Þjóðviljinn - 01.05.1958, Qupperneq 1
1. maí - óvarp verkalýðssamtakanna
\...............................................
J. _M_ hinum alþjóðlega baráttu- og hátíðisdegi
verkalýðsins, 1. maí, sameinast íslenzk alþýða þeim
milljónum verkamanna og verkakvenna um allan
heim, er undir merkjum samtaka sinna fylkja liði
til baráttu fyrir friði, frelsi og bræðralagi allra
þjóða.
1. maí tekur íslenzk alþýða af heilum hug
undir kröfuna um frið og allsherjarafvopnun og
leggur ríka áherzlu á að hætt verði öllum tilraun-
um með kjarnorkuvopn, framleiðsla þeirra bönn-
uð en undramáttur kjarnorkunnar notaður mann-
kyninu til heilla.
Alþýðan fagnar í dag því er áunnizt hefur til
bættra kjara og aukinna réttinda og minnist jafn-
framt þess er miður hefur farið í starfi hennar á
liðnum áriim. En fyrst og fremst fylkir hún liði í
dag til sóknar og nýrra sigra.
Um leið og alþýðan minnist þeirra sigra, sem
íslenzk verkalýðssamtök hafa unnið á liðnum ár-
um, minnist hún jafnframt brautryðjendanna er
fyrstir hófu merki samtakanna, mannanna, sem
lögðu allt í sölurnar til þess að leggja grundvöllinn
að því heillaríka starfi, sem verkalýðssamtökin
hafa unnið landi og þjóð.
Brautryðjendanna er bezt að minnast með því
að halda starfi þeirra áfram, gæta þess að ekki verði
aftur tekið það sem áunnizt hefur og leggja grund-
völlinn að nýjum sigrum. Því heitum við öll að
gera.
Alþýðan krefst þess að framfylgt verði, svo
fljótt, sem auðið er, samþykkt Alþingis frá 28.
marz 1956.
Verkalýðssamtökin standa einhuga um kröf-
una um 12 mílna fiskveiðilandhelgi og krefjast
þess að ríkisstjórnin lýsi yfir því að tólf mílna
landhelgi taki gildi tafarlaust.
Það er krafa verkalýðshreyfingarinnar, að
dýrtíðinni sé haldið í skefjum og kaupmáttur
launanna aukinn. Hún styður hverja þá viðleitni
er miðar að því að koma í veg fyrir óhóflega álagn-
ingu á vöruverð og þjónustu.
Hún krefst þess að húsakostur almennings
verði bættur og hafin verði bygging ódýrra leigu-
íbúða fyrir þá er ekki hafa bolmagn til að eignast
eigm íbuoir.
Verkalýðshreyfingin krefst þess að hlutur hins
vinnandi manns verði bættur með réttlátari skipt-
ingu þjóðarteknanna.
Alþýða Reykjavíkur:
Fylktu liði í dag og sameinastu um kröfur
þínar til bættrar afkomu og betra lífs; fyrir atvinnu-
öryggi og auknum kaupmætti launa, gegn dýrtíð
og kjaraskerðingu.
Við heitum því, að standa ávallt trúan vörð
um frelsi landsins og eigum þá ósk heitasta, að
hver þjóð megi lifa frjáls í landi sínu án íhlutun-
ar annarra þjóða og neitum þ^í að nokkur þjóð
hafi rétt til að undiroka aðra.
Við krefjumst tólf mílna fiskveiðilandhelgi nú
þegar og stefnum að því, að landgrunnið verði fyr-
ir Islendinga eina.
Við gerum kröfu til að útrýmt verði herskál-
um og öðru heilsuspillandi húsnæði.
Við krefjumst styttingar vinnuvikunnar án
launaskerðingar. Við krefjumst sömu launa fyrir
sömu störf, hvort sem unnin eru af körlum eða
konum. Við gerum kröfu til stærri hluta þjóðar-
teknanna til hinna vinnandi stétta.
FYLKJUM LIÐI 1. MAÍ, TREYSTUM
EININGU SAMTAKANNA.
BERUM KRÖFUNA UM TÖLF
MÍLNA FISKVEIÐILANDHELGI
FRAM TIL SIGURS.
LIFI BRÆÐRALAG VERKALYÐS
ALLRA LANDA.
LIFI SAMTÖK ALÞYÐUNNAR,
LIFI ALÞYÐUSAMBAND ÍSLANDS.
I 1. maí-nefnd verkalýðssamiakanna: '
Eðvarö Sigurðsson, Snorri Jónsson, Björn Bjarnason, Ingimundur Erlendsson, Jóhannes B. Jónsson, Hólmfríður Helgadóttir, Tryggvi
Sveiríbjörnsson, Finnbogi Eyjólfsson, Bjarni- Ólafsson, Agnax Gunnlaugsson, Brynjólfur Steinsson, Margrét Sigur&ardóttir, Gunnar H.
Valdimarsso?i, Hólmfríður Jónsdóttir, Leifur Óla.fsson, Kári Gunnarsson, Halldóra Guömundsdóttir, Bjarnfríöur Pálsdóttir, Kristinn
Guðmundsson, Kjartan Einarsson, Friðrik Brynjólfsson, Guðmundur J. Guðmundsson, Kristín Einarsdóttir, Magnús Guðmundsson
Þorsteinn Þórðarson.
Við undirrituð skrifum undir meö þeim fyrirvara, að við erum mótfallin því, aö málsgreinin varöandi samþykktina frá 28. marz
1956, sé í ávarpinu.
Jón Sigurðsson, Þórunn Valdimarsdóttir, Haraldur Hallgrímsson, Bergsteinn Guðjónsson, Svavar Gests, Kristín Fenger, Kristján Bene~
diktsson, Jón Þórhallsson, Jóhann V. Sigurjónsson, Jóhanna Ólafsdóttir, Sigur&ur Eyjólfs'son, Guðjón Sigurðsson, Stefán Hannesson,
Sig. G. Sigurðsson, Sverrir Gíslason, Haraldur Hjálmarsson, Sigfús Bjarnason, Líríbjörg Árnadóttir, Aðalsteinn Halldórsson