Þjóðviljinn - 18.06.1943, Síða 1
Arásín á Súðína
Það tekst að Hkindutn að gera víð Súðína
tíl bráðabírgða, þannig að hún komíst suður
Þeir tveir ungu sjómenn á Súðinni, sem íiluiu alvarleg sár,
eru enn í hættu, einkum Guðmundur V. Guðmundsson. Ei hann
17 ára og Ólafur S. Ólafsson 18 ára.
m
Kafari rannsakaði skemmd-
irnar á Súðinni í gær. Kvað
hann skemmdir á botni skips-
ins litlar, botn-„ventill“ hafði
„gefið sig“, en bjóst við að
geta þéttað það svo, jafnvel
á einum degi, aö síðan væri
hægt að fara að vinna að
því að ná sjónum úr skipinu.
Væri því hugsanlegt að Súð-
in gæti, að fenginni slikri
bráðabirgðaviðgerð, komizt
sjálf hmgað suður í fylgd
með öðrum skipum.
Skotgötin eru á skipinu of-
an þilja, eru þau mörg og
skotin eftir fallbyssukúlurnar
stór, um tveggja þumlunga
göt.
Þaö hefur sem vænta mátti
slegiö óhug á margan mann,
viö þessa heiftarlegu árás naz-
ista á Súðina. íslendingar
mega af henni sjá, aö þaö
eru slíkar kveöjur hinna blóö-
þyrstu þýzku valdhafa, sem
mark er takandi á, en ekki
smjaöriö í útvarpi Göbbels frá
Berlín 17. júní. Og slíkar
„kveöjur“ skulu ekki gleymast
frekar en árásirnar á togar-
ana okkar.
OLAFUR S. OLAFSSON
18 ára, hættulega særður
GUÐM. V. GUÐMUNDSSON
17 ára, hættulega særður.
HERMANN JÓNSSON, háseti
dó af sárum sínum.
(Ekki hefur tekizt enn að fá
mynd af Guðjóni Kristinssyni,
frá ísafirði, sem dó af sárum
þeim, er hann hlaut í árás Þjóð-
verja á Súðina).
Fjöratíu og átta stúdentar
Áttatíu og níu gagnfræðingar
Menntaskólanum var sagt upp í hátíðasal skólans kl. 1 í gær.
Frá skólanum útskrifuðust 48 stúdentar, 20 úr stærðfræðideild
og 28 úr máladeild. 45 luku gagnfræðaprófi og 44 við Gagn-
fræðaskóla Reykvíkinga. Við skólauppsögn voru mættir, auk
kennara og nemenda skólans, 25 ára, 40 ára og einn sjötíu ára
stúdent. Tuttugu og fimm ára stúdentar færðu Bræðrasjóði skól-
ans gjöf, og hafði Brynleifur Tobíasson orð fyrir þeim. 40 ára
stúdentar stofnuðu sjóð með 7000 kr. framlagi, og skal hlutverk
hans vera að verðlauna þá, sem fram úr skara í latínukunnáttu
við skólann. Gísli Sveinsson, forseti sameinaðs Alþingis hafði
orð fyrir þeim. Séra Jóhann Þorkelsson átti sjötíu ára stúdents-
afmæli.
Stúdentar þeir, sem útskrif-
rnöust í gær, voru þessir:
Máladeild.
Árni Björnsson, II. eink.
Ásgeir Magnússon, i. eink.
Ásmundur Brekkan, I. eink.
Benedikt S. Gröndal, I. eink.
Björn Th. Björnsson,
Dagný Valgeirsd., II- eink.
Erna R. Adolphsd., III. eink.
Finnbogi GuÖmundsson á-
gætiseinkunn.
Gunnlaugur Briem, I. eink.
Halla Aöalsteinsd., II. eink.
Halldór S. Rafnar, I. eink.
Framhald á 4. síðu.
Brezki Verkamanna-
flokkurinn krefst af-
vopnunar Þýzkalands
Á þingi brezka Verkamanna-
flokksins var í gær samþykkt
með tveim þriðju greiddra at-
kvæða gegn einum þriðja að
krefjast þess að unnum sigri,
yrði Þýzkaland afvopnað og
gagngerðar ráðstafanir gerðar
til þess að uppræta anda þjóð-
ernishrokans og ágengninnar í
Þýzkalandi.
Það kom fram í ræðunum um
þetta mál, að eftir stríð yrði að
koma upp eftirliti Bandamanna
í Þýzkalandi til þess að stuðla að
því að koma þar á lýðræði.
ilesta loftorusta
Kyrrahafsstyrjaldar-
mnar
í gær
Flugfloti ' Bandaríkjanna og
Japans háði í gær mestu loftor-
ustuna, sem háð hefur verið í
Kyrrahafsstyrjöldinni. 77 flug-
vélar Japana voru skotnar nið-
ur, en Bandaríkjamenn misstu
sex.
Finnbjörn Þorvaldsson, í. R,, setur drengjamet í
100 meíra hlaupi og nær prýðilegum tíma. Skúli
Guomundsson stekkur 1,80 m. í hástökki
Skrúðganga íþróttamanna hófst kl. 2,30 frá íþróttavellinum
var liún fjölmenn þótt aðeins 5 félög tækju þátt í henni en þau
voru Ármann, K.R., Í.R., F.H. og Víkingur.
Var haldið sem leið liggur um Skothúsveg, Fríkirkjuveg,
Lækjargötu, Austurstræti og að Alþingishúsinu, en þar hélt
Bjöm Þórðarson, forsætisráðherra, ræðu af svölum hússins.
Þaðan var haldið að leiði Jóns Sigurðssonar og lagði forseti í. S.
í., Ben. G. Waage, blómsveig á leiði hans í nafni íþróttamanna.
Þaðan var síðan haldið á íþróttavöllinn og setti forseti 1 S. í
mótið með stuttri ræðu.
Eins og áður er sagt tóku
aðeins 5 félög þátt í skrúð-
göngunni.
Má þaö merkilegt heita að
öll íþróttafélög borgarinnar
skuli ekki fjölmenna á þess-
um hátíöisdegi þeirra, en sú
skoöun er ríkjandi hjá mörg-
um, að þetta hafi ekkert gildi,
en þetta er mikill misskiln-
ingur. Göngur sem þessar
Framhald á 4. síðu.
Stalín svaraði fyrir nokkru fyrirspurn, sem fréttaritari Reut-
ers í Moskva beindi til hans út af upplausn Alþjóðasambands
kommúnista.
Fyrirspurnin var á þessa leið:
„Brezk skrif inn þá ákvörðun að leysa upp A. K. hafa verið
mjög vingjarnleg. Hvað er álit yðar á þessu máli og gildi þess
fyrir alþjóðlegt samstarf í framtíðinni?
Svar Stalíns hljóðar svo:
„Upplausn Alþjóðasambands kommúnista er rétt ráð og í
tíma tekið, því það gerir auðveldara að skipuleggja sameigin-
lega sókn allra frelsiselskandi þjóða gegn hinum sameiginlega
fjandmanni — Hitler. Upplausn Alþjóðasambands kommúnista
er rétt af eftirfarandi ástæðum:
a) Það afhjúpar þá lygi Hitlerssinna, að „Moskva“ ætli sér
íhlutun um líf annarra þjóða og að „gera þær bolsjevistískar“
b) Það afhjúpar þann óhróður andstæðinga kommúnism-
ans innan verkalýðshreyfingarinnar, að kommúnistaflokkarnir í
hinum ýmsu löndum vinni ekki í þágu fólksins í þeim löndum,
heldur eftir skipunum utan frá. Það er nú bundinn endi á óhróð-
ur þann.
c) Það léttir starf föðurlandssinna allra landa að því að sam-
eina frainsækin öfl landa þeirra, án tillits til flokka og trúar-
bragða, í eina fylkingu þjóðfrelsisins, — til þess að lieyja bar-
áttuna gegn fasismanum.
d) Það léttir það verk ættjarðarvina í öllum löndum að sam-
eina allar felsiselskandi þjóðir í eina alþjóðlega fylkingu til bar-
áttu gegn hættunni á heimsdrottnun Hitlerismans og ryður þann-
ig brautina fyrir framtíðarskipulagi samstarfandi þjóða, sem
byggist á jafnrétti þeirra allra.
Eg álít, að öll þessi rök hnígi að því að styrkja enn frekar
samfylkingu Bandamanna og annarra hinna sameinuðu þjóða í
baráttu þeirra fyrir sigri yfir Hitler. Eg finn það, að upplausn
Alþjóðasambands kommúnista er gerð á alveg réttum tíma, —
af því einmitt nú, þegar ófreskja fasismans tekur á síðustu kröft-
um sínum, er nauðsynlegt að skipuleggja hina sameiginlegu árás
frelsiselskandi þjóða til þess að vinna á ófreskjunni og frelsa
þjóðirnar undan oki fasismans“.