Dagur - 05.06.1996, Blaðsíða 1

Skandia
A Lifandi samkeppni
W - lœgri iðgjöld
Geislagötu 12 • Sími 461 2222
Viðræðum um hugsanlega sameiningu ÚA, Strýtu og Söltunarfélagsins lokið:
Ekki tókst að brúa bilið
Þorsteinn Már Baldvinsson, framkvæmdastjóri Samherja hf. á Ak-
ureyri, tilkynnti Jakobi Björnssyni, bæjarstjóra, það með bréfi
dagsettu í gær að könnunarviðræður um hugsanlega sameiningu Út-
gerðarfélags Akureyringa hf., Strýtu, Söltunarfélags Dalvíkur og
Oddeyrar hafí leitt í Ijós að verulega skilji „á milli í mati aðila á
framtíðarhorfum í rekstri þessara fyrirtækja,“ eins og Þorsteinn Már
orðar það í bréfí sínu til bæjarstjóra.
Þorsteinn Már sendi bæjarsijóranum á Akureyri bréf þann 17. apríl sl.
þar sem hann óskaði eftir því að Akureyrarbær beitti sér fyrir könnunar-
viðræðum milli ÚA, Strýtu og Söltunarfélags Dalvíkur um hugsanlega
sameiningu þessara fyrirtækja. Þá óskaði Samherji eftir því að kannaður
yrði möguleiki á að Akureyrarbær seldi hluta bréfa sinna í ÚA til Sam-
herja og annarra; „þó með það að markmiði að Akureyrarbær verði
áfram sterkur eignaraðili að fyrirtækinu."
Fram kemur í bréfi Þorsteins Más í gær að þar sem. viðræðum um
stækkun ÚA sé lokið hafi Samherji hf. ekki frekari áhuga á hlutabréfa-
kaupum í ÚA með þeim hætti sem gert var í bréfinu frá 17. apríl sl.,
„enda myndu þau hlutabréfakaup ekki skapa nægilega möguleika til
áhrifa á stjómun ÚA,“ eins og Þorsteinn Már kemst að orði í bréfi sínu.
Síðan segir Þorsteinn Már:
„Af hálfu Samherja var hugmyndin að koma á laggimar mjög öflugu
sjávarútvegsfyrirtæki í fjölbreyttum rekstri. Til að sameining fyrirtækja
með þessum hætti nái fram að ganga þarf að ríkja um það fullkomin sátt
af hálfu beggja aðila. Forsvarsmenn Samherja hafa alls ekki viljað stofna
til átaka um hugsanlegt sameiningarferli eða verðmætamat á fyrirtækjun-
um. Þar sem svo mikið skilur á milli aðila í þessum efnum tel ég rétt að
láta viðræðunum lokið.
Fyrir hönd Samherja þakka ég bæjaryfirvöldum og stjórn ÚA við-
brögðin við bréfi mínu frá 17. apríl s.l. og óska eigendum félagsins,
stjóm þess og starfsmönnum gæfu og gengis um ókomin ár.“
Með þessari niðurstöðu er ljóst að óvissa ríkir um hvort og þá
hverjum Akureyrarbær selur hlutabréf sín í Útgerðarfélagi Akureyringa
hf. Bæjaryfirvöldum hefur borist erindi stjómar ÚA um kaup fyrirtækis-
ins sjálfs á hluta bréfa Akureyrarbæjar í fyrirtækinu og það erindi bíður
afgreiðslu. Þá hefur Dagur fyrir því heimildir að forráðamenn öflugra
sjávarútvegsfyrirtækja innan Sölumiðstöðvar hraðfrystihúsanna hafi
fylgst vel með gangi mála og látið í ljós áhuga á hugsanlegum kaupum
hlutabréfa Akureyrarbæjar í ÖA. óþh
Árangursríkur ráðherrafundur EFTA á Akureyri:
Velkominn til Akureyrar!
Hans van den Broek kom til
Akureyrar í gær í opinbera
heimsókn, en hann fer með
utanríkis- og öryggismál auk
Evrópumála í framkvæmda-
stjórn Evrópusambandsins.
Þar með koma í hans hlut sam-
skipti Evrópusambandsins við
EFTA. Á þessari mynd taka
þær Sigríður Snævarr, sendi-
herra, og Hervör Jónasdóttir,
eiginkona Helga Ágústssonar
ráðuneytisstjóra, á móti Hans
van den Broek við komuna til
Akureyrar. Hann fundaði síð-
degis í gær með ráðherrum
EFTA-ríkjanna. I dag á hann
morgunverðarfund með Hall-
dóri Ásgrímssyni á Akureyri.
óþh/Mynd: BG
Starfsemi samtak-
anna í góðum farvegi
- að mati Halldórs Ásgrímssonar, utanríkisráðherra
Almenn ánægja var ríkjandi
hjá þátttakendum að lokn-
um ráðherrafundi EFTA, frí-
verslunarsamtaka Evrópu, sem
haldinn var á hótel KEA á Ak-
ureyri í gær. Fundinum stjórn-
aði Halldór Ásgrímsson, utan-
ríkisráðherra, en auk hans sátu
fundinn Jean Pascal-Delam-
uraz, forseti Sviss, Greta Knud-
sen, utanríksisviðskiptaráðherra
Noregs og Andrea Willi, utan-
ríkisráðherra Lichtenstein. ís-
land fer einmitt með for-
mennsku í EFTA um þessar
mundir.
Ráðherramir vom sammála um
að fundurinn hefði verið árangurs-
ríkur, en á honum var farið yfir
starfsemi EFTA og samskipti
samtakanna við bæði Evrópusam-
bandið og önnur lönd, hvert held-
ur þau eru í Evrópu, austan hafs
eða vestan. „Það má segja að það
hafi verið ríkjandi svartsýni um
starfsemi EFTA fyrir stuttu síðan.
Við höfum gengið í gegnum mik-
ið breytingaskeið og það hefur
tekist vel. Skrifstofan vinnur vel
og það hefur tekist að koma þessu
starfi í það form sem ekki er
ástæða til annars en vera ánægður
með,“ sagði Halldór um starfsemi
EFTA.
Einn mikilvægasti þáttur í
starfsemi EFTA er samskipti þess
við Evrópusambandið og þau mál
ræddu ráðherrarnir á fundi sínum.
„Við höfum lagt mikla áherslu á
pólitísk samskipti við Evrópusam-
bandið á undanfömum mánuðum
og reynt að auka þau. Við höfum
lagt áherslu á að auka þátttöku
okkar í ýmsum nefndum í þeim
tilgangi að við höfum aukin áhrif
á þá löggjöf sem þar er samþykkt.
Við höfum náð vissum árangri í
þessu sambandi en þar er hægt að
Frá blaðamannafundinum í gær. Á myndinni má m.a. sjá Kjartan Jóhanns-
son, framkvæmdastjóra EFTA, Andrea Wiili, utanríkisráðherra Lichten-
stein, Jean Pascal Delamuraz, forseta Sviss, og Halldór Ásgrímsson, utanrík-
isráðherra. Mynd: BG
gera betur og á það verður stefnt í
framtíðinni. Að undanförnu höf-
um við gert mikið af samningum
um fríverslun við önnur lönd. Því
verður haldið áfram, en sú breyt-
ing hefur orðið að nú er meiri
áhersla lögð á alheimsviðskipti en
nokkru sinni fyrr. Þess vegna
verður EFTA að endurskoða sína
stöðu í því ljósi,“ sagði Halldór. I
því sambandi sagði hann verða að
leggja aukna áherslu á samskipti
og samstarf við lönd utan Evrópu-
sambandsins, bæði með beinum
samningum við viðkomandi lönd
og í gegnum Evrópusambandið.
Hinir ráðherrarnir tóku í sama
streng. EES-samningurinn væri
mikilvægur samstarfsvettvangur
við Evrópusambandið, sem reynst
hefði vel, en raunar er Sviss utan
EES. EFTA myndi áfram verða
mikilvæg stofnun, hvert heldur
sem litið er til samskipta EFTA-
ríkjanna sín á milli, samskipti
þeirra við ESB eða viðskipta-
samninga við önnur ríki. Lofuðu
þeir það forystuhlutverk sem ís-
land hefur óneitanlega gegnt í að
endurskipuleggja hlutverk og
starfsemi EFTÁ miðað við breytt-
ar forsendur, en sum stærstu að-
ildarlöndin hafa sem kunnugt er
skipt um hest á síðustu árum, þ.e.
gengið úr EFTA í Evrópusam-
bandið. HA
Utgerðarfélagið:
Landa 160 tonnum
úr Hágangi II
Síðdegis í dag verður landað
á Akureyri 160 tonnum af
ísfiski úr Hágangi II, sem
hann hefur flutt frá Noregi
fyrir Útgerðarfélag Akureyr-
inga hf.
Björgólfur Jóhannsson,
framkvæmdastjóri ÚA, segir að
ekkert uppihald sé á þessum
fiskfíutningum frá Noregi og til
marks um það sé Hríseyjan EA
ytra þar sem verið er að lesta
hana.
Uppistaða aflans sem kemur
með Hágangi II er þorskur.
Björgólfur segir að verið sé að
kanna möguleikann á að fá
flutningaskip til þessara flutn-
inga, en niðurstaða þeirrar at-
hugunar liggi ekki fyrír. Hann
segir ekkert benda til annars en
framhald verði á þessum við-
skiptum, en ítrekar hins vegar
að hér sé um tilraun að ræða af
hálfu Útgerðarfélags Akureyr-
inga hf. óþh
Líknar- og hjálpar-
sjóöur lögreglumanna:
Tveir Norð-
lendingar
fástyrk
Avegum Landssambands
lögreglumanna er starf-
ræktur svokallaður líknar-
og hjálparsjóður og greiða
allir lögreglumenn á landinu
til hans ákveðna upphæð af
launum sínum. Sjóðurinn var
stofnaður árið 1992 og nú
þegar hefur verið úthlutað
nokkrum sinnum úr honum.
Að sögn Hermanns Karls-
sonar, formanns Lögreglufé-
lags Akureyrar, hefur í tvígang
verið úthlutað styrkjum úr
líknar- og hjálparsjóði lög-
reglumanna til einstaklinga á
Norðurlandi. Skömmu fyrir jól
var ekkja í Skagafirði, sem
missti éiginmann sinn og son í
hörmulegu bflslysi, styrkt, og í
tengslum við þing Landssam-
bands lögreglumanna í Varma-
hlíð í byrjun maí var 14 ára
krabbameinssjúkri stúlku á
Dalvík afhentur fjárstyrkur.
óþh