Dagblaðið Vísir - DV - 08.11.1994, Blaðsíða 6
6
ÞRIÐJUDAGUR 8. NÓVEMBER 1994
Neytendur
Veitingamenn óhressir með kjúklingaskort:
-tímabundið ástand, segja kjúklingabændur
Forsvarsmenn kjúklingastaða og
fleiri aðilar hafa töluvert kvartað
yfir skorti á kjúklingum og segja
ástandið ekki gott. Jafnvel er rætt
um að flytja inn þessa vöru enda vilja
veitingamenn ekki sætta sig við að
þurfa að loka vegna hráefnisskorts.
DV kannaði málið frekar og ræddi
við tvo aðila sem reka kjúkhnga-
staði. Annar er með þrjá veitinga-
staði en hinn er í startholunum með
sinn fyrsta og situr jafnvel uppi með
að fresta opnuninni vegna skorts á
kjúklingum.
Slagur um kjúklinga
„Það lítur út fyrir að það geti orðið
mjög erfitt að útvega sér kjúklinga.
Ég er að leggja milljónir í þennan
rekstur og staðurinn er tilbúinn en
ég ætla bara að vera með kjúklinga.
Ég get opnað um næstu helgi en það
lítur út fyrir að það verði töf á því
vegna skorts á kjúklingum. Mér er
sagt að þaö sé vöntun á markaðnum
og ég þori ekki aö opna staðinn um
helgina. Ég gæti staðið frammi fyrir
því að eiga til kjúklinga einn daginn
en ekki hinn. Eg er í algerri óvissu
og þetta er mjög pirrandi fyrir fólk
sem stendur í viðskiptum og er van-
ast því að hér séu sölumenn að reyna
að selja manni eitthvað. Hjá mér er
þetta slagur um að fá eitthvað," segir
Bjarni Þór Þórhallsson sem er að
fara af stað með nýjan kjúklingastað.
„Mér var sagt þegar ég fór út í þetta
að vandamál gætu komið upp en
jafnframt að ástandið myndi lagast
um mánaðamótin. En það er langt í
þau og erfitt að bíða. Menn segja
bara að því miður sé ekkert til. Eg
veit að fólk lætur ekki bjóða sér
svona lagað, hvorki neytendur né
kaupendur, eins og ég í þessu tilviki.
Þetta gengur ekki upp, þetta er bara
bull.“ Aðspurður um innflutning á
kjúklingum segir Bjami að það séu
bara tvær leiðir í þessu og ef önnur
virkar ekki hljóti menn að velja hina.
Eigum bara að framleiða
meira
Helgi Vilhjálmsson á og rekur
Smálægð er í framleiðslu kjúklinga um þessar mundir.
DV-mynd Brynjar Gauti
kjúklingastaðina Kentucky Fried
Chicken. Líkt og Bjarni Þór kannast
hann við vandamálið með skortinn
á kjúklingum þótt ekki taki hann
jafn djúpt í árinni. „Þetta er búið að
vera slæmt. Ég hef nú verið að reyna
að spyrja mennina en það er nefni-
lega kvóti á þessu. Mér skilst það á
alvöru kjúklingabændum að þeir
vilji losna við kvótann. En af hverju
á að vera kvóti á þessu? Það fer eng-
inn að framleiða kjúklinga ef hann
getur ekki selt þá. Þetta kvótakerfi
fylgir bara fortíðinni og þeir sem
geta framleitt meira gera það ekki
af því að þeir hafa ekki kvóta.“
Þegar talið berst að framboði á
kjúklingum undanfarna sex mánuði
segir Helgi það vera leiðindamál.
Hann segist þó halda að ástandið sé
að skána en til að verða sér úti um
kjúklinga þarf Helgi að leita uppi
alla aðila sem framleiða þessa vöru.
„Ég hef sem betur fer ekki þurft
að loka vegna skorts á kjúklingum
og vona að til þess komi ekki. Ég er
ekki hlynntur því að flytja þetta inn
og vil að við pössum okkar heima-
markað. Og náttúrlega eigum viö
bara að framleiða meira," segir
Helgi.
Stofnarnir klikkuðu
Neytendasíðan hafði tal af Ólafi
Guðjónssyni, sem á sæti stjórn Fé-
lags kjúklingabænda, og spurði hann
um ástandiö.
„Það klikkuðu stofnar og það er
skýringin. Það er smálægð í augna-
blikinu en aukin framleiðsla kemur
inn á markaðinn næstu 2-3 vikurn-
ar. Þetta er tímabundið vandamál og
hlutur sem ekkert varð við ráðið. Það
er líka miklu meiri eftirspurn heldur
en var í fyrra. Það kæmi mér ekki á
óvart þótt eftirspurnin væri 10-15%
meiri en á sama tíma í fyrra. Þetta
er tímabundið ástand eins og ég sagði
og það er að líða hjá. Það er alveg
bullandi framleiðsla að koma inn,“
sagði Ólafur.
Peningar á næsta leiti
Sjálfsagt hafa margir upplifað það
hlutskipti að vera orðnir peninga-
lausir eöa peningalitlir þegar þeir
eru að sinna erindum sínum utan
hefðbundins afgreiðslutíma banka-
stofnana.
Meö tilkomu hraðbankanna eiga
þeir hinir sömu tiltölulega létt með
að greiða úr vandamálum sínum
enda hægt að taka út peninga hve-
nær sem er sólarhringsins. Á með-
fylgjandi korti er listi yfir þá hrað-
banka sem er að finna í Reykjavík
og opnir eru allan sólarhringinn.
Rétt er að hafa hugfast að hraðbönk-
um fer ört fjölgandi og þá er einnig
að finna í nágrannabyggðarlögunum
og víða úti á landi.
Bæði er hægt að taka út og leggja
inn peninga í hraðbönkum og eins
má nota þá til að borga reikninga.
Viðkomandi getur nánast farið í
hvaða hraðbanka sem er og sinnt
þessum erindum, óháð því hvar
hann sjálfur er með viðskipti. Ef beð-
ið er um yfirlit verður það hins vegar
að vera í gegnum hraðbanka á vegum
þess banka sem viðkomandi skiptir
við.
Rofabæ\39
Hraðba
iðarbankinn
- Austufstræti 5
- Kringlunni
- Laugavegi 12X
- Landspítalanuml
íslandsbankinn
- Dalbraut 3
- Háaleitisbraut 58
- Lækjargötu 12
- Réttarholtsvegi 3
- Stórhöfða 17
Reykjavfk
andsbankinn
- Áífabakka 10
- Háaleitisbraut 68
- Háskólabíói
- Borgarspítalanum
SPRON
- Skeifunni 11
Sparisjóður vélstjóra
. - Borgartúni 18
DV
Gerlar
Gerlar eru eðliiegur hluti um-
hverfisins. Margar gerlategundir
geta fjölgað sér í matvælum og
leiöír það til þess að matvælin
skemmast. Aðeins sumar gerla-
tegundir geta leitt til matareifi--
ana eða matarsýkinga ef gerlarn-
ir berast meö matvælum í fólk.
Enn aðrir geriar eru nauðsynleg-
ír við matvælaframleiðslu, t.d.
jógúrt- og ostagerð. Þetta kemur
fram í fréttabréfi Matvæla- og
næringarfræðingafélags íslands.
Þar segir ennfremur að ein-
kenni matarsýkinga séu stund-
um væg og mimú á flensu. í viss-
um tilfellum geta matareitranir
verið lífshættulegar. Þeir sem eru
sérstaklega viðkvæmir eru ung-
börn, aldraðir, ófrískar konur og
þeir sem hafa veíkburða ónæmis-
kerfi. Á íslandi eru rannsökuð
15-30 meint matarsjúkdómatilvik
á ári. í flestum tilvikum er um
að ræða 1-3 sjúkdómstilfelli en
tilvik ineö mörgum tilfellum eru
fatíð.
Aukinn
mjólkurkvóti
„Við upphaf nýs verölagsárs 1.
september síðastliðinn var
mjóikurkvótinn í landinu aukinn
um l mifljón lítra vegna mikillar
sölu á mjólkurafurðum að und-
anförnu. Ef til vill þarf að auka
hann enn frekar ef svo fer fram
sem horfir,“ segir í Mjólkurfrétt-
um, fréttabréfi Osta- og smjörsöl-
unnar sf. og Samtaka afurða-
stöðva í mjólkuriðnaði.
Kemur þetta spánskt fyrir sjón-
ir í ljósi þess að mjólkurfram-
leiðsla hefur dregist svo saman
sökum lélegra heyja að jafnvel
er búist við vandræðaástandi frá
nóvember til marsmánaðar.
Frissi fríski
Húsmóðir á höfuðborgarsvæð-
inu hafði samband við neytenda-
síðuna og kvartaði sáran yfir
pakkningunum sem notaðar eru
undir ávaxtasafann Frissa ffíska.
Konan sagöist kaupa þennan
drykk í hverri viku og alltaf væru
fernurnar klistraöar á botninum.
Hún sagðist ekki vita hvort leki
kæmi að umbúðunum en bætti
við að óþolandi væri að geta ekki
fengið hreinar pakkningar þegar
hún færi út í búð.
Sjónvarp
og þrumuveður
Þegar þrumuveður geísar er
rétt aö leiöa hugann að sjón-
varpstækinu en þá er best að
kippa loftnetstenginu úr sam-
bandi. Loftnetið er aö jafnaöi þaö
sem hæst ber á húsinu og þar er
hættast við að eldingu slái niður.
Athugaöu hvaða lögn liggur til
lofts og hvar jarösamband er. Ef
eldingu slær niður í hina fyrr-
nefndu getur hún leiít háspennu-
straum inn í sjónvarpstækið og
e.t.v. skemmt það.