Þjóðviljinn - 25.06.1963, Blaðsíða 4

4 SlÐA
ÞJÓÐVILJINN
Þriðjudagur 25. júní 1963
Otgcfandi:
Sósíalistaflokk-
Sameiningarflokkur alþýðu
urinn. —
Rltstjórar: Ivar H. Jónsson, Magnús Kjartansson (áb.),
Sigurður Guðmundsson.
Fréttaritstjórar: Jón Bjarnason, .Sigurður V. Friðþjófsson.
Ritstjóm. afgreiðsla, auglýsingar, prentsmiðja: Skólavörðugt. 19.
Simi 17-500 (5 linur). Askriftarverð kr. 65 á mánuði.
Gjaldþrotayfírlýsing
Bjarni Benediktsson formaður Sjálfstæðisflokks-
ins víkur í Reykjavíkurbréfi Morgunblaðsins
í fyrradag að kauphækkunum þeim sem samið
hefur verið um að undanförnu og segir m.a.:
„Kauphækkunin, sem um var samið, lx/z%, er þó
veruleg. Ekker't sýnir betur hverju hófleysi menn
eru vanir en að svo mikil hækkun skuli talin sann-
girnisvottur. í>ví miður er engin vissa fyrir, að
efnahagur þjóðarinnar þoli hana ofan á þá 5%
hækkun, sem hinir lægra launuðu fengu fyrr á
árinu“. Þessi málflutningur hlýtur að vera vís-
vitandi blekking, því ekki verður formaður Sjálf-
stæðisflokksins vændur um fáfræði. Eins og marg-
sinnis hefur verið rakið hér í blaðinu gera þær
'fvær kauphækkanir sem um hefur verið samið
á þessu ári ekki meira en að vega upp verðhækk-
anir þær sem orðið hafa síðan í maí í fyrra. Á
því tímabili hefur hin opinbera vísitala fram-
færslukostnaðar hækkað um 13%, nákvæmlega
eins og kaupið. Verkamenn sem hafa fengið þess-
ar tvær kauphækkanir standa þannig í nákvæm-
lega sömu sporum og fyrir- rúmu ári.-<Og-það-er
fáránlegt að gefa í skyn að hæpið sé að „efna-
hagur þjóðarinnar“ þolj óbr,gyff,^aup;.yo):%mg,nna
á sama tíma og árgæzkan hefur leikið við fram-
leiðsluna. Séu einhver fyrirtæki í vanda stafar
það sannarlega ekki af kröfugerð launþega, held-
ur af verðbólgunni sem í sífellu er að breyta skipt-
ingu þjóðarteknanna.
Það er einnig ills viti að formaður Sjálfstæðis-
flokksins segir í skrifum sfnum að sú krafa
Þjóðviljans sé „tal út í bláinn“ að ríkisstjórnin
verði að tryggja það að kaupmáttur launa skerð-
ist ekki meðan verið sé að framkvæma þá rann-
sókn sem um er rætt. „Eftir því sem tilkostnað-
ur, þ.á.m. af launagreiðslum, hækkar, hlýtur verð-
lag að hækka“, segir ráðherrann. Samkvæmt
þessu virðist ríkisstjórnin hugsa sér að verðbólg-
an haldi áfram að magnast með þeim afleiðing-
um að raunverulegt kaup lækki með hverjum
mánuði sem líður. Á meðan alþýðusamtökin taka
þátt í rannsókninni miklu á þannig að skerða
samningsaðstöðu þeirra í sífellu, og ef að vanda
lætur verða svo óhjákvæmilega hækkanir vegna
dýr'tíðar notaðar sem blekkingarröksemd um ó-
sanngirni launþega.
Þau ummæli Bjama Benédiktssonar að ríkis-
stjómin geti ekkert ráðið við vérðbólguþróun-
ina eru mjög alvarleg gjaldþrotayfirlýsing. Við
búum við mikla árgæzku, ný tækni hefur gert
veiðar landsmanna miklu öruggari en áður, og
hvarvetna blasir við yfirborðsleg velmegun. En
verðbólgan er órækur votfur þess að efnahagskerf-
ið er helsjúkt, hún grefur í sífellu undan afkomu
fjölskyldna og fyrirtækja, hún leiðir til þess að
valdhafamir grípa með stuttu millibili til þess
örþrifaráðs að lækka gengið. Það sfoðar lítið
fyrir stj ómarflokkana að hreppa meirihluta í
kosningum ef þeir falla síðan á sínu eigin getu-
leysi andspænis hinum brýnustu verkefnum. — m.
Heimsmót iögfræðinga í Aþenu
dagana 30. júní til 6. júlí
Dagana 30. júní til 6. júlí
í sumar verður i Aþenu haldið
heimsmót lögfræðinga. Munu
koma saman til fundar fulltrú-
ar frá um 113 þjóðum, og er
boðið til mótsins tveimur lög-
fræðingum frá hverri þjóð.
Auk þess er boðið til mótsins
um 100 vísinda- og fræðimönn-
um og ráðgefandi sérfræðing-
um. Þá er einnig gert ráð fyr-
ir, að nokkur hundruð annarra
lögfræðinga komi á eigin veg-
um til þessa móts. Á undan
heimsmóti þessu hafa verið
haldnar 4 ráðstefnur lögfræð-
inga, fyrir Ameríkuríkin í San
Jose, Costa Rica, 1961, fyrir
Asíu og Ástraiíu í Tokyo, Jap-
an 1961, fyrir Afríku og Litlu-
Asíu ríkin i Lagos, Nígeriu,
1961, og fyrir Evrópu-ríkin i
Rómaborg í april 1962. Hafa
ráðstefnur þessar allar verið
haldnar að tilhlutan Lögmanna-
sambands Bandaríkjanna (Am-
erican Bar Association) sem
hefur staðið straum af öllum
kostnaði af ráðstefnunum. En
allan undirbúning hefur annazt
sérstök nefnd innan Lögmanna-
sambandsins, er nefnist „Speci-
al Committee of World Peace
through Law“. Formaður nefnd-
arinnar er Charles S. Rhyne,
fyrrv. forseti Lögmannasam-
bands Bandaríkjanna, og hefur
hann unnið geysimikið og ó-
eigingjarnt starf í sambandi við
ráðstefnur þessar.
Af hálfu ísl. lögfræðinga sóttu
fundinn í Róm þeir Ágúst
Fjeldsted, hæstaréttarlögmaður,
formaður Lögmannafélags ís-
lands og Egill Sigurgeirsson,
hæstaréttarlögmaður, varafor-
maður félagsins. Var öllum
boðið persónulega til þessara
funda, en ekki sem fulltrúum
ríkisstjóma eða sérstakra fé-
lagssamtaka. Er þessu hagað á
sama veg með heimsmótið í
Aþenu, og hefur af hálfu ísl.
lögfræðinga þeim Ágústi Fjeld-
sted og Agli Sigurgeirssyni ver-
ið boðið að sækja mótið i
Aþenu.
Höfuðverkefni móta þessara
hefur verið að ræða um heims-
frið tryggðan með lögum,
„World Peace through the rule
of law“ og fjölmörg málefni er
stuðla mættu að samvinnu og
alheimsfridi með lögum hafa
verið reedd í því sambandi.
Fundum þessum hafa borizt
kveðjur frá nálega öllum for-
sætisráðherrum viðkomandi
landa, m.a. frá forsætisráðherra
Islands, Ólafi Thórs.
Ráðstefnan i Aþenu verður
sett mánudaginn 1. júlí n.k. af
Páli konungi Grikklands, en
aðrir ræðumenn við setningu
mótsins verða forsætisráðherra
Grikklands, Earl Warren, dóm-
stjóri Hæstaréttar Bandaríkj-
anna og Sylvester C. Smith,
forseti American Bar Associat-
ion.
Fundarhöldin fara fram í
hinu nýja Hilton hóteli í
Aþenu.
Um ein milljón lögfræðinga
eru nú taldir í heiminum, og
miða ráðstefnur þessar að þvi,
að þeir taki meira höndum
saman, en verið hefur og efli
samtök sín til þess að nota
lærdóm sinn og reynslu. í þágu
alheimsfriðar og bættrar sam-
búðar og samvinnu þjóðanna.
Bent er á, að yfir 500 alþjóð-
legar raunvísindalegar ráð-
stefnur séu haldnar árlega í
heiminum, en ekki yfir tylft
lögfræðilegra móta. Á meðan
raunvísindin hafi tekið stórt
stökk fram á við, hafi alþjóða-
lög og réttur dregizt aftur úr,
þannig að nú skortir mjög á, að
alþjóðlegar reglur séu fyrir
hendi um hin alvarlegustu mál-
efni eins og t.d. geimrannsókn-
ig og geimferðir o. fl. Þá er
vakin athygli á, hve nauðsyn-
legt sé að efla dómstólinn í
Haag, en á síðastliðnum 18
árum hefir hann aðeins fengið
13 mál til meðferðar, þrátt fyr-

ir það, að hann hafi notið mik-
illar viðurkenningar, sem hæf-
ur og óhlutdrægur dómstóll.
Ráða þurfi bót á þvi, ef rök-
studd gagnrýni gegn Haagdóm-
stólnum sé fyrir hendi, svo og
jafnvel að flytja dómstólinn,
a. m. k.' úm tíma á hverju ári
til aðsetursstaðar Sameinuðu
þjóðanná, ef það, ásamt nauð-
synlegum breytingum á dóm-
stólnum, mætti' verða til þess,
að hann væri notaður meira til
lausnar á alþjóðlegúm deilu-
mólum en verið hefur til þessa.
Brýn nauðsyn sé á því, að lög
og réttur komi í stað valdbeit-
ingar í samskiptum þjóðanna á
öllum sviðum, enda sé reynzlan
sú, að styrjaldir leysi engin
vandamál, en skapi ótal ný,
auk þess sé nú svo komið að
styrjöld megi undir engum
kringumstæðum eiga sér stað,
ef mannkynið eigi að lifa á^rám
á jörðinni. Enginn lögíræðingur
muni mæla með þvi, að raun-
vísindalegar tilraunir og fram-
farir verði stöðvaðar, eri ef
mannkynið hafi ekki stjóm á
raunvísindunum, geti raunvís-
indin útrýmt mannkyninu.
Þátttakendur í ráðstefnum
þessum eru allar þjóðir heims,
án undantekningar, hvaða
stjómarform sem þær búa við
heima hjá sér, enda er ekki hér
um að ræða nein afskipti af
innanlandsmálum neinnar þjóð-
ar, né deilur um gömul fnis-
klíðarefni, heldur um reglur' og
lög, sem í framtíðinni komi í
veg fyrir nýjar deilur eða léysi
þær sem upp kunna að rísa
samkvæmt alþjóðalögum og án
valdbeitingar.
Ágúst Fjeldsted
Egill Sigurgeirsson.
Yfirlýsing vegna 17. júní
hátíðahaldanna í Sandgerði
Þjóðviljanum barst i gær
eftirfarandi yfiriýsing, vegna
fréttar, sem bjrtjst fyrjr
nokkru í blaðjnu um 17. júni-
hátíðahöld í Sandgerði:
Vegna greinar í Þjóðviljan-
um 21. júní sl. um 17. júní
hátíðahöldjn í Sandgerði, vil
ég undirritaður fyrjr hönd
Karlakórs Miðnesjnga taka
fram. að söngur karlakórsjns
féll ekki niður vegna 17.: júní-
ræðu Þóris Sæmundssonar,
eins og ramglega var frá sagt
í grejnjnni. heldur vegna þess,
að nokkrir kórfélagar voru
forfallaðir Þá um daginn. og
að mati söngstjórans, Guð-
mundar Norðdahl, skyldi söng-
ur kórsins því falla niður. En
síðar um daginn flutti kórinn
söngskrá sína vegna dagsins, í
samkomuhúsinu.
Þð er krafa kórfélaga, að
fregnir um kórinn og samd-
ar í þessum anda eins og
fram kom í greininni, verði
hér eftir birtar undir nafni
höfundar eða heimildarmanns.
Æskilegt væri, að fá uppgefið
nafn heimildarmanns fyrr-
neíndrar greinar í Þjóðviljan-
um, í blaðinu.
Sandgerði, 24. 6. 1963
f.h. Karlakórs Miðnesinga.
Virðingarfyllst
Haraldnr Sveinsson
(formaður).
Vegna þessarar yfirlýsingar
vill blaðið aðeins taka fram
eftirfarandi: Aðalefni um-
ræddrar fréttar í Þjóðviljan-
um var. að ræða sveitarstjór-
ans hefði fjallað um Efnahags-
bandalagið og það hagræði
sem fslendingar gætu haft af
inngöngu í það. í framhaldi
af þessu sagði, að söngur
kariakórsinj að lokinni ræðu
sveitarstjórans hefði fallið nið.
ur vegna óánægju kórfélaga
með ræðu hans. En varðandi
það atriði ber formannj karla-
kórsins ekki saman við heim-
ildarmann blaðsins. eins og
fram kemur í yfirlýsingunni.
Merk írsk gjöf til
Þjóðminjasafnsins
Fyrir nokkru^ ritaði mennta-
málaráðherra frlands. dr. P.
J. Hillery, menntamálaráðherra
íslands. dr. Gylfa Þ. Gisla-
syni, og sendi að gjöf í til-
efni af aldarafmæli Þjóð-
minjasafnsins ljósprentað ein-
tak af „The Book of Durrow"
(Durrowbók) sem tákn vin-
áttu ojj virðingar íra í garð
íslenzku þjóðarinnar og til
merkis , um,, -hve , mikils þeir,
meta hin fomu tengsl milli^
þjóðanna.
Durrowbók er talin rituð um
eða eftir miðja 7. öld qg
mun vera elzt hjnna frægu
lýstu fomírsku handrita. Hún
var fyrrum í eigu Durrow-
klausturs, sem heilagur Kól-
umba stofnaði um 553, enda
var því jafnvel trúað. að hann
hefði skrifað hana með eigin
hendi. Á bókinnj eru guð-
spjöllin á latínu. en auk þess
margar síður með myndum og
skrautverki. Durrowbók er nú
í háskólabókasafninu í Dyfl-
inni.
Árið 1955 gaf ríkisstjórn ír-
lands Landsbókasafninu Ijós-
prentaða útgáfu af Kellsbók.
sem er eitt frægasta ljstaverk
fornírskrar menningar, talin
rjtuð i Kalls á írlandi á 8.
eða 9. öld. Hún er ejnnig í há-
skólabókasafninu í Dyflinni. í
henni eru 340 bókfellsblöð, sem
á eru rituð guðspjöllin á lat-
ínu, en skreyttir upphafsstaf-
ir eru þar um 2000 og 31 blað-
síða með lýsingum (myndum
og skrautverki).
Ljósprentanir þessara stór-
merku handrita eru hvor um
sig í tveimur bindum, og eru
nú tii sýnis í Þjóðminjasafni
íslands.
(Frá menntamála-
ráðuneytinu).
Útgerðarmenn!
Nótin
tryggir veiðina -
Við
tryggjum nótina
ALMENNAR TRYGGINGAR
1
i