Þjóðviljinn - 26.06.1963, Blaðsíða 4
4 SfÐA
Útgcfandi: Sameiningarflokk.ur alþýdu — Sósialistaflokk-
urinn. —
Ritstjórar: Ivar H. Jónsson, Magntís Kjartansson (áb.),
Sigurður Guðmundsson.
Fréttaritstjórar: Jón Bjarnason, Sigurður V. Friðþjófsson.
Ritstjórn. afgreiðsla, auglýsingar, prentsmiðja: Skólavörðust. 19.
Sími 17-500 (5 línur). Áskriftarverð kr. 65 á mánuði.
Stjórn i felum
Þvert ofan í þau fyrirheit, sem viðreisnarstjóm-
in gaf í upphafi valdaferils síns um að kaup-
og kjaradeilur skyldu útkljáðar við samningaborðið
af viðkomandi aðilum án allra afskipta ríkisvalds-
ins, hefur ríkisstjórnin í æ ríkara mæli gripið
inn í frjálsa samninga verkalýðsfélaga og atvinnu-
rékenda. Öll hafa þessi afskipti ríkisvaldsins
beinzt í þá átt að styrkja aðstöðu atvínnurekenda
og torvelda samningsaðstöðu verkalýðsfélaganna.
Nægir þar að minna á dæmi eins og bannið við
verkfalli gegn flugféiögunum 1961, afskipti ríkis-
stjórnarinnar af járnsmiðadeilpnni í fyrravor og
gerðardómslögin um sjómannakjörin á síldarver-
tíðinni á s.l. sumri. Og þegar þessi afskipti ríkis-
valdsins hafa ekki komið að því ,,gagni“ sem til
var ætlazt, hefur stjórnin ekki hikað við að grípa
rtil pólitískra hefndarráðstafana eins og gengisfell-
mgarinnar 1961, þótt þess konar ráðstafanir bitni
á framleiðsluatvinnuvegunum í formi hækkaðra
rekstrarvara, ekki síður en hið hækkaða vöruverð
kemur niður á neytendum.
f»að er því hvorki umhyggja fyrir framleiðsluat-
* vinnuvegum þjóðarinnar né heldur áhugi á
þvf að tryggja kauprnátt atvinnutekna launþeg-
anna, sem einkennt hefur stefnu rikisstjómarinn-
ar. Stjórnarstefnan hefur frá upphafi miðazt við að
breyta tekjuskiptingu þjóðarinnar, og þar hefur
ríkisstjórninni vissulega orðið allvel ágengt. Og
í stað þess að berjast gegn verðbólgunni, hefur rík-
isstjórnin beinlínis tekið hana í þjónustu sína;
verðbólgan hefur verið stórvirkasta og fljótvirk-
asta meðalið, sem stjórnin hefur gripið til, í þeim
tilgangi að breyta tekjuskiptingunni á ný, þegar
launastéttirnar höfðu að nokkru rétt sinn hlut.
Jafnframt hefur ríkisstjórnin svo gert örvænting-
arfullar tilraunir tíl þess að skjóta sér á bak við
ýmsa skósveina sína í opinberu lífi, og koma á-
byrgð af athöfnum sínum á „hlutlausa embættis-
menn“, eins og það er orðað. Þannig var Seðla-
bankanum fyrst fengið gengisskráningarvaldið í
hendur 1961, og síðan „neyddist“ ríkisstjórnin til
að fallast á ákvörðun hans um gengislækkunina!
Oíkisstjórnin reynir einnig að nofa þessa sömu
aðferð til þess að hindra að sanngjörnustu
kröfur launastéttanna um kjarabætur nái fram
að ganga. Kom þetta gleggst fram í gerðardóms-
lögunum gegn sjómannastéttinni í fyrra sumar,
þar sem ríkisstjórnin tryggði sjónarmiðum sínum
og atvinnurekenda fyrirfram meirihluta í dómn-
um, en hélt því svo fram að þar hefði „hlutlaus að-
ili“ fellt sinn úrskurð. Hið sama kemur nú fram
við verðlagningu bræðslusíldar. Oddamaður dóms-
ins, og sá sem þar hefur úrslitavald, er énginn
annar en Már Elísson, hagfræðingur, einn af
hinum „hlutlausu“ sérfræðingum ríkisstjómar-
innar á sviði efnahagsmála. Þegar sjómönnum eru
skammtaðar naumari kjarabætur en öðrum stétt-
um, er meirihlu'ti gerðardómsins að framkvæma
stefnu ríkisstjórnarinnar í launamálum. En sjálf
er ríkisstjórnin hrædd og þorir ekki annað en að
standa í felum bak við sérfræðingana sína. — b.
ÞIÖÐVIUINN
Miðvikuö*éur 26. júni 1963
Þóttist vera geimfari í Texas
LifSi í vellystingum
í meira en mánuð
Vonsvikinn kven-
geimfari i USA
Fyrir nokkru komst upp um
svikahrapp í Texas sem íerð-
azt hafði milli stórborga fylk-
isins í rúman mánuð og lifað
þar í vellystingum með því að
telja borgarstjómum og auð-
mönnum, sem eru ófáir þar
syðra, trú um að hann væri
einn hinna vegsömuðu geim-
fara Bandaríkjanna.
Svikahrappur þessi sem
mun vera fyrstur til að raot-
færa sér hrifningu manna fyr-
ir hinum nýju þjóðhetjum
heitir Jerry G. Tees, er 28 ára
gamall og var látinn laus úr
fangelsi fyrir rúmum tveimur
mánuðum, en þar hafði hann
setið í tvö ár, dæmdur fyrir
fjársvik.
Þegar hann kom úr tugt-
húsinu várð hann fljótlega
var við í hválikum hávegum
geimfararmr eru hafðir, ekki
hvað sízt í Texas, en aðal-
stöðvar bandarísku geimferð-
anna eru einmitt í Houston i
Texas. Hann tók sér nafnið
Jerry Clayton, klæddist liðs-
foringjabúningi, og kyrmti sig
hvarvetna sem hann kom sem
einm af hinum sextán banda-
risku hermönnum sem valdír
hafa verið til geimferða. Alls
staðar var honum trúað og
menn kepptust við að verða
honum að liði á allan hátt.
Hann ferðaðist milli borga
fylkisins, frá Coipus Christi
til Fort Worth, Dallas. Waco
og hvað þær nú heita allar.
Hvarvetna var honum tekið
sem þjóðhetju, borgarstjómir
efndu til fagnaða honum til
heiðurs og hann var aufúsu-
Sovétríkin og
Kína semja um
tæknisamstarf
Fréttastofan Nýja Kína skýr-
ir frá því að á þrettánda fundi
nefndar Kina og Sovétríkjanna
sem fjallar um samstarf á sviði
vísinda og tækni hafi verið
undirritaður nýr samningur
milli ríkjanna um slíka sam-
vmnu og gildir hann fyrir árið
1963—64. Gert er ráð fyrir
skiptum á tæknifræðingum og
vísindaupplýsingum.
gestur á heimilum auðmanma,
hvar sem hann kom. 1 meira
en mánuð stóð gamanið, en
þar kom, að það tók enda, og
Framihald á 6. síðu.
í þrjú ár hefur bandarísk
flugkona, Jernie Cobb að nafni,
barizt í ræðu og riti við það
að sanna löndum sínum að
konur eigi jafn mikið erindi út
Síamstvíhurar voru
skildir að / USA
Tvíburasystur sem fæddúst
með samvaxna kviði voru í
síðustu viku skildar að í
Bandaríkjunum. Hin erfiða að-
gerð tókst vel og systurnar
virðast vera úr allri hættu.
Litlu systurnar. sem heita
Themoshenko að ættarnafni,
voru aðeins fjórtán daga
gamlar þegar þær voni skild-
ar að. Aðgerðin tók fjórar
klukkustundir og þurfti að
skera lifur þeirra í tvennt, en
húni var sameiginleg fyrir þær
báðar.
Ekki er annað sýnna en að
þær muni ná sér eftir aðgerð-
ina og geta þroskazt á eðlileg-
an hátt, segir yfirlæknir
skurðdeildar spítalans. Mjög
fátítt er að slíkar aðgerðir
heppnist svo vel; oftast fer
svo að annar tvíburinn a.m.k.
þolir hana ekki.
í geiminn og karlmenn.
Nú hefur sovézk kona lagt
leið sína ut í himingeiminn,
en ekki finnst Jerrie það vera
neitt fagnaðarefni. I fyrsta lagi
er fyrsti kvengeimfari veráldar-
innar ekki af bandarísku þjóð-
erni og í öðru lagi heitir hún
ekki Jcerie Coob.
Jerrie Cobb er 32 ára. Hún
er há og ljóshærð og var fyrst
bandarískra kvenna til að ljúka
við geimfaraæfingarnar. Síðan
hefur hún lifað í voninni um
að verða fyrsti kvengeimfari
heimsins. Nýlega áttu blaða-
menn viðtal við hana og lét
hún meðal annars svo um maélt:
— Nú hef ég barizt þéssari
baráttu það lengi að ég fée
ekki varizt vissum leiða ýfir
því að fyrsta konan sem fór
út í geiminn var sovézk.
Tilgangur minn er ekki að
gagnrýna en ég er sannfærð
um að einnig við gætum staðíð
okkur.
Jerrie segir, að Vaiintirta
Framihald á 6. síðu.
Ný hús og ný þjóð á Kúbu
I þessum húsakynnum bjuggu landbúnaðarverka menn á Kúbu fyrir byltinguna. Kofarnir eru slegn-
ir saman úr f jölum og þaktir með strái. Þó ckki geti þetta kallazt vcglegar vistarverur, eru þetta
hreinustu hallir miðað við það sem gerðist í fátæktarkverfum borganna. Þar var hreysum hrúgað
upp úr argasta járnarusli og spýtnabraki. Oft þuri tj ekki nema eitt átak til að hrinda þeim tjl
grunna eftir að árangur byltjngarinnar fór að koma í Ijós og fó.kjð gat í fyrsta sinn á ævj sinni
5000 dæmdir
íyrsr ósið/eg
ástarmök
Frá þvi 1950 hafa um 5000 j
Suður-Afríkubúar verið dæmd- I
ir í fangelsi fyrir að brjóta |
hin svonefndu „iög um ósiðleg j
sambönd”, en þau lög banna
hvítu og lituðu fólki að eiga
kynmök saman.
Samkvæmt nýútkomnum
skýrsium eru hvítir karlmenn
f jölmennastir meðal „afbrota-
manna” þessara. I níu af hverj-
um tíu skiptum sem þessi lög
hafa verið brotin hefur verið
um að ræða mök hvitra karl-
manna við litaðar konur.
Meðal hinna dæmdu eru 23- •
17 hvítir karlmenn, 1029 svert- J
ingjakonur, 976 konur af öðrum !
lituðum kynþáttum, 116 hvítar
konur og 109 svartir karlmenn.
Skýrslumar sýna, að þeir
500.000 íbúar sem ei-u af así-
atískum uppruna eru hvað „sið-
prúðastir” að dómi löggjafanna.
Aðeins 22 konur og 17 karl-
menn af Asíukynþætti hafa ver-
ið dæmd x fangelsi fyrir slík
afbrot á þeim 13 árum sem
lögin hafa verið í gildi.
flutt í raunveruieg hús.
Eftir byltinguna hefur verið unnið ötullega að því að koma húsnæðismálunum á Kúbu i viðun-
andi horf — og mun þó talsvert vatn renna til sjávar áður en allir Kúbubúar geti flutt í mann-
sæmandi húsnæði. Myndin sýnir íbúðarhús sem ríkið hefur látið byggja og lætur verkamönnum
og samyrkjubændum cndurgjaldslaust í té. I því hverfi sem hér um ræðir cru 210 hús, auk sjúkra-
húss Og bamaskóla fyrir 400 nemendur. A ári hverju eru byggð 25.000 slik hús víðsvegar á Kúbu.
*