Dagblaðið Vísir - DV - 25.11.1994, Síða 11

FÖSTUDAGUR 25. NÓVEMBER 1994
11
Menning
Skyndimyndin
og skopið
- á sýningu Örlygs Sigurössonar í GáUerí Fold
Þeir eru ekki margir listamennimir hér á landi sem
hafa lagt fyrir sig portrettmyndagerð, hvað þá heldur
teiknaðan karíkatúr eða mannamyndir með skoplegri
sýn á viðfangsefnið. Örlygur Sigurðsson ákvað þó
ungur að feta þessa leið, þó hann hafi verið með New
York abstraktið í vitunum á námsárum sínum á önd-
verðum fimmta áratugnum og með Parísarheimspek-
ina á hreinu eftir námsdvöl þar áður en áratugurinn
fimmti rann sitt skeið. Sigurður Örlygsson, sonur lista-
mannsins, ritar inngang í skrá sýningar föður síns er
Myndlist
Ólafur J. Engilbertsson
nýlega var opnuð í Gallerí Fold. Þar segir hann upp
og ofan af þrautagöngu teikningarinnar sem listforms
og að hún hafi ekki öðlast fastan sess sem hstform
fyrr en á síðari hluta nítjándu aldar. Því má bæta við
að grafíklistin hangir þar á sömu spýtunni; hvort
tveggja greinar sem tengst hafa meira auglýsingagerð
og pólitískum áróðri í gegnum tíðina en aörar listgrein-
ar. En Örlygur hefur jafnan haldið sínu striki utan
bolabragða auglýsingaskrumsins og farið eigin leiðir
í stað þess að elta í blindni nýjar stefnur, hkt og Sigurð-
ur bendir réttilega á í innganginum.
í skyndi og yfirlegu
Myndirnar á sýningu Örlygs eru alls sextíu talsins
í hinum takmörkuðu en haganiega útfærðu salarkynn-
um Gallerí Foldar. Mest fer fyrir teikningum af máls-
metandi fólki, lífs sem liðnu. Allt er það þó samferða-
fólk listamannsins, ýmist rissað upp í skyndi eða með
sýnilegri meiri yfirlegu. Best tekst listamanninum upp
þegar hann gefur sér tíma til að velja sér pappír og
teiknifæri. Þannig skara myndirnar af Eiríki Kristó-
ferssyni (nr. 1) og Valtý Péturssyni (nr. 32) fram úr
myndunum af Alfreð Flóka (nr. 36) og Guðmundi Jóns-
syni (nr. 43).
Parísarárin og Grænland
Sérstaka athygli vekja þó myndir frá Parísarárum
Örlygs þar sem hann var í kompaníi við Thor Vil-
hjálmsson, Hörð Ágústsson og fleira andans fólk. Stórt
málverk er nefnist „Ungir íslenskir listamenn þinga í
París“ (nr. 20) gefur skemmtilega hugmynd um það
andans líf sem þar dafnaði undir lok fimmta áratugar-
ins. Þó eru Örlygi nokkuð mislagðar hendur við mál-
Eitt af verkunum á sýningunni.
verkið og honum lætur greinilega í heildina betur að
vinna hratt með krít en tregt með olíu. Vatnslitamynd-
ir eru og nokkrar á sýningunni og margar frá Græn-
landi þar sem listamaðurinn dvaldist skömmu eftir
Parísardvölina. Þar ber af myndin í glugganum „Elsk-
endur í Ivigut" þar sem Örlygur nær í ákveðnum drátt-
um að fanga samhug fólks í torbýlu landi. Myndirnar
„Stephan G., kaffið og andinn'* (nr. 46) og „Pískrað á
Akureyri" (nr. 56) staðfesta einungis góða kímnigáfu
og innsæi höfundarins í mannlegar kringumstæður.
Margrét Birgisdóttir
í kynningarhorni Foldar sýnir Margrét Birgisdóttir
níu myndir unnar með blandaðri tækni. Þar vakti
mesta athygli undirritaðs notkun listakonunnar á
gyhtum prentlit. Myndefnið er fremur einfalt en bland-
að húmor. Hvað best þótti mér myndheildin ganga upp
í verki nr. 6, „Mjúkur jökull“. í verki nr. 1 þótti mér
hins vegar sem óþarfa nostur væri viðhaft. Verkin nr.
7,8 og 9, „Þessir flmm stólar", „Þessi banani" og „Þessi
ananas“, eru um margt skemmtileg, en fljótandi og
virka htt grunduð. Báðar sýningarnar standa einungis
til 27. nóvember.
Bong - Release ★★ y2
Byrjun sem lofar gódu
Bong dúettinn er dæmi um hjáleigu sem skyndilega
er orðin að höfuðbóh. Hann var á sínum tíma stofnað-
ur sem útibú Eyþórs Arnalds frá Todmobile en eftir
að sú ágæta sveit lagði upp laupana hefur Bong á stutt-
um tíma skipað sér í sveit með athyglisverðustu hljóm-
sveitum landsins. Dúettinn er nefnilega ekki dúett
lengur þó að platan gefi það í skyn heldur fullfjöðruð
Hljómplötur
Sigurður Þór Salvarsson
hljómsveit sem auk Eyþórs og Móeiðar Júníusdóttur
söngkonu skipa þeir Jakob Magnússon, Guðmundur
Jónsson og Amar Geir Ómarsson. Tónhstin er í þess-
um dansvæna poppfönkstíl, melódísk og frekar mjúk.
í henni leynist líka klassískur tónn sem er ekki að
öllu jöfnu í þessari tegund tónhstar. Það gefur því
Bong örlitla sérstöðu ef litið er á alþjóðlegan mæh-
kvarða en þangað virðist leiðin hggja ef marka má
enska texta við öh lögin. Þau eru öll skráð á Eyþór
og Móeiði og sama er að segja um textana. Um þá
ætla ég að segja sem minnst enda fylgja þeir ekki plöt-
unni en svona á að heyra virðast þeir ekki rista djúpt.
Lögin eru hins vegar býsna góð vel flest og sum hver
í alþjóðlegum gæðaklassa. Má þar nefna lög eins og
Stream, sem líklega er besta lag plötunnar, Release,
Live in a Life og Furious. Rétt er að vara hlustendur
við lagaruglingi á plötunni en miðað við uppröðun á
plötuumslagi og plötunni sjálfri hafa lög sex og sjö
víxlast þannig að Be My Vision er númer 6 og Live in
a Life er númer 7 en ekki öfugt eins og halda mætti.
Þó svo aö Release sé frumraun Bong á plötu er enginn
byrjendabragur á þessu enda margsjóað fólk í öhum
hlutverkum. Platan á það th að detta niður í dáhtla
flatneskju og thbreytingarleysi en rífur sig upp þess á
mhli og nær stundum ágætis flugi.
///////////////////////////////
AUKABLAÐ
BÆKUR
Miðvikudaginn 14. desember nk. kemur út Bókahandbók
DV með upplýsingum um þær bækur sem gefnar eru út
fyrir jólin.
í bókahandbókinni verða birtar allar tilkynningar um nýút-
komnar bækur ásamt mynd af bókarkápu. Birting þessi
er útgefendum að kostnaðarlausu.
Æskilegt er að þeir sem enn hafa ekki sent á ritstjórn
nýútkomna bók og tilkynningu geri það fyrir 7. desemb-
er svo tryggt sé að tilkynningin birtist.
Verð þarf að fylgja.
Umsjónarmaður efnis bókahandbókarinnar er Haukur
Lárus Hauksson blaðamaður.
Þeir auglýsendur sem hafa hug á að auglýsa í Bókahand-
bók DV vinsamlega hafi samband við Björk Brynjólfsdótt-
ur, auglýsingadeild DV, hið fyrsta í síma 63 • 27 ■ 23.
Vinsamlega athugið að síðasti skiladagur auglýsinga er
fimmtudagurinn 8. desember.
Símbréf auglýsingadeildar er 63 • 27 • 27. ■