst ég vera allt of ung-
ur til að taka svona stóra ákvörðun."
Gunnar: „Þegar ég kom hingað vissi ég
ekki út í hvað ég var að fara. Það eru margir
sem skjóta á eitthvað og láta svo tímann
leiða í ljós hvemig þeim líkar fagið.“
Atli: „Það sem varð til þess að ég valdi
mér þessa braut var það að ég hef gaman af
tónlist og „græjum". Hér læri ég hvemig á
að fara með slík tæki. Eg sé alls ekki eftir
því að hafa tekið þess ákvörðun.“
- Takið þið ykkur sumarfrí?
Gunnar: „Nei, ekki ef ég fæ einhverja
vinnu.“
Friðrik: „Það er ekki gert ráð fyrir því
að sumarstarfsfólk taki sér sumarfrí þannig
að það er ólíklegt að ég fari eitthvað í frí.“
- Hefur eitthvað skemmtilegt gerst í tím-
um hjá ykkur?'
Atli: „Já. í fyrra sprakk þéttir framan í
einn skólabróður okkar og gular klessur
slettust út um allt. Það var alveg ótrúlega
fyndið og sem betur fer meiddist hann ekk-
ert.“
- Hvaða skoðun hafið þið á hjónahandi?
Atli og Gunnar beina þessari spumingu
til Friðriks sem þeir segja að sé sérfræðing-
ur í þeim málum.
„Ég er nú allt að því giftur. Ég er búinn
að vera á föstu í 2 ár. Mérfinnst að fólk eigi
að láta reyna á sambandið í einhvern tíma
áður en það trúlofast. Þegar fólk trúlofar sig
þá finnst mér vera komin meiri alvara í
sambandið og fólk á meira hvort í öðm. Eft-
ir að hafa verið trúlofað í einhvem tíma og
allt gengið vel og fólk finnur að það vill
vera saman í lífinu þá finnst mér vera kom-
inn tími til að gifta sig. Ef fólk giftir sig of
snemma þá lifir það í draumalandi til að
byrja með og svo þegar byrjendabrumið fer
að dvína þá verður það kannski óánægt með
hvert annað og allt fer í óefni.“
Atli og Gunnar taka undir þetta og segja
að þó þeir hafi ekki reynsluna af sambönd-
um eins og Friðrik þá hafi þeir trú á því að
hann hafi nokkuð rétt fyrir sér í þessu efni.
Frá vinstri; Alfhildur og Eva.
Álfhildur Gunnarsdóttir og Eva
Ingimarsdóttir eru 16 ára og eru í 1.
bekk MA. Þegar ég hitti þær voru
þær nýkomnar úr prófí og voru að
bíða eftir að fyrsta einkunnin þeirra
kæmi upp.
- Stelpur, hvað er það sem ykkur finnst
jákvœðast ífarifólks?
Eftir nokkra umhugsun og vangaveltur
svarar Eva:
„Ég held að mér finnist það einna já-
kvæðast þegar fólk er hresst og skemmti-
legt.“
Áfhildur tekur undir þetta en bætir jafn-
framt við:
„Það þarf líka að vera traust, sérstaklega
þegar um vini manns er að ræða.“
- En hvað finnst ykkur neikvœðast í fari
fólks?
Þær em sammála um að „fúlt og leiðin-
legt fólk sé neikvæðar persónur.“
- Hvernig hefur ykkur gengið í prófun-
um?
Eva: „Alveg ágætlega, annars er erfitt að
segja til um það fyrr en einkunnimar eru
komnar upp.“
- Hvernig líður ykkur íprófum. Eruð þið
svefn- og lystarlausar?
Álfhildur: „Ég er alltaf rosalega stressuð
en missi ekki matarlyst eða neitt þvíum-
líkt.“
Nú þegar harðar umræður um
efnahagslíf þjóðarbúsins eiga sér
stað á Alþingi og í þjóðfélaginu væri
gaman að vita hvaða skoðun ung-
lingarnir hafa á pólitík. Ég brá mér
inn í Amaró og hitti þar fyrir
Skarphéðinn Birkisson sem er 20
ára verslunarmaður í herradeild-
inni.
- Hefur þú einhverja skoðun á stjórn-
málum?
„Já. Ég hef mikla trú á Davíð sem for-
sætisráðherra og mér finnst hann sannur
leiðtogi. Hann er minn maður enda er ég
sjálfstæðismaður þó ég sé ekki meðlimur í
flokknum."
- Hvað með aðra flokka?
„Mér finnst Jón Baldvin oft standa sig
vel. Hvað viðkemur Gatt sáttmálanum þá
finnst mér hann samt ekki vera á réttri braut
því ég held að þetta eigi eftir að koma illa
niður á öllum íslendingum. Ég er ekki hrif-
inn af flokknum í heild.“
- Hvaða álit hefur þú á framtíð Islands í
samfélagi þjóðanna?
„Ég held að tilkoma Islands í Evrópu-
bandalagið sé góðs viti og komi til með að
opna margar nýjar leiðir fyrir okkur. Eins
held ég að umræðan um sameiginlegan
gjaldmiðil verði að veruleika í komandi
framtíð, það mun kosta sitt en ég held að
hjá því verði ekki komist.“
- Efvið snúum okkur að öðru, er „gráa
línan“ enn vinsœlust hjá karlmönnum eða
er tískan að hreytast?
„Já, menn eru miklu opnari fyrir litum
og nýjungum en þeir voru. Stelpur eru með-
vitaðari um tískuna en strákar þó sýnist mér
þetta vera að breytast.“
- Selur þú það sem þérfinnst Ijótt?
„Nei, það er ekki til ljót flík héma. En ég
reyni ekki að selja litlum manni stóra peysu
eða eitthvað annað óviðeigandi. Ef við-
skiptavinurinn er óánægður með sína flfk þá
kemur hann ekki aftur og það er dýrara að
ná í nýjan viðskiptavin en að halda í þann
gamla."
- Er fólk öðruvísi á veturna en á sumr-
in?
„Já, það er miklu léttara yfir fólki á
sumrin, en þegar veðrið er svona gott eins
og það er búið að vera þá er fólk mjög já-
kvætt “
- / lokin, hefurðu gaman af verslunar-
störfum?
„Já, mjög. Mér finnst gaman að vinna
með fólki og selja.“
Hjá Útgerðafélagi Akureyringa er
fjöldinn allur af unglingum að
vinna. Með leyfí verkstjórans tók ég
tali Kristinn Baldur Benediktsson,
16 ára. Hann hóf störf hjá ÚA í
byrjun desember en segist vera van-
ur vinnu í fiski því hann vann á
frystihúsi í Bolungarvík í eitt ár.
- Líkarþér vel að vinna viðfisk?
„Já, það er allavega betra en margt annað
en launin mættu vera betri. Þetta er nú einu
sinni undirstöðuatvinnuvegur þjóðarinnar."
- Er góð vinnuaðstaða hér?
„Já, mjög góð, miklu betri en þar sem ég
var áður. Matsalurinn er líka góður og mat-
urinn alltaf frábær og furðanlega ódýr. Öll
aðstaða fyrir starfsfólk er til fyrirmyndar.
Starfsandinn er líka mjög góður og það hef-
ur mikið að segja.“
- Hefurðu eitthvað sérstakt starf með
höndum?
„Nei, það skiptast allir á að vinna verkin.
Á morgnana segir verkstjórinn fólkinu hvað
það á að gera þann dag. Mér finnst þetta
fyrirkomulag mjög gott því það er ágætt að
fá tilbreytingu. Persónulega finnst mér
skemmtilegast að vera inni í vélasal.“
- Hverjar eru framtíðaráœtlanir þínar?
„Ég ætla að vinna hér í eitt ár enn. Eftir
næstu áramót ætla ég í skóla og læra sjó-
kokkinn. Pabbi er sjómaður og mig hefur
Kristinn er ánægður með vinnuna en segir aö
sér þyki erfitt að mæta alltaf kl.7.
alltaf langað til að vera á sjó. Mér finnst
gott að hugsa til þess að vera laus við landið
og allar áhyggjur og eins að fá tilbreyt-
ingu.“
- Borðar þú fisk eftir að hafa verið að
vinna við hann allan daginn?
„Já, ef ég er búinn að yfirfara hann sjálf-
ur því ég treysti engum öðrum í þeim efn-
um.“
Umræður og mótmæli foreldrafé-
laga um opnunartíma spilasala hafa
verið talsverð að undanförnu og
vart farið framhjá nokkrum manni.
Það er forvitnilegt að vita hvaða
skoðun unglingar hafa á spilasölum
og hvað það er sem þeir sækjast eft-
ir. Ég leit inn í einn af spilasölum
bæjarins og hitti fyrir 15 ára stúlku
sem er fastagestur þar. Af tillitssemi
við hana birti ég viðtalið mynd- og
nafnlaust.
- Kemurðu oft hingað?
„Já, allt of oft. Ég verð að fara að Hætta
því vegna þess að mamma og pabbi eru á
móti því að ég sé svona mikið héma. Núna
má ég bara koma um helgar. Þeim finnst ég
eyða allt of miklum peningum því ég eyði
u.þ.b. 200-300 kr. á dag.“
- Hvernig fjármagnar þú það, fœrðu
vasapeninga?
„Nei, ég vinn í Sjallanum um helgar og
eyði laununum hér.“
- Sérðu ekki eftir þessum peningum?
„Nei alls ekki.“
- Hvað er það sem er svona heillandi við
þessa spilakassa?
„Ég fæ útrás, þetta er svo spennandi. Ef
ég kemst ekki í kassana í einhvem tíma þá
verð ég óróleg og verð að fara að spila.“
- Veistu til þess að krakkar skrópi í skól-
anum til að komast íspilin?
„Nei, ekki margir. Sumir koma hingað í
hádeginu og frímínútum í skólanum en
flestir koma bara eftir skóla og em til 6 eða
7 á kvöldin. Ég kem eiginlega aldrei hingað
á kvöldin því þá reyni ég að læra eða fer á
opið hús.“
- Þegar þú ert húin að vera að spila all-
an daginn kemur það ekkert niður á náminu
hjá þér?
„Nei, mér finnst það ekki en mamma er
nú ekki á sömu skoðun.“
- Hvernig mundi þér líða eföllum spila-
sölum í bœnutn yrði lokað?
„Ég yrði fegin. Fyrst myndi ég örugglega
sakna þess en svo yrði ég fegin.“
íþrótta- og tómstundaráð er að fara af
stað með eftirtalin námskeið í félags-
miðstöðvunum:
Flugmódelsmíðanáinskeið í fþrótta-
vallarhúsinu.
Saumanámskeið í félagsmiðstöðvum
Glerárskóla, Síðuskóla og Lundar-
skóla.
Myndbandanámskeið og Grafík-
námskeið í Dynheimum.
Saumanámskeið fyrir mæður ungra
bama í Lundarskóla.
Málmsmíðanámskeið í Lundarskóla.
Námskeið í skrift og leturgerð í Síðu-
skóla.
Nánari upplýsingar er að fá í við-
komandi félagsmiðstöð eða á skrifstofu
íþrótta- og tómstundaráðs; Strandgötu
19 b, simi 22722 frákl. 9-16.