Þjóðviljinn - 18.07.1963, Blaðsíða 3
Fimmtúdagur IS'JfflI'Í9é3
Sl»A 3
Kynþáttaóeiriir
Belgíski togarinn „Karl konungur 11“ sést hér á siglingu inn í Newhaven. Eigandi togarans,
Victor de Paepe, heldur því fram, að fiskimen n frá Brugge í Belgíu hafl rétt til þess að veiða
' enskri landhelgi. Byggir hann það á 297 ára gömlu leyfi Karls konungs II., sem á sínum tíma
hugðist launa Belgum þannig liðveizlu við sig. Ekki hafa þó Englendingar, sú hefðbundna þjóð,
viljað viðurkenna þetta sjónarmið. Var togarinn óðara tekinn og færður til enskrar hafnar.
Vonir taldar um takmarkað
bann á kjarnorkutilraunum
MOSKVU 17/7 — Sovétríkin, Bretland og Banda-
ríkin náöu allgóðmn árangri í viðræöum sínum um
takmarkaö bann við kjamcrkutilraunum, segir í stuttri
tilkynningu, sem gefin var út í Moskvu í dag. Vest-
rænir fréttamenn í Moskvu leggja á það áherzlu, að
sú staðreynd, að tilkynningin sé svo jákvæð eftir að-
eins þriggja daga viðræður, styrki þá von, að takast
muni í þetta skipti að ná samkomulagi um tilrauna-
hann. Báðir aðilar hafa lýst þeirri von sinni, að þetta
megi takast.
Evrópu tekin til nánari umræðu,
en þó muni slíkar viðræður ekki
hefjast fyrr en Bretland og
Bandaríkin hafi ráðgazt við önn-
ur Nató-lönd. Einnig heldur Sey-
mour Topping því fram, að
Krústjoff forsætisráðherra hafi
farið fram á það, að viðræður
verði hafnar um þá tillögu hans
að gera griðasáttmála milli Nató
og Varsjárbandalagsins.
f tilkynningunni segir enn-
fremur, að fulltrúar landanna
hafi náð góðum árangri í við-
ræðum um skilyrði fyrir banni
við tilraunum í andrúmsloftinu,
himingeimnum og neðansjávar.
Það er haft fyrir satt í Moskvu,
að hinir þrir fulltrúar á fundin-
um, Averell Harrimann, frá
Bandaríkjunum, Hailsham lá-
varður, frá Englandi, og André
Gromyko frá Sovétríkjunum hafi
ákveðið að einbeita viðræðunum
að takmörkuðu banni við kjarn-
orkutilraunum.
Ástæðan fyrir því, að takmark-
að bann er nú helzt á dagskrá, er
talin vera sú, að allir aðilar hafi
gert sér það ljóst, að eins og sak-
ir standi sé ekki unnt að komast
að samkomulagi um algert bann
við kjamorkutilraunum.
Viðræðumar fara fram enn
sem komið er í hinni mestu
leynd. Ekkert hefur síast út um
það, hvemig viðræður gangi, og
hin stutta tilkynning dagsins er
hið eina, sem fréttamenn hafa
við að styðjast. Fréttamenn sáu
fulltrúunum þrem bregða fyrir er
Gromyko hélt miðdegisverðarboð
fyrir þá Hailsham lávarð og
Harrimann. Segja fréttamenn, að
þeir fulltrúamir hafi verið hinir
glöðustu er þeir gengu að veizlu-
borðinu. Um það bil fjörutíu
gestir sátu boðið.
Fréttaritari New York Times í
Moskvu, Seymour Topping, lét þá
skoðun í ljós á miðvikudag, að
ef jákvæður árangur náist nú í
Moskvu muni það leiða til þess,
að ýmsar fleiri ráðstefnur verði
haldnar á næstunni milli austurs
og vesturs. Verði þá öryggismál
Einn morðingi Lambrakis
var handtekinn í gærdag
SALONIKI 17/7 — Enn einn
maðurinn hefur verið tekinn
höndum og ákærður fyrir að
hafa staðið að morðinu á hinum
vinstrisinnaða, gríska stjóm-
málamanni, Gregorios Lambrak-
is. Þetta var tilkynnt snemma í
dag í Saloniki.
Hinn handtekni heitir Zenofon
Yosmas. 1 gær handtók lögreglan
lögregluforingja nokkum, og var
honum gefið að sök að vera sið-
ferðilega samsekur morðingjun-
um.
Yosmas þessi var samstarfs-
maður Þjóðverja á hemámsámn-
um og flúði land er halla tók
undan fæti fyrir þeim. Síðan
sneri hann heim og var dæmd-
ur til dauða af sérstökum dóm-
stóli. Dómnum var hinsvegar
breytt í ævilangt fangelsi, og
eftir fimm ár var Yosmas látinn
laus.
Tveir háttsettir lögreglufor-
i-ngjar hafa verið leystir frá
störfum meðan á rannsókn þessa
máls stendur.
CHARLESTON 17/7 — Að
minnsta kosti fimm lögreglu-
menn og einn brunaliðsmaður
hlutu áverka í kynþáttaóeiröum
í Charleston í Suður-Karólínu
i gær. Öeirðimar hófust er
lögreglan hngðist handtaka um
fimm hundruð blökkumenn, er
böfðu safnazt saman i miðri
borginnii.
Til að byrja með fóru blökku-
mennimir rólegir inn í lögreglu-
bílana. En skyndilega sló einn af
hinum handteknu lögreglumann
með múrsteini, og lenti þá allt
í uppnámi. Beittu blökkumenn
múrsteinum en lögreglan kylfum.
Um það bil 75 blökkumenn voru
handteknir.
Þá hafa orðið kynþáttaóeirðir
í Birmingham í Alabama. Voru
þar að verki hvítir óeirðaseggir
undir forystu Roberts Shelton,
en hann er einn af foringjum
Ku-Klux-Klan félagsskaparins.
Óeirðimar urðu fyrir utan op-
inbera byggingu í bænum. í
byggingunni sat að störfum
nefnd, er rannsaka á félagsleg
og fjárhagsleg vandamál, og
hvemig leysa megi þau.
1 nefndinni eru 211 menn,
og er þar að finna fulltrúa fyrir
menningar, trúar og fjármálalíf
borgarinnar. Tuttugu blökku-
menn eru í nefndinni. Það var
borgarstjórinn í Birmingham,
Bothwell að nafni, sem skip-
aði nefnd þessa. Er nefndin var
skipuð sagði Bothwell, að þetta
gæti orðið heiðursdagur í sögu
borgarinnar. Kvaðst hann bera
íyllsta traust til forystumanna
borgarinnar, hvort hcldur væru
þeir hvítir eða svartir, og und-
irstrikaði það, að Iykillinn að
góðum árangri væri vinátta og
friður á báðar hliðar.
1 Savannah í Georgíu var
blökkumaður særður riffil-
skoti í óeirðum í gærkvöld. Skot-
ið var úr bíl, sem í sátu sex
hvitir menn, og voru þrfr þeirra
konur. Þá hefur kona liðsfor-
ingja nokkurs í þjóðverðinum
tilkynnt það, að skotið hafi
verið á sig er hún var á
skemmtigöngu nálægt heimili
sínu i Maryland. Bæði þessi
mál eru í rannsókn.
Frá Washington berast þær
fréttir, að verkalýðsleiðtoginn
George Meany hafi lýst því yf-
ir í dag, að verkalýðssamtökin
styðji Kennedy forseta í bar-
áttu hans fyrfr auknum mann-
íéttindum blökkumönnum til
handa. Hann kvað það nauðsyn-
legt að veita blökkumönnum
sömu réttindi og hvítum, og
ekki mætti bíða með að leysa
það mál. Frumvarp Kennedys
kvað hann hið þarfasta, og auð-
sætt væri, að allur þorri Banda-
ríkjamanna styddi það heilshug-
ar.
Kínverjar um
kyrrt í Moskvu
MOSKVU 17/7 — Ymislegt bend-
ir nú til þess, að Kínverska
sendinefndin í Moskvu muni
ckki halda hcámleiðis nú þegar,
eins og jafnvel var búizt við,
en verði nokkra daga um kyrrt.
Vestrænir fréttamenn i Moskvu
hafa þetta eftir aðila, sem
standi í nánu sambandi við
kínverska sendiráðlð f Moskvu.
Eftir þessum sama aðila er
það einnig haft, að samkomu-
lag sé um það milli landanna,
að ýmis hugmyndafræðileg
vandamál verði að liggja ljós
fyrir áður en lengra sé haldið
á viðræðubraut. Það er haft
fyrir satt, að Kínverjar muni
ekki snúa heimleiðis sökum
viðræðna þeirra, er nú fara fram
milli Sovétríkjanna og Vestur-
veldanna um bann við kjam-
orkutilraunum.
Meðan þessu fer fram ræða
blöð í Moskvu itarlega hið opna
bréf Kommúnistaflokks Sovét-
ríkjanna til Kommúnistaflokks
Kína. M.a. skrifar Peking-
fréttaritari Trud, blaðs verka
lýðshreyfingarinnar í Sovétríkj-
unum, að það sé raunalegt að
sjá, að í Kína sé reynt að skapa
fjandsamlegar tilfinningar
garð Sovétríkjanna, Hinsvegar
beri hinn kínverski verkamaður
vinsamlegar tilfinningar í brjósti
til Sovétríkjanna.
Fréttastofa Reuters tilkynnti
það í dag, að nýr fundur hefði
verið haldinn með fulltrúum
Kínverja og Sovétríkjanna. Var
kínverska sendinefndin sén á
leið til gestahússins á Leninhæð,
en þar fara viðræðumar fram,
Fimm ára styrkir
Menntamálaráð Islands mun í ár úthluta 7 námsstyrkj-
um til stúdenta, sem hyggjast hefja nám við erlenda
háskóla eða við Háskóla Islands. Hver styrkur er tæp-
ar 40 húsund krónur. Sá, sem hlýtur slíkan styrk,
heldur honum í allt að 5 ár, enda leggi hann árlega
fram gteinargerð um námsárangur, sem Menntamála-
ráð tekur gilda. Þeir einir koma til greina við úthlut-
un, sem luku stúdentsprófi nú í vor og hlutu háa
fyrstu einkunn.
Við úthlutun styrkjanna verður, auk námsárangurs höfð
hliðsjón af því, hve nám það, er umsækjendur hyggjast
stunda, er talið mikilvægt frá sjónarmiði þjóðfélagsins.
Styrkir verða veittir til náms bæði í raunvísindum og
hugvísindum.
Umsóknir. ásamt afriti af stúdentsprófskírteini, svo og
meðmæli, ef fyrir liggja, eiga að hafa borizt skrifstofu
Menntamálaráðs, Hverfisgötu 21, fyrir 15. ágúst n.k.
Skrifstofan afhendir umsóknareyðublöð og veitir allar
nánari upplýsingar.
Reykjavík, 15. júlí 1963
MENNTAMÁLARÁÐ ISLANDS.
SKIPAUTGCRÐ RIKISINS
Ms. Hekla
17. daga Serð til Þýzkalands og Hollands
í septcmber n.k.
Frá Reykjavík
Til Hamborgar
Frá Hamhorg *’ ...'
Til Amsterdam
Frá Amstcrdam
Til Reykjavíkur
Fargjöld fram og til baka með 1. fl. fæði og þjónustu-
gjöldum verða frá kr. 7.750.00 til 9.975.00, og ganga
þeir fyrir ,sem kaupa far á þann hátt
Álitlegar kynnisferðir verða skipulagðar í báðum lönd-
um gegn sanngjömu gjaldi fyrir þá farþega, sem óska.
Vönir verða teknar út og heim.
Nánari upplýsingar í skrifstofum vorum.
föstud. 13/9 kl. 12.00
þriðjud. 17/9 — 07.00
föstud. 20/9 - - 11.00
Iaugard. 21/9 — 08.00
fimmtud. 26/9 — 11.00
mánud. 30/9 - - 07.00
Síldarstúlkur
Söltunarstúlkur vantar á góða söltunar-
stöð á Siglufirði. ökeypis ferðir. Upplýs-
ingar hjá Jóni Gíslasyni í síma 50165.
Ferðizt í Volkswagen — Akið sjálf rýjum bíl
'iöfum til leigu Volks wagen og Land-Rover
Sé bifreiðin tekin á leigu i einn mánuð eða lengri tima, þá gefum við 10 — 20% afslátt á leigugjaldi. — Leigjum bifreiðir okkar allt niður i 3 tíma.
ALMINMA BIFREIBALEiGAAI h.f.
REYKJAVIK
Klapparstig 40 sími 1-37-76.
KEFLAVIK
Hringbraut 106 sími 1513.
AKRAIMES
Suðurgötu 64 sími 170.
/
i