Dagblaðið Vísir - DV - 24.04.1995, Blaðsíða 12

12
MÁNUDAGUR 24. APRÍL 1995
Spumingin
Ertu ánægð/ur með hugs-
anlega stjórn Framsóknar-
og Sjálfstæðisflokks?
(Spurt á föstudag).
Jón Einarsson ellilífeyrisþegi: Já,
þetta er það skásta sem við gátum
fengið. Ég er feginn að við fengum
ekki vinstristjórn.
Þorfinnur Finnsson lögreglumaður:
Nei, ég vildi frekar fá Sjálfstaeðis-
flokk og Alþýðubandalag.
Jón Haukur Guðlaugsson ríkisstarfs-
maður: Nei, ég vil bara Sjálfstæðis-
flokkinn.
Gísli Grettisson bankastarfsmaður:
Ég er svolítið efins, ég hefði frekar
viljað sjá meiri breytingar.
Súsanna Götz húsmóðir: Mér fannst
þetta fyrirsjáanlegt en ég er ekki
ánægð.
Ari Skúlason, framkvæmdastjóri Al-
þýðusambandsins: Ég vil helst ekki
svara því.
Lesendur
Framtíð
Jóns Baldvins
íslendingur skrifar:
Nú liggur það ljóst fyrir að ríkis-
stjóm Davíðs Oddssonar og Jóns
Baldvins Hannibalssonar er búin að
syngja sitt síðasta. Formaður Sjálf-
stæðisflokksins er búinn að bjóða
Halldóri Ásgrímssyni, formanni
Framsóknarflokksins, upp í dans og
nú er bara að bíða og sjá hvernig til
tekst.
Svo virðist sem flestir gangi út frá
því að samkomulag takist þeirra á
milli og að ríkisstjórn Sjálfstæðis-
flokks og Framsóknarflokks taki við
völdum innan fárra daga. í ljósi und-
angenginna atburða er þó enn of
snemmt að slá nokkru föstu. Stjóm-
mál, og þá ekki síst íslensk stjórn-
mál, eru þannig að þar getur bókstaf-
lega allt gerst. Dæmin sanna það.
Samhliða viðræðum Davíðs og
Halldórs ganga nú klögumálin á víxl.
Andstæðingar þeirra í pólitíkinni
saka þá um óheiöarleg vinnubrögð
og sýnist sitt hverjum. Þessi klögu-
mál hafa verið fyrirferðarmikil í
fjölmiölum og hafa fréttamenn gerst
sekir um að spyrja ekki grundvallar-
spurninga í kjölfar úrslitanna og við-
ræðuslita, svo uppteknir hafa þeir
verið. Fréttamennirnir hafa t.d. al-
gjörlega látið hjá líða að velta fyrir
sér pólitískri framtíð formanns Al-
þýðuflokksins, Jóns Baldvins
Hannibalssonar.
Hann sagði að vísu eftir að úrslit
kosninganna lágu fyrir að afsögn
væri ekki inni í myndinni. Síðan þá
hefur ýmislegt breyst. Einkanlega þó
sú merkilega staðreynd að Alþýðu-
flokkurinn verður ekki í næstu ríkis-
stjórn. Það þýðir jafnframt að Jón
Baldvin mun ekki gegna ráðherra-
embætti eins og hann hefur gert und-
Jón Baldvin yrði fyrirmyndarsendiherra, aö mati greinarhöfundar.
anfarin ár. Sjá menn virkilega fyrir
sér formann Alþýðuflokksins í
stjómarandstöðu næstu fjögur árin?
Nei, ég held ekki.
Þótt ég geti ekki lesiö hugsanir
hans þykist ég vita að Jón Baldvin
sé að skoða ýmsa möguleika. Þótt
ekki sé ég krati þykir mér allmikið
til hans koma. Það verður ekki af
honum skafið að þar er á ferð bæði
snjall og slóttugur stjórnmálamaður.
Hver framtíð hans verður þori ég
ekki að spá um en leyfi mér að varpa
fram ákveðinni hugmynd.
Hún er sú að gera Jón Baldvin að
sendiherra. Ég held að fáir efist um
þekkingu hans á utanríkismálum og
hvað er þá eðlilegra en að nýta þá
þekkingu í þágu þjóðarinnar. Ný rik-
isstjórn gæti um leið sýnt að þar ráði
engin spilhngaröfl ferðinni og veitt
„pólitiskum andstæðingi" ábyrgðar-
stöðu.
Ég held að Jón Baldvin gæti orðið
fyrirmyndarsendiherra og ekki spill-
ir fyrir að hann á glæsilega eigin-
konu sem einnig er verðugur fulltrúi
þjóðarinnar. Þetta er tillaga sem á
að skoða í fullri alvöru.
Handboltafárið mikla
Ragnheiður Jónsdóttir skrifar:
Það er stundum sagt aö þjóðin fari
á hvoE Sjaldan á þetta betur við en
einmitt nú þegar heimsmeistara-
keppnin í handbolta er á næsta leiti.
Það virðist ekkert annað komast að
hjá fólki. Ég var t.d. í fermingar-
veislu um páskana og þar töluðu
menn stanslaust um handbolta. Það
var varla að stjórnmálin kæmust að
og eru samt kosningarnar nýafstaðn-
ar.
Ég óttast að þetta ástand eigi eftir
að versna þegar nær dregur keppn-
inni og á meðan hún stendur yfir
veröur ástandið sjálfsagt óþolandi.
Þá þarf fólk eins og ég, og ég er sko
alls ekki ein á báti, helst að flýja land.
Umfjöllun fjölmiðla um þetta mót fer
stigvaxandi og Sjónvarpið verður
gjörsamlega undirlagt meðan þessir
fullorðnu karlmenn eru að henda
boltanum á milli sín. Ég kalla þetta
handboltafárið mikla og mér finnst
að hann Heimir Steinsson útvarps-
stjóri verði að grípa í taumana. Hvað
ætlar stofnunin t.d. að gera fyrir þær
þúsundir landsmanna sem hafa eng-
an áhuga á handbolta?
Ég hef ekki séð neitt um það hvern-
ig Sjónvarpiö ætlar að koma til móts
við okkur. Eðlilegast væri að sjálf-
sögðu að fella niöur afnotagjaldið á
meðan þessi vitleysa stendur yfir.
Túlkun á úrslitum
Helgi skrifar:
Skondið hefur verið að fylgjast með
tilraunum vinstri manna til að halda
því fram að Framsóknarflokkurinn
hafi í raun verið „sigurvegari kosn-
inganna". Staðreyndin er þó vita-
skuld sú að þegar ríkisstjórn situr
undir ofsafengnum árásum en held-
ur samt velli er það ekki forystu-
Bréfritari segir Sjálfstæðisflokkinn
vera sigurvegara kosninganna.
flokkur stjórnarandstöðunnar sem
er sigurvegarinn.
í borgarstjórnarkosningunum 1990
fékk D-listinn 10 borgarfulltrúa en
vinstri menn 5. Halda menn aö ef
D-listinn hefði svo fengið 9 fulltrúa í
fyrra en R-listinn 6 hefði R-listinn
verið sagður sigurvegari? Nei, auð-
vitað er það svo að hinn raunveru-
legi sigurvegari kosninganna nú er
Sjálfstæðisflokkurinn sem fékk 25
þingmenn en ekki Framsóknarflokk-
urinn með sína 15.
Fleira er athyglisvert. Eftir kosn-
ingarnar 1991, þar sem Sjálfstæðis-
flokkurinn bætti við sig 8 þingmönn-
um og fékk 26 kjörna, lögðu fram-
sóknarmenn mikla áherslu á að
„halda íhaldinu fyrir utan stjórnar-
ráðið“ eins og það var orðað. Nú
bæta framsóknarmenn við sig 2
mönnum, fá 15 kjörna, 10 mönnum
færri en Sjálfstæðisflokkurinn, og
segja að úrslitin séu „krafa þjóðar-
innar um Framsóknarflokkinn í
stjórn". Framsóknarmenn láta sig
svo ekki muna um að tilkynna opin-
berlega að „einboðið sé“ að þeim sé
falið að mynda ríkisstjórn. Fram-
sóknarmenn láta sig engu skipta að
augljóst er að kjósendur óska eftir
tveggja flokka ríkisstjórn undir for-
ystu Sjálfstæðisflokksins.
DV
Spennandi
þættir
Sigriður Stefánsdóttir skrifar:
Sjónvarpið hefur nýverið hafið
sýningar á mjög góðum banda-
rískum sakamálamyndaflokki
sem heitir AJlt á huldu eða Under
Suspicion. Ólíkt mörgum öðrum
bandarískum myndaflokkum,
sem gjaman má sjá á Stöð 2, er
þessi þáttaröð alveg einstaklega
vel gerð.
Ekki spillir heldur fyrir að þeir
eru hreint alveg ótrúlega spenn-
andi eins og þeir vita sem sáu
fyrsta þáttinn. Annar þátturinn
var ekki síðri en Itann haföi þó
einn stóran galia. Framhald at-
burðarásarinnar verður i næsta
þætti en í þeim fyrsta kláraðist
málið. Fyrir vikið mega sjón-
varpsáhorfendur bíða spenntir í
heila viku og það finnst mér of
löng bið. Þá vil ég frekar sjá fram-
haldið daginn eftir eða jafnvel
sama kvöldið.
Sjónvarpið sýnir fleíri góða
þætti um þessar mundir og má
t.d. nefha Ráðgátur á föstudags-
kvöldum í því sambandi. Það era
ekkisiðriþættir. Þá erunglingur-
inn á lieimilinu ánægður með að
Væntingar og vonbrigði er aftur
kominn á skjáinn.
Verðhækkun
ájólaköku
A.B. hringdi:
Ég versla stundum í matvöru-
versluninni Kjötbúr Péturs í
Austurstrætinu og hef veitt þvi
athygli að veröið á jólakökunni
þar hefur hækkað allmikið. Lengi
vel kostaði kakan 155 krónur en
svo kom 10 króna hækkun og
jólakakan var seld á 165 krónur.
Svo var það fyrir skömmu þegar
ég ætlaði að kaupa jólaköku að
þá'var verðið komið upp í 222
krónur. Ég hætti við kaupin enda
þykir mér þetta mikil hækkun á
stuttum tíma. Gott væri að fá
skýríngu á þessu.
JónogséraJón
Kalli hringdi:
Lögin um hvenær opið er á
skemmtistöðum um helgidagana
algjört rugl. Hér á höfuðborgar-
svæðinu lítur út fyrir að það sé
verið aö mismuna veitingamönn-
um og svo þeim sem eru úti á
landi. Hér í bænum má hvergi
hafa opið á sama tíma og lands-
byggöarmenn geta brugðiö sér á
ball og enginn segir neitt. Já, það
er greinilegt aö það er ekki sama
hvort Jón eða séra Jón á í hlut.
Vonandi hefur næsti dómsmála-
ráðherra kjark og þor til að kippa
þessum rnálum í lag. Þetta er
óviðunandi ástand.
Ráðherralausir
Reyknesingar
Ólafur Sigurðsson skrifar:
Heyrst hefur að Sjálfstæðis-
flokkurinn ætli að skipta um í
ráðherraliði sínu og Davíð for-
maður hefur staðfest það. Sagt
er að Ólafi G. Einarssyni verði
„skipt út af ‘ og gerður að forseta
Alþingis. Trúlega er það ágætis
embætti en það er móðgun við
alla sjálfstæöismenn í Reykjanesi
ef héðan veröur enginn ráðherra.
Það má ekki veröa að næst-
stærsta kjördæmi landsins verði
ráðherralaust.
Umhverfisspjöll
Siggi hringdi:
Eg sá í fréttum að stjóravöld í
íran eru að íjarlægja gervihnatta-
diska af húsum. Þetta er víst til
að verjast „vestrænni menning-
arínnrás". í mínum huga eru
þessir diskar ekkert annað en
umhverfisspjöll sem eru til þess
eins að gera umhverfið ljótt. Það
vantar alveg skýrar reglur um
þessi mál hér á landi svo sporna
við megi óhelllaþróun.