Dagblaðið Vísir - DV - 25.11.1994, Blaðsíða 4

Dagblaðið Vísir - DV - 25.11.1994, Blaðsíða 4
FÖSTUDAGUR 25. NÓVEMBER 1994 T/ Fréttir Ingibjörg Sólrún Gísladóttir borgarstjóri um stjórnkernsbreytingarnar: Pólitískar hreinsanir verða ekki í ráðhúsinu Reykjavikurlistinn vann sigur í Reykjavik i kosningunum i vor. Var þetta sigur fyrir þig persónulega? - Ég held að þetta hafi fyrst og fremst verið sigur þeirrar sam- stöðu sem þarna myndaðist. Fólk hafði trú á því að þetta afl gæti komið ákveðnum hlutum í fram- kvæmd. Það myndaöist samstaöa um mig sem borgarstjóraefni og það er í fyrsta sinn sem það gerist hjá andstæðingum Sjálfstæðis- flokksins. Það hafði auðvitað mikið að segja. Ég ætla ekki að vera svo hæversk að halda því fram að mín persóna hafi engu máli skipt. Þegar umræður um samfylkingu vinstrimanna í borginni voru að hefjast varstu treg til að gefa svar um þátttöku fram á síðustu stundu. Varstu efins um að fiokkarnir næðu saman eða var þetta taktík til að fá félagshyggjuöflin í samstarf? - Ég hef alltaf haft þá trú að þess- ir flokkar gætu náð samstöðu og hægt væri að mynda valkost við Sjálfstæðisflokkinn. Samstarfið í minnihlutanum hafði sýnt það en ég var ekkert viss um að ég vildi velja mér það hlutskipti að verða borgarstjóri í Reykjavík. Mér fannst ég þurfa að hugsa það mál mjög vel. Mikil heilindi Sjálfstæðismenn hafa gagnrýnt ReykjavíkurUstann fyrir að efna ekki kosningaloforð og ekki gekk átakalaust að stofna Regnbogann. Gengur erfíðlega að fá félags- hyggjuöflin til að starfa saman? - Nei, það gengur mjög vel og ég held að sjálfstæðismenn viti það í hjarta sínu. Það hafa engin ágrein- ingsefni komið upp miui okkar frá því við fórum að starfa saman nema um smærri mál eins og ger- ist og gengur. Þettá gengur mjög vel og mikil heilindi í þessu sam- starfi. Hvað viltu segja um gagnrýni Egils Helgasonar blaðamanns um að Reykjavíkurlistinn hafi ekki efnt kosningaloforð sin og að enginn afrakstur sjáist af vinnu Reykjavík- urlistans í borginni? - Mér finnst þetta lýsa meiri ein- feldningshætti en leyfilegur er af Agli Helgasyni vegna þess aö hann hlýtur að vita að hlutum verður ekki breytt eins og hendi sé veifað. Mér finnst ótrúlegt að hann vilji hvítþvo Sjálfstæðisflokkinn af erf- iðri stöðu í fjármálum borgarinnar vegna þess að það á Sjálfstæðis- flokkurinn sannarlega ekki skilið, síður en svo. Heildarskuldir borgarsjóðs nema um 12 milljörðum króna og hafa aukist gifurlega síðustu fjögur ár. Ætlar Reykjavíkurlistinn að hækka útsvar eða álögur á borgarbúa? - Við erum búin að taka ákvörö- un um að hækka ekki útsvarið og munum ekki hækka fasteigna- skattana en við verðum að ná í auknar tekjur. Það getum við gert með ýmsum hætti en auðvitað verðum við aö skoða ýmsar gjald- skrár hjá borginni. Við ætlum að reyna að halda álögum í lágmarki Ingibjörg Sólrún Gísladóttir borgarstjóri segist telja tímabært að ákveöin uppstokkun eigi sér stað í flokkakerf- inu á landsvísu þó að ákvörðun Kvennalistans um sérf ramboð um allt land sé skiljanleg. DV-mynd BG þannig að þær hitti ekki bara ein- staklingana fyrir heldur líka fyrir- . tækin. Var skýrslan um fjármál borgar- innar vonbrigði fyrir núverandi meirihluta? - Nei. Skýrslan var fagleg úttekt á fjárhagsstöðu borgarinnar eins og hún blasti við um mitt ár. Skýrslan var unnin eins og endur- skoðandanum var uppálagt að vinna hana. Við vissum að skulda- staða borgarsjóðs væri slæm en það kom okkur mest á óvart með hve miklum þunga greiðslubyrði lána kemur á næsta ári. Milljarðar í skóla Hvernig ætlar Reykjavíkurlistinn að efna kosningaloforð í dagvistar- málum, skólamálum og varðandi eftirspurn eftir hjúkrunarrými? - Við tökum við ýmsum verkefh- um í öldrunarmálum frá sjálfstæð- ismönnum sem eru ekki þau sem við hefðum talið allra brýnust. Viö erum bundin af samningi og verð- um að greiða um 35 milljónir króna á ári í sundlaugarbyggingu hjá DAS, 35 milljónir á ári vegna þjón- ustukjarna við íbúðir BHM við Yfirheyrsla Suðurgötu og 30 milljónir vegna þjónustukjarna í Mjódd þó að okk- ur flnnist rétt að leggja aðaláherslu á hjúkrunarrými. Við byrjum að sýna ákveðinn Ut í þeim efnum á næsta ári en stóru málin verða leikskólarnir og skólamálin. Þar blasa við nýframkvæmdir í Borg- arholti og einsetning skóla fyrir að minnsta kosti 4-4,5 milljarða króna. í leikskólamálunum erum við að tala um framkvæmdir fyrir 1,5-2 milljarða á næstu árum. Hvenær mega borgarbúar eiga von á því að sjá einhverjar breytingar í stjórnsýslunni? - Þeir sjá breytingar strax á næsta ári. Búið er að ráða Hagvang til að koma í framkvæmd ákveðn- um stjórnsýslubreytingum varð- andi mitt nánasta umhverfi í ráð- húsinu. Miðað er við að því starfi ljúki um áramót. Við erum að taka í notkun nýtt skjalavistunarkerfl þannig að gögn borgarinnar ættu að vera aðgengilegri. Hvernig verður með aðra þætti borgarkerfisins? - Fljótlega eftir áramót verður að setja niður póhtíska stjórnkerf- isnefnd sem fær það verkefni að vinna að breytingum í stjórnkerf- inu jafnt og þétt á kjörtímabilinu. Eitt af kosningaloforðunum var að koma á fót umboðsmanni borg- arbúa. Hvenær verður ráðið í það embætti? - Það er eitt af þvi sem kemur til skoðunar við gerð fjárhagsáætlun- ar. Vonandi verður ráðið í embætt- ið fljótlega eftir áramót. Hvað með hverfalýðræðið? - Sérstök verkefnisstjórn er starfandi sem vinnur að því að gera Reykjavík að reynslusveitarfélagi. Hún hefur meðal annars skoðað sérstök reynsluhverfi. Grafarvog- urinn hefur verið ræddur í því sambandi. Borgarstjóri hefur ráðið til sín að- stoðarmann úr eigin röðum og fengið aðstoðarmann úr kosninga- baráttunni til að vinna að stjórn- sýslubreytingum. Er Reykjavíkur- listinn kominn i einkavinavæð- ingu? Nei. Það er fráleitt. Mér var ráð- lagt að fá einhvern sem ég treysti til að gera forkönnun á stjórnkerf- inu og koma með hugmyndir í stað þess að kaupa dýra sérfræðiþjón- ustu strax. Þess vegna réð ég Stefán Jón. Frá upphafi var ljóst af minni hálfu að ég færi ekki inn í ráðhúsið öðruvísi en að fara með manneskju með mér. Mér fannst nauðsyn að koma með eina konu. Ég sé ekki eftir því enda þarf ég ekki síður á aðstoðarmanni að''halda en ráð- herrarnir. Engar hreinsanir í fyrri stjórnartíð vinstri flokkanna var talað um að embættismanna- kerfið ynni gegn kjörnum fulltrú- um. Er unnið gegn ykkur í ráðhús- inu? Nei, það er ekki unnið gegn okkur í ráðhúsinu en við getum sagt að ég hafi fundið fyrir ákveðinni tregðu í kerfinu. Mér finnst vanta frumkvæði í kerfið. Ég hef rætt þetta við embættismennina og held að það sé að hluta til vegna þess að þeir eru vanari öðrum vinnuað- ferðum og öðru húsbóndavaldi. Það tekur þá tíma að átta sig á nýjum aðstæðum. Áttu von á því að einhverjir emb- ættismenn verði látnir fara éftir áramót þegar stjórnkerfisbreyting- ar taka gildi? Nei. Hér standa engar póhtískar hreinsanir fyrir dyrum. Hver er þín afstaða til umræðunnar um sameiginlegt framboð félags- hyggjuaflanna til Alþingis í vor? - Ég held að það sé löngu tíma- bært að það eigi sér stað ákveðin uppstokkun í flokkakerfinu á landsvísu, ekkert síður en í borgar- málunum. Ég hef ekkert viljað blanda mér inn í þessa landsmála- umræðu vegna þess að ég lít á það sem mitt aðalverkefni að vinna fyr- ir Reykjavíkurlistann. Hvaða skoðun hefur þú á þeirri stefnumörkun Kvennalistans að fara í sérframboð um allt land? - Mér finnst hún skiljanleg vegna þess að við hófum ekki séð nein merki þess að mikið sé að ger- ast í flokkunum í málefnum kvenna eins og prófkjörin bera með sér. Mér finnst engu að síður að Kvennalistinn þurfi að hugsa þetta mál mjög vel. Það er erfitt fyrir konur úti á landi að bjóða fram kosningar eftir kosningar vitandi það að þær ná ekki inn manni. Samfylking hefði létt þeim róður- inn.

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.