Dagblaðið Vísir - DV - 23.11.1994, Blaðsíða 2

2
MIÐVIKUDAGUR 23. NÓVEMBER 1994
Fréttir
Húsleit á tveimur bæjum í nágrermi HvolsvaHar í gær:
Heilt vopnabúr f innst við
leit í dóp- og bruggbæli
- lögregla lagði hald á bruggtæki og töluvert af landa
Fíkniefnadeild lögreglunnar í
Reykjavík og lögreglan á Hvolsvelli
gerðu húsleit á tveimur bæjum í ná-
grenni Hvolsvallar í gærdag. Á öör-
um staðnum var lagt hald á mikinn
fjölda vopna, um 20 lítra af landa, 100
lítra af gambra í suðu og eimingar-
tæki. Einnig var lagt hald á áhöld til
neyslu fíkniefna á sama stað og tor-
kennilegt duft sem ekki hafði verið
efnagreint í morgun.
Morðtól falin í hlöðu
Það var laust eftir hádegi sem lög-
reglan renndi í hlað á fyrri bænum
en þar er takmarkaður hefðbundinn
búskapur. Enginn var handtekinn en
inni í húsinu fundust tvær hagla-
byssur, skotfæri, lásbogi og örvar,
illa hirt kanabisplanta og, eins og
fyrr sagði, landi, gambri og mörg
áhöld til fíkniefnaneyslu. Við ítar-
legri leit í hlöðu við bæinn fann hass-
hundur fíkniefnadeildar tösku sem í
var fjöldi hnífa, gaddakylfa og byss-
ur. Var hér um að ræða fjaðurhnífa,
rakhnífa og veiðihnífa með allt að 30
sentímetra löngu blaði. Einnig var
þar afsöguð haglabyssa og rifíill með
hljóðdeyfi fannst á milli heybagga.
Ábúandinn á bænum hefur oft
komið við sögu fíkniefnalögreglu.
Ekki er tahð útilokaö að eitthvað af
heimilismunum séu þýfi úr innbrot-
um.
Kristján Ingi Kristjánsson, yfir-
maður ávana- og fíkniefnadeildar
lögreglunnar, sagði í samtali við DV
í gær að hann hefði orðið áhyggjur
af aukinni vopnaeign í fíkniefna-
heiminum sem gæti leitt til aukinnar
hörku. Benti hann á þann fjölda
vopna sem fannst við leitina í gær
því til staðfestingar.
Sykur til sultugerðar
Síðdegis létu lögregluembættin svo
til skarar skríða á öðrum bæ í ná-
grenninu. Upplýsingar höfðu borist
um landa, eimaöan á bænum, í dreif-
ingu á höfuðborgarsvæðinu.
Þar var kona á fertugsaldri hand-
tekin og færð til yfirheyrslu eflir að
öflug eimingartæki, landi og gambri
fundust við húsleit á bænum. Um var
að ræöa á annan tug lítra af áfengi
og 100 lítra af gambra sem konan
sagði að væri aö hluta til í eigu syst-
ur sinnar en annars í sinni eigu. í
landann hafði verið blandað bragð-
efnum og honum tappað á hinar
ýmsu tegundir af áfengisflöskum.
Má þar nefna viskí, koníak, líkjöra,
vodka og fleira. Við húsleit fannst
einnig talsvert magn af sykri sem
ætla mætti að væri til frekari áfeng-
isgerðar en húsfreyjan á bænum
sagði hann ætlaðan til sultugerðar.
Áfengið kvað hún til eigin nota en
engin óregla væri þó á heimilinu.
Gott væri hins vegar að fá sér dreitil
með kaffinu á kvöldin að loknu
amstri dagsins.
Frá því að ávana- og fíkniefnadeild
lögreglunnar tók við rannsókn
bruggmála fyrir um tveimur mánuð-
um hefur deildin upprætt vel á ann-
an tug bruggverksmiðja í Reykjavík
og nágrenni og á Suður- og Vestur-
landi. Ýmist hefur hún verið ein á
ferð eða í samvinnu við önnur emb-
ætti og einnig slökkviliðið. Er hér
um verulega aukningu að ræða frá
því sem áður var.
A öðrum bænum fundust eimingartæki og töluvert magn af gambra og landa. Hér bera
Gils Johannsson, lögregluþjón á Hvolsvelli, Einar Ásbjörnsson og Kristján Ingi Kristjáns-
son, hjá ávana- og fíkniefnadeild, gambratunnu inn í lögreglubíl.
DV-myndir Pétur Pétursson
Púki, hundur fíkniefnadeildar iögreglunnar, fann mörg
vopn í hlöðu á fyrri bænum sem ráðist var tii inngöngu
í. Lögreglumaður i fíkniefnadeild handleikur riffilinn með
hljóðdeyfinum sem fannst.
Tvö afþremur skipum Norðurtangans seld:
Munum reyna að halda
þorskkvóta okkar
- segir Jón Páll Halldórsson framkvæmdastjóri
Stuttar fréttir
Siguijón J. Sigurðsson, DV, ísafirði:
„Það er búið að gera samning við
Nýsjálendinga um sölu á Hálfdáni í
Búð til þeirra. Málið. er svo einfalt
að veiðiheimildir okkar á þremur
skipum eru minni í dag en Guðbjart-
ur var með einn þegar kvótakerfið
kom til,“ segir Jón Páll Halldórsson,
framkvæmdastjóri Norðurtangans á
ísafirði, vegna þess að nú hefur verið
samið um sölu á nýjasta skipi fyrir-
tækisins, Hálfdáni í Búð.
Auk þess að semja um sölu á Hálf-
dáni í Búð hefur fyrirtækið einnig
auglýst vélbátinn Orra til sölu og á
að sögn Jóns Páls að selja hann með
rækjukvóta. Þetta þýðir að tvö af
þremur skipum fyrirtækisins eru til
sölu og aðeins togarinn Guðbjartur
eftir. Jón Páll segir að þorskkvóti
skipanna þriggja sé nú 1230 tonn en
Guðbjartur einn hafi haft í upphafi
kvótakerfisins 1262 tonn.
„Við munum reyna að halda þeim
þorskkvóta sem við höfum í dag og
við erum að reyna að breyta sam-
setningu skipastólsins í samræmi við
það. Við vonumst til að þetta komi
ekki niöur á vinnslunni.
Auk þess að selja skip hefur Norð-
urtanginn ákveðiö að loka fiskbúð,
sem fyrirtækið hefur rekið um ára-
bil, og saltfiskvinnslu fyrirtækisins.
Úreldingarverð Hálfdáns í Búð er að
sögn Jóns Páls um 90 milljónir en
hann vildi ekki gefa upp söluverð
skipsins. Vegna þessara breytinga á
útgerð Norðurtangans verður 18
manns sagt upp. Hálfdán í Búö mun
verða afhentur um n.k. áramót.
Siglfirðingar og Sauðkrækingar:
Vilja sameiginlegt áætlunarflug
Gyifi Kristjánsson, DV, Akureyri:
„Það er auðvitáð óviðunandi aö
árið 1994 skuli ekki eiga að bjóða upp
á reglubundið áætlunarflug til Siglu-
fjarðar. Hér er nýlokið milljóna
framkvæmdum viö flugbrautina,
sem hefur verið lögð bundnu slitlagi,
og þá gerist það að íslandsflug boðar
að félagið hyggist hætta áætlunar-
flugi hingað. Auðvitað er ekki hægt
að krefjast þess að einhver aðili
stundi hingað flug sem rekið er með
tapi. Þess vegna verður að finna leið
til hagræöingar og samnýtingar á
flugi og þá liggur beinast við að fela
þaö einhverju litlu flugfélagi sem
áhuga hefur á að fljúga til Sigluíjarð-
ar og Sauðárkróks," segir Kristján
Möller, formaður bæjarstjórnar á
Siglufiröi.
íslandsflug hefur tilkynnt að félag-
ið hyggist hætta áætlunarflugi til
Siglufjarðar um áramót enda sé það
flug rekið með tapi vegna of fárra
farþega. Siglfiröingar geta ekki sætt
sig við að vera án ætlunarflugs og
því hefur enn á ný komið upp sú
umræða að flug þangað verði sam-
einað flugi til Sauðárkróks og það
falið einhverju flugfélagi sem hefur
yfir að ráða heppilegum flugvéla-
kosti.
„Við Sauðárkróksbúar höfum lengi
verið óánægðir meö þá þjónustu sem
Flugleiðir veita okkur,“ segir Snorri
Bjöm Sigurðsson, bæjarstjóri á
Sauðárkróki, og nefnir í því sam-
bandi að iðulega þurfi farþegar í flugi
þaðan með Flugleiðum að fljúga um
Húsavík. Sauðkrækingar hafa lengi
krafist þess að einkaleyfi Flugleiða
til áætlunarflugs þangað verði af-
numið en Flugleiðir hafa það einka-
leyfi til ársloka árið 1997.
„Ég held að það sé réttast að nú
verði breyting á og hún eigi sér stað
í góðu. Síðan verði fundinn einhver
aðili sem hefur hentugar vélar og
vill taka að sér flug hingað og á Siglu-
íjörð, segir Snorri Björn.,
Bæjarráð Siglufjarðar og Sauðár-
króks hittast á fundi í dag eða á
morgun og munu aö honum loknum
senda frá sér álykfim varöandi þetta
hagsmunamál íbúa staðanna.
Stuttarfréttir
Dregiðúrstarfcemi
Stjórn Landakotsspítala ákvað
í gær að draga enn frekar úr
starfsemi spítalans til að tryggja
þjónustu viö gamalt fólk. Hundr-
uð manna komast ekki í aðgerðir
á næstunni leysist verkfall
sjúkraliða ekki. RÚV greindi frá
þessu.
Spítaiarsameinaðtf
Rikið og Reykjavíkurborg sam-
þykktu í gær aö sameina Landa-
kotsspítala og Borgarspítala á
næsta ári. Sérstök nefnd mun
fjalla um lífeyrisréttindi starfs-
fólks. Skv. samningnum er tekið
á fjárhagsvanda Borgarspítalans.
Nýtt viðskiptaforrit
íslensk forritaþróun hf. kynnti
í gær nýtt viðskiptaforrit, Opus
allt.fyrir Windows. Þróun þess
kostaði um 30 míUjónir.
Fieirigjaidþrot
Gjaldþrotum hefur fjölgað
verulega i Reykjavík síðastliðin
ár. Árið 1988 voru 103 nauðungar-
uppboö en 345 þaö sem af er ár-
ínu. Alls hafa 670 beðið um gjald-
þrotaskipti í ár en í fyrra bárust
alls 525 beiðnir.
Brengiaðir bilstjórar
Menn með dóma vegna kyn-
ferðisafbrota og nauögana hafa
sótt í að komast í leigubílaakstur.
RÚV greindi frá þessu.
Hættuiegirlitir
Litir sem heita Aqua Fantasy
Make-up og börn og unglingar
hafa notað til að skreyta sig með
í framan geta valdið alvarlegum
augjislysum. Sala þeírra hefur
verið stöðvuð.